മാനുഷ മാർഗ​നിർദേശം പരാജ​യ​പ്പെ​ട്ടു​വോ?

ആരാണ്‌ സകലവും സൃഷ്ടി​ച്ചത്‌? “ദൈവം” എന്നാണു നിങ്ങളു​ടെ ഉത്തര​മെ​ങ്കിൽ നിങ്ങൾ ബൈബി​ളി​ലെ ദൈവ​മായ സ്രഷ്ടാ​വിൽ വിശ്വ​സി​ക്കുന്ന ദശലക്ഷ​ക്ക​ണ​ക്കിന്‌ ആളുക​ളു​ടെ കൂട്ടത്തിൽപ്പെ​ടു​ന്ന​വ​രാണ്‌.

എന്നിരു​ന്നാ​ലും, ദൈവ​ത്തിൽ വിശ്വ​സി​ക്കുന്ന അനേകർക്കും അവിടുന്ന്‌ മനുഷ്യ​വർഗ​ത്തി​ന്റെ പ്രശ്‌നങ്ങൾ പരിഹ​രി​ക്കു​ന്ന​തിൽ സജീവ​മാ​യി ഏർപ്പെ​ട്ടി​രി​ക്കു​ക​യാ​ണെന്ന്‌ അംഗീ​ക​രി​ക്കുക പ്രയാ​സ​മാണ്‌. മനുഷ്യ​വർഗ​ത്തിന്‌ ആശ്വാസം കൈവ​രു​ത്തുന്ന ഒരു കാര്യ​പ​രി​പാ​ടി ദൈവ​ത്തി​ന്റെ നിർവ​ഹ​ണ​ത്തിൻകീ​ഴിൽ ഉണ്ട്‌ എന്നു ചിന്തി​ക്കു​ന്ന​തിൽ വാസ്‌ത​വി​ക​ത​യു​ണ്ടോ? സംഗതി അപ്രകാ​ര​മാ​ണെ​ന്ന​തി​ന്റെ ന്യായ​മായ തെളിവ്‌ അനേക​രും കാണു​ന്നില്ല.

ആയിര​ക്ക​ണ​ക്കി​നു വർഷങ്ങ​ളാ​യി മനുഷ്യർ ദൈവത്തെ അവഗണി​ച്ചു​കൊ​ണ്ടു പരിഹാ​ര​ത്തി​നു​വേണ്ടി നിരവധി സ്വയം-സഹായ മാർഗങ്ങൾ പരീക്ഷി​ച്ചു​നോ​ക്കി​യി​ട്ടുണ്ട്‌. എന്നാൽ മനുഷ്യർ പരിഹാ​രങ്ങൾ കണ്ടെത്തി​യോ? അതോ പ്രശ്‌നങ്ങൾ പരിഹ​രി​ക്കാ​നാ​കാ​ത്ത​വി​ധം കൂടുതൽ വഷളായി തീരു​ക​യാ​ണോ? ഇന്നു ലോക​ത്തി​ലെ അടിയ​ന്തിര പ്രശ്‌നങ്ങൾ മനുഷ്യൻ കൈകാ​ര്യം ചെയ്യു​ന്ന​തെ​ങ്ങ​നെ​യാണ്‌?

ഒരു വിദഗ്‌ധൻ ഇപ്രകാ​രം പറയുന്നു: “വ്യാവ​സാ​യിക വിപ്ലവം തുടങ്ങി​യ​തു​മു​തൽ വികസിത രാഷ്ട്രങ്ങൾ നിലക്കാത്ത രീതി​യി​ലുള്ള ഉത്‌പാ​ദ​ന​വും ഉപഭോ​ഗ​വും മുഖാ​ന്തരം ഭൂവ്യാ​പക പരിസ്ഥി​തി​ക്കു ഹാനി​യും വികസ്വര രാഷ്‌ട്ര​ങ്ങൾക്കു നാശവും വരുത്തി​ക്കൊ​ണ്ടു ലോക​ത്തി​ന്റെ പ്രകൃതി വിഭവ​ങ്ങളെ അമിത​മാ​യി ചൂഷണം ചെയ്‌തി​രി​ക്കു​ക​യാണ്‌.”

മനുഷ്യൻ ഭൂമിയെ നശിപ്പി​ച്ചു​കൊ​ണ്ടേ​യി​രി​ക്കു​ന്നു. “ഈ നൂററാ​ണ്ടി​ന്റെ രണ്ടാം​പ​കു​തി​യിൽ വലിയ ദുരന്ത​ങ്ങൾക്ക്‌ ഉത്തരവാ​ദി​യാ​യി​രി​ക്കു​ന്നത്‌ സാമ്പത്തിക ദുർമോ​ഹം, അശ്രദ്ധ, അവഗണന എന്നിവ​യാണ്‌. അവ മനുഷ്യ​രു​ടെ മരണത്തി​നി​ട​യാ​ക്കു​ക​മാ​ത്രമല്ല മിക്ക​പ്പോ​ഴും കണക്കി​ല്ലാത്ത പരിധി​വരെ പരിസ്ഥി​തി​യെ അധഃപ​തി​പ്പി​ക്കു​ക​യും ചെയ്‌തി​രി​ക്കു​ന്നു” എന്ന്‌ അർജൻറീ​ന​യി​ലെ വാർത്താ​പ​ത്ര​മായ ക്ലാരീൻ അഭി​പ്രാ​യ​പ്പെട്ടു.

കൊടും ദാരി​ദ്ര്യം ഇപ്പോൾ ആധുനിക സമുദാ​യ​ത്തി​ന്റെ ഒരു ശാശ്വത ഘടകമാ​യി​ത്തീർന്നി​രി​ക്കു​ന്നു എന്നു തോന്നു​ന്നു. ദാരി​ദ്ര്യ​ത്തി​ന്റെ അമിത ഭാരത്തിൻകീ​ഴിൽ ലോക​ത്തി​ലെ സമ്പന്ന രാഷ്‌ട്ര​ങ്ങ​ളെന്നു പറയ​പ്പെ​ടു​ന്ന​വ​പോ​ലും മുട്ടു മടക്കു​ക​യാണ്‌. കാനഡ​യി​ലെ ടൊ​റൊ​ന്റോ​യു​ടെ ദ ഗ്ലോബ്‌ ആൻഡ്‌ മെയിൽ പറയു​ന്ന​പ്ര​കാ​രം, “മുഴു കാനഡ​ക്കാ​രി​ലും മൂന്നി​ലൊ​രു ഭാഗം തൊഴിൽ ചെയ്യാൻ പററിയ പ്രായ​ത്തി​നി​ട​യിൽ ദാരി​ദ്ര്യം അനുഭ​വി​ക്കും” എന്നു കണക്കാ​ക്കി​യി​രി​ക്കു​ന്നു. “കുടും​ബ​ത്ത​കർച്ച​യാ​ണു ദാരി​ദ്ര്യ​ത്തി​നുള്ള പ്രധാന കാരണ​ങ്ങ​ളി​ലൊന്ന്‌, സമീപ വർഷങ്ങ​ളിൽ ഈ പ്രവണത വർധി​ച്ചി​രി​ക്കു​ന്നു” എന്നും ആ വാർത്താ​പ​ത്രം കൂട്ടി​ച്ചേർത്തു.

മയക്കു​മ​രു​ന്നു ദുരു​പ​യോ​ഗ​മാ​ണു തകർന്നു​കൊ​ണ്ടി​രി​ക്കുന്ന സമുദാ​യ​ത്തി​ന്റെ മറെറാ​രു ചിഹ്നം. ഇതു സംബന്ധി​ച്ചു മനുഷ്യ​വർഗ​ത്തിന്‌ എന്തു​ചെ​യ്യാ​നാ​കും? അധിക​മൊ​ന്നും ചെയ്യാ​നാ​വില്ല എന്നതു സ്‌പഷ്ട​മാണ്‌. ലക്ഷക്കണ​ക്കി​നാ​ളു​കൾ മയക്കു​മ​രു​ന്നു ദുരു​പ​യോ​ഗ​ത്തി​ന്റെ നേരി​ട്ടുള്ള ഫലമായി ശാരീ​രി​ക​വും മാനസി​ക​വും ധാർമി​ക​വു​മായ അധഃപ​തനം അനുഭ​വി​ക്കു​ന്ന​തിൽ തുടരു​ന്നു. ഈ പ്രശ്‌നം കാട്ടു​തീ​പോ​ലെ പടരു​ക​യാണ്‌.

രോഗ​ങ്ങൾക്കെ​തി​രെ​യുള്ള പോരാ​ട്ട​ത്തിൽ ശാസ്‌ത്ര​ജ്ഞൻമാർ പരാജ​യ​പ്പെ​ടു​ന്ന​താ​യി തോന്നു​ന്നു. ആധുനിക സാങ്കേ​തി​ക​വി​ദ്യ​കൾ അനേകം പോരാ​ട്ട​ങ്ങ​ളിൽ വിജയി​ച്ചി​ട്ടുണ്ട്‌ എന്നതു സത്യമാണ്‌. എന്നിരു​ന്നാ​ലും, ഔഷധ​ങ്ങളെ ചെറു​ത്തു​നിൽക്കുന്ന അപകട​കാ​രി​ക​ളായ പരമാ​ണു​ക്കൾ ആവിർഭ​വി​ക്കാൻ ചില ശാസ്‌ത്രീയ നടപടി​കൾതന്നെ കാരണ​മാ​യി​ട്ടുണ്ട്‌.

വ്യാപ​ക​മാ​യ മനുഷ്യാ​വ​കാശ ലംഘന​ങ്ങളെ തടയാൻ മനുഷ്യ ഗവൺമെൻറു​കൾക്കാ​വില്ല. ദൃഷ്ടാ​ന്ത​ത്തിന്‌, അടിമ​ത്തത്തെ തടയു​ന്ന​തി​നു​വേണ്ടി രൂപീ​ക​രിച്ച ധാരാളം വാഗ്‌ദാ​ന​ങ്ങ​ളും നിയമ​ങ്ങ​ളും നിലവി​ലി​രി​ക്കെ ലോക​വ്യാ​പ​ക​മാ​യി പത്തു​കോ​ടി​യി​ല​ധി​കം ജനങ്ങൾ ഹീനമായ അടിമ​ത്ത​ത്തി​നു സമാന​മായ വ്യവസ്ഥ​കൾക്കു കീഴിൽ വേല​ചെ​യ്യാൻ നിർബ​ന്ധി​ത​രാ​കു​ക​യാണ്‌ എന്നു കണക്കാ​ക്ക​പ്പെ​ടു​ന്നു.

എന്നാൽ മാനുഷ മാർഗ​നിർദേശം പരാജ​യ​പ്പെ​ട്ടത്‌ എന്തു​കൊ​ണ്ടാണ്‌? ഈ വസ്‌തു​തകൾ പരിചി​ന്തി​ക്കുക. മാനുഷ മാർഗ​നിർദേശം മനുഷ്യ​രിൽനി​ന്നാ​ണു വരുന്നത്‌—ഗൗരവ​മായ പരിമി​തി​ക​ളുള്ള മനുഷ്യ​രിൽനി​ന്നു​തന്നെ. ജീവി​ത​ത്തിൽ അവർക്കുള്ള അനുഭവം ആപേക്ഷി​ക​മാ​യി കുറഞ്ഞ​തും സാധാ​ര​ണ​മാ​യി ചില പ്രത്യേക സംസ്‌കാ​ര​ങ്ങ​ളാ​ലോ പരിസ്ഥി​തി​ക​ളാ​ലോ പരിമി​ത​പ്പെ​ട്ട​തു​മാണ്‌. അവരുടെ അറിവും പരിമി​ത​മാണ്‌. അവർ നൽകുന്ന ഏതു മാർഗ​നിർദേ​ശ​ത്തി​ലും ആ പരിമി​തി​കൾ പ്രതി​ഫ​ലി​ക്കു​ന്നു. അപ്പോ​സ്‌ത​ല​നായ പൗലോസ്‌ പറഞ്ഞതു​പോ​ലെ “എല്ലാവ​രും പാപം ചെയ്‌തു ദൈവ​തേ​ജസ്സു ഇല്ലാത്ത​വ​രാ​യി​ത്തീർന്നു.”—റോമർ 3:23.

വാസ്‌ത​വ​ത്തിൽ, ദൈവ​ത്തി​ന്റെ മാർഗ​നിർദേശം പ്രത്യ​ക്ഷ​മാ​യോ പരോ​ക്ഷ​മാ​യോ അവഗണി​ക്കു​ന്ന​തി​ന്റെ ഫലമാ​യി​ട്ടാ​ണു മനുഷ്യ​വർഗ​ത്തി​ന്റെ അധിക പങ്കും പ്രശ്‌ന​ങ്ങ​ളും പ്രയാ​സ​ങ്ങ​ളും അനുഭ​വി​ക്കു​ന്നത്‌. എങ്കിൽപ്പി​ന്നെ ആ മാർഗ​നിർദേശം എവിടെ കണ്ടെത്താ​നാ​കും? ദൈവം ഇന്നു നമുക്കു മാർഗ​ദർശനം നൽകു​ന്നത്‌ എങ്ങനെ​യാണ്‌? അടുത്ത ലേഖനം ഇതിനുള്ള ഉത്തരങ്ങൾ പരിചി​ന്തി​ക്കു​ന്ന​താണ്‌.