യഹോ​വ​യു​ടെ സാക്ഷി​കൾക്കെ​തി​രെ​യുള്ള കേസിനു തീർപ്പു​കൽപ്പി​ച്ചു

ഗ്രീസി​ലെ തെസ​ലോ​നി​ക്യ​യി​ലുള്ള അപ്പീൽ കോടതി പലവട്ടം നീട്ടി​വ​ച്ച​ശേഷം ഒടുവിൽ, 1995 ജൂൺ 8-ന്‌, യഹോ​വ​യു​ടെ സാക്ഷി​ക​ളാ​യി​രുന്ന നാലു സ്‌ത്രീ​കൾക്കെ​തി​രെ​യുള്ള കേസിന്റെ വിചാ​ര​ണ​യ്‌ക്കു കൂടി​വന്നു. അവർക്കെ​തി​രെ​യുള്ള കുറ്റമോ? മതപരി​വർത്തനം. ഗ്രീക്കു നിയമം അതു നിരോ​ധി​ച്ചിട്ട്‌ അഞ്ചു ദശകങ്ങ​ളി​ല​ധി​ക​മാ​യി.

എന്നാൽ, കോടതി സമ്മേളി​ച്ച​പ്പോ​ഴേ​ക്കും പ്രോ​സി​ക്യൂ​ഷ​നി​ലെ മുഖ്യ സാക്ഷി—നാലു സ്‌ത്രീ​കൾക്കെ​തി​രാ​യി കേസ്‌ ഇളക്കി​വിട്ട പുരോ​ഹി​തൻ—മരിച്ചു​പോ​യി​രു​ന്നു. അദ്ദേഹ​ത്തി​ന്റെ സ്ഥാനത്തു സാക്ഷ്യം നൽകാൻ മറ്റൊരു പുരോ​ഹി​തൻ ശ്രമം നടത്തി. എന്നാൽ കോടതി അദ്ദേഹ​ത്തി​ന്റെ അപേക്ഷ തള്ളിക്ക​ളഞ്ഞു. തന്മൂലം, ന്യായ​വി​ചാ​ര​ണ​യ്‌ക്കു 15 മിനി​റ്റു​മാ​ത്രം എടുത്ത​തിൽ ഒട്ടും അതിശ​യി​ക്കാ​നില്ല! ജഡ്‌ജി മറ്റു പ്രോ​സി​ക്യൂ​ഷൻ സാക്ഷി​കളെ വിചാരണ ചെയ്‌ത്‌, പ്രതികൾ നിയമ​വി​രു​ദ്ധ​മായ മതപരി​വർത്തനം നടത്തു​ന്നു​വെന്ന കുറ്റമു​ള്ള​വരല്ല എന്നു കണ്ടെത്തി. യൂറോ​പ്യൻ മനുഷ്യാ​വ​കാശ കോടതി 1993-ൽ എടുത്ത തീരു​മാ​നത്തെ ആദരി​ക്കാ​നും അതി​നോ​ടു പറ്റിനിൽക്കാ​നും ഗ്രീക്കു കോട​തി​ക്കു സമ്മതമാ​ണെന്ന്‌ ആ തീർപ്പു വ്യക്തമാ​ക്കു​ന്നു.

പ്രോ​സി​ക്യൂ​ഷനു സാക്ഷ്യം നൽകിയ മൂന്നു സ്‌ത്രീ​കൾ യഹോ​വ​യു​ടെ സാക്ഷി​ക​ളായ പ്രതി​കളെ സമീപി​ച്ചു സർവാ​ത്മനാ അനു​മോ​ദി​ച്ചതു പ്രത്യേ​കി​ച്ചും ആശ്ചര്യ​ജ​ന​ക​മാ​യി​രു​ന്നു. “ഈ സംഭവ​ങ്ങ​ളെ​പ്രതി ഞങ്ങൾ ക്ഷമ യാചി​ക്കു​ന്നു,” അവരി​ലൊ​രാൾ പറഞ്ഞു. “അതു ഞങ്ങളുടെ തെറ്റല്ലാ​യി​രു​ന്നു. നിങ്ങൾക്കെ​തി​രെ കുറ്റാ​രോ​പണം നടത്താൻ പുരോ​ഹി​തൻ ഞങ്ങളെ നിർബ​ന്ധി​ക്കു​ക​യാ​യി​രു​ന്നു. ഇപ്പോൾ അദ്ദേഹം ജീവി​ച്ചി​രി​പ്പി​ല്ല​ല്ലോ, അതു​കൊ​ണ്ടു ഞങ്ങളുടെ ഗ്രാമ​ത്തി​ലും വീടു​ക​ളി​ലും നിങ്ങൾ വരണ​മെ​ന്നാ​ണു ഞങ്ങളുടെ ആഗ്രഹം,” അവർ കൂട്ടി​ച്ചേർത്തു.

അങ്ങനെ, യഹോവ ഗ്രീസിൽ തന്റെ ജനത്തിന്‌ ഒരിക്കൽക്കൂ​ടി അത്ഭുത​ക​ര​മായ വിജയം നൽകി​യി​രി​ക്കു​ന്നു. 1938-ലും 1939-ലുമാണു മതപരി​വർത്തനം നിരോ​ധി​ച്ചു​കൊ​ണ്ടുള്ള നിയമം പാസാ​ക്കി​യത്‌. ഈ നിയമം ഉപയോ​ഗി​ച്ചു യഹോ​വ​യു​ടെ സാക്ഷി​കളെ പീഡി​പ്പി​ക്കു​ന്നതു തെറ്റാ​ണെന്നു യൂറോ​പ്യൻ മനുഷ്യാ​വ​കാശ കോടതി 1993-ൽ വിധി​ക്കു​ക​യു​ണ്ടാ​യി.—1993 സെപ്‌റ്റം​ബർ 1 വീക്ഷാ​ഗോ​പു​ര​ത്തി​ന്റെ 27-31 പേജുകൾ കാണുക.