നിങ്ങൾ ബൈബി​ളി​നു വിലകൽപ്പി​ക്കു​ന്നു​വോ?

മേരി ജോൺസി​ന്റെ ജനനം ഏതാണ്ട്‌ 200-ലധികം വർഷം​മുമ്പ്‌, ലൻഫീ​യാൻഷ​ലിൽ ആയിരു​ന്നു. അത്‌ അററ്‌ലാൻറിക്‌ തീര​പ്ര​ദേ​ശ​ത്തു​നി​ന്നു വളരെ അകലെ​യ​ല്ലാത്ത ഒരു വെയിൽസ്‌ ഉൾഗ്രാ​മ​മാ​യി​രു​ന്നു. മാതാ​പി​താ​ക്കൾ ദരി​ദ്ര​രായ നെയ്‌ത്തു​കാ​രാ​യി​രു​ന്നു, ഒരു ബൈബിൾ വാങ്ങാൻപോ​ലും നിവൃ​ത്തി​യി​ല്ലാത്ത അത്ര ദരിദ്രർ. പക്ഷേ ബൈബിൾ കഥകൾ പറഞ്ഞും ഓർമ​യുള്ള തിരു​വെ​ഴു​ത്തു​കൾ ആവർത്തി​ച്ചു​പ​റ​ഞ്ഞും അവർ മകളിൽ ദൈവ​ത്തോ​ടുള്ള സ്‌നേഹം അങ്കുരി​പ്പി​ച്ചു. അവൾ കൂടെ​ക്കൂ​ടെ വായി​ച്ചി​രു​ന്നത്‌ അയൽക്കാ​രന്റെ കൈവ​ശ​മു​ണ്ടാ​യി​രുന്ന വെൽഷ്‌ ഭാഷയി​ലുള്ള ഒരു ബൈബി​ളാ​യി​രു​ന്നു. എങ്ങനെ​യും സ്വന്തമാ​യി ഒരു ബൈബിൾ വേണം, അതിനാ​യി തുച്ഛമാ​യ​തെ​ങ്കി​ലും കിട്ടുന്ന പൈസ അവൾ സൂക്ഷി​ക്കാൻ തുടങ്ങി.

1800-മാണ്ട്‌, മേരിക്ക്‌ അപ്പോൾ 16 വയസ്സ്‌. 40 കിലോ​മീ​ററർ അകലെ​യുള്ള ബാല എന്നൊരു ചെറു​പ​ട്ട​ണ​ത്തിൽ വെൽഷ്‌ ഭാഷയി​ലുള്ള കുറച്ചു ബൈബി​ളു​കൾ വിൽപ്പ​ന​യ്‌ക്കു വെച്ചി​രി​ക്കു​ന്ന​താ​യി അവൾ കേട്ടു. പേടി​യൊ​ന്നു​മു​ണ്ടാ​യില്ല, അവിടം​വരെ നടക്കാൻത​ന്നെ​യങ്ങു തീരു​മാ​നി​ച്ചു. കുന്നുകൾ കയറി​യി​റ​ങ്ങി​യുള്ള ആ നടത്തമാ​കട്ടെ കാലിൽ ചെരി​പ്പു​പോ​ലു​മി​ല്ലാ​തെ ആയിരു​ന്നു. പക്ഷേ, അവൾ എത്തിയ​പ്പോ​ഴേ​ക്കും എല്ലാ പ്രതി​ക​ളും വിററു​തീർന്നി​രു​ന്നു. കൂട്ടി​വെ​ച്ചി​രുന്ന പണമാ​ണെ​ങ്കി​ലോ, അതു വാങ്ങാൻ ഒട്ടു തികയു​മാ​യി​രു​ന്നു​മില്ല എന്നും അവൾക്കു മനസ്സി​ലാ​യി.

ബൈബി​ളി​നോ​ടു മേരി കാണി​ക്കുന്ന താത്‌പ​ര്യ​ത്തെ​ക്കു​റി​ച്ചു കേൾക്കാ​നി​ട​യായ പ്രദേ​ശത്തെ പാസ്‌റ​റർക്കു മനസ്സലി​വു തോന്നി. അത്രയും ശ്രമങ്ങൾ നടത്തി​യി​ട്ടും നിരാ​ശ​യ​ട​യേ​ണ്ടി​വന്ന അവളുടെ കണ്ണുനീർ കണ്ട അദ്ദേഹം ദയാപു​ര​സ്സരം തന്റെ സ്വന്തം പ്രതി അവൾക്കു കൊടു​ത്തു. എന്നിട്ട്‌ അദ്ദേഹം ഇങ്ങനെ പറഞ്ഞു: “ഇതു ശ്രദ്ധാ​പൂർവം വായി​ക്കു​ക​യും ഉത്സാഹ​പൂർവം പഠിക്കു​ക​യും വേണം. വിശുദ്ധ വചനം നിധി​പോ​ലെ നിന്റെ ഓർമ​യിൽ സൂക്ഷിച്ച്‌ അതിന്റെ പ്രബോ​ധ​ന​ങ്ങൾക്കു ചേർച്ച​യിൽ ജീവി​ക്കു​ക​യും ചെയ്യണം.”

പിന്നീട്‌, കമ്മിററി ഓഫ്‌ ദ റിലി​ജി​യസ്‌ ട്രാക്‌ററ്‌ സൊ​സൈ​ററി ഓഫ്‌ ലണ്ടൻ അതിന്റെ യോഗം​കൂ​ടി​യ​പ്പോൾ ഈ കഥ അവിടെ അവതരി​പ്പി​ച്ചു. അങ്ങനെ, വെയിൽസി​ലെ ആളുകൾക്കു മാത്രമല്ല, മുഴു ലോക​ത്തി​നും ബൈബിൾ പരിഭാ​ഷകൾ എത്തിക്കാ​നുള്ള തീരു​മാ​നം അവിടെ വെച്ചു​ണ്ടാ​യി. 19-ാം നൂററാ​ണ്ടി​ലെ അനേകം ബൈബിൾ സൊ​സൈ​റ​റി​ക​ളിൽ ആദ്യ​ത്തേതു രൂപം​കൊ​ണ്ടത്‌ ഈ ലളിത​മായ തുടക്ക​ത്തിൽനി​ന്നാ​യി​രു​ന്നു. അതിനു​ശേഷം ബൈബി​ളി​ന്റെ ഇതരഭാ​ഷാ പതിപ്പു​കൾ വർധിച്ച വേഗത​യിൽ, കൂടെ​ക്കൂ​ടെ പുറത്തി​റ​ങ്ങാൻ തുടങ്ങി.

1884-ൽ സംഘടി​പ്പി​ക്ക​പ്പെട്ട വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി ഇന്ന്‌ 200-ലധികം ഭാഷക​ളിൽ ബൈബി​ളും ബൈബിൾപഠന സഹായി​ക​ളും അച്ചടി​ക്കു​ന്നു. ആധുനിക ഭാഷയി​ലുള്ള തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്ത​ര​ത്തി​ന്റെ 7 കോടി 20 ലക്ഷം പ്രതി​ക​ളാണ്‌ അതു ലോക​വ്യാ​പ​ക​മാ​യി വിതരണം ചെയ്‌തി​രി​ക്കു​ന്നത്‌. എബ്രായ, ഗ്രീക്ക്‌ എന്നീ മൂലഭാ​ഷ​യിൽനി​ന്നു പരിഭാ​ഷ​പ്പെ​ടു​ത്തി​യി​രി​ക്കുന്ന പുതി​യ​ലോക ഭാഷാ​ന്തരം ഇപ്പോൾ മുഴു​വ​നാ​യോ ഭാഗി​ക​മാ​യോ 18 ഭാഷക​ളിൽ ലഭ്യമാണ്‌. കൂടാതെ മററു 12 ഭാഷക​ളി​ലേ​ക്കു​കൂ​ടി അതിന്റെ വിവർത്തനം ഇപ്പോൾ നടന്നു​കൊ​ണ്ടി​രി​ക്കു​ന്നു.

ഇപ്പോൾ മിക്കവാ​റും എല്ലാവ​രു​ടെ​യും എത്തുപാ​ടി​ലാ​യി​ക്ക​ഴിഞ്ഞ ബൈബി​ളി​നെ നിങ്ങൾ എങ്ങനെ​യാ​ണു വീക്ഷി​ക്കു​ന്നത്‌? നിങ്ങൾ ബൈബി​ളി​നു വിലകൽപ്പി​ക്കു​ന്നു​വോ? നിങ്ങൾ നിധി​പോ​ലെ കരുതി വായി​ക്കുന്ന ഒരു പ്രതി നിങ്ങളു​ടെ പക്കലു​ണ്ടോ?

[3-ാം പേജിലെ ചിത്ര​ത്തി​നു കടപ്പാട്‌]

മേരി ജോൺസി​ന്റെ​യും അവളുടെ ബൈബി​ളി​ന്റെ​യും കഥ [ഇംഗ്ലീഷ്‌] എന്ന പുസ്‌ത​ക​ത്തിൽനിന്ന്‌