നിങ്ങൾ ഓർമി​ക്കു​ന്നു​വോ?

വീക്ഷാഗോപുരത്തിന്റെ അടുത്ത കാലത്തെ ലക്കങ്ങൾക്കു നിങ്ങൾ ശ്രദ്ധാ​പൂർവ​ക​മായ പരിചി​ന്തനം നൽകി​യോ? പിൻവ​രുന്ന കാര്യങ്ങൾ അനുസ്‌മ​രി​ക്കു​ന്നതു രസകര​മെന്നു നിങ്ങൾ കണ്ടെത്തും:

◻ മത്തായി 11:28-നു ചേർച്ച​യിൽ ഒരുവൻ ‘യേശു​വി​ന്റെ അടുക്കൽ വരുന്നത്‌’ എങ്ങനെ​യാണ്‌?

യേശു ഇങ്ങനെ പറഞ്ഞു: “ഒരുത്തൻ എന്റെ പിന്നാലെ വരുവാൻ ഇച്ഛിച്ചാൽ തന്നെത്താൻ ത്യജിച്ചു, തന്റെ ക്രൂശു എടുത്തു എന്നെ അനുഗ​മി​ക്കട്ടെ.” (മത്തായി 16:24) തന്മൂലം, യേശു​വി​ന്റെ അടുക്കൽ വരുക എന്നത്‌, ഒരുവന്റെ ഹിതം ദൈവ​ത്തി​ന്റെ​യും ക്രിസ്‌തു​വി​ന്റെ​യും ഹിതത്തി​നു കീഴ്‌പെ​ടു​ത്തി​ക്കൊണ്ട്‌ ഒരു നിശ്ചിത അളവിൽ ഉത്തരവാ​ദി​ത്വ​മാ​കുന്ന ചുമടു തുടർച്ച​യാ​യി ചുമക്കു​ന്ന​തി​നെ അർഥമാ​ക്കും.—8/15, പേജ്‌ 17.

◻ മത്തായി 7:13, 14-ൽ യേശു സൂചി​പ്പിച്ച ‘ജീവനി​ലേക്കു നയിക്കുന്ന ഇടുങ്ങിയ വഴി’ തിര​ഞ്ഞെ​ടു​ക്കു​ന്നവർ “ചുരുക്ക”മായി​രി​ക്കു​ന്നത്‌ എന്തു​കൊണ്ട്‌?

ഇടുങ്ങിയ പാത ദൈവ​നി​യ​മ​ങ്ങ​ളാ​ലും തത്ത്വങ്ങ​ളാ​ലും നിയ​ന്ത്രി​ക്ക​പ്പെ​ട്ടി​രി​ക്കു​ന്നു. തന്മൂലം, തന്റെ ജീവി​തത്തെ ദൈവ​പ്ര​മാ​ണ​ങ്ങൾക്കു ചേർച്ച​യിൽ വരുത്താൻ ആത്മാർഥ​മാ​യി ആഗ്രഹി​ക്കുന്ന ഒരുവനു മാത്രമേ ഇത്‌ ആകർഷ​ക​മാ​യി തോന്നു​ക​യു​ള്ളൂ. നിയ​ന്ത്രി​ക്കു​ന്ന​താ​യി തോന്നി​ക്കു​ന്നെ​ങ്കി​ലും ‘ഇടുങ്ങിയ വഴി’ സുപ്ര​ധാ​ന​മായ എല്ലാ കാര്യ​ങ്ങ​ളി​ലും ഒരു വ്യക്തിയെ സ്വത​ന്ത്ര​നാ​ക്കു​ന്നു. “സ്വാത​ന്ത്ര്യ​ത്തി​ന്റെ തികഞ്ഞ ന്യായ​പ്ര​മാണ”മാണ്‌ അതിന്റെ അതിരു​കൾ. (യാക്കോബ്‌ 1:25)—9/1, പേജ്‌ 5.

◻ വിവേകം എങ്ങനെ നട്ടുവ​ളർത്താം?

വിവേകം സുഗമ​മാ​യോ സ്വാഭാ​വി​ക​മാ​യോ വരുന്നില്ല. എന്നാൽ ക്ഷമയും പ്രാർഥ​ന​യും ആത്മാർഥ​മായ ശ്രമവും ജ്ഞാനപൂർവ​ക​മായ സഹവാ​സ​വും ബൈബിൾപ​ഠ​ന​വും അതേക്കു​റി​ച്ചുള്ള ധ്യാന​വും യഹോ​വ​യു​ടെ പരിശു​ദ്ധാ​ത്മാ​വി​ലുള്ള ആശ്രയ​വും ഉണ്ടെങ്കിൽ, വിവേകം നട്ടുവ​ളർത്താ​നാ​വും.—9/1, പേജ്‌ 21.

◻ മാനു​ഷിക അസൂയ​യ്‌ക്കു നന്മയ്‌ക്കുള്ള ഒരു പ്രേര​ക​ശ​ക്തി​യാ​യി​രി​ക്കാൻ കഴിയു​ന്ന​തെ​ങ്ങനെ?

താൻ സ്‌നേ​ഹി​ക്കുന്ന ഒരാളെ ചീത്ത സ്വാധീ​ന​ങ്ങ​ളിൽനി​ന്നു സംരക്ഷി​ക്കു​ന്ന​തിന്‌ ഒരു വ്യക്തിയെ പ്രേരി​പ്പി​ക്കാൻ അതിനു കഴിയും. മാത്രമല്ല, മനുഷ്യർക്കു യഹോ​വ​യെ​യും അവന്റെ ആരാധ​ന​യെ​യും​പ്രതി ഉചിത​മാ​യി അസൂയ പ്രകടി​പ്പി​ക്കാ​വു​ന്ന​താണ്‌. (1 രാജാ​ക്ക​ന്മാർ 19:10)—9/15, പേജുകൾ 8, 9.

◻ യോ​സേ​ഫി​ന്റെ പ്രപൗ​ത്ര​ന്മാ​രെ​പ്പറ്റി, അവർ “യോ​സേ​ഫി​ന്റെ മടിയിൽ വളർന്നു”വെന്ന ഉല്‌പത്തി 50:23-ലെ പദപ്ര​യോ​ഗം എന്ത്‌ അർഥമാ​ക്കു​ന്നു?

യോസേഫ്‌ ആ കുട്ടി​കളെ കേവലം തന്റെ പിൻതു​ടർച്ച​ക്കാ​രാ​യി അംഗീ​ക​രി​ച്ചു​വെന്ന്‌ അതിന്‌ അർഥമാ​ക്കാം. അവൻ വാത്സല്യ​പൂർവം കുട്ടി​ക​ളോ​ടൊ​പ്പം കളിക്കു​ക​യും അവരെ മടിയി​ലി​രു​ത്തി ലാളി​ക്കു​ക​യും ചെയ്‌തു​വെ​ന്നും അതിനു സൂചി​പ്പി​ക്കാൻ കഴിയും. പിതാ​ക്ക​ന്മാർ തങ്ങളുടെ കുട്ടി​ക​ളോ​ടു സമാന​മാ​യി വാത്സല്യം പ്രകടി​പ്പി​ക്കു​ന്നതു നന്നായി​രി​ക്കും.—9/15, പേജുകൾ 20, 21.

◻ വിജയ​പ്ര​ദ​മായ വൈവാ​ഹിക-കുടുംബ ജീവി​ത​ത്തി​നു മർമ​പ്ര​ധാ​ന​മാ​യി​രി​ക്കു​ന്ന​തെന്ത്‌?

അഭികാമ്യമായ അത്തരം ഫലങ്ങൾ നേടി​യെ​ടു​ക്കു​ന്ന​തി​നു വിവാ​ഹ​ദ​മ്പ​തി​കൾ എല്ലായ്‌പോ​ഴും ദൈവ​ഹി​തം ഒന്നാമതു വയ്‌ക്കണം. അപ്രകാ​രം ചെയ്യു​ന്ന​തി​ലൂ​ടെ വിവാ​ഹ​ദ​മ്പ​തി​കൾ അന്യോ​ന്യം പറ്റിനിൽക്കു​ന്ന​തി​നും ദൈവ​വ​ച​ന​ത്തി​ലെ ബുദ്ധ്യു​പ​ദേശം ബാധക​മാ​ക്കി​ക്കൊ​ണ്ടു പ്രശ്‌ന​ങ്ങൾക്കു പരിഹാ​രം കണ്ടെത്തു​ന്ന​തി​നും ശ്രമി​ക്കു​ന്നു. ദൈവ​ഹി​തം അവഗണി​ക്കു​ന്ന​തി​ന്റെ ഫലമാ​യു​ണ്ടാ​കുന്ന സകലവിധ ഹൃദയ​വേ​ദ​ന​ക​ളും അവർ അങ്ങനെ ഒഴിവാ​ക്കു​ന്നു. (സങ്കീർത്തനം 19:7-11)—10/1, പേജ്‌ 11.

◻ ദൈവിക അടിയ​ന്തി​ര​താ​ബോ​ധം ഇന്ന്‌ എത്ര​ത്തോ​ളം നിർണാ​യ​ക​മാണ്‌?

യഹോവയ്‌ക്കു മുഴു​ദേ​ഹി​യോ​ടെ​യുള്ള സേവന​ത്തി​ന്റെ ഒരു അവിഭാ​ജ്യ ഭാഗമാ​ണു ദൈവിക അടിയ​ന്തി​ര​താ​ബോ​ധം. ‘[തങ്ങളുടെ] ഉള്ളിൽ ക്ഷീണിച്ചു മടുക്കാൻ’ ദൈവ​ദാ​സ​ന്മാ​രെ ഇടയാ​ക്കു​ന്ന​തി​നു പിശാച്‌ നടത്തുന്ന ശ്രമങ്ങളെ അത്‌ അകറ്റി​നിർത്തു​ക​യും അവയെ വിഫല​മാ​ക്കാൻ സഹായി​ക്കു​ക​യും ചെയ്യുന്നു. (എബ്രായർ 12:3) ഉന്നതങ്ങ​ളിൽനി​ന്നുള്ള കാര്യ​ങ്ങ​ളിൽ, “സാക്ഷാ​ലുള്ള ജീവ”നിൽ തങ്ങളുടെ ശ്രദ്ധ കേന്ദ്രീ​ക​രി​ക്കാൻ ഇടയാ​ക്കി​ക്കൊണ്ട്‌, ലോക​കാ​ര്യ​ങ്ങ​ളി​ലും അതിന്റെ ഭൗതി​ക​ത്വ​ത്തി​ലും അനാവ​ശ്യ​മാ​യി ഉൾപ്പെ​ടു​ന്ന​തിൽനിന്ന്‌ അത്‌ അവരെ സംരക്ഷി​ക്കു​ന്നു. (1 തിമൊ​ഥെ​യൊസ്‌ 6:19)—10/1, പേജ്‌ 28.

◻ ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമയിൽ, യേശു എന്നാണു തന്റെ സിംഹാ​സ​ന​ത്തിൽ ഇരിക്കു​ന്നത്‌, എന്തു​കൊണ്ട്‌? (മത്തായി 25:31-33)

രാജാവെന്ന നിലയിൽ അവൻ ഇരിക്കു​ന്ന​താ​യി ആ ഉപമ കാണി​ക്കു​ന്നില്ല. മറിച്ച്‌, അവൻ ന്യായാ​ധി​പ​നാ​യി ഇരിക്കു​ന്നു. ആ ന്യായ​വി​ധി അനേക വർഷങ്ങ​ളി​ലാ​യി തുടരുന്ന ഒന്നല്ല. മറിച്ച്‌, ഒരു പരിമിത സമയത്തി​നു​ള്ളിൽ ജാതി​ക​ളു​ടെ​മേൽ ന്യായ​വി​ധി പ്രഖ്യാ​പി​ച്ചു നടപ്പാ​ക്കുന്ന ഭാവി കാല​ത്തേക്ക്‌ ആ ഉപമ വിരൽ ചൂണ്ടുന്നു.—10/15, പേജ്‌ 22, 23.

◻ യേശു കൂടെ​ക്കൂ​ടെ പരാമർശിച്ച “തലമുറ” എന്താണ്‌?

യഹൂദ ജനതയു​ടെ ഭാഗമായ ‘കുരു​ട​രായ വഴികാ​ട്ടി​കൾ’ ഉൾപ്പെട്ട സമകാ​ലീന ജനക്കൂ​ട്ട​ത്തിന്‌ “ഈ തലമുറ” എന്ന പദപ്ര​യോ​ഗം യേശു ബാധക​മാ​ക്കി. (മത്തായി 11:16; 15:14; 24:34)—11/1, പേജ്‌ 14.

◻ മത്തായി 24:34-39-ലുള്ള യേശു​വി​ന്റെ പ്രവച​ന​ത്തി​ന്റെ അവസാന നിവൃ​ത്തി​യിൽ, “ഈ തലമുറ” എന്ന പദപ്ര​യോ​ഗം എന്തി​നെ​യാ​ണു പരാമർശി​ക്കു​ന്നത്‌?

ക്രിസ്‌തുവിന്റെ സാന്നി​ധ്യ​ത്തി​ന്റെ അടയാളം കണ്ടിട്ടും തങ്ങളുടെ വഴികൾ നേരെ​യാ​ക്കാൻ മുതി​രാത്ത ഭൂവാ​സി​ക​ളെ​യാണ്‌ യേശു പ്രത്യ​ക്ഷ​ത്തിൽ പരാമർശി​ക്കു​ന്നത്‌.—11/1, പേജുകൾ 19, 31.

◻ സങ്കേത നഗരങ്ങ​ളു​ടെ​യും അവയുടെ നിബന്ധ​ന​ക​ളു​ടെ​യും ക്രമീ​ക​രണം പുരാതന ഇസ്രാ​യേ​ലി​ലെ ജനങ്ങൾക്കു പ്രയോ​ജ​കീ​ഭ​വി​ച്ച​തെ​ങ്ങനെ?

മനുഷ്യജീവന്റെ കാര്യ​ത്തിൽ അശ്രദ്ധ​രും ഉദാസീ​ന​രും ആയിരി​ക്ക​രു​തെന്ന്‌ അത്‌ ഇസ്രാ​യേ​ല്യ​രു​ടെ മനസ്സിൽ പതിപ്പി​ക്കു​ക​യു​ണ്ടാ​യി. ഉചിത​മാ​യി​രി​ക്കു​മ്പോൾ കരുണ കാണി​ക്കു​ന്ന​തി​ന്റെ ആവശ്യകത സംബന്ധി​ച്ചും അത്‌ ഊന്നൽ നൽകി. (യാക്കോബ്‌ 2:13)—11/15, പേജ്‌ 14.

◻ പ്രതി​മാ​തൃക സങ്കേത നഗരം എന്താണ്‌?

അതു രക്തത്തിന്റെ പവിത്രത സംബന്ധിച്ച ദൈവ​നി​യമം ലംഘി​ക്കു​ന്നതു നിമി​ത്ത​മു​ണ്ടാ​കുന്ന മരണത്തിൽനി​ന്നു നമ്മെ സംരക്ഷി​ക്കു​ന്ന​തി​നുള്ള അവന്റെ കരുത​ലാണ്‌. (ഉല്‌പത്തി 9:6)—11/15, പേജ്‌ 17.

◻ ‘ശക്തി പുതു​ക്കാൻ’ ക്രിസ്‌തീയ സാഹോ​ദ​ര്യ​ത്തി​നു നമ്മെ സഹായി​ക്കാൻ കഴിയു​ന്ന​തെ​ങ്ങനെ? (യെശയ്യാ​വു 40:31)

നമ്മുടേതിനു സമാന​മായ സമ്മർദ​ങ്ങ​ളും പീഡന​ങ്ങ​ളും അഭിമു​ഖീ​ക​രി​ക്കു​ക​യും ഏറെക്കു​റെ നമ്മു​ടേ​തി​നു തുല്യ​മായ ചേതോ​വി​കാ​രങ്ങൾ അനുഭ​വി​ക്കു​ക​യും ചെയ്യുന്ന ചിലർ നമ്മുടെ സഹോ​ദ​രീ​സ​ഹോ​ദ​ര​ന്മാ​രു​ടെയി​ട​യിൽ ഉണ്ടായി​രു​ന്നേ​ക്കാം. (1 പത്രൊസ്‌ 5:9) നാം അനുഭ​വി​ക്കു​ന്നത്‌ അസാമാ​ന്യ​വും നമ്മുടെ വികാ​രങ്ങൾ അസാധാ​ര​ണ​വും അല്ലെന്ന​റി​യു​ന്നതു നമുക്ക്‌ ഉറപ്പേ​കു​ക​യും വിശ്വാ​സത്തെ ബലിഷ്‌ഠ​മാ​ക്കു​ക​യും ചെയ്യുന്നു.—12/1, പേജുകൾ 15, 16.