വായന​ക്കാ​രിൽനി​ന്നുള്ള ചോദ്യ​ങ്ങൾ

ഫിലിപ്പിയർ 2:9-ൽ, യേശു​വി​നെ​ക്കു​റി​ച്ചു പൗലോസ്‌ പറഞ്ഞു: ‘ദൈവം അവനെ ഏറ്റവും ഉയർത്തി സകലനാ​മ​ത്തി​ന്നും മേലായ നാമം നല്‌കി.’ ഈ പുതിയ നാമം എന്താണ്‌? യേശു യഹോ​വ​യെ​ക്കാൾ താഴ്‌ന്ന​വ​നാ​ണെ​ങ്കിൽ, യേശു​വി​ന്റെ നാമം മറ്റു സകല നാമത്തി​നും മേലാ​യി​രി​ക്കു​ന്ന​തെ​ങ്ങനെ?

ഫിലി​പ്പി​യർ 2:8, 9 ഇങ്ങനെ വായി​ക്കു​ന്നു: “[യേശു] തന്നെത്താൻ ഒഴിച്ചു വേഷത്തിൽ മനുഷ്യ​നാ​യി വിളങ്ങി തന്നെത്താൻ താഴ്‌ത്തി മരണ​ത്തോ​ളം ക്രൂശി​ലെ മരണ​ത്തോ​ളം തന്നേ, അനുസ​ര​ണ​മു​ള്ള​വ​നാ​യി​ത്തീർന്നു. അതു​കൊ​ണ്ടു ദൈവ​വും അവനെ ഏറ്റവും ഉയർത്തി സകലനാ​മ​ത്തി​ന്നും [“മറ്റ്‌ എല്ലാ നാമങ്ങൾക്കും,” NW] മേലായ നാമം നല്‌കി.”

മറ്റു സകല നാമങ്ങ​ളെ​ക്കാൾ തികച്ചും മേലായ നാമം യഹോ​വക്കു മാത്രം ഉള്ളതു​കൊണ്ട്‌, യഹോ​വ​ത​ന്നെ​യാ​യി​രി​ക്കണം യേശു എന്ന്‌ ഈ ഭാഗം അർഥമാ​ക്കു​ന്നില്ല. ഫിലി​പ്പി​യർ 2-ാം അധ്യാ​യ​ത്തി​ന്റെ സന്ദർഭം പ്രകട​മാ​ക്കു​ന്ന​തു​പോ​ലെ, യേശു​വിന്‌ ഉയർത്ത​പ്പെട്ട നാമം ലഭിച്ചത്‌ അവന്റെ പുനരു​ത്ഥാ​ന​ത്തി​നു​ശേ​ഷ​മാണ്‌. അതിനു​മുമ്പ്‌ അവന്‌ അതില്ലാ​യി​രു​ന്നു. നേരേ​മ​റിച്ച്‌, യഹോവ എന്നും പരമാ​ധി​കാ​രി​തന്നേ, അവന്റെ സ്ഥാനത്തിന്‌ ഒരിക്ക​ലും ഒരു മാറ്റവും വന്നിട്ടില്ല. തന്റെ ഭൗതിക സേവന​ത്തി​നു​മു​മ്പു​ണ്ടാ​യി​രുന്ന നാമ​ത്തെ​ക്കാൾ ഉന്നതമായ ഒരു നാമം യേശു​വി​നു കിട്ടി എന്ന വസ്‌തു​ത​തന്നെ തെളി​യി​ക്കു​ന്നത്‌ അവൻ യഹോ​വയല്ല എന്നാണ്‌. മറ്റെല്ലാ​വ​രെ​ക്കാ​ളും മേലായ ഒരു നാമം യേശു​വി​നു നൽക​പ്പെ​ട്ടു​വെന്നു പൗലോസ്‌ പറയു​മ്പോൾ, ദൈവ​ത്തി​ന്റെ സകല സൃഷ്ടി​ക​ളി​ലും​വെച്ച്‌ ഏറ്റവും ഉന്നതമായ നാമമാ​ണു യേശു​വി​നു​ള്ളത്‌ എന്നാണ്‌ അവൻ അർഥമാ​ക്കു​ന്നത്‌.

യേശു​വി​ന്റെ ഉന്നതമായ നാമം എന്താണ്‌? ഉത്തരം കണ്ടെത്താൻ യെശയ്യാ​വു 9:6 നമ്മെ സഹായി​ക്കു​ന്നു. വരാനി​രുന്ന മിശി​ഹാ​യായ യേശു​വി​നെ​പ്പറ്റി പ്രവചി​ച്ചു​കൊണ്ട്‌ ആ വാക്യം ഇങ്ങനെ പറയുന്നു: “ആധിപ​ത്യം അവന്റെ തോളിൽ ഇരിക്കും; അവന്നു അത്ഭുത​മ​ന്ത്രി, വീരനാം ദൈവം, നിത്യ​പി​താ​വു, സമാധാ​ന​പ്രഭു എന്നു പേർ [“നാമം,” NW] വിളി​ക്ക​പ്പെ​ടും.” (ചെരി​ച്ചെ​ഴു​ത്തു ഞങ്ങളു​ടേത്‌.) തന്റെ ഉന്നത സ്ഥാന​ത്തോ​ടും അധികാ​ര​ത്തോ​ടും ബന്ധപ്പെ​ട്ട​താണ്‌ ഇവിടെ പറഞ്ഞി​രി​ക്കുന്ന “നാമം.” അങ്ങനെ​ത​ന്നെ​യാണ്‌ ഫിലി​പ്പി​യർ 2:9-ൽ [NW] പരാമർശി​ച്ചി​രി​ക്കുന്ന “മറ്റ്‌ എല്ലാ നാമങ്ങൾക്കും മേലായ നാമ”ത്തെയും നാം മനസ്സി​ലാ​ക്കു​ന്നത്‌. യഹോവ യേശു​വി​നു നൽകി​യി​രി​ക്കുന്ന ഉയർന്ന അധികാ​ര​സ്ഥാ​നത്തെ—ഏതൊരു സൃഷ്ടി​ക്കും നൽക​പ്പെ​ട്ടി​രി​ക്കു​ന്ന​തി​നെ​ക്കാൾ ഉയർന്നൊ​രു സ്ഥാനത്തെ—അംഗീ​ക​രി​ച്ചു​കൊണ്ട്‌ അവനു​മു​മ്പിൽ മുട്ടുകൾ മടക്കാൻ സകലരും കൽപ്പി​ക്ക​പ്പെ​ട്ടി​രി​ക്കു​ന്നു. ഈ പരിഭാ​ഷ​യി​ലെ “മറ്റ്‌” എന്ന പദം അടിസ്ഥാന ഗ്രീക്കു പാഠത്തിൽ നേരിട്ടു പ്രതി​നി​ധാ​നം ചെയ്യ​പ്പെ​ടു​ന്നി​ല്ലെ​ങ്കി​ലും ആ വാക്യ​ത്തി​ന്റെ അർഥത്തിൽ അത്‌ ഉൾക്കൊ​ള്ളു​ന്നുണ്ട്‌. യേശു​വി​ന്റെ “നാമം” അവന്റെ സ്വന്തം നാമത്തി​നു മേലാ​യി​രി​ക്കു​ന്നില്ല, എന്നാൽ മറ്റ്‌ എല്ലാ സൃഷ്ടി​ക​ളു​ടെ​യും നാമ​ത്തെ​ക്കാൾ മേലാ​യി​രി​ക്കു​ന്നു.

യേശു​വി​ന്റെ നാമത്തെ അംഗീ​ക​രി​ച്ചു മുട്ടു​മ​ട​ക്കു​ന്ന​തിൽ വിശ്വ​സ്‌ത​രായ എല്ലാ ദൂതന്മാ​രോ​ടും മനുഷ്യ​രോ​ടു​മൊ​പ്പം ചേരു​ന്ന​തിൽ നാം എത്ര സന്തുഷ്ട​രാണ്‌! യഹോവ യേശു​വി​നു നൽകി​യി​രി​ക്കുന്ന ഉന്നതമാ​ക്ക​പ്പെ​ട്ട​തും ശക്തവു​മായ സ്ഥാനം നിമിത്തം നാം നമ്മെത്തന്നെ യേശു​വി​നു കീഴ്‌പെ​ടു​ത്തി​ക്കൊണ്ട്‌, “പിതാ​വായ ദൈവ​ത്തി​ന്റെ മഹത്വ​ത്തി​ന്നാ​യി” നാമതു ചെയ്യുന്നു.—ഫിലി​പ്പി​യർ 2:11; മത്തായി 28:18.