ഈ ഭക്ഷണത്തി​നു നിങ്ങളെ സംബന്ധിച്ച്‌ അർത്ഥമു​ണ്ടാ​യി​രി​ക്കാൻ കഴിയു​മോ?

ഒരു പൂർണ്ണ​ച​ന്ദ്രൻ ദേശത്തെ സുഖദ​മായ പ്രകാ​ശ​ത്തിൽ കുളി​പ്പി​ക്കു​ന്നു. യുഗങ്ങ​ളോ​ളം പഴക്കമുള്ള യെരൂ​ശ​ലേ​മി​ലെ ഒരു മാളി​ക​മു​റി​യിൽ 12 പുരു​ഷൻമാർ ഒരു മേശക്കു ചുററും കൂടി​യി​രി​ക്കു​ന്നു. തങ്ങളുടെ ഗുരു അത്യന്തം പ്രധാ​ന​മായ ഒരു ആചരണം അവതരി​പ്പി​ക്കു​ക​യും വളരെ അർത്ഥഗർഭ​മായ വാക്കുകൾ സംസാ​രി​ക്കു​ക​യും ചെയ്യു​മ്പോൾ പതി​നൊ​ന്നു​പേർ പൂർണ്ണ ശ്രദ്ധ​കൊ​ടു​ക്കു​ന്നു. ഒരു വിവരണം ഇങ്ങനെ പറയുന്നു:

“അവർ ഭക്ഷിക്കു​മ്പോൾ യേശു [ക്രിസ്‌തു] അപ്പം എടുത്തു വാഴ്‌ത്തി നുറുക്കി ശിഷ്യൻമാർക്കു കൊടു​ത്തു: വാങ്ങി ഭക്ഷിപ്പിൻ; ഇതു എന്റെ ശരീരം എന്നു പറഞ്ഞു. പിന്നെ പാനപാ​ത്രം എടുത്തു സ്‌തോ​ത്രം​ചൊ​ല്ലി അവർക്കു കൊടു​ത്തു: എല്ലാവ​രും ഇതിൽനി​ന്നു കുടി​പ്പിൻ. ഇതു അനേകർക്കു​വേണ്ടി പാപ​മോ​ച​ന​ത്തി​നാ​യി ചൊരി​യുന്ന പുതി​യ​നി​യ​മ​ത്തി​ന്നുള്ള എന്റെ രക്തം; എന്റെ പിതാ​വി​ന്റെ രാജ്യ​ത്തിൽ നിങ്ങ​ളോ​ടു​കൂ​ടെ പുതു​താ​യി കുടി​ക്കും​നാൾവരെ ഞാൻ മുന്തി​രി​വ​ള്ളി​യു​ടെ ഈ അനുഭ​വ​ത്തിൽനി​ന്നു ഇനി കുടി​ക്ക​യില്ല എന്നു ഞാൻ നിങ്ങ​ളോ​ടു പറയുന്നു എന്നു പറഞ്ഞു. പിന്നെ അവർ സ്‌തോ​ത്രം പാടി​യ​ശേഷം ഒലീവ്‌മ​ലെക്കു പുറ​പ്പെ​ട്ടു​പോ​യി.”—മത്തായി 26:26-30.

നമ്മുടെ പൊതു​യു​ഗ​ത്തി​ന്റെ 33-ാം ആണ്ടിൽ യഹൂദ​മാ​സ​മായ നീസാൻ 14-ാംതീ​യതി സൂര്യാ​സ്‌ത​മ​യ​ശേ​ഷ​മാ​യി​രു​ന്നു ഇതു സംഭവി​ച്ചത്‌. യേശു​വും അദ്ദേഹ​ത്തി​ന്റെ അപ്പൊ​സ്‌ത​ലൻമാ​രും പൊ.യു.മു. (പൊതു​യു​ഗ​ത്തി​നു​മുമ്പ്‌) 16-ാംനൂ​റ​റാ​ണ്ടിൽ ഈജി​പ്‌റ​റി​ലെ അടിമ​ത്ത​ത്തിൽനിന്ന്‌ ഇസ്ര​യേ​ല്യർക്കു​ണ്ടായ വിടു​ത​ലി​ന്റെ സ്‌മാ​ര​ക​മായ പെസഹാ ആഘോ​ഷി​ച്ചു​ക​ഴി​ഞ്ഞ​തേ​യു​ണ്ടാ​യി​രു​ന്നു​ള്ളു. ക്രിസ്‌തു ഇസ്‌ക​രി​യോ​ത്താ യൂദായെ ഇറക്കി​വി​ട്ടി​രു​ന്നു, അവൻ യേശു​വി​നെ ഒററി​ക്കൊ​ടു​ക്കാ​റാ​യി​രു​ന്നു. തന്നിമി​ത്തം യേശു​വും വിശ്വ​സ്‌ത​രായ അദ്ദേഹ​ത്തി​ന്റെ 11 അപ്പൊ​സ്‌ത​ലൻമാ​രും മാത്രമേ ഹാജരാ​യി​രു​ന്നു​ള്ളു.

ഈ അത്താഴം യഹൂദ​പെ​സ​ഹ​യു​ടെ ഒരു തുടർച്ച​യാ​യി​രു​ന്നില്ല. അതു പുതിയ ഒന്നായി​രു​ന്നു, അതു കർത്താ​വി​ന്റെ സന്ധ്യാ​ഭ​ക്ഷണം എന്നു വിളി​ക്ക​പ്പെ​ടാ​നു​മി​ട​യാ​യി. ഈ ആചരണം സംബന്ധി​ച്ചു യേശു തന്റെ അനുഗാ​മി​ക​ളോട്‌ ഇങ്ങനെ പറഞ്ഞു: “എന്റെ ഓർമ്മ​ക്കാ​യി ഇതു ചെയ്‌വിൻ.” (ലൂക്കോസ്‌ 22:19, 20; 1 കൊരി​ന്ത്യർ 11:24-26) അദ്ദേഹം ഇതു പറഞ്ഞ​തെ​ന്തു​കൊ​ണ്ടാ​യി​രു​ന്നു? ശതാബ്ദങ്ങൾ പഴക്കമുള്ള ഈ സംഭവ​ത്തി​നു നിങ്ങ​ളെ​സം​ബ​ന്ധിച്ച്‌ അർത്ഥമു​ണ്ടാ​യി​രി​ക്കാൻ കഴിയു​ന്ന​തെ​ങ്ങനെ?