അവർ സ്‌നേ​ഹത്തെ പ്രതി അതു ചെയ്‌തു

കാനഡ​യി​ലെ വിശ്വ​സ്‌ത​യും അതിഥി​പ്രി​യ​യു​മായ ഒരു വിധവ നാലു യുവപു​ത്രി​മാ​രെ യഥാർഥ ക്രിസ്‌ത്യാ​നി​ക​ളാ​യി വളർത്തി​ക്കൊ​ണ്ടു​വ​രി​ക​യാ​യി​രു​ന്നു. അവരുടെ വീടിനു കാര്യ​മായ അറ്റകു​റ്റ​പ്പ​ണി​കൾ ആവശ്യ​മു​ള്ള​താ​യി സഭയിലെ മൂപ്പന്മാർ ശ്രദ്ധിച്ചു. ആ ജോലി സ്വയം നിർവ​ഹി​ക്കാ​നുള്ള പണമോ വൈദ​ഗ്‌ധ്യ​മോ അവർക്കി​ല്ലാ​യി​രു​ന്നു. അതു​കൊണ്ട്‌ 1 തിമൊ​ഥെ​യൊസ്‌ 5:9, 10-ൽ നൽകി​യി​രി​ക്കുന്ന തത്ത്വത്തി​നു ചേർച്ച​യിൽ, അവർക്കു വേണ്ടി ആ വേല നിർവ​ഹി​ച്ചു​കൊ​ടു​ക്കാൻ മൂപ്പന്മാർ വിവേ​ക​പൂർവം ക്രമീ​ക​രണം ചെയ്‌തു. എങ്ങനെ?

ആ വിധവ​യും കുട്ടി​ക​ളും അഞ്ചു ദിവസ​ത്തേക്കു മാറി​ത്താ​മ​സി​ക്കാ​നുള്ള ആസൂ​ത്ര​ണങ്ങൾ ചെയ്‌തു. സഭയി​ലു​ണ്ടാ​യി​രുന്ന 80-ലധികം പേർ സാധന​സാ​മ​ഗ്രി​ക​ളും ഫണ്ടുക​ളും സമയവും നൽകി​ക്കൊ​ണ്ടു മുഴു​ഹൃ​ദ​യ​ത്തോ​ടെ പിന്തു​ണച്ചു. കുടും​ബാം​ഗങ്ങൾ പോയി ഏതാനും മിനി​റ്റു​കൾ കഴിഞ്ഞ​പ്പോൾ, ഉത്സുക​രായ ജോലി​ക്കാർ തേനീ​ച്ച​ക​ളെ​പ്പോ​ലെ ആ വീട്ടിൽ തടിച്ചു​കൂ​ടി. വീടിന്റെ പുറം​ഭാ​ഗത്തു മുഴു​വ​നും അറ്റകു​റ്റ​പ്പ​ണി​കൾ നടത്തി. ഭിത്തി​യി​ലെ തുളകൾ അടയ്‌ക്കു​ക​യും പെയിൻറ​ടി​ക്കു​ക​യും ചെയ്‌തു. തറകൾ നിരപ്പാ​ക്കി അവയ്‌ക്കു നവ​ചൈ​ത​ന്യ​മേകി. തറയിൽ പുതിയ ടൈൽസു​ക​ളും വിരി​ക​ളും സ്ഥാപിച്ചു. വൈദ്യു​തി​യും വെളി​ച്ച​വും സംബന്ധിച്ച എല്ലാ അവശ്യ കാര്യ​ങ്ങ​ളും പുതുക്കി. പഴകി​പ്പോയ ഫർണി​ച്ച​റി​നു പകരം പുതിയവ കൊണ്ടു​വ​ന്നി​ട്ടു. വെറും അഞ്ചു ദിവസം​കൊ​ണ്ടു സമൂല​മായ ഒരു പുതു​ക്കി​പ്പ​ണി​യൽ സാധ്യ​മാ​യി!

ആശ്ചര്യാ​വേ​ശ​ത്തി​ന്റെ​യും പ്രവർത്ത​നോ​ന്മു​ഖ​ത​യു​ടെ​യും അന്തരീക്ഷം അയലത്ത്‌ അൽപ്പം കോളി​ള​ക്കം​തന്നെ സൃഷ്ടിച്ചു. സാക്ഷി​ക​ളു​ടെ ശ്രമങ്ങൾ കണ്ട്‌ പ്രചോ​ദി​ത​നായ 80 വയസ്സുള്ള ഒരു അയൽവാ​സി ഒരു പെയിൻറ്‌ ബ്രഷ്‌ കൊണ്ടു​വ​ന്നിട്ട്‌, സഹായി​ക്കാൻ തന്നെയും കൂട്ടണ​മെന്നു നിർബന്ധം പിടിച്ചു. സ്വമേ​ധയാ പ്രവർത്ത​ക​രിൽ ഒരാളു​ടെ തൊഴി​ലു​ടമ അടുക്ക​ള​യി​ലെ അടുപ്പി​നു വേണ്ടി ഒരു പുക​പോ​ക്കി​മൂ​ടി (ventilation hood) സംഭാവന ചെയ്യു​ക​യു​ണ്ടാ​യി. മറ്റൊരു തൊഴി​ലു​ടമ അടുക്ക​ള​യ്‌ക്കു വേണ്ടി പുതിയ അലമാ​രകൾ പ്രദാനം ചെയ്യു​ക​യു​ണ്ടാ​യി. ഇതെല്ലാം ഒരു മനുഷ്യ​നിൽ വളരെ മതിപ്പു​ള​വാ​ക്കി, അതു​കൊണ്ട്‌ യഹോ​വ​യു​ടെ സാക്ഷി​ക​ളെ​ക്കു​റി​ച്ചു പഠിക്കാൻ അദ്ദേഹം ആഗ്രഹി​ക്കു​ക​യും ചെയ്‌തു. അദ്ദേഹം നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പ്രസി​ദ്ധീ​ക​രണം താത്‌പ​ര്യ​പൂർവം സ്വീക​രി​ക്കു​ക​യും ചെയ്‌തു.

വിധവ​യും കുട്ടി​ക​ളും തിരി​ച്ചു​വ​ന്ന​പ്പോൾ അവരുടെ മുഖത്ത്‌ ആശ്ചര്യം അലതല്ലി​യി​രു​ന്നു. അശ്രു​ക്ക​ളും പൊട്ടി​ച്ചി​രി​യും ആലിം​ഗ​ന​വും ധാരാളം—ക്രിസ്‌തീയ സ്‌നേ​ഹ​ത്തി​ന്റെ​യും വികാ​ര​ത്തി​ന്റെ​യും അവിസ്‌മ​ര​ണീ​യ​മായ ഒരു നിമിഷം. സഭയിൽ സഹായ​മാ​വ​ശ്യ​മാ​യി​രി​ക്കുന്ന അംഗങ്ങ​ളോ​ടുള്ള യഥാർഥ സ്‌നേ​ഹ​വും താത്‌പ​ര്യ​വും സത്യ​ക്രി​സ്‌ത്യാ​നി​ത്വ​ത്തി​ന്റെ ഒരു അടയാ​ള​മാണ്‌. എന്തെന്നാൽ പൗലോസ്‌ ഇപ്രകാ​ര​മെ​ഴു​തി: “ആകയാൽ അവസരം കിട്ടും​പോ​ലെ നാം എല്ലാവർക്കും, വിശേ​ഷാൽ സഹവി​ശ്വാ​സി​കൾക്കും നന്മചെയ്‌ക.”—ഗലാത്യർ 6:10.