രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

അചഞ്ചലത സമൃദ്ധ​മായ പ്രതി​ഫ​ലങ്ങൾ കൈവ​രു​ത്തു​ന്നു

തന്റെ അനുഗാ​മി​കൾ പീഡി​പ്പി​ക്ക​പ്പെ​ടു​മെന്നു യേശു മുൻകൂ​ട്ടി​പ്പ​റ​ഞ്ഞി​രു​ന്നു, 2 തിമോ​ത്തേ​യോസ്‌ 3:12-ൽ അതുതന്നെ അപ്പോ​സ്‌ത​ല​നായ പൗലോ​സും പ്രസ്‌താ​വി​ച്ചു: “യേശു​ക്രി​സ്‌തു​വി​നോട്‌ ഐക്യ​പ്പെട്ട്‌ വിശു​ദ്ധ​ജീ​വി​തം നയിക്കാൻ ആഗ്രഹി​ക്കു​ന്ന​വ​രെ​ല്ലാം പീഡി​പ്പി​ക്ക​പ്പെ​ടും.” (പി.ഒ.സി. ബൈ.) എന്നാൽ യഹോ​വ​യാം ദൈവത്തെ സേവി​ക്കു​ന്ന​തി​ലെ അചഞ്ചലത സമൃദ്ധ​മായ പ്രതി​ഫ​ലങ്ങൾ കൈവ​രു​ത്തും.

◻ മലേഷ്യ​യു​ടെ വടക്കു​കി​ഴക്കു തീരത്തുള്ള ഒരു പട്ടണത്തി​ലെ കാര്യ​മെ​ടു​ത്താൽ ഇതു സത്യമാ​ണെന്നു കാണാം. ഉറച്ച ബുദ്ധമ​ത​വി​ശ്വാ​സി​യായ ഒരു പിതാവു തന്റെ മക്കൾക്കു കർക്കശ​മായ ബുദ്ധ്യു​പ​ദേശം നൽകി​യി​രു​ന്നു. എന്നാൽ അയാളു​ടെ മൂന്നു പെൺമ​ക്ക​ളും മൂന്ന്‌ ആൺമക്ക​ളും യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ തുടങ്ങി​യ​പ്പോൾ അതു തടയാൻ അയാൾക്കു സാധി​ച്ചില്ല. തന്നെയു​മല്ല, അദ്ദേഹ​ത്തി​ന്റെ ഭാര്യ​യും സത്യത്തിൽ താത്‌പ​ര്യം കാണി​ക്കാൻ തുടങ്ങി. അങ്ങനെ​യി​രി​ക്കെ ഒരു അയൽക്കാ​രൻ അയാളെ കളിയാ​ക്കി: “മക്കളെന്താ യഹോ​വ​യു​ടെ സാക്ഷി​ക​ളാ​കാൻ പോക​യാ​ണോ? മക്കളു​ടെ​മേൽ നിങ്ങൾക്ക്‌ ഒരു നിയ​ന്ത്ര​ണ​വു​മി​ല്ലേ? എന്റെ കുട്ടി​കളെ നോക്കൂ, അവർ ഞങ്ങളുടെ പരമ്പരാ​ഗത ബുദ്ധമ​ത​ത്തോ​ടു​തന്നെ പററി​നിൽക്കു​ന്നു. തന്നോട്‌ എനിക്കു സഹതാപം തോന്നു​ന്നു!”

തന്റെ കുട്ടി​ക​ളു​മൊത്ത്‌ അധ്യയനം നടത്തിയ സഹോ​ദ​രി​യെ തല്ലു​മെന്നു ഭീഷണി​പ്പെ​ടു​ത്തി​ക്കൊ​ണ്ടു പിതാവു വീട്ടിൽ പാഞ്ഞെത്തി. എന്നിരു​ന്നാ​ലും കുട്ടികൾ അയാളെ ശാന്തനാ​ക്കി. യഹോ​വ​യു​ടെ സാക്ഷി​ക​ളു​മൊ​ത്തുള്ള ബൈബിൾപ​ഠനം തുടർന്ന അവർ അമ്മയുടെ പിന്തു​ണ​യോ​ടെ യോഗ​ങ്ങ​ളി​ലും പങ്കു​കൊ​ള്ളാൻ തുടങ്ങി.

എന്നുവ​രി​കി​ലും, അവസാനം ഈ പിതാവു മുഴു​കു​ടും​ബ​ത്തെ​യും തന്റെ മുമ്പിൽ വിളി​ച്ചു​വ​രു​ത്തി ഇങ്ങനെ ആവശ്യ​പ്പെട്ടു: “എന്നെ അനുസ​രി​ച്ചു വീട്ടിൽ നിൽക്കു​ന്നോ അതോ ക്രിസ്‌ത്യാ​നി​യാ​യി വീടു വിട്ടു​പോ​കു​ന്നോ, ഏതാ വേണ്ട​തെന്നു തീരു​മാ​നി​ച്ചോ​ളൂ.” തീർത്തും മൃദു​ഭാ​ഷി​യായ മൂത്ത മകൻ തകൃതി​യാ​യി തന്റെ സാധനങ്ങൾ അടുക്കാൻ തുടങ്ങി. “വേണ്ട!” പിതാവ്‌ ആക്രോ​ശി​ച്ചു. “നിങ്ങ​ളൊ​ക്കെ മത്സരി​ക​ളായ മക്കളാ​യ​തു​കൊ​ണ്ടു ഞാൻ മരിക്കു​ന്നതാ അതിലും ഭേദം.” വീട്ടിൽനി​ന്നി​റ​ങ്ങി​യോ​ടിയ അദ്ദേഹ​ത്തി​ന്റെ പിന്നാലെ, ആത്മഹത്യ ചെയ്യരു​തേ എന്നു കേണ​പേ​ക്ഷി​ച്ചു​കൊ​ണ്ടു കുടും​ബാം​ഗ​ങ്ങ​ളും പിന്തു​ടർന്നു. അവരുടെ യാചന​യിൽ മനസ്സലിഞ്ഞ്‌ അദ്ദേഹം വീട്ടി​ലേക്കു തിരിച്ചു.

നാളുകൾ കുറെ കഴിഞ്ഞ​പ്പോൾ ബൈബിൾസ​ത്യ​ങ്ങൾ തന്റെ മക്കളുടെ പെരു​മാ​റ​റ​ത്തിൻമേൽ ഉളവാ​ക്കുന്ന നല്ല ഫലങ്ങൾ അദ്ദേഹം ശ്രദ്ധി​ക്കാൻ തുടങ്ങി. ഒരു ദിവസം അയാൾ തന്റെ പരിഹാ​സി​യായ ചങ്ങാതി​യെ കണ്ടു. എന്നാൽ ഇപ്പോൾ ദുഃഖി​ത​നാ​യി കാണപ്പെട്ട അയാൾ പറഞ്ഞു: “എന്റെ കുട്ടി​കളെ ഓർത്തു ഞാൻ ആകെ നിരാ​ശ​നാണ്‌. അവർ എന്നെ പററി​ക്കു​ക​യും എന്നിൽനി​ന്നു മോഷ്ടി​ക്കു​ക​യും ചെയ്യുന്നു.” എന്നാൽ യഹോ​വ​യു​ടെ സാക്ഷി​ക​ളോ​ടൊ​പ്പം പഠിക്കുന്ന മക്കളുടെ പിതാവ്‌ ഇങ്ങനെ പറഞ്ഞു: “എന്നാൽ എന്റെ കുട്ടികൾ അങ്ങനെ​യൊ​ന്നു​മല്ല! അവർ എന്നോട്‌ അങ്ങേയ​ററം ദയയു​ള്ള​വ​രാണ്‌. ഞാൻ തൊഴിൽര​ഹി​ത​നാ​യി​രു​ന്ന​പ്പോൾ കാറിന്റെ ലോൺ അടയ്‌ക്കാൻ എന്നെ സഹായി​ച്ച​തു​പോ​ലും അവരാ​യി​രു​ന്നു.”

ഇപ്പോൾ, മൂന്നു പെൺകു​ട്ടി​ക​ളും അമ്മയും സ്‌നാ​പ​ന​മേ​റ​റ​വ​രാണ്‌. ഒരു മകൻ പ്രത്യേക പയനി​യ​റും. മുമ്പ്‌ ഉറച്ച വിശ്വാ​സി​യും കോപാ​കു​ല​നു​മാ​യി​രുന്ന പിതാ​വോ? ഇപ്പോൾ സൗഹാർദ​പ​ര​മാ​യി ഇടപെ​ടുന്ന അദ്ദേഹം സ്‌മാ​ര​ക​ത്തിൽ സന്നിഹി​ത​നാ​യി​രു​ന്നു.

തന്നോടു കാണിച്ച അചഞ്ചല​തക്കു മകനും, അവന്റെ മൂന്നു സഹോ​ദ​രി​മാർക്കും അമ്മക്കും യഹോവ പ്രതി​ഫലം നൽകി. ഇപ്പോൾ അവർ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കുന്ന തീക്ഷ്‌ണ​ത​യുള്ള രാജ്യ​പ്ര​ഘോ​ഷ​ക​രാണ്‌.—സദൃശ​വാ​ക്യ​ങ്ങൾ 27:11.