ഒരു പ്രത്യേക അർഥമുള്ള ആലേഖനം

“യെഹോവ സിററ്‌ ററീബീ കുസ്‌റേ​റാസ്‌”

പൂർവ സ്വിറ​റ്‌സർലൻഡി​ലെ സെലറി​ന​യിൽ 17-ാം നൂററാ​ണ്ടി​ലെ ഒരു വീടിന്റെ മുൻവ​ശത്തെ മതിലിൻമേൽ പതിച്ചി​ട്ടു​ള്ള​താണ്‌ ഈ വാക്കുകൾ. “യഹോവ നിങ്ങളു​ടെ സംരക്ഷ​ക​നാ​യി​രി​ക്കട്ടെ” എന്നാണ്‌ ആ വാക്കു​ക​ളു​ടെ അർഥം. ഈ മലമ്പ്ര​ദേ​ശത്ത്‌, നൂററാ​ണ്ടു​കൾ പഴക്കമുള്ള വീടുകൾ, പള്ളികൾ, പള്ളി​മേ​ടകൾ എന്നിവ​യിൽ, കൊത്തിയ രൂപത്തി​ലോ പെയിൻറ​ടിച്ച രൂപത്തി​ലോ ദൈവ​നാ​മം കാണു​ക​യെ​ന്നത്‌ അസാധാ​രണ സംഗതി​യല്ല. യഹോവ എന്ന നാമം ഇത്രമാ​ത്രം അറിയ​പ്പെ​ടാ​നി​ട​യാ​യത്‌ എങ്ങനെ​യാണ്‌?

(ഇപ്പോ​ഴത്തെ ജർമനി​യു​ടെ തെക്കു​കി​ഴക്കൻ ഭാഗം, ഓസ്‌ട്രിയ, പൂർവ സ്വിറ​റ്‌സർലൻഡ്‌ എന്നിവ​യുൾപ്പെട്ട) പുരാതന റീഷിയ പൊ.യു.മു. [പൊതു​യു​ഗ​ത്തി​നു​മുമ്പ്‌] 15-ൽ ഒരു റോമൻ പ്രവി​ശ്യ​യാ​യി​ത്തീർന്നു. അങ്ങനെ അവിടത്തെ നിവാ​സി​കൾ ലത്തീൻ ഭാഷയിൽ അധിഷ്‌ഠി​ത​മായ റോമാൻഷ്‌ സംസാ​രി​ക്കാ​നി​ട​യാ​യി. ഈ ഭാഷയിൽനിന്ന്‌ ഉടലെ​ടുത്ത ഭാഷാ​ഭേ​ദങ്ങൾ പലതും സ്വിറ​റ്‌സർലൻഡി​ലെ ആൽപൈൻ താഴ്‌വ​ര​യിൽ ചിലയി​ട​ങ്ങ​ളി​ലും വടക്കേ ഇററലി​യി​ലും ഇപ്പോ​ഴും സംസാ​രി​ക്ക​പ്പെ​ടു​ന്നുണ്ട്‌.

കാല​ക്ര​മേണ, ബൈബി​ളി​ന്റെ ഭാഗങ്ങൾ റോമാൻഷി​ലേക്കു പരിഭാ​ഷ​പ്പെ​ടു​ത്തി. ബിബ്ലിയ പിററ്‌ഷ്‌നാ എന്ന ഒരു പതിപ്പിൽ സങ്കീർത്ത​ന​ങ്ങ​ളും ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളും ഉണ്ടായി​രു​ന്നു. 1666-ൽ പ്രസി​ദ്ധീ​ക​രിച്ച ഈ ബൈബി​ളി​ന്റെ സങ്കീർത്ത​ന​ങ്ങ​ളിൽ ഉടനീളം യെഹോവ എന്ന നാമം പല പ്രാവ​ശ്യം പ്രത്യ​ക്ഷ​പ്പെ​ട്ടി​രു​ന്നു. വീടു​ക​ളിൽ വായന​യ്‌ക്കുള്ള മുഖ്യ പുസ്‌തകം ബൈബിൾ ആയിരു​ന്ന​തു​കൊണ്ട്‌, ബിബ്ലിയ പിററ്‌ഷ്‌നാ​യു​ടെ വായന​ക്കാർക്കു സ്രഷ്ടാ​വി​ന്റെ നാമം സുപരി​ചി​ത​മാ​യി​ത്തീർന്നു.

എന്നാൽ, പിന്നീട്‌ വന്ന തലമു​റ​കൾക്കൊ​ന്നും ബൈബിൾപ​ര​മായ വിഷയ​ങ്ങ​ളിൽ താത്‌പ​ര്യ​മു​ണ്ടാ​യില്ല. “യെഹോവ” എന്ന വാക്കിന്റെ അർഥം അന്വേ​ഷി​ക്കാ​നൊ​ന്നും പലരും കൂട്ടാ​ക്കി​യില്ല. അതു വിശദീ​ക​രി​ക്കാൻ പുരോ​ഹി​ത​വർഗം ഒട്ടു ശ്രമി​ച്ച​തു​മില്ല. അതു​കൊണ്ട്‌, കഴിഞ്ഞു​പോയ യുഗത്തി​ന്റെ അലങ്കാര സവി​ശേ​ഷ​തകൾ മാത്ര​മാ​യി ഈ ആലേഖ​നങ്ങൾ.

ഈ അടുത്ത പതിറ​റാ​ണ്ടു​ക​ളി​ലാ​യി, ഇവിടത്തെ ധാരണ​ക​ളി​ലൊ​ക്കെ കാര്യ​മായ മാററങ്ങൾ സംഭവി​ച്ചു​കൊ​ണ്ടി​രി​ക്കു​ക​യാണ്‌. സ്വിറ​റ്‌സർലൻഡി​ന്റെ താഴ്‌ന്ന പ്രദേ​ശ​ത്തു​നിന്ന്‌ ഈ മനോ​ഹ​ര​മായ താഴ്‌വ​ര​ക​ളി​ലേക്ക്‌ അവധി​ക്കാ​ലം ചെലവ​ഴി​ക്കാൻ എത്തുന്ന യഹോ​വ​യു​ടെ സാക്ഷികൾ സ്ഥലവാ​സി​കളെ യഹോവ എന്ന നാമമുള്ള ദൈവ​ത്തെ​ക്കു​റിച്ച്‌ പഠിപ്പി​ക്കാൻ പ്രത്യേ​കം ശ്രദ്ധി​ക്കു​ന്നുണ്ട്‌. ചില സാക്ഷികൾ ഇവിടെ വന്നു പാർക്കു​ക​പോ​ലും ചെയ്യുന്നു. അതു​കൊണ്ട്‌, ഭൂമി​ക്കും മനുഷ്യ​നും​വേ​ണ്ടി​യുള്ള സ്രഷ്ടാ​വി​ന്റെ ഉദ്ദേശ്യ​ത്തെ​ക്കു​റിച്ച്‌ ആളുക​ളോ​ടു സംസാ​രി​ച്ചു​കൊണ്ട്‌ അവർക്ക്‌ കൂടുതൽ സമയം ചെലവി​ടാൻ സാധി​ക്കു​ന്നു. അങ്ങനെ, ആളുകൾ സത്യ​ദൈ​വ​മായ യഹോ​വ​യെ​ക്കു​റി​ച്ചു പഠിക്കാൻ തുടങ്ങി​യ​തോ​ടെ ഈ പുരാതന റോമാൻഷ്‌ ലിഖി​ത​ങ്ങൾക്ക്‌ ഇപ്പോൾ പ്രാമു​ഖ്യത കൈവ​രു​ക​യാണ്‌.

[32-ാം പേജിലെ ചിത്രം]

യെഹോവ പോർഷി​യോ മേയാ: യഹോവ എന്റെ ഓഹരി​യാ​കു​ന്നു—സങ്കീർത്തനം 119:57 കാണുക