നമ്മു​ടെ​യി​ട​യിൽ ദൂതന്മാ​രു​ണ്ടോ?

പെട്ടെന്നായിരുന്നു സംഭവം. മെറി​ളിൻ ചിന്തക​ളിൽ മുഴുകി, പരിസരം മറന്ന്‌, തീവണ്ടി​പ്പാ​ള​ത്തി​ലൂ​ടെ അലസയാ​യി നടക്കു​ക​യാ​യി​രു​ന്നു. പെട്ടെന്ന്‌ ഉച്ചത്തി​ലൊ​രു മുഴക്കം അവളുടെ കാതിൽ പതിഞ്ഞു. കണ്ണുക​ളു​യർത്തി​യ​പ്പോൾ കണ്ടതോ, തന്റെ നേർക്കു ചീറി​പ്പാ​ഞ്ഞ​ടു​ക്കുന്ന ഒരു തീവണ്ടി! പേടി​ച്ചരണ്ട മെറി​ളിൻ ജീവച്ഛ​വ​മാ​യി മാറി. ഡ്രൈ​വ​റു​ടെ നീലക്ക​ണ്ണു​ക​ളും ഭീതി​പൂണ്ട മുഖവും കാണത്ത​ക്ക​വണ്ണം അത്ര അടു​ത്തെ​ത്തി​യി​രു​ന്നു തീവണ്ടി. അതിനു​ശേഷം സംഭവി​ച്ചതു മെറി​ളിൻ ഒരിക്ക​ലും മറന്നി​ട്ടില്ല. “ഒരു രാക്ഷസൻ എന്നെ പിറകിൽനി​ന്നു തള്ളിയ​പോ​ലെ​യാ​യി​രു​ന്നു അത്‌,” അവൾ പറഞ്ഞു. “ഞാൻ പാളത്തി​നു പുറ​ത്തേക്ക്‌, അവിടെ കൂട്ടി​യി​ട്ടി​രുന്ന കൽക്കരി​ക്ക​ട്ട​ക​ളു​ടെ മുകളി​ലേക്കു തെറി​ച്ചു​വീ​ണു.” നിസ്സാര പരു​ക്കോ​ടെ, മെറി​ളിൽ തന്നെ സഹായി​ച്ച​യാൾക്കു നന്ദിപ​റ​യാ​നാ​യി എഴു​ന്നേറ്റു—എന്നാൽ അവി​ടെ​യെ​ങ്ങും ആരു​ടെ​യും പൊടി​പോ​ലും കാണാ​നി​ല്ലാ​യി​രു​ന്നു! അവളുടെ നിഗമ​ന​മോ? “എന്റെ കാവൽമാ​ലാഖ എന്റെ ജീവൻ രക്ഷിച്ചു,” മെറി​ളിൻ പറയുന്നു. “അല്ലാതെ അതു വേറെ ആരാണ്‌?”

ഒരു അവിശ്വാ​സ ലോക​ത്തി​നു പെട്ടെന്നു ദൂതന്മാ​രെ​ക്കു​റി​ച്ചു കമ്പം ജനിച്ച​താ​യി തോന്നു​ന്നു. സമീപ വർഷങ്ങ​ളിൽ സ്വർഗീയ ജീവികൾ ടെലി​വി​ഷൻ പരിപാ​ടി​ക​ളി​ലും ചലച്ചി​ത്ര​ങ്ങ​ളി​ലും ബ്രോ​ഡ്‌വേ നാടക​ങ്ങ​ളി​ലും​പോ​ലും പ്രതി​പാ​ദ്യ​വി​ഷ​യ​മാ​യി​ത്തീർന്നി​രി​ക്കു​ന്നു. ഏറ്റവും അധികം പ്രതികൾ വിൽക്ക​പ്പെട്ട മതഗ്ര​ന്ഥ​ങ്ങ​ളു​ടെ പട്ടിക​യിൽ ദൂതന്മാ​രെ​പ്പ​റ്റി​യുള്ള പുസ്‌ത​കങ്ങൾ മുൻനി​ര​യിൽ സ്ഥാനം പിടി​ച്ചി​രി​ക്കു​ന്നു. ദൂത ക്ലബ്ബുക​ളും സെമി​നാ​റു​ക​ളും വാർത്താ​പ​ത്രി​ക​ക​ളു​മുണ്ട്‌. ഒരു ലേഖനം പ്രതി​പാ​ദി​ക്കു​ന്ന​തു​പോ​ലെ, “ഒരുവന്റെ ‘ഉൾദൂ​തനെ’” പ്രയോ​ജ​ന​പ്പെ​ടു​ത്താൻ പണികൾ നടക്കു​ക​യാണ്‌.

ഉപഭോ​ക്തൃ ഉത്‌പ​ന്ന​ങ്ങ​ളു​ടെ നിലക്കാത്ത പ്രവാ​ഹ​ത്തിൽ കക്ഷികളെ പിടി​ക്കാൻ ആർത്തി​പൂണ്ട്‌ ഓടി​ന​ട​ക്കുന്ന അവസര​വാ​ദി​ക​ളായ കച്ചവട​ക്കാ​രാ​ണു ദൂത പ്രസ്ഥാ​ന​ത്തി​ന്റെ ചട്ടക്കയ്യിൽ സൗകര്യാർഥം തൂങ്ങി​ക്കി​ട​ക്കു​ന്നവർ. “ദൂതന്മാ​രെ​പ്പ​റ്റി​യുള്ള എന്തും ചൂടപ്പം പോ​ലെ​യാണ്‌” എന്ന്‌ ഐക്യ​നാ​ടു​ക​ളി​ലുള്ള ഒരു കടയുടെ സഹയുടമ പറയുന്നു. പുസ്‌തക പ്രളയ​ത്തി​നു പുറമേ, “ദൂത​പ്ര​തി​മകൾ, പിന്നുകൾ, പാവകൾ, ടീ-ഷർട്ടുകൾ, പരസ്യങ്ങൾ, ആശംസാ കാർഡു​കൾ” എന്നിവ​യും അവർ പട്ടിക​പ്പെ​ടു​ത്തു​ന്നു. ഇവയെ​ല്ലാം കൂടി​യാ​കു​മ്പോൾ ലഭിക്കു​ന്ന​തോ, “സ്വർഗീയ ലാഭം.” അങ്ങനെ​യാണ്‌ ഒരു എഴുത്തു​കാ​രൻ അതിനെ വിശേ​ഷി​പ്പി​ച്ചത്‌.

എന്നാൽ ഇതു വെറു​മൊ​രു ഭ്രമമ​ല്ലെന്നു ദൂത വക്താക്കൾ തറപ്പിച്ചു പറയുന്നു. തങ്ങളുടെ അവകാ​ശ​വാ​ദത്തെ പിന്തു​ണ​യ്‌ക്കു​ന്ന​തിന്‌ അവർ “യഥാർഥ ജീവിത”ത്തിൽ ദൂതന്മാ​രെ കണ്ടുമു​ട്ടി​യ​തി​ന്റെ തെളി​വു​കൾ ഒന്നിനു പിറകെ ഒന്നായി നിരത്തു​ന്നു. തങ്ങൾ ദൂതന്മാ​രെ മനുഷ്യ​രൂ​പ​ത്തിൽ കണ്ടെന്നു ചിലർ. ദൂതന്മാ​രു​ടേ​തെന്നു തോന്നുന്ന ഒരു പ്രകാശം കണ്ടെന്നോ ശബ്ദം കേട്ടെ​ന്നോ സാന്നി​ധ്യ​മോ പ്രേര​ണ​യോ അനുഭ​വി​ച്ചെ​ന്നോ മറ്റുചി​ലർ. ദൂതന്മാർ തങ്ങളുടെ ജീവൻ രക്ഷിച്ച​താ​യി മെറി​ളി​നെ​പ്പോ​ലെ​യുള്ള അനേകർ പറയുന്നു.

എന്താണു സംഭവി​ക്കു​ന്നത്‌? “ആത്മീയത പുനർജീ​വി​ക്കു​ന്ന​താ​യി ഞാൻ കരുതു​ന്നു” എന്ന്‌ “അമാനുഷ” കൂടി​ക്കാ​ഴ്‌ച​ക​ളെ​പ്പറ്റി രണ്ടു പുസ്‌ത​കങ്ങൾ എഴുതിയ ജോൺ വെസ്റ്റർ ആൻഡേർസൻ പറയുന്നു. മറ്റൊരു ഗ്രന്ഥ​മെ​ഴു​താൻ സഹായിച്ച അൽമാ ഡാനി​യേൽ ഒരു പടികൂ​ടി മുന്നോ​ട്ടു പോയി ഇങ്ങനെ പറയുന്നു: ദൂതന്മാർ, “അധിക​മ​ധി​ക​മാ​ളു​കൾക്ക്‌ എത്തിപ്പി​ടി​ക്കേ​ണ്ട​തി​നു തങ്ങളെ​ത്തന്നെ ലഭ്യമാ​ക്കാൻ കൽപ്പി​ക്ക​പ്പെ​ട്ടി​രി​ക്കു​ന്നു. അങ്ങനെ​യാ​യി​രി​ക്കാൻ അവർ ആഗ്രഹി​ക്കു​ന്ന​തു​കൊ​ണ്ടാണ്‌ നാം അവരെ​പ്പറ്റി കൂടുതൽ കാണു​ന്നത്‌. അവരാണ്‌ അതു ചെയ്യു​ന്നത്‌.”

വാസ്‌ത​വ​ത്തിൽ അത്‌ അങ്ങനെ​യാ​ണോ? അതോ ഇപ്പോ​ഴത്തെ ഈ ദൂത​ഭ്ര​മ​ത്തി​നു പിന്നിൽ മറ്റെ​ന്തെ​ങ്കി​ലു​മു​ണ്ടോ? അതു കണ്ടുപി​ടി​ക്കു​ന്ന​തി​നു നാം ദൈവ​വ​ചനം പരി​ശോ​ധി​ക്കേ​ണ്ടത്‌ ആവശ്യ​മാണ്‌. ദൂതന്മാ​രെ​പ്പ​റ്റി​യുള്ള സത്യം ബൈബി​ളിൽ അടങ്ങി​യി​ട്ടുണ്ട്‌. നമുക്കതു കാണാം.

[2-ാം പേജിലെ ചിത്ര​ത്തിന്‌ കടപ്പാട്‌]

Pages 3 and 4: The New Testament: A Pictorial Archive from Nineteenth-Century Sources, by Don Rice/Dover Publications, Inc.