“അവരെ ആട്ടിപ്പാ​യി​ക്ക​രുത്‌!”

“യഹോ​വ​യു​ടെ സാക്ഷി​ക​ളി​ലൊ​രാൾ അല്ലെങ്കിൽ രണ്ടുപേർ നിങ്ങളു​ടെ ഡോർബെൽ അടിക്കു​ന്ന​പക്ഷം അവരെ ആട്ടിപ്പാ​യി​ക്ക​രുത്‌!” കോറി​യർ ഡെല്ലോ സെറോ ഉപദേ​ശി​ക്കു​ന്നു. ഉത്തര ഇറ്റലി​യി​ലെ ട്രെവി​സോ​യിൽ നടന്ന ഒരു സംഭവ​ത്തെ​ക്കു​റി​ച്ചു പരാമർശി​ക്കു​ക​യാ​യി​രു​ന്നു ആ വാർത്താ​പ​ത്രം. അവിടെ ഒരു ബിസി​ന​സു​കാ​രന്‌ അയാളെ സന്ദർശിച്ച രണ്ടു സാക്ഷി​കളെ ആട്ടിപ്പാ​യി​ച്ച​തു​നി​മി​ത്തം പത്തു ലക്ഷത്തി​ല​ധി​കം ലിറ (600-ലധികം യു.എസ്‌. ഡോളർ) നഷ്ടപ്പെ​ടാൻ സാധ്യ​ത​യു​ണ്ടാ​യി​രു​ന്നു.

വാർത്താ​പ​ത്രം പറയു​ന്ന​ത​നു​സ​രിച്ച്‌, രണ്ടു സാക്ഷികൾ പിൻവ​രുന്ന വാക്കു​ക​ളാൽ തങ്ങളെ ആ മനുഷ്യ​നു പരിച​യ​പ്പെ​ടു​ത്തി: “ഇന്നു താങ്കൾക്കു നല്ല ദിവസ​മാണ്‌. ഞങ്ങൾ യഹോ​വ​യു​ടെ സാക്ഷി​ക​ളാണ്‌. താങ്കൾക്കു നൽകാൻ ഞങ്ങളുടെ പക്കൽ വില​യേ​റിയ ഒന്നുണ്ട്‌.” അതു കേട്ട​തോ​ടെ സ്‌നേ​ഹ​ശൂ​ന്യ​നായ ആ ബിസി​ന​സു​കാ​രൻ കതകടച്ചു, പറഞ്ഞു​തീർക്കാൻ അവരെ അനുവ​ദി​ച്ചില്ല.

പാർക്കി​ലെ ഒരു ബഞ്ചിൽക്കി​ടന്നു കിട്ടിയ അയാളു​ടെ പേഴ്‌സു മടക്കി​ക്കൊ​ടു​ക്കാ​നാ​ണു സാക്ഷികൾ ആ മനുഷ്യ​ന്റെ വീട്ടിൽപോ​യ​തെന്ന്‌ അവർ പറയു​ന്നതു ശ്രദ്ധി​ച്ചി​രു​ന്നെ​ങ്കിൽ അയാൾക്കു മനസ്സി​ലാ​യേനെ. അതു​കൊണ്ട്‌, പേഴ്‌സ്‌ അതിലുള്ള സാധന​ങ്ങ​ള​ടക്കം തൊട്ട​ടു​ത്തുള്ള പൊലീസ്‌ സ്റ്റേഷനിൽ ഏൽപ്പി​ക്കു​ക​യ​ല്ലാ​തെ സാക്ഷി​കൾക്കു വേറെ മാർഗ​മി​ല്ലാ​യി​രു​ന്നു. പിറ്റേന്ന്‌, പൊലീസ്‌ പേഴ്‌സ്‌ അതിന്റെ യഥാർഥ ഉടമയെ ഏൽപ്പിച്ചു.

“ഹതാശ​രായ ആ [സാക്ഷികൾ] ഇരുവ​രു​ടെ​യും സ്ഥാനത്തു മറ്റാ​രെ​ങ്കി​ലു​മാ​യി​രു​ന്നെ​ങ്കിൽ പേഴ്‌സി​ലെ ഗണ്യമായ തുക . . . കൈവശം വെച്ചേനെ. എന്നാൽ തികച്ചും സത്യസ​ന്ധ​രാ​യി​രി​ക്കേണ്ട യഹോ​വ​യു​ടെ സാക്ഷികൾ അങ്ങനെ ചെയ്യു​ക​യില്ല” എന്ന്‌ ഇൽ ഗോറ്റ്‌സെ​റ്റി​നോ ഡി ട്രെവി​സോ പറഞ്ഞു.

“തികച്ചും സത്യസ​ന്ധ​രാ​യി​രി”ക്കാൻ യഹോ​വ​യു​ടെ സാക്ഷി​കളെ പ്രേരി​പ്പി​ക്കു​ന്ന​തെ​ന്താണ്‌? അത്‌ യേശു​ക്രി​സ്‌തു​വി​ന്റെ പഠിപ്പി​ക്ക​ലു​കൾക്കു ചേർച്ച​യിൽ ദൈവ​ത്തോ​ടും അയൽക്കാ​രോ​ടു​മുള്ള അവരുടെ സ്‌നേ​ഹ​മാണ്‌. (മത്തായി 22:37-39) യഹോ​വ​യാം ദൈവം വാഗ്‌ദാ​നം ചെയ്‌തി​രി​ക്കുന്ന മഹത്തായ “പുതിയ ഭൂമി”യെക്കു​റി​ച്ചുള്ള സുവാർത്ത പ്രഖ്യാ​പി​ക്കു​ന്ന​തി​നു യഹോ​വ​യു​ടെ സാക്ഷികൾ വീടു​തോ​റും പോകു​ന്ന​തും അതു​കൊ​ണ്ടാണ്‌. പ്രത്യാ​ശ​യു​ടെ അത്തര​മൊ​രു സന്ദേശം ഏതൊരു ഭൗതിക സ്വത്തി​നെ​ക്കാ​ളും വില​യേ​റി​യ​താണ്‌!—2 പത്രൊസ്‌ 3:13.