രക്തത്തിനു പകരമുള്ള വസ്‌തു​ക്ക​ളെ​ക്കു​റി​ച്ചു വിദഗ്‌ധർ പരിചി​ന്തി​ക്കു​ന്നു

രക്തരഹിത മരുന്നും ശസ്‌ത്ര​ക്രി​യ​യും. വൈദ്യ​രം​ഗത്തു വർധിച്ച അളവിൽ താത്‌പ​ര്യ​ജ​ന​ക​മായ ആ വിഷയ​ത്തെ​ക്കു​റി​ച്ചു ചർച്ച​ചെ​യ്യു​ന്ന​തിന്‌ ഐക്യ​നാ​ടു​ക​ളി​ലെ​മ്പാ​ടു​മുള്ള ഏതാണ്ട്‌ 200 വിദഗ്‌ധർ 1995 ഒക്ടോബർ 7 ശനിയാഴ്‌ച ഒഹാ​യോ​യി​ലെ ക്ലീവ്‌ലൻഡിൽ സമ്മേളി​ച്ചു.

വെല്ലു​വി​ളി​യു​യർത്തുന്ന വിവിധ സാഹച​ര്യ​ങ്ങ​ളെ​ക്കു​റി​ച്ചു ചർച്ച​ചെ​യ്യ​പ്പെട്ടു. ഉദാഹ​ര​ണ​ത്തിന്‌, ഒരു രോഗി ആശങ്കാ​ജ​ന​ക​മായ വിളർച്ച അനുഭ​വി​ക്കു​ന്നെ​ങ്കി​ലെന്ത്‌? തീരെ വളർച്ച​യെ​ത്താ​തെ ജനിച്ച ഒരു കുട്ടിയെ രക്തമി​ല്ലാ​തെ എങ്ങനെ ചികി​ത്സി​ക്കണം? രക്തപ്പകർച്ചകൾ കൂടാതെ ഹൃദയ ശസ്‌ത്ര​ക്രിയ വിജയ​പ്ര​ദ​മാ​യി നടത്താ​നാ​വു​മോ? രസകര​മെന്നു പറയട്ടെ, രക്തരഹിത ശസ്‌ത്ര​ക്രിയ—ആവശ്യ​മായ രക്തം ഉത്‌പാ​ദി​പ്പി​ക്കാൻ ശരീരത്തെ സഹായി​ക്കുന്ന മാർഗങ്ങൾ അവലം​ബി​ച്ചു​കൊണ്ട്‌—ഈ സാഹച​ര്യ​ങ്ങ​ളി​ലെ​ല്ലാം ഇതി​നോ​ട​കം​തന്നെ ഫലപ്ര​ദ​മാ​യി നടത്തി​യി​ട്ടുണ്ട്‌.a

രക്തപ്പകർച്ച​കൾക്കു പകരമുള്ള ചികിത്സ ആവശ്യ​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? “രക്തപ്പകർച്ചകൾ ഒട്ടുമി​ക്ക​പ്പോ​ഴും രോഗങ്ങൾ, വിശേ​ഷി​ച്ചും ഹെപ്പ​റ്റൈ​റ്റിസ്‌ സംക്ര​മി​പ്പി​ക്കു​ന്ന​താ​യി ഞങ്ങൾ മനസ്സി​ലാ​ക്കി​യി​രി​ക്കു​ന്നു” എന്ന്‌ ക്ലീവ്‌ലൻഡി​ലെ സെൻറ്‌ വിൻസെൻറ്‌ ചാരിറ്റി ഹോസ്‌പി​റ്റ​ലി​ലെ സെന്റർ ഫോർ മെഡി​സിൻ ആൻഡ്‌ സർജറി​യു​ടെ ഡയറക്ട​റായ ഷാരൻ വെർനോൻ പറയുന്നു. “രക്തം രോഗം സംക്ര​മി​പ്പി​ക്കാ​ത്ത​പ്പോ​ഴും അതിന്‌ രോഗി​യു​ടെ പ്രതി​രോ​ധ​ശ​ക്തി​യെ ക്ഷയിപ്പി​ക്കാൻ കഴിയും,” അവർ തുടർന്നു പറയുന്നു. സ്‌ക്രീ​നി​ങ്ങി​ലൂ​ടെ എയ്‌ഡ്‌സി​ന്റെ സംക്ര​മണം കുറഞ്ഞി​രി​ക്കു​ന്നു​വെ​ങ്കി​ലും അത്തരം പരി​ശോ​ധ​ന​ക​ളു​ടെ കണ്ണു​വെ​ട്ടി​ച്ചു കടന്നു​ക​ള​യുന്ന മറ്റനേകം രോഗ​ങ്ങ​ളുണ്ട്‌. കൂടു​ത​ലായ തയ്യാ​റെ​ടു​പ്പി​ന്റെ ആവശ്യ​മു​ണ്ടാ​യി​രു​ന്നി​ട്ടും രക്തരഹിത ശസ്‌ത്ര​കിയ ആശുപ​ത്രി​കൾക്കു സാമ്പത്തി​ക​മാ​യി കൂടുതൽ ലാഭക​ര​മെന്നു തെളി​യു​ന്നു. കാരണം, രോഗി​കൾക്കു ദുഷിച്ച രക്തം ലഭിക്കു​ന്ന​തു​മൂ​ലം പൊന്തി​വ​ന്നേ​ക്കാ​വുന്ന നിയമ​പ​ര​മായ നൂലാ​മാ​ലകൾ അത്‌ ഒഴിവാ​ക്കു​ന്നു.

യഹോ​വ​യു​ടെ സാക്ഷി​കളെ സംബന്ധി​ച്ചി​ട​ത്തോ​ളം രക്തം സ്വീക​രി​ക്കാ​തി​രി​ക്കു​ന്ന​തിന്‌ ഏറെ പ്രധാ​ന​മായ ഒരു കാരണ​മുണ്ട്‌: ദൈവ​നി​യമം അതു വിലക്കു​ന്നു. (പ്രവൃ​ത്തി​കൾ 15:29) എന്നാൽ സാധി​ക്കു​ന്ന​തി​ലേ​ക്കും ഏറ്റവും നല്ല വൈദ്യ​പ​രി​ശോ​ധന അപ്പോ​ഴും അവർ ആഗ്രഹി​ക്കു​ന്നുണ്ട്‌. അങ്ങനെ, രക്തരഹിത വൈദ്യ​ചി​കി​ത്സ​യ്‌ക്കു നേതൃ​ത്വം വഹിക്കുന്ന ഡോക്ടർമാ​രു​മാ​യി അവർ സഹകരി​ച്ചി​രി​ക്കു​ന്നു. അത്തരം ചികിത്സ യഹോ​വ​യു​ടെ സാക്ഷി​കൾക്കു മാത്രമല്ല, രക്തപ്പകർച്ച​ക​ളു​ടെ അപകട​ത്തെ​പ്പറ്റി ഉത്‌ക​ണ്‌ഠ​യുള്ള അനേകർക്കും പ്രയോ​ജ​ന​പ്ര​ദ​മാണ്‌.

[അടിക്കു​റിപ്പ]

[32-ാം പേജിലെ ചിത്ര​ത്തിന്‌ കടപ്പാട്‌]

WHO photo by P. Almasy