രക്തപ്പകർച്ച​കൾക്ക്‌ അമിത​മൂ​ല്യം കൽപ്പി​ക്കു​ന്നു​വോ?

ആധുനിക ചികി​ത്സാ​രം​ഗത്തു രക്തപ്പകർച്ചകൾ സാധാ​ര​ണ​മാണ്‌, എന്നാൽ അവ കീർത്തി​ക്കൊ​ത്തു​യ​രു​ന്നു​ണ്ടോ? നിങ്ങൾ എന്തു വിചാ​രി​ക്കു​ന്നു?

ദി അമേരി​ക്കൻ ജേർണൽ ഓഫ്‌ മെഡി​സി​നിൽ (1993 ഫെബ്രു​വരി) ഡോ. ക്രേഗ്‌ എസ്‌. കിച്ചൺസ്‌ ചോദി​ച്ചു: “പകർച്ച​കൾക്ക്‌ അമിത​മൂ​ല്യം കൽപ്പി​ക്കു​ക​യാ​ണോ?” ഒരു ചികി​ത്സ​യു​ടെ പ്രയോ​ജനം അതുമൂ​ല​മു​ണ്ടാ​യേ​ക്കാ​വുന്ന അപകട​ത്തെ​ക്കാൾ കൂടു​ത​ലാ​ണോ എന്നു ഡോക്ടർമാർ ശ്രദ്ധാ​പൂർവം പരി​ശോ​ധി​ക്കാ​റു​ണ്ടെന്ന്‌ അദ്ദേഹം പറഞ്ഞു. രക്തപ്പകർച്ചയെ സംബന്ധി​ച്ചെന്ത്‌?

കരൾവീ​ക്കം, പ്രതി​രോ​ധ​ശ​ക്തി​യു​ടെ ക്ഷയം, ശരീര​ഘ​ട​നാ​വ്യ​വ​സ്ഥി​തി​യു​ടെ വൈക​ല്യം, കോശ​ങ്ങ​ളു​ടെ ഒട്ടുവി​ദ്യാ​സ​ങ്ക​ല​ന​ത്തി​ന്റെ (graft-versus-host) പ്രത്യാ​ക്ര​മ​ണങ്ങൾ തുടങ്ങി രക്തപ്പകർച്ച​ക​ളോ​ടു ബന്ധപ്പെട്ട അടുത്ത​കാ​ലത്തെ നിരവധി അപകട​ങ്ങ​ളു​ടെ തെളി​വു​കൾ കിച്ചൺസ്‌ പുനര​വ​ലോ​കനം ചെയ്‌തു. രക്തപ്പകർച്ച​ക​ളിൽനി​ന്നുള്ള “ഒരായി​രം സങ്കീർണ​ത​കളെ” സംഗ്ര​ഹി​ച്ചു​കൊ​ണ്ടുള്ള ഒരു പഠനം “ഓരോ പകർച്ച​ക്കും എന്തെങ്കി​ലും മോശ​മായ, മരണകരം പോലു​മായ പ്രതി​പ്ര​വർത്ത​ന​ത്തിന്‌—ചിലതു നിസ്സാ​ര​വും എന്നാൽ ചിലതു വിപത്‌ക​ര​വും—മൊത്തം 20% സാധ്യ​ത​യുണ്ട്‌ എന്നു നിഗമനം ചെയ്‌തു.”

എന്നിരു​ന്നാ​ലും, പ്രയോ​ജ​ന​ങ്ങ​ളെന്നു കരുത​പ്പെ​ടുന്ന കാര്യങ്ങൾ ഇത്തരം അപകട​സാ​ധ്യ​തകൾ നേരി​ടു​ന്ന​തി​നെ ന്യായീ​ക​രി​ക്കു​ന്നു​വോ?

‘രക്തം വർജിക്കാ’നുള്ള ബൈബിൾ കൽപ്പന മാനിച്ച്‌ പകർച്ചക്കു വിസ്സമ്മ​തി​ക്കുന്ന യഹോ​വ​യു​ടെ സാക്ഷി​ക​ളിൽ നടത്തിയ 1,404 ശസ്‌ത്ര​ക്രി​യകൾ ഉൾപ്പെ​ടുന്ന റിപ്പോർട്ടു ചെയ്യപ്പെട്ട 16 പഠനങ്ങൾ ഡോ. കിച്ചൺസ്‌ പുനര​വ​ലോ​കനം ചെയ്‌തു.—പ്രവൃ​ത്തി​കൾ 15:28, 29.

ഫലമോ? “ഉന്നത ശസ്‌ത്ര​ക്രി​യാ നടപടി​ക​ളിൽ രക്തം വേണ്ടെന്ന യഹോ​വ​യു​ടെ സാക്ഷി​ക​ളായ രോഗി​ക​ളു​ടെ തീരു​മാ​നം ശസ്‌ത്ര​ക്രി​യ​യു​ടെ മൊത്തം അപകട സാധ്യ​ത​യോ​ടു 0.5% മുതൽ 1.5% വരെ മരണനി​രക്ക്‌ കൂട്ടുന്നു. ഈ രീതി​യിൽ രോഗ​വും മരണവും എത്ര​ത്തോ​ളം ഒഴിവാ​ക്ക​പ്പെ​ടു​ന്നെന്ന്‌ അറിയി​ല്ലെ​ങ്കി​ലും അവ പകർച്ച സ്വീക​രി​ക്കാ​ത്ത​തി​ന്റെ അപകട​സാ​ധ്യ​ത​യെ​ക്കാൾ ഒരുപക്ഷേ കൂടു​ത​ലാണ്‌.” (ചെരി​ച്ചെ​ഴു​ത്തു ഞങ്ങളു​ടേത്‌.) അദ്ദേഹ​ത്തി​ന്റെ ആശയം? രക്തം നിരസി​ക്കു​ന്ന​തു​കൊ​ണ്ടുള്ള ഏതു ചികി​ത്സാ​പ​ര​മായ അപകട​സാ​ധ്യ​ത​യും ഒരുപക്ഷേ രക്തപ്പകർച്ചകൾ സ്വീക​രി​ക്കു​ന്ന​തിൽ ഉൾപ്പെ​ട്ടി​രി​ക്കുന്ന അപകട സാധ്യ​ത​ക​ളെ​ക്കാൾ കുറവാണ്‌.

അതു​കൊ​ണ്ടു കിച്ചണി​ന്റെ ന്യായ​മായ ചോദ്യം: “യഹോ​വ​യു​ടെ സാക്ഷി​ക​ളിൽ പകർച്ച നടത്താ​തി​രി​ക്കു​ന്നതു വാസ്‌ത​വ​ത്തിൽ തീവ്ര​മായ അധിക രോഗ​ങ്ങ​ളി​ലും മരണങ്ങ​ളി​ലും ഒട്ടും​തന്നെ കലാശി​ക്കാ​തി​രി​ക്കു​ക​യും മുതലു​മു​ട​ക്കു​കൾക്കു വേണ്ട ഭീമമായ തുകക​ളും മാറാ​രോ​ഗ​ങ്ങ​ളും ഒഴിവാ​ക്കു​ക​യും ചെയ്യു​മെ​ങ്കിൽ രോഗി​കൾക്ക്‌ ഇനി പകർച്ചകൾ ചുരു​ക്കാ​വു​ന്ന​തല്ലേ?”

ഇത്തരം തെളി​വി​ന്റെ അടിസ്ഥാ​ന​ത്തിൽ പകർച്ചകൾ നിരസി​ക്കു​ന്നവർ നമ്മുടെ സ്രഷ്ടാ​വിൽനി​ന്നുള്ള മാർഗ​നിർദേ​ശ​ങ്ങ​ളോ​ടുള്ള ചേർച്ച​യിൽ പ്രവർത്തി​ക്കു​ക​യു​മാ​യി​രി​ക്കും ചെയ്യു​ന്നത്‌.