ദുർബ​ല​മാ​യി​ക്കൊ​ണ്ടി​രി​ക്കുന്ന ദാമ്പത്യ​ബ​ന്ധം

ഒരു യുവമാ​താ​വു തന്റെ രണ്ടുമാ​സം പ്രായ​മുള്ള കുഞ്ഞിനെ താലോ​ലി​ച്ചു. എന്നിട്ടു പെട്ടെ​ന്നുള്ള ഒരു കോപാ​വേ​ശ​ത്തിൽ അവൾ അവനെ തറയി​ലേ​ക്കി​ട്ടു. ഏതാനും മണിക്കൂ​റു​കൾക്കു​ശേഷം ആ ആൺകുഞ്ഞു മരിച്ചു​പോ​യി. “ഞാൻ അവനെ മനഃപൂർവ​മാ​ണു താഴേ​ക്കി​ട്ടത്‌,” ആ മാതാവു പറഞ്ഞു, “കാരണം എന്റെ ഭർത്താവു കുടും​ബ​ത്തി​നു​വേണ്ടി കരുതു​ന്നില്ല.” തന്റെ ഭർത്താ​വി​നോ​ടു കാര്യം പറഞ്ഞു​തീർക്കു​ന്ന​തി​നു പകരം അവൾ ആ നിർദോ​ഷി​യായ കുഞ്ഞി​ന്റെ​മേൽ തന്റെ കോപം ചൊരി​ഞ്ഞു.

തീരെ കുറച്ച്‌ അമ്മമാരേ ഈ അററകൈ പ്രയോ​ഗി​ക്കു​ന്നു​ള്ളു, എങ്കിലും അനേകർക്ക്‌ അവളുടെ അതേ വികാ​രങ്ങൾ ഉണ്ട്‌. വിവാ​ഹിത ദമ്പതി​കൾക്കു തങ്ങളുടെ വിവാഹം ഒരു വിജയ​മാ​ക്കുക അധിക​മ​ധി​കം പ്രയാ​സ​മാ​യി​ത്തീർന്നു​കൊ​ണ്ടി​രി​ക്ക​യാണ്‌. “ദാമ്പത്യ​വി​ജ​യ​ത്തി​ന്റെ സാധ്യത ഇന്ന്‌ ഐക്യ​നാ​ടു​ക​ളി​ലേ​തി​നോ​ളം കുറഞ്ഞ​താ​യി​രി​ക്കു​മ്പോൾ, ശക്തവും നിരു​പാ​ധി​ക​വു​മായ ഒരു വിവാഹ പ്രതി​ബദ്ധത സ്ഥാപി​ക്കുക വളരെ ആപൽക്ക​ര​മാ​യ​തി​നാൽ തികച്ചും യുക്തി​പൂർവം ചിന്തി​ക്കുന്ന ഒരു മനുഷ്യ​നും അതിനു മുതി​രു​ക​യില്ല” എന്നു ദ ജേണൽ ഓഫ്‌ മാരേജ്‌ ആൻഡ്‌ ദ ഫാമിലി പറയുന്നു.

ഈ കലുഷി​ത​മായ കാലത്ത്‌, ദുർമാർഗ​വും പൊരു​ത്ത​മി​ല്ലാ​യ്‌മ​യും കടങ്ങളും വിവാഹം മൂലമു​ണ്ടായ ബന്ധുക്ക​ളു​മാ​യുള്ള ഉരസലു​ക​ളും സ്വാർഥ​ത​യും എല്ലാം കുടും​ബ​വ​ഴ​ക്കു​കൾക്ക്‌ ഉത്തേജനം കൊടു​ക്കു​ന്നു, അവ ഒട്ടുമി​ക്ക​പ്പോ​ഴും വിവാ​ഹ​മോ​ച​ന​ത്തിൽ കലാശി​ക്കു​ക​യും ചെയ്യുന്നു. വിവാ​ഹ​മോ​ച​ന​ത്തി​നെ​തി​രെ​യുള്ള ഉറച്ച നിലപാ​ടി​നു പേരു​കേട്ട കത്തോ​ലി​ക്കാ സഭക്കു​പോ​ലും, വിവാ​ഹ​മോ​ചനം നേടു​ക​യും പുനർവി​വാ​ഹം നടത്തു​ക​യും ചെയ്‌ത അംഗങ്ങൾക്കു​വേണ്ടി കാര്യങ്ങൾ എളുപ്പ​മാ​ക്കാൻ ഒരു പ്രത്യേക കമ്മിററി രൂപീ​ക​രി​ക്കേ​ണ്ടി​വ​ര​ത്ത​ക്ക​വണ്ണം ഈ സാഹച​ര്യം ജപ്പാനിൽ അത്ര ഗൗരവ​മേ​റി​യ​താണ്‌. പള്ളിയിൽപോ​ക്കു​കാ​രു​ടെ വർധി​ച്ചു​വ​രുന്ന ഒരു സംഖ്യ വിവാ​ഹ​മോ​ച​ന​ത്തോ​ടു ബന്ധപ്പെട്ട പ്രശ്‌ന​ങ്ങ​ളാൽ ബാധി​ക്ക​പ്പെ​ടു​ക​യാണ്‌.

എന്നുവ​രി​കി​ലും, വിവാ​ഹ​മോ​ച​ന​ത്തി​ന്റെ സംഖ്യ വളരെ വമ്പിച്ച ഒരു പ്രശ്‌ന​ത്തി​ന്റെ ഒരു തുമ്പു മാത്രമേ വെളി​പ്പെ​ടു​ത്തു​ന്നു​ള്ളു. വിവാ​ഹ​മോ​ചനം എളുപ്പ​മാ​ക്കി​ത്തീർക്കുന്ന ഇന്നത്തെ സാമൂ​ഹിക പ്രവണ​ത​കളല്ല, വിവാ​ഹ​ജീ​വി​ത​ത്തി​ന്റെ ഗുണത്തിൽ വന്നിരി​ക്കുന്ന അധഃപ​തനം തന്നെയാ​ണു വിവാ​ഹ​മോ​ച​ന​ത്തി​ന്റെ പിന്നി​ലു​ള്ള​തെന്ന്‌ ഐക്യ​നാ​ടു​ക​ളി​ലെ ഗവേഷണം കാണി​ക്കു​ന്നു. പരി​ശ്ര​മ​ത്തി​ന്റെ​യും പ്രതി​ബ​ദ്ധ​ത​യു​ടെ​യും കുറവു സംഭവി​ച്ച​തോ​ടെ വിവാ​ഹ​ജീ​വി​ത​ത്തിന്‌ അതിന്റെ ശോഭ നഷ്ടപ്പെ​ടു​ക​യാണ്‌. അനേകർ വിവാ​ഹ​ദ​മ്പ​തി​ക​ളാ​യി​രി​ക്കു​ന്ന​തി​ന്റെ ബാഹ്യ​നി​ല​പാ​ടു നിലനിർത്തു​ന്നു​ണ്ടെ​ങ്കി​ലും അവർ കിടപ്പു​മു​റി പങ്കിടു​ന്നില്ല, അവർ ഒരിക്ക​ലും പരസ്‌പരം സംസാ​രി​ക്കു​ന്ന​തു​മില്ല. ‘ശവക്കു​ഴി​യിൽ ഞാൻ ഭർത്താ​വി​നോ​ടൊ​പ്പ​മാ​യി​രി​ക്കാൻ വിസമ്മ​തി​ക്കു​ന്നു’ എന്നു പറഞ്ഞു​കൊണ്ട്‌, വേറിട്ടു തന്റെ സ്വന്തം ശ്‌മശാ​നം വാങ്ങിയ പൗരസ്‌ത്യ സ്‌ത്രീ​യെ​പ്പോ​ലെ അനേക​രും വിചാ​രി​ക്കു​ന്നു. തന്റെ ഭർത്താ​വി​നെ ഇപ്പോൾ ഉപേക്ഷി​ക്കാൻ കഴിയാ​ത്ത​തി​നാൽ അവർ ഒരു മരണാ​നന്തര വിവാ​ഹ​മോ​ചനം നടത്താൻ ലക്ഷ്യമി​ടു​ന്നു. സങ്കടക​ര​മെന്നു പറയട്ടെ, ഇത്തരം ആളുകൾ വിവാ​ഹ​മോ​ചി​ത​ര​ല്ലെ​ങ്കി​ലും വിവാ​ഹ​ജീ​വി​തം അവർക്കു സന്തുഷ്ടി​യു​ടെ ഒരു ഉറവി​ടമല്ല.

ഇതായി​രു​ന്നു ഈസാ​വോ​യു​ടെ അവസ്ഥ. അയാൾ തന്റെ ഭാര്യയെ വിവാഹം കഴിച്ചത്‌ ഒരു വ്യാ​മോ​ഹം കൊണ്ടാ​യി​രു​ന്നു, അതു​കൊണ്ട്‌ തന്റെ അഹംഭാ​വം നിറഞ്ഞ ജീവി​ത​രീ​തി മാററാൻ അയാൾക്കു പ്രേരണ തോന്നി​യില്ല. ഒരു ലോറി ഡ്രൈവർ എന്നനി​ല​യിൽ അയാൾക്കു നല്ല വരുമാ​ന​മു​ണ്ടാ​യി​രു​ന്നെ​ങ്കി​ലും തന്റെ കുടും​ബത്തെ പരിപാ​ലി​ക്കാ​തെ, കിട്ടു​ന്നതു മുഴുവൻ തിന്നും കുടി​ച്ചും അയാൾ ധൂർത്ത​ടി​ച്ചു. തൽഫല​മാ​യി, ഭാര്യ​യു​മാ​യുള്ള വഴക്കു​കൾക്ക്‌ ഒരറു​തി​യി​ല്ലാ​യി​രു​ന്നു. “കാര്യങ്ങൾ എനിക്കു മോശ​മാ​യി ഭവിച്ച​പ്പോ​ഴൊ​ക്കെ വീട്ടിൽ പോയി ഞാൻ എന്റെ കോപം ഭാര്യ​യോ​ടു തീർക്കു​മാ​യി​രു​ന്നു” എന്ന്‌ ഈസാ​വോ അനുസ്‌മ​രി​ക്കു​ന്നു. ഒരിക്ക​ലും കെട്ടട​ങ്ങാത്ത ഒരു അഗ്നിപർവതം പോലെ വിവാ​ഹ​മോ​ചനം എന്ന വിഷയം ദിവസ​വും പൊന്തി​യൊ​ഴു​കി​ക്കൊ​ണ്ടി​രു​ന്നു.

നിരവധി സ്‌ത്രീ-പുരു​ഷൻമാർ മോശ​മായ വിവാ​ഹത്തെ സഹിക്കു​ക​യാണ്‌. വിവാ​ഹ​മോ​ചനം നേടി​യാ​ലും ഇല്ലെങ്കി​ലും അവർ സന്തുഷ്ടി കണ്ടെത്തു​ന്നില്ല. അവർക്കു തങ്ങളുടെ വിവാ​ഹത്തെ ഒരു വിജയ​മാ​ക്കാൻ എന്തെങ്കി​ലും പോം​വ​ഴി​യു​ണ്ടോ? അവരുടെ ദാമ്പത്യ​ബ​ന്ധത്തെ ബലിഷ്‌ഠ​മാ​ക്കാൻ എന്തു ചെയ്യാൻ കഴിയും?