എന്റെ കോപ​മോ അതോ എന്റെ ആരോ​ഗ്യ​മോ?

ആരാണു കോപി​ക്കാ​ത്തത്‌? നമ്മളെ​ല്ലാം കോപി​ക്കാ​റുണ്ട്‌. ചില​പ്പോ​ഴൊ​ക്കെ ഒരു പരിധി​വ​രെ​യുള്ള കോപം ന്യായീ​ക​രി​ക്കാ​വു​ന്ന​താ​യി​രി​ക്കാം. എന്നാൽ സത്യസ​ന്ധ​മാ​യി പറഞ്ഞാൽ, മിക്ക​പ്പോ​ഴും നമ്മുടെ കോപത്തെ (അല്ലെങ്കിൽ അതിന്റെ തീവ്ര​തയെ) ന്യായീ​ക​രി​ക്കാ​വു​ന്നതല്ല എന്നതല്ലേ സത്യം?

ബൈബിൾ പറയുന്നു: “കോപത്തെ അകററുക, ക്രോ​ധത്തെ ഉപേക്ഷി​ക്കുക; തിൻമ ചെയ്യാൻമാ​ത്രം കോപാ​വേ​ശ​മു​ള്ള​വ​നെന്നു സ്വയം കാണി​ക്കാ​തി​രി​ക്കുക.” (സങ്കീർത്തനം 37:8, NW) ഈ ഉപദേശം എത്രമാ​ത്രം ജ്ഞാനമു​ള്ള​താണ്‌? ഇതിനു നിങ്ങളു​ടെ ദീർഘ​കാല ആരോ​ഗ്യ​ത്തെ ബാധി​ക്കാൻ കഴിയു​മോ?

ദ ന്യൂ​യോർക്ക്‌ ടൈംസ്‌ അതിന്റെ “ആരോഗ്യ” വിഭാ​ഗ​ത്തിൽ ഇങ്ങനെ കുറി​ക്കൊ​ണ്ടു:

“പകപൂണ്ട ക്രോ​ധാ​വേ​ശ​ത്താൽ പൊട്ടി​ത്തെ​റി​ക്കു​ന്നവർ അഥവാ താൻ തുച്ഛീ​ക​രി​ക്ക​പ്പെ​ട്ടെന്ന്‌ അറിയു​മ്പോ​ഴെ​ല്ലാം കോപി​ച്ചി​രു​ന്നു ശുണ്‌ഠി പിടി​ക്കു​ന്നവർ അസുഖ​ക​ര​മായ അവസ്ഥയിൽ സ്വയം ആക്കി​വെ​ക്കു​ന്ന​തി​നെ​ക്കാൾ അധിക​മാ​യി​രി​ക്കാം ചെയ്യു​ന്നത്‌. അവർ സ്വയം കൊല്ലു​ക​യാ​യി​രി​ക്കാം.

“തുടർച്ച​യാ​യുള്ള കോപം ശരീര​ത്തി​നു വളരെ ഹാനി​ക​ര​മാണ്‌, മാത്രമല്ല, അകാല​ച​ര​മ​ത്തി​ന്റെ ശക്തമായ ഒരു അപകട​കാ​ര​ണ​മെ​ന്ന​നി​ല​യിൽ അതു സിഗര​റ​റു​വലി, അമിത​വണ്ണം, കൊഴു​പ്പു​കൂ​ടിയ ആഹാര​ക്രമം എന്നിവ​യ്‌ക്കൊ​പ്പം നിൽക്കു​ക​യോ മറിക​ട​ക്കു​ക​യോ ചെയ്യു​ന്നു​വെന്നു സൂചി​പ്പി​ക്കുന്ന നിരവധി വിവരങ്ങൾ അടുത്ത കാലത്തു ഗവേഷകർ സമാഹ​രി​ച്ചി​ട്ടുണ്ട്‌.

“‘പകയിൽനിന്ന്‌ അല്ലെങ്കിൽ സംശയ​ത്തിൽനി​ന്നു ജനിക്കുന്ന കോപം ഞങ്ങൾക്ക​റി​യാ​വുന്ന മറേറ​തൊ​രു ആരോ​ഗ്യാ​പ​ക​ട​ത്തി​നും തുല്യ​മാ​ണെന്നു ഞങ്ങളുടെ പഠനങ്ങൾ സൂചി​പ്പി​ക്കു​ന്നു’ എന്നു ഡ്യൂക്ക്‌ യൂണി​വേ​ഴ്‌സി​ററി മെഡിക്കൽ സെൻറ​റിൽ പെരു​മാ​റ​റ​സം​ബ​ന്ധ​മായ ചികി​ത്സ​യിൽ ഗവേഷണം നടത്തുന്ന ഡോ. റെഡ്‌ഫർഡ്‌ വില്യംസ്‌ പറഞ്ഞു.”

ദൈനം​ദി​ന ജീവി​ത​ത്തി​ലെ സാധാരണ പ്രശ്‌ന​ങ്ങ​ളോട്‌ അമിത​മാ​യി പ്രതി​ക​രി​ക്കു​ന്നവർ സമ്മർദ​ത്തി​നു കാരണ​മായ ഹോർമോ​ണു​കൾ കൂടുതൽ ഉത്‌പാ​ദി​പ്പി​ക്കു​ന്ന​താ​യി പഠനങ്ങൾ സൂചി​പ്പി​ക്കു​ന്നു. തുട​രെ​ത്തു​ട​രെ​യുള്ള അവരുടെ പൊട്ടി​ത്തെ​റി​കൾക്ക്‌ സംരക്ഷ​ണാ​ത്മ​ക​മായ കൊള​സ്‌റ​റ​റോ​ളി​ന്റെ​യും ഹാനി​ക​ര​മായ കൊള​സ്‌റ​റ​റോ​ളി​ന്റെ​യും സന്തുലി​താ​വ​സ്ഥയെ തകർക്കാൻ കഴിയും. തദ്വാര അവർക്കു ഹൃദയ​സം​ബ​ന്ധ​മായ രോഗം വരുന്ന​തി​നുള്ള സാധ്യത കൂട്ടും.

‘പക്ഷേ എന്റെ രീതി അതാണ്‌’ അല്ലെങ്കിൽ ‘അങ്ങനെ​യാ​ണു ഞാൻ വളർന്നു വന്നത്‌’ എന്നൊക്കെ ചിലർ പ്രതി​ക​രി​ച്ചേ​ക്കാം. എന്നുവച്ച്‌, ദൈവ​ത്തി​ന്റെ ബുദ്ധ്യു​പ​ദേശം ബാധക​മാ​ക്കാൻ ആത്മാർഥ​മാ​യി ശ്രമി​ച്ചാൽ നിങ്ങൾക്കു മാററം വരുത്താൻ കഴിയി​ല്ലെന്ന്‌ അതിനർഥ​മില്ല. കോപ​ത്തെ​ക്കു​റി​ച്ചും ക്രോ​ധ​ത്തെ​ക്കു​റി​ച്ചും നിങ്ങളു​ടെ സ്വന്തം ബൈബിൾ തുറന്ന്‌ സദൃശ​വാ​ക്യ​ങ്ങൾ 14:29, 30; 22:24, 25; എഫെസ്യർ 4:26; യാക്കോബ്‌ 1:19, 20 എന്നിവി​ട​ങ്ങ​ളിൽ കൊടു​ത്തി​രി​ക്കുന്ന ദൈവ​ത്തി​ന്റെ ബുദ്ധ്യു​പ​ദേശം ഒന്നു പരി​ശോ​ധി​ച്ചു​നോ​ക്കൂ.

ആ ദിവ്യ​ജ്ഞാ​നം ബാധക​മാ​ക്കു​മ്പോൾ നിങ്ങളു​ടെ ആരോ​ഗ്യം മെച്ച​പ്പെ​ടു​ക​യും ജീവകാ​ലം നീളു​ക​യും ചെയ്‌തേ​ക്കാം. മുമ്പേ സൂചി​പ്പിച്ച ടൈംസ്‌ ഇങ്ങനെ കുറി​ക്കൊ​ണ്ടു: “എടുത്തു​ചാ​ടി പകയോ​ടെ പ്രതി​ക​രി​ക്കുന്ന രീതി മാററു​ന്ന​പക്ഷം കോപ​ത്തി​നു ചായ്‌വു​ള്ള​വർക്ക്‌ അകാല​മൃ​ത്യു​വി​ന്റെ അപകട​സാ​ധ്യത കുറയ്‌ക്കാൻ കഴിയു​മെന്ന്‌ ഒട്ടനവധി ഗവേഷകർ പറഞ്ഞു.”