“ഞങ്ങൾക്കു കേവലം സംസാ​രി​ക്കാൻ കഴിയു​മെന്നു തോന്നു​ന്നില്ല!”

ഒരു വക്കീലായ മൈക്കിൾ ഊർജ​സ്വ​ല​മാ​യി ആശയവി​നി​യമം നടത്തുന്ന ഒരുവ​നാ​യി​രി​ക്കേ​ണ്ടി​യി​രു​ന്നു. അദ്ദേഹ​ത്തി​ന്റെ തൊഴിൽ അത്‌ ആവശ്യ​മാ​ക്കി​ത്തീർത്തു. പക്ഷേ 16 വർഷത്തെ വിവാ​ഹ​ജീ​വി​ത​ത്തി​നു​ശേഷം ഭവനത്തിൽ തന്റെ ഭാര്യ​യായ അഡ്രി​യന്റെ സമീപ​മെ​ത്തു​മ്പോൾ തന്റെ ആശയവി​നി​മയ വൈദ​ഗ്‌ധ്യ​മെ​ല്ലാം അപ്രത്യ​ക്ഷ​മാ​കു​ന്ന​താ​യി തോന്നു​ന്നു​വെന്നു തിരി​ച്ച​റി​യാൻ മൈക്കിൾ നിർബ​ന്ധി​ത​നാ​യി. “കുററം കണ്ടുപി​ടി​ക്ക​ലും കുററ​പ്പെ​ടു​ത്ത​ലും കുത്തു​വാ​ക്കു പ്രയോ​ഗ​വു​മാ​യി ഞാനും അഡ്രി​യ​നും എല്ലായ്‌പോ​ഴും പരസ്‌പരം വഴക്കടി​ക്കു​ക​യാ​യി​രു​ന്നു” എന്നു മൈക്കിൾ അനുസ്‌മ​രി​ക്കു​ന്നു. “അതു ഞങ്ങളെ തളർത്തി​ക്ക​ള​യു​മെന്നു ഞാൻ വിചാ​രി​ച്ചു. അതൃപ്‌തി​യു​ടെ​യും പ്രകോ​പ​ന​ത്തി​ന്റെ​യും ഇടമു​റി​യാ​തുള്ള ചൊരി​യൽ—അതാണോ വിവാ​ഹ​ജീ​വി​ത​മെന്നു ഞാൻ അത്ഭുത​പ്പെ​ട്ടു​പോ​യി. ഒരുമി​ച്ചുള്ള ഞങ്ങളുടെ ശേഷിച്ച ജീവി​ത​ത്തി​ലും അതാണു ഞങ്ങളുടെ ഭാഗ​ധേ​യ​മെ​ങ്കിൽ, ഞാൻ തമാശ പറയു​കയല്ല, ദാമ്പത്യ​ബ​ന്ധ​ത്തിൽനി​ന്നു ഒഴിയാൻ ഞാൻ ആഗ്രഹി​ച്ചു. തുടർച്ച​യാ​യി 20, 30, 40 വർഷത്തെ അത്തരം പ്രകോ​പ​ന​വും പിരി​മു​റു​ക്ക​വും നേരി​ടാൻ എനിക്കു സാധ്യ​മേയല്ല.”

ഇതു​പോ​ലു​ള്ള വികാ​ര​പ്ര​ക​ട​നങ്ങൾ ഒരു കാരണ​വ​ശാ​ലും മൈക്കി​ളി​നും അഡ്രി​യ​നും മാത്ര​മു​ള്ളതല്ല. തങ്ങളുടെ ബന്ധത്തിൽ യുദ്ധവും വെടി​നിർത്ത​ലും മാറി​മാ​റി​വ​രുന്ന അനേകം ദമ്പതി​കൾക്ക്‌ അതൊരു യാഥാർഥ്യ​മാണ്‌. ഏററവും ലളിത​മായ സംഭാ​ഷ​ണങ്ങൾ പൊട്ടി​ത്തെ​റി​ച്ചു വാക്കേ​റ​റ​മാ​യി​ത്തീ​രു​ന്നു. പറയാത്ത സംഗതി​കൾ അവർ “കേൾക്കു​ന്നു”. അർഥമാ​ക്കാത്ത സംഗതി​കൾ അവർ പറയുന്നു. അവർ അക്രമി​ക്ക​യും അധി​ക്ഷേ​പി​ക്ക​യും, തുടർന്ന്‌ നീരസ​ത്തോ​ടെ നിശബ്ദ​ത​യി​ലേക്കു പിൻവാ​ങ്ങു​ക​യും ചെയ്യുന്നു. അവർ വേർപി​രി​യു​ന്നില്ല, എന്നാൽ അവർ “ഏക ദേഹ”മായി​രി​ക്കു​ന്നു​മില്ല. (ഉല്‌പത്തി 2:24) ബന്ധം വഴിമു​ട്ടി​നി​ല്‌ക്കു​ന്നു. പിന്നോ​ട്ടു പോകു​ന്നതു വേർപി​രി​യ​ലി​നെ അർഥമാ​ക്കും; മുന്നോ​ട്ടു പോകു​ന്നതു ഭിന്നത​ക​ളു​മാ​യി നേരിട്ട്‌ ഏററു​മു​ട്ടു​ന്ന​തി​നെ അർഥമാ​ക്കും. തിര​ഞ്ഞെ​ടു​ക്കുന്ന ഏതു വഴിയു​ടെ​യും വേദന ഒഴിവാ​ക്കാൻ ഈ ദമ്പതികൾ അന്യോ​ന്യം സുരക്ഷി​ത​മായ ഒരു വൈകാ​രിക അകലത്തിൽ തങ്ങളെ​ത്തന്നെ നിർത്തു​ന്ന​തി​ലേക്കു പിൻവാ​ങ്ങു​ന്നു.

അത്തരം ദമ്പതികൾ അവരുടെ വിവാ​ഹ​ബ​ന്ധ​ത്തിൽ ‘വിദഗ്‌ധ നിർദേശം തേടേണ്ട’യാവശ്യ​മുണ്ട്‌. (സദൃശ​വാ​ക്യ​ങ്ങൾ 1:5) ഈ നിർദേശം ദൈവ​വ​ച​ന​മായ ബൈബി​ളിൽ ലഭ്യമാണ്‌. ബൈബിൾ, “പഠിപ്പി​ക്കാ​നും ശാസി​ക്കാ​നും തെററു​തി​രു​ത്താ​നും . . . ഉപകരി​ക്കു​ന്നു” എന്നു തിമൊ​ഥെ​യോ​സി​നുള്ള പൗലോ​സി​ന്റെ രണ്ടാം ലേഖനം ഉറപ്പിച്ചു പറയുന്നു. (2 തിമൊ​ത്തെ​യോസ്‌ 3:16, ഓശാന ബൈബിൾ) നാം കാണാൻ പോകു​ന്ന​തു​പോ​ലെ, വിവാ​ഹ​ജീ​വി​ത​ത്തി​ലെ ആശയവി​നി​മ​യ​ത്ത​കർച്ച പരിഹ​രി​ക്കുന്ന കാര്യ​ത്തിൽ വാസ്‌തവം ഇതുത​ന്നെ​യാണ്‌.