പ്രളയ പുരാ​വൃ​ത്തം ബൈബിൾ വൃത്താ​ന്തത്തെ പിന്താ​ങ്ങു​ന്നു

നോഹ​യു​ടെ നാളിലെ ആഗോള ജലപ്ര​ളയം ഒരു ചരി​ത്ര​വ​സ്‌തു​ത​യാണ്‌. ആ വൃത്താ​ന്ത​ത്തെ​ക്കു​റി​ച്ചുള്ള തനതായ വർണനകൾ ലോക​വ്യാ​പ​ക​മാ​യി നിരവധി വ്യത്യസ്‌ത സംസ്‌കാ​ര​ങ്ങ​ളു​ടെ അലിഖിത ചരി​ത്ര​ത്തിൽ കാണുന്നു. ഛാഡ്‌ എന്ന ആഫ്രിക്കൻ രാജ്യത്തെ മുസായി ഗോത്രം പ്രളയത്തെ ഇങ്ങനെ വർണി​ക്കു​ന്നു:

‘പണ്ടൊ​രി​ക്കൽ, ഒരു വിദൂര സ്ഥലത്ത്‌ ഒരു കുടും​ബം ജീവി​ച്ചി​രു​ന്നു. ഒരു ദിവസം ആ കുടും​ബ​ത്തി​ലെ മാതാവ്‌ തന്റെ പ്രിയ​പ്പെ​ട്ട​വർക്കു​വേണ്ടി സുഭി​ക്ഷ​മായ ഒരു സദ്യ​യൊ​രു​ക്കാൻ ആഗ്രഹി​ച്ചു. അതു​കൊണ്ട്‌, അവൾ ധാന്യം പൊടി​ക്കാൻ ഉരലും ഉലക്കയും എടുത്തു. അന്നൊക്കെ ആകാശം ഇന്നത്തെ​ക്കാൾ വളരെ അടുത്താ​യി​രു​ന്നു. വാസ്‌ത​വ​ത്തിൽ, കൈ ഉയർത്തി​യാൽ അതിനെ തൊടാ​മാ​യി​രു​ന്നു. അവൾ സർവശ​ക്തി​യു​മെ​ടു​ത്തു ധാന്യം പൊടി​ച്ചു. അവൾ പൊടി​ച്ചു​കൊ​ണ്ടി​രുന്ന ചാമ പെട്ടെ​ന്നു​തന്നെ പൊടി​യാ​യി​ത്തീർന്നു. എന്നാൽ, പൊടി​ച്ചു​കൊ​ണ്ടി​രി​ക്കവേ ആ സ്‌ത്രീ അശ്രദ്ധ​യോ​ടെ ഉലക്ക കുറച്ച​ധി​കം ഉയർത്തി. അങ്ങനെ അവൾ ആകാശ​ത്തിൽ ഒരു ദ്വാര​മു​ണ്ടാ​ക്കി! ഉടനടി വളരെ​യ​ധി​കം വെള്ളം ഭൂമി​യി​ലേക്കു വീഴാൻ തുടങ്ങി. അതൊരു സാധാരണ മഴയാ​യി​രു​ന്നില്ല. മുഴു ഭൂമി​യും വെള്ളം​കൊ​ണ്ടു നിറയു​ന്ന​തു​വരെ ഏഴു രാവും ഏഴു പകലും മഴ പെയ്‌തു. മഴ പെയ്‌തു​കൊ​ണ്ടി​രി​ക്കെ, ആകാശം ഉയരാൻ തുടങ്ങി. ഒടുവി​ലത്‌ ഇപ്പോൾ ആയിരി​ക്കു​ന്നത്ര, എത്തി​ച്ചേ​രാ​നാ​വാത്ത ഉയരത്തിൽ എത്തി​പ്പെട്ടു. മനുഷ്യ​വർഗ​ത്തി​നു ഭവിച്ച എന്തൊരു വിപത്ത്‌! അന്നുമു​തൽ ആകാശത്തെ കൈ​കൊ​ണ്ടു തൊടാ​നുള്ള പദവി നമുക്കു നഷ്ടമായി.’

രസാവ​ഹ​മാ​യി, ആഗോള പ്രളയ​ത്തെ​ക്കു​റി​ച്ചു പറയുന്ന പുരാതന വൃത്താ​ന്തങ്ങൾ ലോക​വ്യാ​പ​ക​മാ​യി കണ്ടെത്താ​നാ​വും. അമേരി​ക്ക​ക​ളു​ടെ തദ്ദേശ സംസ്‌കാ​ര​ങ്ങൾക്കും ഓസ്‌​ട്രേ​ലി​യ​യി​ലെ ആദിവാ​സി​കൾക്കു​മെ​ല്ലാം അതേപ്പറ്റി കഥകൾ പറയാ​നുണ്ട്‌. വിശദാം​ശങ്ങൾ വ്യത്യ​സ്‌ത​മാ​യി​രി​ക്കാം, എന്നാൽ ഭൂമി വെള്ളത്താൽ നിറഞ്ഞി​രു​ന്നു​വെ​ന്നും ഒരു മനുഷ്യ​നിർമിത യാനപാ​ത്ര​ത്തിൽ ചുരുക്കം ചിലർ മാത്രം രക്ഷപ്പെ​ട്ടു​വെ​ന്നു​മുള്ള ആശയം മിക്ക വൃത്താ​ന്ത​ങ്ങ​ളി​ലു​മുണ്ട്‌. ഈ വിഷയം വ്യാപ​ക​മാ​യി കാണാ​മെ​ന്നതു ബൈബി​ളിൽ റിപ്പോർട്ടു​ചെ​യ്‌തി​രി​ക്കുന്ന പ്രകാരം, ആഗോ​ള​വ്യാ​പ​ക​മായ ഒരു ജലപ്ര​ളയം നടന്നു​വെന്ന വസ്‌തു​തയെ പിന്താ​ങ്ങു​ന്നു.—ഉല്‌പത്തി 7:11-20.