രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

“നിന്റെ കല്‌പ​നകൾ ഒക്കെയും സത്യം തന്നേ”

തന്റെ മരണത്തി​നു തൊട്ടു​മു​മ്പു മോശ, യഹോ​വ​യു​ടെ കൽപ്പന​ക​ളോ​രോ​ന്നും അനുസ​രി​ക്കാൻ ഇസ്രാ​യേൽ ജനതയെ ഉപദേ​ശി​ച്ചു. “ഈ ന്യായ​പ്ര​മാ​ണ​ത്തി​ലെ വചനങ്ങൾ ഒക്കെയും പ്രമാ​ണി​ച്ചു​ന​ട​ക്കേ​ണ്ട​തി​ന്നു നിങ്ങൾ നിങ്ങളു​ടെ മക്കളോ​ടു കല്‌പി​പ്പാ​ന്ത​ക്ക​വണ്ണം ഞാൻ ഇന്നു നിങ്ങൾക്കു സാക്ഷീ​ക​രി​ക്കുന്ന സകല വചനങ്ങ​ളും മനസ്സിൽ വെച്ചു​കൊൾവിൻ. ഇതു നിങ്ങൾക്കു വ്യർത്ഥ​കാ​ര്യ​മല്ല, നിങ്ങളു​ടെ ജീവൻതന്നേ ആകുന്നു,” അവൻ പറഞ്ഞു—ആവർത്ത​ന​പു​സ്‌തകം 32:46, 47.

“യഹോവേ, നീ സമീപ​സ്ഥ​നാ​കു​ന്നു; നിന്റെ കല്‌പ​നകൾ ഒക്കെയും സത്യം തന്നേ” എന്നു നൂറു​ക​ണ​ക്കി​നു വർഷങ്ങൾക്കു​ശേഷം സങ്കീർത്ത​ന​ക്കാ​രൻ പറഞ്ഞ​പ്പോൾ ദൈവ​ത്തി​ന്റെ സകല പഠിപ്പി​ക്ക​ലു​ക​ളു​ടെ​യും പ്രാധാ​ന്യം അവൻ എടുത്തു​കാ​ട്ടി. (സങ്കീർത്തനം 119:151) “ദൈവ​ത്തി​ന്റെ [“യഹോ​വ​യു​ടെ,” NW] വായിൽകൂ​ടി വരുന്ന സകലവചന”ത്തിന്റെ​യും മൂല്യ​ത്തെ​ക്കു​റിച്ച്‌ ഒന്നാം നൂറ്റാ​ണ്ടിൽ യേശു​ത​ന്നെ​യും പരാമർശി​ക്കു​ക​യു​ണ്ടാ​യി. (മത്തായി 4:4) ‘എല്ലാതി​രു​വെ​ഴു​ത്തും ദൈവ​ശ്വാ​സീ​യ​വും പ്രയോ​ജ​ന​മു​ള്ള​തും ആകുന്നു’ എന്നു ദൈവ​ത്തി​ന്റെ മാർഗ​ദർശ​ന​ത്തിൻ കീഴിൽ പൗലോസ്‌ അപ്പോ​സ്‌ത​ല​നും എഴുതി.—2 തിമൊ​ഥെ​യൊസ്‌ 3:16.

തന്റെ വചനത്തി​ന്റെ പേജു​ക​ളിൽ നമുക്കു പകർന്നു തന്നിരി​ക്കുന്ന മുഴു സന്ദേശ​വും സഗൗരവം പരിചി​ന്തി​ക്കാൻ യഹോവ തന്റെ ആരാധ​ക​രിൽനി​ന്നു പ്രതീ​ക്ഷി​ക്കു​ന്നു​വെ​ന്നതു വ്യക്തമാണ്‌. മൂല്യ​മി​ല്ലാത്ത ഒരൊറ്റ വാക്യം​പോ​ലും ബൈബി​ളി​ലില്ല. ദൈവ​വ​ച​ന​ത്തെ​ക്കു​റി​ച്ചു യഹോ​വ​യു​ടെ സാക്ഷി​കൾക്ക്‌ അങ്ങനെ​യാ​ണു തോന്നു​ന്നത്‌. അതു ദൃഷ്ടാ​ന്തീ​ക​രി​ക്കു​ന്ന​താ​ണു മൗറീ​ഷ്യ​സിൽനി​ന്നുള്ള പിൻവ​രുന്ന അനുഭവം.

ശ്രീ. ഡി—— ഒരു വിദൂര ഗ്രാമ​ത്തി​ലാ​ണു താമസി​ച്ചി​രു​ന്നത്‌. അവിടെ അദ്ദേഹം രാത്രി പാറാ​ക്കാ​ര​നാ​യി​രു​ന്നു. ദൈവത്തെ ആരാധി​ക്കാ​നുള്ള ശരിയായ വിധം എന്താ​ണെന്ന്‌ അദ്ദേഹം ആത്മാർഥ​മാ​യി തേടാൻ തുടങ്ങി​യി​ട്ടു കാലം കുറേ ആയിരു​ന്നു. രാത്രി​യിൽ തന്റെ ജോലി​ക്കി​ട​യിൽ അദ്ദേഹം ബൈബിൾ വായി​ക്കാൻ തുടങ്ങി. ക്രമേണ അദ്ദേഹം അത്‌ ആദ്യന്തം വായി​ച്ചു​തീർത്തു. ദൈവ​ത്തി​ന്റെ പേര്‌ യഹോവ എന്നാ​ണെന്ന്‌ അദ്ദേഹം മനസ്സി​ലാ​ക്കി. ആ പേര്‌ അദ്ദേഹ​ത്തി​ന്റെ ഹിന്ദി ബൈബി​ളിൽ പലതവണ കാണാ​വു​ന്ന​താണ്‌. വെളി​പാ​ടു പുസ്‌തകം പ്രത്യേ​കി​ച്ചും ആകർഷ​ക​മാ​യി അദ്ദേഹം കണ്ടെത്തി.

പിന്നീട്‌, മുഴു ബൈബി​ളും പിന്തു​ട​രുന്ന ഒരു മതമു​ണ്ടോ എന്ന്‌ അദ്ദേഹം ചിന്തിച്ചു. തനിക്ക്‌ അറിയാ​വുന്ന മതങ്ങൾ അങ്ങേയറ്റം പോയാൽ, ബൈബി​ളി​ന്റെ ചില ഭാഗങ്ങൾ മാത്രമേ പിന്തു​ട​രു​ന്നു​ള്ളൂ എന്ന വസ്‌തുത അദ്ദേഹം ശ്രദ്ധിച്ചു. ചില മതങ്ങൾ എബ്രായ തിരു​വെ​ഴു​ത്തു​കൾ അംഗീ​ക​രി​ക്കു​ക​യും ക്രിസ്‌തീയ ഗ്രീക്കു തിരു​വെ​ഴു​ത്തു​കൾ തള്ളിക്ക​ള​യു​ക​യും ചെയ്‌തു. മറ്റു മതങ്ങൾ ക്രിസ്‌തീയ ഗ്രീക്കു തിരു​വെ​ഴു​ത്തു​കൾക്കു പ്രാ​യോ​ഗിക മൂല്യം കൽപ്പി​ച്ചു​കൊണ്ട്‌ എബ്രായ തിരു​വെ​ഴു​ത്തു​കൾ അവഗണി​ച്ചി​രു​ന്നു.

ഒരു ദിവസം ശ്രീ. ഡി—— ഒരു വിവാ​ഹിത ദമ്പതികൾ മഴയത്തു നനയു​ന്ന​തു​കണ്ട്‌ അതിൽനി​ന്നു സംരക്ഷണം നൽകാ​നാ​യി അവരെ തന്റെ വീട്ടി​ലേക്കു ക്ഷണിച്ചു. അവർ യഹോ​വ​യു​ടെ സാക്ഷി​ക​ളാ​യി​രു​ന്നു. ഭാര്യ​യു​ടെ കയ്യിൽ വെളി​പാട്‌—അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു!a എന്ന പുസ്‌ത​ക​മു​ണ്ടാ​യി​രു​ന്നു. ഉടനടി ശ്രീ. ഡി—— അവരോട്‌ ആ പുസ്‌തകം ആവശ്യ​പ്പെട്ടു. വെളി​പാ​ടി​ലെ പ്രവച​ന​ങ്ങ​ളെ​ക്കു​റി​ച്ചുള്ള വിവരങ്ങൾ അദ്ദേഹത്തെ സംബന്ധി​ച്ചി​ട​ത്തോ​ളം ഗ്രഹി​ക്കാൻ പ്രയാ​സ​ക​ര​മാ​ണെന്നു സാക്ഷി​കൾക്കു തോന്നി. തന്മൂലം അവർ അതിനു​പ​കരം മറ്റൊരു പുസ്‌തകം അദ്ദേഹ​ത്തി​നു വാഗ്‌ദാ​നം ചെയ്‌തു. എന്നാൽ തനിക്കു വെളി​പാട്‌ പുസ്‌തകം തന്നെ വേണ​മെന്നു ശ്രീ. ഡി—— നിർബന്ധം പിടിച്ചു.

ആ പുസ്‌ത​ക​ത്തി​ന്റെ പ്രതി കിട്ടിയ ഉടനെ അദ്ദേഹം അതു വായിച്ചു. അദ്ദേഹം പിന്നീടു യഹോ​വ​യു​ടെ സാക്ഷി​ക​ളു​മാ​യി ഒരു ബൈബി​ള​ധ്യ​യ​ത്തി​നു സമ്മതിച്ചു. സാക്ഷികൾ മുഴു ബൈബി​ളി​നും അങ്ങേയറ്റം മൂല്യം കൽപ്പി​ക്കു​ന്നു​വെന്ന വസ്‌തുത ഉടനടി അദ്ദേഹ​ത്തിൽ മതിപ്പു​ള​വാ​ക്കി. എബ്രായ തിരു​വെ​ഴു​ത്തു​ക​ളും ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളും ശ്രദ്ധാ​പൂർവം പഠിക്കുന്ന യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളിൽ അദ്ദേഹം യോഗ​ങ്ങൾക്കു ക്രമമാ​യി ഹാജരാ​കാൻ തുടങ്ങി. ഇപ്പോൾ അദ്ദേഹം ഒരു രാജ്യ​പ്ര​ഘോ​ഷ​ക​നും ക്രിസ്‌തീയ സഭയിലെ സ്‌നാ​പ​ന​മേറ്റ അംഗവു​മാണ്‌.

[അടിക്കു​റിപ്പ്‌]