ദൈവം വിഡ്‌ഢി​യെ വെറു​ക്കു​ന്നു എന്തു​കൊണ്ട്‌?

ബൈബി​ളിൽ ഉപയോ​ഗി​ച്ചി​രി​ക്കുന്ന “വിഡ്‌ഢി” എന്ന പദം മാനസിക പ്രാപ്‌തി​യിൽ കുറവുള്ള ഒരു വ്യക്തിയെ സൂചി​പ്പി​ക്കാ​തെ പൊതു​വേ അർഥമാ​ക്കു​ന്നത്‌ ന്യായ​യു​ക്ത​മായ സംഗതി​കൾ നിരാ​ക​രി​ക്കു​ക​യും ദൈവ​ത്തി​ന്റെ നീതി​നി​ഷ്‌ഠ​മായ നിലവാ​ര​ങ്ങ​ളു​മാ​യി പൊരു​ത്ത​പ്പെ​ടാത്ത, ധാർമി​ക​മാ​യി തലതി​രിഞ്ഞ ഒരു ഗതി പിൻപ​റ​റു​ക​യും ചെയ്യുന്ന ഒരു വ്യക്തിയെ ആണ്‌. അത്തര​മൊ​രു​വനെ പരാമർശി​ക്കുന്ന വ്യത്യസ്‌ത എബ്രായ പദങ്ങൾ കേസിൽ (‘ഭോഷൻ’; സദൃശ​വാ​ക്യ​ങ്ങൾ 1:22), ഈവിൽ (“വിഡ്‌ഢി​യായ ഒരുവൻ”; സദൃശ​വാ​ക്യ​ങ്ങൾ 12:15, NW), നവൽ (‘ബുദ്ധി​ഹീ​നൻ’; സദൃശ​വാ​ക്യ​ങ്ങൾ 17:7, NW), ലെററ്‌സ്‌ (“പരിഹാ​സി”; സദൃശ​വാ​ക്യ​ങ്ങൾ 13:1) എന്നിവ​യാണ്‌. ഗ്രീക്കി​ലാ​ണെ​ങ്കി​ലോ അഫ്രോൺ “യുക്തി​ഹീന”നെയും (ലൂക്കോസ്‌ 12:20, NW), അനോ​യെ​ത്തോസ്‌ “ബുദ്ധി​യി​ല്ലാത്ത”വനെയും (ഗലാത്യർ 3:1), മോ​റോസ്‌ ഒരു ‘വിഡ്‌ഢി’യെ അഥവാ “വിഡ്‌ഢി​യായ” ഒരുവ​നെ​യും പരാമർശി​ക്കു​ന്നു.—മത്തായി 23:17; 25:2, NW.

നാബാൽ എന്ന മമനു​ഷ്യ​ന്റെ ജീവി​ത​രീ​തി ദൃഷ്ടാ​ന്തീ​ക​രി​ക്കു​ന്നതു വിഡ്‌ഢി​യായ ഒരുവന്റെ മാർഗ​മാണ്‌, (1 ശമുവേൽ 25) അതു​പോ​ലെ​ത​ന്നെ​യാ​ണു സത്യ​ദൈ​വത്തെ അറിഞ്ഞിട്ട്‌ സൃഷ്ടവ​സ്‌തു​ക്കളെ ആരാധി​ക്കു​ന്ന​വ​രു​ടേ​തും. (റോമർ 1:20-25) ഒരു വിഡ്‌ഢി അഥവാ ബുദ്ധി​യി​ല്ലാത്ത വ്യക്തി “ഭോഷ​ത്വം സംസാ​രി​ക്കും; വഷളത്വം ചെയ്‌തും യഹോ​വെക്കു വിരോ​ധ​മാ​യി അബദ്ധം സംസാ​രി​ച്ചും വിശപ്പു​ള്ള​വരെ പട്ടിണി​യി​ട്ടും ദാഹമു​ള്ള​വർക്കു പാനം മുടക്കി​യും​കൊ​ണ്ടു അവന്റെ ഹൃദയം നീതി​കേ​ടും പ്രവർത്തി​ക്കും” എന്നു യശയ്യാ പറഞ്ഞു. (യെശയ്യാ​വു 32:6) വിഡ്‌ഢി​കൾ ജ്ഞാനവും ശിക്ഷണ​വും പുച്ഛി​ച്ചു​ത​ള്ളു​ന്നു. (സദൃശ​വാ​ക്യ​ങ്ങൾ 1:7) ബുദ്ധ്യു​പ​ദേ​ശ​ത്തി​നു ചെവി​കൊ​ടു​ക്കു​ന്ന​തി​നു പകരം വിഡ്‌ഢി “തന്റെ ദൃഷ്ടി​ക​ളിൽ ശരി” എന്നു താൻ കരുതുന്ന മാർഗ​ത്തിൽ ചരിക്കു​ന്ന​തിൽ തുടരു​ന്നു. (സദൃശ​വാ​ക്യ​ങ്ങൾ 12:15) അയാൾ അതി​വേഗം നീരസ​പ്പെ​ടു​ക​യും തർക്കത്തി​ലേക്ക്‌ എടുത്തു​ചാ​ടു​ക​യും ചെയ്യുന്നു. (സഭാ​പ്ര​സം​ഗി 7:9; സദൃശ​വാ​ക്യ​ങ്ങൾ 20:3) “യഹോവ ഇല്ല” എന്ന്‌ അയാൾ തന്റെ ഹൃദയ​ത്തിൽ പറയുന്നു (വായ്‌കൊണ്ട്‌ അങ്ങനെ അധികം പറയു​ന്നി​ല്ലെ​ങ്കി​ലും അയാളു​ടെ പ്രവൃ​ത്തി​കൾ സൂചി​പ്പി​ക്കു​ന്നത്‌ അങ്ങനെ​യാണ്‌).—സങ്കീർത്തനം 14:1, NW.

ശാസ്‌ത്രി​മാ​രെ​യും പരീശൻമാ​രെ​യും യേശു കൃത്യ​മാ​യി​ത്തന്നെ “മൂഢൻമാ​രും കുരു​ടൻമാ​രും” എന്ന്‌ അഥവാ ജ്ഞാനമി​ല്ലാത്ത, ധാർമി​ക​മാ​യി ഒരു യോഗ്യ​ത​യു​മി​ല്ലാത്ത വ്യക്തികൾ എന്നു പരാമർശി​ച്ചു, എന്തെന്നാൽ മനുഷ്യ​നിർമിത പാരമ്പ​ര്യം​കൊ​ണ്ടു സത്യത്തെ മാററി​മ​റി​ച്ചി​രുന്ന അവർ ഒരു കപടജീ​വി​ത​ഗതി പിൻപ​റ​റി​യി​രു​ന്നു. കൂടാതെ, അവരുടെ വിവേ​ച​ന​യി​ല്ലാ​യ്‌മയെ ദൃഷ്ടാ​ന്തീ​ക​രി​ച്ചു​കൊണ്ട്‌ ഈ വിശേ​ഷ​ണ​ത്തി​ന്റെ ഔചി​ത്യ​ത്തി​നു യേശു ആക്കംകൂ​ട്ടു​ക​യും ചെയ്‌തു. (മത്തായി 23:15-22; 15:3) എന്നാൽ, ധാർമി​ക​മാ​യി അയോ​ഗ്യൻ എന്ന നിഗമ​ന​ത്തിൽ കുററം​വി​ധി​ച്ചു​കൊണ്ട്‌ ഒരു സഹോ​ദ​രനെ “വെറു​പ്പു​ള​വാ​ക്കുന്ന വിഡ്‌ഢി” എന്നു തെററാ​യി വിളി​ക്കുന്ന ഒരു വ്യക്തി, തന്നേത്തന്നെ ഗീഹെ​ന്നാ​യ്‌ക്ക്‌ ഇരയാ​ക്കു​മാ​യി​രു​ന്നു.—മത്തായി 5:22, NW; റോമർ 14:10-12; മത്തായി 7:1, 2.

അനുദിന ജീവി​ത​ത്തിൽനിന്ന്‌ എടുത്തി​രി​ക്കുന്ന യേശു​വി​ന്റെ മികവു​ററ ദൃഷ്ടാ​ന്ത​ങ്ങ​ളിൽപ്പെ​ട്ട​താ​ണു മണൽപ്പു​റത്തു തന്റെ ഭവനം പണിത വിഡ്‌ഢി​യായ മനുഷ്യ​ന്റേ​തും നല്ല വിളവു നൽകുന്ന കൃഷി​യി​ട​മു​ണ്ടാ​യി​രു​ന്ന​തി​നാൽ തന്റെ കളപ്പുര വലുതാ​ക്കി ജീവിതം ശരി​ക്കൊന്ന്‌ ആസ്വദി​ക്കാൻ പരിപാ​ടി​യിട്ട ധനിക​ന്റേ​തും. ഇവ ആത്മീയ കാര്യങ്ങൾ അവഗണി​ക്കു​ന്ന​തി​ലെ വിഡ്‌ഢി​ത്ത​വും അതുവഴി നഷ്ടമാ​കുന്ന യഥാർഥ അനു​ഗ്ര​ഹ​വും എടുത്തു​കാ​ണി​ക്കു​ന്നു. കൂടാതെ, ബുദ്ധി​യി​ല്ലാത്ത അഞ്ചു കന്യക​മാ​രു​ടെ ദൃഷ്ടാ​ന്ത​ത്തി​ലൂ​ടെ യേശു എടുത്തു​കാ​ട്ടി​യ​പോ​ലെ, ആത്മീയ​മായ ഒരു വിധത്തിൽ “ഒരുങ്ങി”യിരി​ക്കാൻ പരാജ​യ​പ്പെ​ടു​ന്നതു വിഡ്‌ഢി​ത്ത​മാണ്‌, മണവാ​ളനെ എതി​രേൽക്കാൻ പുറപ്പെട്ട ആ കന്യക​മാർ തങ്ങളുടെ വിളക്കു​കൾക്കു​വേ​ണ്ടി​യുള്ള എണ്ണ കരുതി​യി​രു​ന്നില്ല.—മത്തായി 7:24-27; ലൂക്കൊസ്‌ 12:16-21; മത്തായി 25:1-13.

ഒരു യഥാർഥ ജ്ഞാനി​യാ​യി​ത്തീ​രു​ന്ന​തിന്‌ ഒരു വ്യക്തി ലോക​ത്തി​ന്റെ ദൃഷ്ടി​യിൽ വിഡ്‌ഢി​യാ​യി​ത്തീ​രണം, എന്തെന്നാൽ “ഈ ലോക​ത്തി​ന്റെ ജ്ഞാനം ദൈവ​സ​ന്നി​ധി​യിൽ ഭോഷ​ത്വ​മ​ത്രേ.” തന്നെ പ്രതി​നി​ധാ​നം ചെയ്യാൻ യഹോവ തിര​ഞ്ഞെ​ടു​ത്തി​രി​ക്കു​ന്നതു ലൗകിക ജ്ഞാനി​ക​ളെയല്ല, പകരം അറിവി​ല്ലാത്ത വ്യക്തികൾ, വിഡ്‌ഢി​കൾ എന്നിങ്ങനെ നിസ്സാ​ര​മാ​യി വീക്ഷി​ക്ക​പ്പെ​ടു​ന്ന​വ​രെ​യാണ്‌. ഈ ലോക​ത്തി​ന്റെ വിഡ്‌ഢി​ത്തം കൂടുതൽ പ്രത്യ​ക്ഷ​മാ​കു​ന്ന​തിൽ ഇതു കലാശി​ച്ചി​രി​ക്കു​ന്നു. അതിലു​പരി, പ്രീതി​പാ​ത്ര​മായ വ്യക്തി ആത്മപ്ര​ശംസ നടത്താ​നുള്ള സകല കാരണ​ങ്ങ​ളെ​യും ഇതു ദൂരീ​ക​രി​ക്കു​ന്നു. പകരം, സകല മഹത്ത്വ​വും പോകു​ന്ന​തോ, ന്യായ​മാ​യും ജ്ഞാനത്തി​ന്റെ ഉറവായ യഹോ​വ​യി​ലേ​ക്കും.—1 കൊരി​ന്ത്യർ 3:18, 19; 1:18-31.

ഒരു വിഡ്‌ഢി​യോട്‌ അവനു യോജിച്ച വിധത്തിൽത്തന്നെ അഥവാ “അവന്റെ ഭോഷ​ത്വം​പോ​ലെ” അതായത്‌ അയാളു​ടെ തരംതാണ വാദവി​ധം​തന്നെ അവലം​ബി​ക്കു​ന്നു എന്ന അർഥത്തിൽ മറുപടി കൊടു​ത്താൽ അങ്ങനെ ചെയ്യു​ന്നവൻ എത്തി​ച്ചേ​രു​ന്നതു വിഡ്‌ഢി​യു​ടെ ദുർബ​ല​മായ വാദഗ​തി​ക​ളി​ലോ മാർഗ​ത്തി​ലോ തന്നെയാണ്‌. ഇക്കാര്യ​ത്തിൽ വിഡ്‌ഢി​ക​ളെ​പ്പോ​ലെ ആകാതി​രി​ക്കാൻ നാം ഇങ്ങനെ ബുദ്ധ്യു​പ​ദേ​ശി​ക്ക​പ്പെ​ടു​ന്നു: “അവന്റെ ഭോഷ​ത്വം​പോ​ലെ അവനോ​ടു ഉത്തരം പറയരു​തു.” നേരെ​മ​റിച്ച്‌, അയാളു​ടെ വാദങ്ങൾ കഴമ്പി​ല്ലാ​ത്ത​താണ്‌ എന്നു കാണി​ച്ചു​കൊ​ടു​ത്തു​കൊ​ണ്ടും, അതേ സമയം അവ താൻ എത്തി​ച്ചേർന്നി​രി​ക്കു​ന്ന​തിൽനി​ന്നു തികച്ചും വ്യത്യ​സ്‌ത​മായ നിഗമ​ന​ങ്ങ​ളി​ലേ​ക്കാ​ണു നയിക്കു​ന്നത്‌ എന്നു പ്രകട​മാ​ക്കി​ക്കൊ​ണ്ടും വിശക​ലനം ചെയ്യുന്നു എന്ന അർഥത്തിൽ, “അവന്റെ ഭോഷ​ത്വ​ത്തി​നു ഒത്തവണ്ണം” അവന്‌ ഉത്തരം കൊടു​ക്കു​ന്നതു പ്രയോ​ജ​ന​പ്ര​ദ​മാണ്‌ എന്നു സദൃശ​വാ​ക്യ​ങ്ങൾ 26:4, 5 പ്രകട​മാ​ക്കു​ന്നു.

(District convention addresses in English is replaced with this article)