രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

റഷ്യയിൽ “ദാഹി​ക്കുന്ന”വർക്കു സഹായം

“നീതിക്കു വിശന്നു ദാഹി​ക്കു​ന്നവർ ഭാഗ്യ​വാൻമാർ; അവർക്കു തൃപ്‌തി​വ​രും” എന്നു യേശു പറഞ്ഞു. (മത്തായി 5:6) 70-ലധികം വർഷം മതസ്വാ​ത​ന്ത്ര്യം നിയ​ന്ത്രി​ക്ക​പ്പെ​ട്ടി​രുന്ന റഷ്യയിൽ അനേക​രു​ടെ​യും ആത്മീയ ദാഹം ശമിപ്പി​ക്കാൻ യഹോ​വ​യു​ടെ സാക്ഷികൾ എങ്ങനെ സഹായി​ക്കു​ന്നു​വെന്നു പിൻവ​രുന്ന അനുഭ​വങ്ങൾ ദൃഷ്ടാ​ന്തീ​ക​രി​ക്കു​ന്നു.

◼ വാലന്റീന എന്നു പേരുള്ള ഒരു യുവതി​ക്കു വർഷങ്ങ​ളോ​ളം ഉത്തരം കിട്ടാഞ്ഞ, ഗൗരവ​മേ​റിയ ഒട്ടനവധി ബൈബിൾ ചോദ്യ​ങ്ങൾ ഉണ്ടായി​രു​ന്നു. ഉദാഹ​ര​ണ​ത്തിന്‌, ‘യേശു ആരോ​ടാ​ണു പ്രാർഥി​ച്ചത്‌?’ എന്ന്‌ അവൾ ചിന്തി​ച്ചി​രു​ന്നു. തന്നെക്കാൾ വലിയ ഒരുവ​നോ​ടാ​യി​രി​ക്കണം യേശു പ്രാർഥി​ച്ച​തെന്ന്‌ അവൾ ന്യായ​വാ​ദം ചെയ്‌തു. ആ സ്ഥിതിക്ക്‌ അവന്റെ പേരെ​ന്താ​യി​രി​ക്കു​മെന്ന്‌ അവൾ ചിന്തിച്ചു.

അവൾ റഷ്യൻ ഓർത്ത​ഡോ​ക്‌സ്‌ സഭ സന്ദർശി​ച്ചു. എന്നിരു​ന്നാ​ലും, ആ മതത്തിൽ അവൾ തന്റെ ചോദ്യ​ങ്ങൾക്ക്‌ ഉത്തരം കണ്ടെത്തി​യില്ല. തൃപ്‌തി​വ​രാഞ്ഞ്‌, അവൾ ഒരു പ്രൊ​ട്ട​സ്റ്റൻറ്‌ സഭയിൽ പോയി. എന്നാൽ അവി​ടെ​യും അവൾ വ്യക്തമായ ഉത്തരങ്ങൾ കണ്ടെത്തി​യില്ല. വേറെ എവിടെ പോക​ണ​മെന്നു തിട്ടമി​ല്ലാ​തെ വാലൻറീന സ്വയം ഉത്തരം കണ്ടെത്താൻ ശ്രമി​ച്ചു​കൊ​ണ്ടു ബൈബിൾ വായി​ച്ചു​തു​ടങ്ങി. പ്രയോ​ജ​ന​മു​ണ്ടാ​യില്ല. അവൾ സഹായ​ത്തി​നാ​യി പ്രാർഥി​ച്ചു.

കുറച്ചു​സ​മ​യം കഴിഞ്ഞു യഹോ​വ​യു​ടെ സാക്ഷികൾ അവളുടെ കതകിൽ മുട്ടി. ദൈവ​ത്തി​ന്റെ പേര്‌ യഹോവ എന്നാ​ണെന്ന്‌ അവർ ബൈബി​ളിൽനിന്ന്‌ അവൾക്കു കാണി​ച്ചു​കൊ​ടു​ത്തു. യേശു ആരോ​ടാ​ണു പ്രാർഥി​ച്ച​തെന്ന്‌ ഒടുവിൽ അവൾ മനസ്സി​ലാ​ക്കി! സാക്ഷി​ക​ളോ​ടൊ​പ്പം അവൾ ക്രമമാ​യി ബൈബിൾ പഠിക്കാൻ തുടങ്ങി. വാച്ച്‌ ടവർ സൊ​സൈ​ററി പ്രസി​ദ്ധീ​ക​രി​ക്കുന്ന സാഹി​ത്യ​ങ്ങൾ വായി​ച്ചും ബൈബിൾ വാക്യങ്ങൾ എടുത്തു​നോ​ക്കി​യും മിക്ക​പ്പോ​ഴും മുഴു​രാ​ത്രി​യും അവൾ ചെലവ​ഴി​ച്ചു. താൻ സത്യം കണ്ടെത്തി​യ​താ​യി വാലൻറീന പെട്ടെ​ന്നു​തന്നെ നിഗമനം ചെയ്‌തു. മൂന്നു മാസത്തി​നു​ള്ളിൽ അവൾ പ്രസം​ഗ​വേ​ല​യിൽ പങ്കെടു​ക്കാൻ തുടങ്ങി. അതിനു രണ്ടു മാസത്തി​നു​ശേഷം അവൾ സ്‌നാ​പ​ന​മേറ്റു. സത്യത്തി​നു​വേ​ണ്ടി​യുള്ള പ്രാർഥ​നാ​നി​ര​ത​മായ അവളുടെ തിരച്ചി​ലി​നു പ്രതി​ഫലം ലഭിച്ചു.

◼ വിദൂര പ്രദേ​ശത്തു പ്രസം​ഗി​ക്കാൻ ഒരു സാക്ഷി ബസ്സിൽ യാത്ര​ചെ​യ്‌തു. യാത്രാ​വേ​ള​യിൽ അദ്ദേഹം ഒരു യുവതി​യോട്‌ ബൈബിൾ വാഗ്‌ദ​ത്ത​ങ്ങ​ളെ​ക്കു​റി​ച്ചു സംസാ​രി​ച്ചു. എന്നാൽ ആ യുവതി​ക്കു താത്‌പ​ര്യ​മി​ല്ലാ​യി​രു​ന്നു. രണ്ടു മാസത്തി​നു​ശേഷം ആ സാക്ഷി ഒരു പരസ്യ​പ്ര​സം​ഗം നടത്തു​ന്ന​തിന്‌ അതേ പ്രദേ​ശ​ത്തേക്കു രണ്ടാം തവണ യാത്ര​യാ​യി. പ്രസം​ഗ​ത്തി​നു​ശേഷം അദ്ദേഹം ഒരു സന്ദർശ​കനെ സമീപി​ച്ചി​ട്ടു ചോദി​ച്ചു: “ബൈബി​ളിൽനി​ന്നുള്ള സുവാർത്ത ആരെങ്കി​ലും നിങ്ങ​ളോ​ടു നേരത്തെ പറഞ്ഞി​ട്ടു​ണ്ടോ?” “ഉവ്വ്‌, താങ്കൾ പറഞ്ഞി​ട്ടുണ്ട്‌,” ആ മനുഷ്യൻ ഉത്തരം​നൽകി. അദ്ദേഹം തമാശ​പ​റ​യു​ക​യാ​ണെന്നു സാക്ഷി കരുതി. എന്നാൽ, രണ്ടു മാസം​മുമ്പ്‌ ബസ്സ്‌ യാത്ര​യിൽ സാക്ഷി​യും യുവതി​യും തമ്മിൽ നടത്തിയ സംഭാ​ഷണം താൻ ശ്രദ്ധി​ക്കു​ക​യു​ണ്ടാ​യെന്ന്‌ ആ യുവാവു വിശദീ​ക​രി​ച്ചു. “കൂടു​ത​ല​റി​യാൻ എനിക്ക്‌ ആഗ്രഹ​മു​ണ്ടാ​യി​രു​ന്നു. എന്നാൽ താങ്കൾ ബസ്സിൽനി​ന്നി​റങ്ങി. യഹോ​വ​യു​ടെ സാക്ഷി​കളെ വീണ്ടു​മൊ​രി​ക്ക​ലും കണ്ടുമു​ട്ടു​ക​യി​ല്ലെ​ന്നാ​യി​രു​ന്നു എന്റെ ധാരണ. പിന്നീട്‌, സാക്ഷി​ക​ളോ​ടൊ​പ്പം ബൈബിൾ പഠിക്കുന്ന ഒരു മനുഷ്യ​നെ ഞാൻ എന്റെ ജോലി​സ്ഥ​ല​ത്തു​വെച്ചു കണ്ടു. അങ്ങനെ ഞാനി​വി​ടെ​യെത്തി!”

ആ മനുഷ്യ​നും ഭാര്യ​യും ബൈബിൾ പഠിക്കാൻ തുടങ്ങി. തന്റെ തൊഴിൽ ബൈബിൾ തത്ത്വങ്ങൾക്കു വിരു​ദ്ധ​മാ​ണെന്നു ചുരു​ങ്ങിയ കാലത്തി​നു​ശേഷം അദ്ദേഹ​ത്തി​നു മനസ്സി​ലാ​ക്കാൻ കഴിഞ്ഞു. ദൈവ​മു​മ്പാ​കെ നല്ലൊരു മനസ്സാക്ഷി കാത്തു​സൂ​ക്ഷി​ക്കാ​നുള്ള ആഗ്രഹം നിമിത്തം അദ്ദേഹം തന്റെ തൊഴിൽ മാറി. ഇപ്പോൾ അദ്ദേഹം എല്ലാ അവസര​ങ്ങ​ളി​ലും ദൈവ​രാ​ജ്യ​ത്തെ​ക്കു​റി​ച്ചു മറ്റുള്ള​വ​രോ​ടു പറയുന്നു. അദ്ദേഹ​ത്തി​ന്റെ ഭാര്യ​യും ബൈബിൾ പഠനത്തിൽ പുരോ​ഗ​മി​ക്കു​ന്നു.

റഷ്യയു​ടെ വിശാ​ല​മായ പ്രദേ​ശ​ത്തുള്ള ആത്മാർഥ​ത​യുള്ള സകല​രോ​ടും പിൻവ​രു​ന്ന​തു​പോ​ലെ പറയു​ന്ന​തിൽ ഒരു പങ്കുണ്ടാ​യി​രി​ക്കു​ന്ന​തി​നു യഹോ​വ​യു​ടെ സാക്ഷികൾ സന്തോ​ഷ​മു​ള്ള​വ​രാണ്‌: “വരിക . . ; ദാഹി​ക്കു​ന്നവൻ വരട്ടെ; ഇച്ഛിക്കു​ന്നവൻ ജീവജലം സൌജ​ന്യ​മാ​യി വാങ്ങട്ടെ.”—വെളി​പ്പാ​ടു 22:17.