മരണപ​ര​മ്പ​ര​യിൽ കലാശിച്ച ജൻമദി​നാ​ഘോ​ഷങ്ങൾ

കേവലം നിരു​പ​ദ്ര​വ​ക​ര​മായ ഒരു ആചാര​മാ​യാണ്‌ മിക്കയാ​ളു​ക​ളും ജനമദി​നാ​ഘോ​ഷത്തെ കരുതു​ന്നത്‌. എന്നാൽ ആശാവ​ഹ​മായ അത്തര​മൊ​രു ചിത്രമല്ല ഈ പാരമ്പ​ര്യ​ത്തെ​ക്കു​റി​ച്ചു ബൈബിൾ തരുന്നത്‌. ദൈവ​ത്തി​ന്റെ വിശ്വസ്‌ത ദാസൻമാ​രിൽ ആരെങ്കി​ലും ജൻമദി​നം ആഘോ​ഷി​ച്ച​തി​ന്റെ ഒരു സൂചന​യും തിരു​വെ​ഴു​ത്തു​ക​ളിൽ ഇല്ല എന്നതു​തന്നെ ഒരു കാരണം.

ബൈബിൾ രണ്ടു ജൻമദി​ന​ങ്ങ​ളെ​ക്കു​റി​ച്ചേ സൂചി​പ്പി​ക്കു​ന്നു​ള്ളൂ. അതാകട്ടെ, ദൈവ​ത്തി​ന്റെ ശത്രു​ക്ക​ളായ ഭരണാ​ധി​പൻമാ​രു​ടേ​തും. രണ്ട്‌ ആഘോ​ഷ​ങ്ങ​ളി​ലും ഓരോ കൊല​പാ​തകം ഉൾപ്പെ​ട്ടി​രു​ന്നു. അതു രാജാ​വി​നെ അപ്രീ​തി​പ്പെ​ടു​ത്തി​യ​വന്റെ മരണം അതിഥി​കൾ കണ്ട്‌ ആസ്വദി​ക്കു​ന്ന​തി​നു​വേ​ണ്ടി​യാ​യി​രു​ന്നു. തന്റെ പാചക​പ്ര​മാ​ണി​യെ വധിച്ച ഈജി​പ്‌തി​ന്റെ രാജാ​വായ ഫറവോ​ന്റേ​താ​യി​രു​ന്നു ഒന്നാമ​ത്തേത്‌. (ഉല്‌പത്തി 40:2, 3, 20, 22) തന്റെ ഭൃത്യ​നോ​ടു ദേഷ്യ​ത്തി​ലാ​യി​രുന്ന ഈജി​പ്‌തി​ലെ ഭരണാ​ധി​പൻ അതു നിർവ​ഹി​ച്ചത്‌ ആഘോ​ഷ​സ​മ​യ​ത്താ​യി​രു​ന്നു. ഗലീല​യു​ടെ അധാർമിക ഭരണാ​ധി​പ​നാ​യി​രുന്ന ഹെരോ​ദാ​വി​ന്റേ​താണ്‌ രണ്ടാമത്തെ സംഭവം. ഒരു വിരു​ന്നാ​ഘോ​ഷ​ത്തിൽവെച്ച്‌ തന്നെ നൃത്തം​ചെ​യ്‌തു പ്രസാ​ദി​പ്പിച്ച ഒരു പെൺകു​ട്ടി​ക്കു​വേണ്ടി അദ്ദേഹം സ്‌നാപക യോഹ​ന്നാ​ന്റെ ശിരസ്സ്‌ അറുത്തു. എത്ര നിന്ദ്യ​മായ രംഗങ്ങൾ!—മത്തായി 14:6-11.

എന്നുവ​രി​കി​ലും, വളരെ സവി​ശേ​ഷ​ത​യുള്ള രണ്ടു ജൻമദി​ന​ങ്ങൾക്കല്ലേ ബൈബിൾ ശ്രദ്ധ കൊടു​ത്തി​രി​ക്കു​ന്നത്‌? ശരിക്കും അതല്ല സംഗതി. അത്തരം സംഭവങ്ങൾ അസാധാ​ര​ണ​മാ​യി​രു​ന്നില്ല എന്ന്‌ പുരാതന യഹൂദ ചരി​ത്ര​കാ​ര​നായ ജോസീ​ഫസ്‌ വെളി​പ്പെ​ടു​ത്തു​ന്നു. ജൻമദി​നാ​ഘോ​ഷ​ത്തി​നി​ട​യിൽ വിനോ​ദ​ത്തി​നു​വേണ്ടി നടത്തിയ മററു വധങ്ങ​ളെ​ക്കു​റി​ച്ചും അദ്ദേഹം രേഖ​പ്പെ​ടു​ത്തു​ന്നുണ്ട്‌.

ഉദാഹ​ര​ണ​ത്തിന്‌, പത്തു ലക്ഷം യഹൂദൻമാർ വധിക്ക​പ്പെ​ടു​ക​യും 97,000 യഹൂദർ തടവു​കാ​രാ​വു​ക​യും ചെയ്‌ത പൊ.യു. [പൊതു​യു​ഗം] 70-ലെ യരുശ​ലേ​മി​ന്റെ നാശ​ത്തെ​ത്തു​ടർന്നാണ്‌ കുറെ വധങ്ങൾ അരങ്ങേ​റി​യത്‌. റോമി​ലേ​ക്കുള്ള യാത്ര​യ്‌ക്കി​ട​യിൽ റോമൻ ജനറലായ ടൈറ​റസ്‌ തടവു​കാ​രായ യഹൂദരെ സമീപ​ത്തുള്ള കൈസര്യ തുറമു​ഖ​ത്തേക്കു കൊണ്ടു​പോ​യി.

ജോസീ​ഫസ്‌ ഇങ്ങനെ എഴുതു​ന്നു: “കൈസ​ര്യ​യിൽ തങ്ങിയ ടൈറ​റസ്‌ തന്റെ സഹോ​ദ​ര​നായ ഡോമീ​ഷ്യ​ന്റെ ജൻമദി​നം വലിയ ആഡംബ​ര​ത്തോ​ടെ ആഘോ​ഷി​ച്ചു. ആ ആഘോ​ഷ​ത്തി​നി​ട​യിൽ തടവു​കാ​രെ മൃഗങ്ങ​ളു​ടെ മുമ്പി​ലേ​ക്കും അഗ്നിയി​ലേ​ക്കും എറിഞ്ഞു​കൊ​ടു​ക്കുന്ന വിനോ​ദ​മു​ണ്ടാ​യി​രു​ന്നു. അങ്ങനെ വധിക്ക​പ്പെ​ട്ടത്‌ 2,500-ലധികം പേരാ​യി​രു​ന്നു. പിന്നീട്‌ അദ്ദേഹം പോയത്‌ ഫിനി​ഷ്യ​യി​ലെ ഒരു റോമൻ കോള​നി​യാ​യി​രുന്ന ബെ​റൈ​റ​റ​സി​ലേക്ക്‌ [ബേറൂട്ട്‌] ആയിരു​ന്നു. അവി​ടെ​വെച്ച്‌ പിതാ​വി​ന്റെ ജൻമദി​നം ആഘോ​ഷിച്ച അദ്ദേഹം അനേകം തടവു​കാ​രെ പലവിധ പ്രകട​ന​ങ്ങ​ളി​ലൂ​ടെ വധിച്ചു.”—ജോസീ​ഫസ്‌: ദി എസെൻഷ്യൽ റൈറ​റി​ങ്‌സിൽ [ഇംഗ്ലീഷ്‌] പോൾ എൽ. മേയർ പരിഭാ​ഷ​പ്പെ​ടു​ത്തിയ യഹൂദ യുദ്ധം, VII, 37.

അപ്പോൾ, ദി ഇംപീ​രി​യൽ ബൈബിൾ-ഡിക്‌ഷ്‌ണറി ഇങ്ങനെ അഭി​പ്രാ​യ​പ്പെ​ടു​ന്ന​തിൽ ഒരു അത്ഭുത​വു​മില്ല: “പിൽക്കാല എബ്രായർ ജൻമദി​നാ​ഘോ​ഷ​ങ്ങളെ വിഗ്ര​ഹാ​രാ​ധ​ന​യു​ടെ ഭാഗമാ​യി​ട്ടാണ്‌ വീക്ഷി​ച്ചത്‌. ഈ ദിവസ​ങ്ങ​ളോ​ടു ബന്ധപ്പെട്ട്‌ അവർ ദർശിച്ച പൊതു ആഘോ​ഷ​ങ്ങ​ളാ​കട്ടെ അവരുടെ ഈ വീക്ഷണ​ത്തി​നു സാധുത നൽകാൻ മതിയായ തെളി​വു​ക​ളാ​യി​രു​ന്നു​താ​നും.”

ബൈബി​ളിൽ അങ്ങേയ​ററം അപഹാ​സ്യ​മാ​യി അവതരി​പ്പി​ച്ചി​രി​ക്കുന്ന, അതി​ക്രൂ​ര​മാ​യി റോമാ​ക്കാർ ആഘോ​ഷി​ച്ചി​രുന്ന ഒരു ആചാര​ത്തിൽ പങ്കു​കൊ​ള്ളാൻ ഒന്നാം നൂററാ​ണ്ടി​ലെ വിശ്വ​സ്‌ത​രായ ക്രിസ്‌ത്യാ​നി​കൾക്കു തോന്നു​മാ​യി​രു​ന്നില്ല. നമ്മുടെ പ്രബോ​ധ​ന​ത്തി​നു​വേണ്ടി എഴുത​പ്പെട്ട സംഗതി​ക​ളിൽ ജൻമദി​ന​ങ്ങ​ളെ​ക്കു​റി​ച്ചുള്ള ബൈബിൾവി​വ​ര​ണങ്ങൾ ഉൾപ്പെ​ടു​ന്നു​ണ്ടെന്ന്‌ ആത്മാർഥ​ത​യുള്ള ക്രിസ്‌ത്യാ​നി​കൾ തിരി​ച്ച​റി​യു​ന്നുണ്ട്‌. (റോമർ 15:4) അവർ ജൻമദി​നാ​ഘോ​ഷങ്ങൾ ഒഴിവാ​ക്കു​ന്നു. കാരണം അർഹി​ക്കാത്ത പ്രാധാ​ന്യം വ്യക്തി​യു​ടെ​മേൽ ചൊരി​യു​ന്ന​താണ്‌ അത്തരം ആഘോ​ഷങ്ങൾ. അതിലും പ്രധാ​ന​മാ​യി, ജൻമദി​നാ​ഘോ​ഷ​ങ്ങളെ അനുകൂ​ലി​ക്കാത്ത ബൈബിൾ വിവര​ണത്തെ യഹോ​വ​യു​ടെ ദാസൻമാർ ബുദ്ധി​പൂർവം കണക്കി​ലെ​ടു​ക്കു​ന്നു.

[25-ാം പേജിലെ ചിത്രം]

കൈസര്യയിലെ ഗോദ