ദയാപു​ര​സ്സ​ര​മായ ഒരു വാക്കിന്റെ ശക്തി

“ഉത്‌ക്ക​ണ്‌ഠ​യാൽ കുനി​ഞ്ഞു​പോയ ഒരു ഹൃദയം, ദയാപു​ര​സ്സ​ര​മായ ഒരു വാക്കിന്‌ അതിനെ എത്ര ഉൻമേ​ഷ​പ്ര​ദ​മാ​ക്കാൻ കഴിയും!”—സദൃശ​വാ​ക്യ​ങ്ങൾ 12:25, Knox.

ക്രിസ്‌ത്യാ​നി​കൾ ആപത്തിൽനിന്ന്‌ ഒഴിവു​ള്ള​വരല്ല. “ഇടപെ​ടാൻ പ്രയാ​സ​മുള്ള ദുർഘ​ട​സ​മയങ്ങ”ളിൽ ജീവി​ക്കു​ന്ന​തു​കൊണ്ട്‌ അവർക്കു ചില​പ്പോ​ഴൊ​ക്കെ ഉത്‌ക്കണ്‌ഠ അനുഭ​വ​പ്പെ​ടു​ന്നു.—2 തിമൊ​ഥെ​യോസ്‌ 3:1, NW.

അത്തരം വിപത്തു സഹിക്കു​മ്പോൾ ഒരു വിശ്വസ്‌ത സുഹൃ​ത്തിൽനി​ന്നു ദയയുള്ള വാക്കുകൾ കേൾക്കു​ന്നത്‌ എന്തൊരു അനു​ഗ്ര​ഹ​മാണ്‌! “സ്‌നേ​ഹി​തൻ എല്ലാകാ​ല​ത്തും സ്‌നേ​ഹി​ക്കു​ന്നു; അനർത്ഥ​കാ​ലത്തു അവൻ സഹോ​ദ​ര​നാ​യി​ത്തീ​രു​ന്നു”, എന്നു ബൈബിൾ പറയുന്നു. (സദൃശ​വാ​ക്യ​ങ്ങൾ 17:17) വിശ്വ​സ്‌ത​നായ ഇയ്യോബ്‌ അത്തരത്തി​ലുള്ള ഒരു സ്‌നേ​ഹി​ത​നാ​യി അറിയ​പ്പെ​ട്ടി​രു​ന്നു. എലീഫസ്‌ പോലും അവനെ​ക്കു​റി​ച്ചു പറഞ്ഞു: “ആരെങ്കി​ലും ഇടറു​ക​യോ ക്ഷീണി​ക്കു​ക​യോ തളരു​ക​യോ ചെയ്‌ത​പ്പോൾ, നിന്റെ വാക്കുകൾ അവരെ നിലനിൽക്കാൻ പ്രോ​ത്സാ​ഹി​പ്പി​ച്ചു.”—ഇയ്യോബ്‌ 4:4, ററു​ഡേസ്‌ ഇംഗ്ലീഷ്‌ വേർഷൻ.

എന്നിരു​ന്നാ​ലും, ഇയ്യോ​ബി​നു​തന്നെ പ്രോ​ത്സാ​ഹനം ആവശ്യ​മാ​യി വന്നപ്പോൾ എലീഫ​സും അവന്റെ കൂട്ടു​കാ​രും ദയാവാ​ക്കു​കൾ ഉച്ചരി​ച്ചില്ല. അവന്‌ ഏതെങ്കി​ലും രഹസ്യ തെററു​കൾ ഉണ്ടായി​രി​ക്കണം എന്നു സൂചി​പ്പി​ച്ചു​കൊണ്ട്‌ ആപത്തിന്‌ അവർ ഇയ്യോ​ബി​നെ കുററ​പ്പെ​ടു​ത്തി. (ഇയ്യോബ്‌ 4:8) ദി ഇൻറർപ്ര​ട്ടേ​ഴ്‌സ്‌ ബൈബിൾ ഇപ്രകാ​രം അഭി​പ്രാ​യ​പ്പെ​ടു​ന്നു: “ഇയ്യോ​ബി​ന്റെ ആവശ്യം ഒരു മനുഷ്യ​ഹൃ​ദ​യ​ത്തി​ന്റെ അനുക​മ്പ​യാണ്‌. അവനു ലഭിക്കു​ന്നതു തീർത്തും ‘ശരി’യും തീർത്തും മനോ​ഹ​ര​വും ആയ മത ശൈലി​ക​ളു​ടെ​യും തത്ത്വവ​ച​ന​ങ്ങ​ളു​ടെ​യും പരമ്പര​യാണ്‌.” എലീഫ​സി​ന്റെ​യും അവന്റെ കൂട്ടു​കാ​രു​ടെ​യും സംസാരം കേട്ട്‌ ഇയ്യോബ്‌ വളരെ സംക്ഷു​ബ്ധ​നാ​യി​ത്തീർന്ന​തു​കൊണ്ട്‌, “നിങ്ങൾ എത്ര​ത്തോ​ളം എന്റെ മനസ്സു വ്യസനി​പ്പി​ക്ക​യും മൊഴി​ക​ളാൽ എന്നെ തകർക്കു​ക​യും ചെയ്യും?” എന്നു കരഞ്ഞു​കൊ​ണ്ടു പറയാൻ ഇയ്യോബ്‌ നിർബ്ബ​ന്ധി​ത​നാ​യി.—ഇയ്യോബ്‌ 19:2.

നമ്മുടെ ചിന്താ​ശൂ​ന്യ​മായ നിർദയ വാക്കുകൾ നിമിത്തം ദൈവ​ത്തി​ന്റെ ഒരു സഹദാസൻ ദുഃഖ​ത്തോ​ടെ നിലവി​ളി​ക്കാൻ നാം ഒരിക്ക​ലും ഇടയാ​ക്ക​രുത്‌. (താരത​മ്യം ചെയ്യുക: ആവർത്ത​ന​പു​സ്‌തകം 24:15.) ഒരു ബൈബിൾ സദൃശ​വാ​ക്യം മുന്നറി​യി​പ്പു നൽകുന്നു: “നിങ്ങൾ പറയു​ന്ന​തി​നു ജീവനെ രക്ഷിക്കാ​നോ നശിപ്പി​ക്കാ​നോ കഴിയും; അതു​കൊ​ണ്ടു നിങ്ങൾ നിങ്ങളു​ടെ വാക്കു​ക​ളു​ടെ ഫലം അനുഭ​വി​ക്കണം.”—സദൃശ​വാ​ക്യ​ങ്ങൾ 18:21, TEV.

സംസാ​ര​ത്തി​ന്റെ ശക്തി തിരി​ച്ച​റിഞ്ഞ്‌, നമുക്ക്‌ അപ്പോ​സ്‌ത​ല​നായ പൗലോ​സി​ന്റെ ദൃഷ്ടാന്തം പിൻപ​റ​റാം. മക്കെ​ദോ​ന്യ​യിൽ ആയിരു​ന്ന​പ്പോൾ അവൻ “അവിടെ ഉള്ളവരെ പല വാക്കു​ക​ളാ​ലും പ്രോ​ത്സാ​ഹി​പ്പി​ക്കു”കയായി​രു​ന്നു.—പ്രവൃ​ത്തി​കൾ 20:2, NW.