മൊസാ​മ്പി​ക്കിൽ “ഉപ്പു വിൽക്കു​ന്നു”

മൊസാ​മ്പി​ക്കി​ലെ ഒരു രാജ്യ കമ്മിററി അംഗമായ ഫ്രാൻസെ​സ്‌കോ കവോന “പുനർവി​ദ്യാ​ഭ്യാ​സ” പാളയ​ങ്ങ​ളിൽ പത്തു വർഷം ചെലവ​ഴി​ച്ചു. അദ്ദേഹം തന്റെ അനുഭവം പറയുന്നു: “ഞങ്ങൾ അവിടെ കുറേ നാള​ത്തേ​ക്കു​ണ്ടാ​യി​രി​ക്കു​മെന്ന്‌ എനിക്ക​റി​യാ​മാ​യി​രു​ന്നു. അതു​കൊണ്ട്‌ ഒരു നിരന്ത​ര​പ​യ​നി​യർ എന്നനി​ല​യിൽ എനിക്കു തുടരാ​നാ​കു​മോ എന്നു ഞാൻ സർക്കിട്ട്‌ മേൽവി​ചാ​ര​ക​നോ​ടു ചോദി​ച്ചു. പാളയ​ങ്ങ​ളി​ലുള്ള എല്ലാവ​രും​തന്നെ യഹോ​വ​യു​ടെ സാക്ഷി​ക​ളാ​യി​രുന്ന സ്ഥിതിക്ക്‌ പരസ്യ ശുശ്രൂ​ഷ​യ്‌ക്ക്‌ ആവശ്യ​മായ സമയം എനിക്ക്‌ എങ്ങനെ മാററി​വ​യ്‌ക്കാ​നാ​വു​മെന്ന്‌ അദ്ദേഹം ചോദി​ച്ചു. പ്രസം​ഗി​ക്കാൻ ആളുകളെ കണ്ടുമു​ട്ടു​ന്ന​തിന്‌ 47 കിലോ​മീ​ററർ അകലെ​യുള്ള ഒരു പട്ടണമായ മെലാ​ഞ്ചി​ലേക്കു പോകു​മെന്നു ഞാൻ പറഞ്ഞു.

“പാളയ​ത്തിൽനി​ന്നു പുറത്തു​പോ​കാൻ ആധികാ​രി​ക​മായ അനുവാ​ദം ഞങ്ങൾക്കി​ല്ലാ​യി​രു​ന്നെ​ങ്കി​ലും ആ നിയമം അത്ര കർശന​മാ​യി നടപ്പിൽ വരുത്തി​യി​രു​ന്നില്ല. പ്രാ​ദേ​ശിക ജനങ്ങ​ളോ​ടു പ്രസം​ഗി​ക്കാൻ ഒരു മാർഗ​ത്തി​നാ​യി കുററി​ക്കാ​ട്ടിൽപ്പോ​യി മുട്ടു​കു​ത്തി​നി​ന്നു പ്രാർഥി​ക്കു​ന്നതു ഞാൻ ഓർക്കു​ന്നു. യഹോവ പെട്ടെന്ന്‌ ഉത്തരമ​രു​ളി.

“സ്വന്തമാ​യി ഒരു സൈക്കിൾ ഉണ്ടായി​രുന്ന ഒരാളു​മാ​യി ഞാൻ ബന്ധപ്പെട്ടു. ഞാൻ അദ്ദേഹ​വു​മാ​യി ഒരു കരാറിൽ ഏർപ്പെട്ടു. മഴക്കാലം തുടങ്ങു​ന്ന​തി​നു​മുമ്പ്‌ അദ്ദേഹ​ത്തി​ന്റെ രണ്ടേക്കർ നിലത്തു കൃഷി ചെയ്‌തു​കൊ​ടു​ത്താൽ കൂലി​യാ​യി ആ സൈക്കിൾ നൽകാ​മെന്ന്‌ അദ്ദേഹം സമ്മതിച്ചു. അതു​കൊണ്ട്‌, അദ്ദേഹ​ത്തി​ന്റെ വയലിൽ കൃഷി​പ്പണി ചെയ്‌തു​കൊ​ണ്ടു ഞാൻ ഓരോ പ്രഭാ​ത​വും ചെലവ​ഴി​ച്ചു. യഹോവ ഈ ക്രമീ​ക​ര​ണത്തെ അനു​ഗ്ര​ഹി​ച്ച​തു​മൂ​ലം ഒടുവിൽ ഞാൻ സൈക്കിൾ സ്വന്തമാ​ക്കി.

“മെലാ​ഞ്ച​പ്പ​ട്ട​ണ​ത്തിൽ പ്രവേ​ശിച്ച്‌ ഫലപ്ര​ദ​മായ ആ വയലിൽ ഫലകര​മായ വിധത്തിൽ എന്റെ പയനി​യ​റിങ്‌ തുടരാൻ കഴിഞ്ഞു​വെ​ന്ന​താ​യി​രു​ന്നു ഫലം. നമ്മുടെ വേല നിരോ​ധി​ച്ചി​രു​ന്ന​തി​നാൽ ആളുകൾക്കു സത്യം പങ്കുവ​യ്‌ക്കു​ന്ന​തിന്‌ എനിക്ക്‌ ഒരു ഉപാധി കണ്ടുപി​ടി​ക്കേണ്ടി വന്നു. പുസ്‌ത​ക​ങ്ങ​ളും മാസി​ക​ക​ളും ഷർട്ടി​നു​ള്ളിൽ കുത്തി​ത്തി​രു​കി ഒരു സഞ്ചിയിൽ കുറച്ച്‌ ഉപ്പും നിറച്ച്‌ ഉപ്പു വിൽക്കുന്ന തൊഴി​ലിൽ ഞാൻ ഏർപ്പെട്ടു. 5 മെറെ​റ​ക്കൈ​സി​നു വിൽക്കു​ന്ന​തി​നു പകരം ഞാൻ 15 മെറെ​റ​ക്കൈസ്‌ അതിനു വില പറഞ്ഞു. (ഉപ്പിന്‌ വളരെ വിലകു​റച്ചു കൊടു​ത്താൽ ആളുകൾ അതു മുഴുവൻ വാങ്ങും, പിന്നെ പ്രസം​ഗ​വേല ചെയ്യു​ന്ന​തിന്‌ എന്റെ പക്കൽ ഉപ്പ്‌ അവശേ​ഷി​ക്കാ​തെ പോകും!) എന്റെ സംഭാ​ഷണം ഏതാണ്ട്‌ ഈ വിധത്തി​ലാ​യി​രു​ന്നു:

“‘നമസ്‌കാ​രം! ഞാൻ ഉപ്പു വിൽക്കാൻ വന്നതാണ്‌.’

“‘വില​യെന്താ?’

“‘പതിനഞ്ചു മെറെ​റ​ക്കൈസ്‌.’

“‘വേണ്ട, വേണ്ട. അതു വില കുറേ കൂടി​പ്പോ​യ​ല്ലോ!’

“അതേ, വില കൂടു​ത​ലാ​ണെന്നു ഞാൻ സമ്മതി​ക്കു​ന്നു. എന്നാൽ ഇപ്പോൾ ഇതു കൂടിയ വിലയാ​ണെന്നു നിങ്ങൾ കരുതു​ന്നു​വെ​ങ്കിൽ കുറച്ചു കഴി​ഞ്ഞോ​ട്ടെ, അപ്പോൾ ഇതിലും വളരെ​യ​ധി​കം വിലക്കൂ​ടു​ത​ലാ​യി​രി​ക്കും. ബൈബി​ളിൽ ഇതേപ്പ​ററി മുൻകൂ​ട്ടി​പ്പ​റ​ഞ്ഞി​രി​ക്കു​ന്നതു നിങ്ങൾക്ക​റി​യാ​മോ?

“‘ഞാൻ എന്റെ ബൈബി​ളിൽ അത്‌ ഒരിക്ക​ലും വായി​ച്ചി​ട്ടില്ല.’

“‘ഉവ്വ്‌, അതിൽ അങ്ങനെ പറയു​ന്നുണ്ട്‌. നിങ്ങളു​ടെ ബൈബിൾ കൊണ്ടു​വരൂ, ഞാൻ കാണിച്ചു തരാം.’

“അങ്ങനെ അയാളു​ടെ ബൈബിൾ ഉപയോ​ഗി​ച്ചു​കൊണ്ട്‌ ഒരു സംഭാ​ഷ​ണ​ത്തിൽ ഏർപ്പെ​ടു​ക​യാ​യി. എന്റെ ബൈബിൾ എന്റെ പോക്ക​റ​റി​ലും കിടക്കും. ദുർഘട സമയങ്ങ​ളെ​യും ഭക്ഷ്യദൗർല​ഭ്യ​ങ്ങ​ളെ​യും പരാമർശി​ക്കുന്ന വെളി​പാട്‌ 6-ാം അധ്യായം ഞാൻ പരാമർശി​ക്കും. അനുകൂ​ല​മായ ഒരു പ്രതി​ക​രണം നിരീ​ക്ഷി​ക്കു​ന്ന​പക്ഷം, നിത്യ​ജീ​വ​നി​ലേക്കു നയിക്കുന്ന സത്യം അല്ലെങ്കിൽ സുവാർത്ത നിങ്ങളെ സന്തുഷ്ട​രാ​ക്കാൻ പുറ​ത്തെ​ടുത്ത്‌ ശരിക്കുള്ള ഒരു ബൈബി​ള​ധ്യ​യനം തുടങ്ങും.

“മെലാ​ഞ്ച​യിൽ താത്‌പ​ര്യ​ക്കാ​രായ 15 പേരട​ങ്ങുന്ന ഒരു കൂട്ടത്തി​നു തുടക്ക​മി​ടാൻ എനിക്കു കഴിഞ്ഞു​വെ​ന്ന​താ​യി​രു​ന്നു ഫലം. എന്നാൽ അധികം താമസി​യാ​തെ അധികാ​രി​കൾക്കു ഞങ്ങളുടെ പ്രവർത്ത​ന​ങ്ങ​ളെ​ക്കു​റിച്ച്‌ അറിവു ലഭിച്ചു. ഒരു ദിവസം ഞാൻ ബൈബി​ള​ധ്യ​യനം നടത്തി​ക്കൊ​ണ്ടി​രു​ന്ന​പ്പോൾ പെട്ടെന്നു പൊലീസ്‌ വീടി​നു​ള്ളിൽ കടന്നു ഞങ്ങളെ അറസ്‌ററു ചെയ്‌തു. കുടും​ബ​ത്തി​ലെ കൊച്ചു​കു​ട്ടി​ക​ളുൾപ്പെടെ ഞങ്ങളെ​യെ​ല്ലാ​വ​രെ​യും പ്രാ​ദേ​ശിക ജയിലി​ലേക്കു കൊണ്ടു​പോ​യി. ഒരു മാസം അവിടെ ചെലവ​ഴി​ച്ചു​ക​ഴിഞ്ഞ്‌ ഞങ്ങളെ​യെ​ല്ലാ​വ​രെ​യും പാളയ​ത്തി​ലേക്കു തിരികെ അയച്ചു.”

ഈ അനുഭ​വങ്ങൾ നമ്മുടെ സഹോ​ദ​ര​ങ്ങ​ളു​ടെ തീക്ഷ്‌ണ​ത​യ്‌ക്കു മങ്ങലേൽപ്പി​ച്ചില്ല. നേരേ​മ​റിച്ച്‌, ഫ്രാൻസ​സ്‌കോ​യും അദ്ദേഹ​ത്തി​ന്റെ കുടും​ബ​വും പാളയ​ത്തി​ലു​ണ്ടാ​യി​രുന്ന ആയിര​ക്ക​ണ​ക്കി​നു മററു സഹോ​ദ​ര​ങ്ങ​ളോ​ടൊ​പ്പം ഇപ്പോൾ മൊസാ​മ്പി​ക്കിൽ സ്വതന്ത്ര ചുററു​പാ​ടു​ക​ളിൽ ആരാധ​ന​യും പ്രസം​ഗ​വേ​ല​യും നടത്തു​ക​യാണ്‌.