“സകലബു​ദ്ധി​യേ​യും കവിയുന്ന ദൈവ സമാധാ​നം”

ചരി​ത്ര​ത്തി​ലു​ട​നീ​ളം ദൈവ​ത്തി​ന്റെ വിശ്വസ്‌ത ദാസൻമാർ തീവ്ര​മായ വൈകാ​രിക സമ്മർദ​ത്തി​ന്റെ ഘട്ടങ്ങളി​ലൂ​ടെ കടന്നു​പോ​യി​ട്ടുണ്ട്‌. നാം ഇന്ന്‌ “ഇടപെ​ടാൻ പ്രയാ​സ​മേ​റിയ സമയങ്ങ​ളിൽ” ജീവി​ക്കുന്ന സ്ഥിതിക്ക്‌ ഇത്‌ എത്രയ​ധി​കം വാസ്‌ത​വ​മാണ്‌! (2 തിമോ​ത്തി 3:1, NW) തങ്ങളുടെ ഉത്‌ക​ണ്‌ഠകൾ പ്രാർഥ​ന​യി​ലൂ​ടെ യഹോ​വ​യു​ടെ​മേൽ ഇടുന്ന​തിന്‌ അപ്പോ​സ്‌ത​ല​നായ പൗലോസ്‌ ക്രിസ്‌ത്യാ​നി​കളെ ബുദ്ധ്യു​പ​ദേ​ശി​ച്ചു. ഫലമോ? “സകലബു​ദ്ധി​യേ​യും കവിയുന്ന ദൈവ സമാധാ​നം നിങ്ങളു​ടെ ഹൃദയ​ങ്ങ​ളെ​യും നിനവു​ക​ളെ​യും ക്രിസ്‌തു​യേ​ശു​വി​ങ്കൽ കാക്കും.”—ഫിലി​പ്പി​യർ 4:7.

“ദൈവ സമാധാ​നം” എന്നത്‌ എന്താണ്‌? അത്‌ സ്രഷ്ടാ​വു​മാ​യുള്ള ഉററബ​ന്ധ​ത്തി​ന്റെ ഫലമായി ഉളവാ​കുന്ന ശാന്തത​യാണ്‌. നമ്മെ നേരി​ടുന്ന ഞെരു​ക്കങ്ങൾ എന്തുത​ന്നെ​യാ​യാ​ലും അത്തരം ആത്മബന്ധം യഹോവ “തന്റെ ജനത്തെ തള്ളിക്ക​ള​യു​ക​യില്ല; തനിക്ക്‌ അവകാ​ശ​പ്പെ​ട്ട​വരെ ഉപേക്ഷി​ക്കു​ക​യില്ല” എന്ന ആത്മവി​ശ്വാ​സം നമുക്കു പകരുന്നു.—സങ്കീർത്തനം 94:14, ററു​ഡേ​യ്‌സ്‌ ഇംഗ്ലീഷ്‌ വേർഷൻ.

നാം ആപത്തിൽനി​ന്നു വിമു​ക്ത​രാ​ണെന്ന്‌ ഇതിനർഥ​മില്ല. “നീതി​മാ​ന്റെ അനർത്ഥങ്ങൾ അസംഖ്യ​മാ​കു​ന്നു” എന്നു സങ്കീർത്ത​ന​ക്കാ​രൻ എഴുതി. (സങ്കീർത്തനം 34:19) എന്നാൽ ദൈവ സമാധാ​ന​ത്തിന്‌ ആശ്വാസം കൈവ​രു​ത്താൻ കഴിയും. എങ്ങനെ?

ദൈവ സമാധാ​നം “സകല ബുദ്ധി​യേ​യും കവിയും” അഥവാ കൺകോർഡൻറ്‌ വേർഷ​നിൽ പ്രതി​പാ​ദി​ച്ചി​രി​ക്കു​ന്ന​പ്ര​കാ​രം അത്‌ “സകല മനോ​നി​ല​യെ​ക്കാ​ളും ഉന്നതമാണ്‌” എന്ന്‌ പൗലോസ്‌ എഴുതി. നാം പലവിധ വൈകാ​രിക സമ്മർദ​ങ്ങ​ളും അനുഭ​വി​ക്കാൻ ഉത്‌കണ്‌ഠ ഇടയാ​ക്കി​യേ​ക്കാം. (സഭാ​പ്ര​സം​ഗി 7:7) എങ്കിലും ദൈവ സമാധാ​ന​ത്തി​നു നമ്മെ ബലപ്പെ​ടു​ത്താൻ കഴിയും, പ്രത്യേ​കിച്ച്‌, നമുക്ക്‌ “സാധാ​ര​ണ​യിൽ കവിഞ്ഞ​ശക്തി” ആവശ്യ​മു​ള്ള​പ്പോൾ.—2 കൊരി​ന്ത്യർ 4:7, NW; 2 തിമൊ​ഥെ​യൊസ്‌ 1:7.

കൂടാതെ, ദൈവ സമാധാ​നം ഒരു സംരക്ഷ​ണ​മാണ്‌. അപ്പോ​സ്‌ത​ല​നായ പൗലോസ്‌ ഫിലി​പ്യർക്ക്‌ എഴുതി​യ​പോ​ലെ അതിനു “നിങ്ങളു​ടെ ഹൃദയ​ങ്ങ​ളെ​യും നിനവു​ക​ളെ​യും . . . കാക്കു”ന്നതിനു കഴിയും. “കാക്കുക” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദം ഒരു മിലി​ട്ടറി പദപ്ര​യോ​ഗ​മാണ്‌. അത്‌ രാപകൽ കാവൽ നിന്നി​രുന്ന ഒരു കാവൽക്കാ​രന്റെ ചിത്രം മനസ്സിൽ ഉണർത്തി​യേ​ക്കാം. സമാന​മാ​യ​വി​ധ​ത്തിൽ നമ്മുടെ ഹൃദയ​ങ്ങ​ളു​ടെ​യും മാനസിക ശക്തിക​ളു​ടെ​യും​മേൽ 24 മണിക്കൂർ നേരം കാവൽനിൽക്കുന്ന ഒന്നായി ദൈവ സമാധാ​ന​ത്തി​നു പ്രവർത്തി​ക്കാൻ കഴിയും.—1 കൊരി​ന്ത്യർ 10:13; താരത​മ്യം ചെയ്യുക: എഫെസ്യർ 4:26.

നാം ഇന്ന്‌ അനുഭ​വി​ക്കുന്ന സമ്മർദ​പൂർണ​മായ വെല്ലു​വി​ളി​ക​ളു​ടെ വീക്ഷണ​ത്തിൽ ദൈവ സമാധാ​ന​ത്തി​നു​വേണ്ടി നാം നന്ദിയു​ള്ള​വ​രാ​യി​രി​ക്കേ​ണ്ട​തല്ലേ?—സങ്കീർത്തനം 18:2; താരത​മ്യം ചെയ്യുക: പുറപ്പാ​ടു 40:38.