രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

“സുവി​ശേ​ഷ​കന്റെ പ്രവൃ​ത്തി​ചെയ്‌ക”

സുവി​ശേ​ഷകൻ ആയിരി​ക്കു​ക​യെ​ന്നാൽ എന്താണ്‌ അർഥമാ​ക്കു​ന്നത്‌? “സുവാർത്ത” എന്നർഥ​മുള്ള യൂഗ്ഗെ​ല്യൻ എന്ന പദവു​മാ​യി അടുത്ത ബന്ധമുള്ള ഗ്രീക്കു പദമായ യൂഗ്ഗെ​ലി​സ്റ്റെസ്‌ എന്നതിന്റെ പരിഭാ​ഷ​യാണ്‌ ആ പദം. അതു​കൊണ്ട്‌, സുവി​ശേ​ഷകൻ സുവാർത്ത​യു​ടെ ഒരു പ്രസം​ഗകൻ, അല്ലെങ്കിൽ ഒരു സന്ദേശ​വാ​ഹകൻ ആണ്‌.

എല്ലാ സത്യ​ക്രി​സ്‌ത്യാ​നി​ക​ളും സുവി​ശേ​ഷ​ക​രാണ്‌. എന്തു​കൊ​ണ്ടെ​ന്നാൽ അവർ ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത പ്രസം​ഗി​ക്കു​ന്നു. ഉചിത​മാ​യി​ത്തന്നെ, “സുവി​ശേ​ഷ​കന്റെ പ്രവൃ​ത്തി​ചെയ്‌ക” എന്ന അനുശാ​സനം പൗലോസ്‌ അപ്പോ​സ്‌തലൻ തിമോ​ത്തി​ക്കു നൽകു​ക​യു​ണ്ടാ​യി. തിമോ​ത്തി ഈ വേലയെ ഗൗരവ​മാ​യി എടു​ക്കേ​ണ്ട​തു​ണ്ടാ​യി​രു​ന്നു. “സകലത്തി​ലും നിർമ്മദൻ ആയിരി”ക്കാനും “ശുശ്രൂഷ നിറപ​ടി​യാ​യി നിവർത്തി”ക്കാനും പൗലോസ്‌ അവനെ ഉദ്‌ബോ​ധി​പ്പി​ച്ചു.—2 തിമൊ​ഥെ​യൊസ്‌ 4:5.

സുവി​ശേ​ഷ​കർ എന്നനി​ല​യിൽ നമ്മുടെ ശുശ്രൂ​ഷയെ നാമും ഗൗരവ​മാ​യി എടുക്കു​ക​യും ‘നിർമ്മ​ദ​രാ​യി​രി​ക്കുക’യും, അല്ലെങ്കിൽ ഏതൊരു അവസര​ത്തി​ലും സുവാർത്ത പങ്കു​വെ​ക്കാൻ ജാഗരൂ​ക​രാ​യി നില​കൊ​ള്ളു​ക​യും ചെയ്യുന്നു. അങ്ങനെ യഹോ​വ​യു​ടെ സാക്ഷികൾ അനൗപ​ചാ​രി​ക​മാ​യി ബന്ധപ്പെ​ട്ട​തു​വഴി അനേക​രും യഹോ​വ​യെ​യും അവന്റെ ഉദ്ദേശ്യ​ങ്ങ​ളെ​യും കുറിച്ച്‌ അറിയാ​നി​ട​യാ​യി​രി​ക്കു​ന്നു. ഇതാണു ബാർബ​ഡോ​സു​കാ​ര​നായ സീമോ​റി​ന്റെ കാര്യ​ത്തിൽ സംഭവി​ച്ചത്‌.

ഒരു സർക്കാർ വിദ്യാ​ല​യ​ത്തി​ലെ അധ്യാ​പ​ക​നാ​യി​രു​ന്നു സീമോർ. അതേ വിദ്യാ​ല​യ​ത്തി​ലെ അംശകാല അധ്യാ​പ​ക​നും യഹോ​വ​യു​ടെ സാക്ഷി​യു​മായ ചാൾസ്‌ ജാഗരൂ​ക​നായ ഒരു സുവി​ശേ​ഷ​ക​നാ​യി​രു​ന്നു. ഒരു മുഴു​സമയ ശുശ്രൂ​ഷകൻ, അഥവാ പയനിയർ ആയിരുന്ന അദ്ദേഹം മറ്റുള്ള​വ​രു​മാ​യി സുവാർത്ത പങ്കു​വെ​ക്കാൻ ലഭിച്ച എല്ലാ അവസര​വും ഉപയോ​ഗ​പ്പെ​ടു​ത്തി. ചാൾസി​ന്റെ അനൗപ​ചാ​രിക സാക്ഷീ​ക​ര​ണ​ത്തി​ലൂ​ടെ​യാ​യി​രു​ന്നു സീമോർ ആദ്യമാ​യി രാജ്യ​സ​ന്ദേശം കേട്ടത്‌.

ഉടനെ സീമോ​റും കഴിയാ​വു​ന്നത്ര ആളുക​ളു​മാ​യി ബൈബിൾസ​ത്യം പങ്കു​വെ​ക്ക​ണ​മെന്ന്‌ ഉറച്ചു. അങ്ങനെ അയാൾ തന്റെ ജോലി​സ്ഥ​ലത്തെ ആളുക​ളു​മാ​യി, വിശേ​ഷി​ച്ചും തന്റെ വിദ്യാർഥി​ക​ളു​മാ​യി, അനൗപ​ചാ​രിക സംഭാ​ഷ​ണങ്ങൾ ആരംഭി​ച്ചു. ചില രാജ്യ​ങ്ങ​ളിൽ സർക്കാർ വിദ്യാ​ല​യ​ങ്ങ​ളിൽ മതപഠനം പാടി​ല്ലെ​ങ്കി​ലും, മത, ധാർമിക മൂല്യ​ങ്ങ​ളെ​ക്കു​റി​ച്ചു പഠിപ്പി​ക്കാൻ ഇദ്ദേഹം നിയമി​ത​നാ​യി. എന്നാൽ ഈവക സംഗതി​ക​ളെ​ക്കു​റി​ച്ചു സീമോ​റി​നു മുമ്പു​ണ്ടാ​യി​രുന്ന വീക്ഷണം ഇപ്പോൾ പുതു​താ​യി നേടിയ ബൈബിൾ പരിജ്ഞാ​ന​ത്തി​നു വഴിമാ​റി​യി​രു​ന്നു. ഇടവേ​ള​ക​ളിൽ അദ്ദേഹം വിദ്യാർഥി​ക​ളു​മാ​യി പുതിയ ലോക​ത്തെ​ക്കു​റി​ച്ചുള്ള ദൈവ​ത്തി​ന്റെ വാഗ്‌ദാ​ന​ത്തെ​ക്കു​റി​ച്ചും നിത്യ​ജീ​വന്റെ പ്രതീ​ക്ഷ​യെ​ക്കു​റി​ച്ചും സംസാ​രി​ച്ചു.

കുട്ടി​ക​ളു​ടെ പ്രതി​ക​രണം എങ്ങനെ​യാ​യി​രു​ന്നു? യഹോ​വ​യു​ടെ രാജ്യ​ത്തെ​ക്കു​റി​ച്ചുള്ള സുവാർത്ത​യിൽ പലരും യഥാർഥ താത്‌പ​ര്യം പ്രകട​മാ​ക്കി. അവസാനം, അദ്ദേഹം തന്റെ വിദ്യാർഥി​ക​ളിൽ 13 പേരു​മാ​യി ബൈബി​ള​ധ്യ​യനം തുടങ്ങി. വലിയ താത്‌പ​ര്യം കാട്ടിയ അവർ ബൈബി​ള​ധ്യ​യനം ആഴ്‌ച​യിൽ രണ്ടു പ്രാവ​ശ്യ​മാ​ക്കി. അവസാനം മിക്കവ​രും യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക രാജ്യ​ഹാ​ളു​ക​ളിൽ ക്രിസ്‌തീയ യോഗ​ങ്ങൾക്കു ഹാജരാ​കാൻ തുടങ്ങി. ഇതുവരെ അവരിൽ ഒമ്പതു​പേർ യഹോ​വ​യു​ടെ സമർപ്പിത, സ്‌നാ​പ​ന​മേറ്റ സാക്ഷി​ക​ളാ​യി​ത്തീർന്നി​ട്ടുണ്ട്‌. സീമോ​റാ​ണെ​ങ്കി​ലോ, ബാർബ​ഡോ​സിൽ യഹോ​വ​യു​ടെ സാക്ഷി​ക​ളു​ടെ സഭകളി​ലൊ​ന്നിൽ ഒരു നിരന്തര പയനി​യ​റും മൂപ്പനു​മാ​യി സേവി​ച്ചു​കൊണ്ട്‌ തന്റെ ശുശ്രൂഷ നിറപ​ടി​യാ​യി നിവർത്തി​ക്കു​ന്നു.

ലോക​ത്തി​ലു​ട​നീ​ളം യഹോ​വ​യു​ടെ സാക്ഷികൾ ‘സുവി​ശേ​ഷ​കന്റെ വേല’ അതിന്റെ ഒരു ഭാഗമായ അനൗപ​ചാ​രിക സാക്ഷീ​ക​ര​ണ​ത്തി​ലൂ​ടെ ‘നിവർത്തി​ക്കുന്ന’തെങ്ങനെ എന്നതിന്റെ കേവലം ഒരു ഉദാഹ​രണം മാത്ര​മാ​ണിത്‌. കൊ​ലൊ​സ്സ്യർ 4:5, 6-ൽ കാണുന്ന ബൈബി​ളി​ന്റെ അനുശാ​സനം പിൻപ​റ്റു​ക​യാ​ണവർ. അവിടെ ഇങ്ങനെ പറയുന്നു: “സമയം തക്കത്തിൽ ഉപയോ​ഗി​ച്ചു​കൊ​ണ്ടു പുറത്തു​ള്ള​വ​രോ​ടു ജ്ഞാന​ത്തോ​ടെ പെരു​മാ​റു​വിൻ. ഓരോ​രു​ത്ത​നോ​ടു നിങ്ങൾ എങ്ങനെ ഉത്തരം പറയേണം എന്നു അറി​യേ​ണ്ട​തി​ന്നു നിങ്ങളു​ടെ വാക്കു എപ്പോ​ഴും കൃപ​യോ​ടു​കൂ​ടി​യ​തും ഉപ്പിനാൽ രുചി​വ​രു​ത്തി​യ​തും ആയിരി​ക്കട്ടെ.”