ഇറീന​യു​ടെ ഇഷ്ടപ്പെട്ട പാട്ടു​പു​സ്‌ത​കം

ബൾഗേ​റി​യ​യി​ലെ സോഫി​യ​യിൽനി​ന്നുള്ള ഇറീന എന്ന ഒൻപതു വയസ്സു​കാ​രി യഹോ​വ​യു​ടെ സാക്ഷി​ക​ളി​ലൊ​രാ​ളാ​യി സ്‌നാ​പ​ന​മേ​റ്റത്‌ അടുത്ത​കാ​ല​ത്താണ്‌. അവൾക്കു പാടാ​നി​ഷ്ട​മാണ്‌. യഹോ​വ​യ്‌ക്കു സ്‌തു​തി​ഗീ​തങ്ങൾ പാടുക എന്ന പുസ്‌ത​ക​ത്തി​ലെ പാട്ടുകൾ അവൾ പ്രത്യേ​കിച്ച്‌ ആസ്വദി​ക്കു​ന്നു. അതു​കൊണ്ട്‌ ഓരോ മാസവും ഏതാനും പാട്ടുകൾ മനഃപാ​ഠ​മാ​ക്കാൻ ഇറീന ഒരു ലാക്കു​വെച്ചു.

സ്‌കൂ​ളിൽ ഇറീന​യു​ടെ ഇഷ്ടപ്പെട്ട വിഷയ​ങ്ങ​ളി​ലൊ​ന്നു സംഗീ​ത​മാണ്‌. അതു​കൊണ്ട്‌ സ്‌കൂൾ ഗായക​സം​ഘ​ത്തോ​ടൊ​പ്പം പാടാ​നുള്ള ക്ഷണം ഇറീന നിരസി​ച്ച​തിൽ അവളുടെ സംഗീത അധ്യാ​പിക അമ്പരന്നു​പോ​യി. ഇറീന അതു നിരസി​ച്ച​തെ​ന്തു​കൊ​ണ്ടാണ്‌? താൻ പാടേ​ണ്ടി​വ​രുന്ന മിക്ക സംഗീ​ത​വും ദേശീയ വീരപു​രു​ഷൻമാ​രെ​യോ പുറജാ​തി ഉത്ഭവമുള്ള വിശുദ്ധ ദിവസ​ങ്ങ​ളെ​യോ സ്‌തു​തി​ക്കു​ന്ന​താ​യി​രി​ക്കു​മെന്ന്‌ അവൾ തിരി​ച്ച​റി​ഞ്ഞു. ചില പാട്ടുകൾ ദേശീയ ആദർശ​ങ്ങളെ പ്രോ​ത്സാ​ഹി​പ്പി​ക്കു​ന്ന​തി​നു​വേണ്ടി മത്സര​ത്തെ​യും അക്രമ​ത്തെ​യും പിന്തു​ണ​ക്കു​ക​പോ​ലും ചെയ്യുന്നു. ഇതു സംബന്ധിച്ച ഇറീന​യു​ടെ നിലപാട്‌ അധ്യാ​പി​കക്കു മനസ്സി​ലാ​ക്കാൻ കഴിഞ്ഞില്ല. ഇറീന തന്റെ മതവി​ശ്വാ​സത്തെ വിശദ​മാ​ക്കി​ക്കൊണ്ട്‌ അധ്യാ​പി​കക്ക്‌ ഒരു കത്തെഴു​തി—എന്നാൽ യാതൊ​രു പ്രയോ​ജ​ന​വു​മു​ണ്ടാ​യില്ല.

ഇറീന​യു​ടെ പിതാ​വിന്‌ ഒരാശയം തോന്നി. അദ്ദേഹം ഇറീന പാടാൻ ഇഷ്ടപ്പെ​ടുന്ന പാട്ടു​ക​ള​ട​ങ്ങിയ യഹോ​വ​യ്‌ക്കു സ്‌തു​തി​ഗീ​തങ്ങൾ പാടുക എന്ന പുസ്‌ത​ക​ത്തി​ന്റെ ഒരു പ്രതി അധ്യാ​പി​കക്കു നൽകി. ഏതാനും ദിവസ​ങ്ങൾക്കു ശേഷം അധ്യാ​പിക ഇറീനയെ സംഗീത മുറി​യി​ലേക്കു വിളിച്ചു. പുസ്‌ത​ക​ത്തിൽനി​ന്നും അവൾക്ക്‌ ഏറ്റവും ഇഷ്ടപ്പെട്ട ചില പാട്ടുകൾ—സഹപാ​ഠി​ക​ളു​ടെ മുമ്പാകെ—പാടാൻ അധ്യാ​പിക ഇറീന​യോട്‌ ആവശ്യ​പ്പെട്ടു. അധ്യാ​പിക അതോ​ടൊ​പ്പം പിയാ​നോ​യും വായിച്ചു. ആ പരിപാ​ടി ഒരു മണിക്കൂ​റി​ലേറെ നീണ്ടു​നി​ന്നു! ഇറീന​യു​ടെ ഇഷ്ടപ്പെട്ട പാട്ടു​പു​സ്‌ത​ക​ത്തിൽ ഹൃദ്യ​മായ ചില സംഗീതം ഉണ്ടെന്ന്‌ അധ്യാ​പി​കക്കു സമ്മതി​ക്കേ​ണ്ടി​വന്നു.