ശൈശ​വം​മു​തൽ അവരെ പരിശീ​ലി​പ്പി​ക്കുക

“ഗർഭസ്ഥ​ശി​ശു​ക്കൾ സ്വരങ്ങ​ളോ​ടു ശാരീ​രി​ക​മാ​യി പ്രതി​ക​രി​ക്കു​ന്നു” എന്ന്‌ ആധുനിക ഗവേഷണം സൂചി​പ്പി​ക്കു​ന്നു. “മാതാക്കൾ തങ്ങളുടെ അജാത​ശി​ശു​ക്കളെ വായി​ച്ചു​കേൾപ്പി​ച്ച​തി​നെ​ത്തു​ടന്ന്‌, ആ ഭാഗം വീണ്ടും വായി​ച്ച​പ്പോൾ നവജാ​ത​ശി​ശു​ക്കൾ പ്രതി​ക​രി​ച്ചു”വെന്ന്‌ ഉത്തര കരോ​ലി​നാ സർവക​ലാ​ശാ​ല​യി​ലെ ഗവേഷകർ കണ്ടെത്തി​യ​താ​യി വിന്നി​പെഗ്‌ ഫ്രീ പ്രസ്സ്‌ പറയുന്നു. ഗർഭി​ണി​ക​ളാ​യി​രി​ക്കവേ സ്‌ത്രീ​കൾ ഉച്ചത്തിൽ വായി​ക്കു​മ്പോൾ, അതു കുട്ടി​യിൽ നല്ല ധാർമിക മൂല്യങ്ങൾ ഉൾനടു​ന്ന​തിൽ നന്നായി സഹായി​ച്ചേ​ക്കാം. തിമോ​ത്തി ‘തിരു​വെ​ഴു​ത്തു​കളെ ബാല്യം​മു​തൽ അറിഞ്ഞു’വെന്നു ബൈബിൾ പറയുന്നു. (2 തിമൊ​ഥെ​യൊസ്‌ 3:14, 15) തെളി​വ​നു​സ​രിച്ച്‌, അവന്റെ അമ്മയും വല്യമ്മ​യും അവനെ ശൈശ​വം​മു​തൽ പരിശീ​ലി​പ്പി​ക്കു​ന്ന​തി​ന്റെ മൂല്യം വിലമ​തി​ച്ചു. അതിൽ സർവസാ​ധ്യ​ത​യു​മ​നു​സ​രിച്ച്‌ ഉച്ചത്തിൽ വായി​ക്കു​ന്നത്‌ ഉൾപ്പെ​ട്ടി​രു​ന്നു.

“ഇന്നത്തെ നമ്മുടെ സമൂഹ​ത്തിൽ നമുക്കുള്ള ഏറ്റവും ശക്തമായ ജീവിത വൈദ​ഗ്‌ധ്യം” വായന​യാ​ണെന്ന്‌ ഗ്രന്ഥകാ​ര​നായ ജിം ട്രെലീസ്‌ പറയുന്നു. ഉച്ചത്തിൽ വായി​ക്കു​ന്ന​തി​നാൽ ഭാഷാ-പദ നൈപു​ണ്യ​ങ്ങൾ വർധി​ക്കു​ന്നു.

നിങ്ങളു​ടെ ശിശു​വി​നോ​ടു നിങ്ങൾ സംസാ​രി​ക്കാൻ തുടങ്ങു​മ്പോൾ മുത​ലെ​ങ്കി​ലും ഉച്ചത്തിൽ വായി​ക്കാൻ തുടങ്ങു​ന്നതു ജ്ഞാനപൂർവ​ക​മാണ്‌. നിങ്ങൾ പറയു​ന്നതു നിങ്ങളു​ടെ അജാത​ശി​ശു​വിന്‌ അല്ലെങ്കിൽ നവജാ​ത​ശി​ശു​വിന്‌ ആദ്യം മനസ്സി​ലാ​കു​ക​യി​ല്ലെ​ങ്കിൽപോ​ലും, സാധ്യ​ത​യുള്ള ദീർഘ​കാല പ്രയോ​ജ​നങ്ങൾ അതിനെ മൂല്യ​വ​ത്താ​ക്കു​ന്നു. സദൃശ​വാ​ക്യ​ങ്ങൾ 22:6 പറയുന്നു: “ബാലൻ നടക്കേ​ണ്ടുന്ന വഴിയിൽ അവനെ അഭ്യസി​പ്പിക്ക; അവൻ വൃദ്ധനാ​യാ​ലും അതു വിട്ടു​മാ​റു​ക​യില്ല.”

പ്രാ​യോ​ഗി​ക​വും പ്രയോ​ജ​ന​പ്ര​ദ​വു​മായ എന്ത്‌ നിങ്ങൾക്കു വായി​ക്കാൻ കഴിയും? ഓരോ ദിവസ​വും നിങ്ങളു​ടെ കുട്ടിയെ ബൈബിൾ ഉച്ചത്തിൽ വായിച്ചു കേൾപ്പി​ക്കുക. മഹദ്‌ഗു​രു​വി​നെ ശ്രദ്ധിക്കൽ, എന്റെ ബൈബിൾ കഥാ പുസ്‌തകം, ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏറ്റവും മഹാനായ മനുഷ്യൻ തുടങ്ങിയ മൂല്യ​വ​ത്തായ മറ്റു പ്രസി​ദ്ധീ​ക​ര​ണ​ങ്ങ​ളും വീക്ഷാ​ഗോ​പുര, ഉണരുക! മാസി​ക​ക​ളി​ലെ ലേഖന​ങ്ങ​ളും വായി​ക്കുക.

നിങ്ങ​ളെ​ത്ത​ന്നെ ഈ വിധത്തിൽ നൽകു​ന്ന​തിൽ സമയം ഉൾപ്പെ​ട്ടി​രി​ക്കു​ന്നു​വെ​ന്നതു സത്യം​തന്നെ, എന്നാൽ ഇതു നന്നായി വിനി​യോ​ഗിച്ച സമയമാണ്‌. നിങ്ങളു​ടെ കുട്ടിയെ നിങ്ങൾ പരിഗ​ണി​ക്കു​ന്നു​വെ​ന്നും സ്‌നേ​ഹി​ക്കു​ന്നു​വെ​ന്നും പ്രകട​മാ​ക്കാ​നുള്ള ഒരു പ്രത്യക്ഷ വിധമാണ്‌ ഇത്‌.