വായന​ക്കാ​രിൽനി​ന്നുള്ള ചോദ്യ​ങ്ങൾ

പുനരുത്ഥാനം പ്രാപിച്ച യേശു തങ്ങൾക്കു പ്രത്യ​ക്ഷ​പ്പെ​ട്ടി​ട്ടു ദീർഘ​കാ​ലം കഴിഞ്ഞും ചില അപ്പൊ​സ്‌ത​ലൻമാർ സംശയി​ക്കു​ന്ന​തിൽ തുടർന്നു​വെന്നു മത്തായി 28:17 അർത്ഥമാ​ക്കു​ന്നു​ണ്ടോ?

ഇല്ല, മത്തായി 28:16, 17-ൽനിന്നു നാം ആ നിഗമ​ന​ത്തിൽ എത്തേണ്ട​തില്ല, അതിങ്ങനെ വായി​ക്കു​ന്നു: “എന്നാൽ പതി​നൊ​ന്നു ശിഷ്യൻമാർ ഗലീല​യിൽ യേശു അവരോ​ടു കല്‌പി​ച്ചി​രുന്ന മലെക്കു പോയി. അവനെ കണ്ടപ്പോൾ അവർ അവനെ നമസ്‌ക​രി​ച്ചു; ചിലരോ സംശയി​ച്ചു.”

യേശു “താൻ യെരൂ​ശ​ലേ​മിൽ ചെന്നിട്ടു, മൂപ്പൻമാർ, മഹാപു​രോ​ഹി​തൻമാർ, ശാസ്‌ത്രി​മാർ എന്നിവ​രാൽ പലതും സഹിച്ചു കൊല്ല​പ്പെ​ടു​ക​യും മൂന്നാം നാൾ ഉയിർത്തെ​ഴു​ന്നേ​ല്‌ക്ക​യും വേണ്ടതു” എന്നു തിരി​ച്ച​റി​യാൻ ശിഷ്യൻമാ​രെ വളരെ നേര​ത്തേ​തന്നെ സഹായി​ക്കാൻ ശ്രമിച്ചു. (മത്തായി 16:21) എന്നിട്ടും, യേശു​വി​ന്റെ അറസ്‌റ​റും വധവും ശിഷ്യരെ നിരാ​ശ​രും കുഴഞ്ഞ​വ​രു​മാ​ക്കി. യേശു​വി​ന്റെ പുനരു​ത്ഥാ​നം ഒരതി​ശ​യം​പോ​ലെ സംഭവി​ച്ച​താ​യി തോന്നു​ന്നു. അവിടുന്ന്‌ മനുഷ്യ​രൂ​പ​ത്തിൽ പ്രത്യ​ക്ഷ​പ്പെ​ട്ട​പ്പോൾ ആദ്യം ചിലർ “സന്തോ​ഷ​ത്താൽ വിശ്വ​സി​ക്കാ”തിരുന്നു. (ലൂക്കൊസ്‌ 24:36-41) പുനരു​ത്ഥാ​ന​ത്തി​നു​ശേ​ഷ​മുള്ള യേശു​വി​ന്റെ പ്രത്യ​ക്ഷ​തകൾ തന്റെ പുനരു​ത്ഥാ​നം നടന്നു​വെന്ന വസ്‌തുത അംഗീ​ക​രി​ക്കാൻ യേശു​വി​ന്റെ അടുത്ത അനുഗാ​മി​കളെ സഹായി​ച്ചു; യേശു ഉയിർപ്പി​ക്ക​പ്പെട്ടു എന്ന്‌ അപ്പൊ​സ്‌ത​ല​നായ തോമ​സി​നു​പോ​ലും ബോധ്യം​വന്നു.—യോഹ​ന്നാൻ 20:24-29.

അതിനു​ശേ​ഷം വിശ്വ​സ്‌ത​രായ 11 അപ്പൊ​സ്‌ത​ലൻമാർ “ഗലീലക്കു പോയി.” (മത്തായി 28:16; യോഹ​ന്നാൻ 21:1) അവർ അവടെ​യാ​യി​രു​ന്ന​പ്പോൾ “അവൻ അഞ്ഞൂറ​റിൽ അധികം സഹോ​ദ​രൻമാർക്കു ഒരുമി​ച്ചു പ്രത്യ​ക്ഷ​നാ​യി.” (1 കൊരി​ന്ത്യർ 15:6) ഈ പശ്ചാത​ല​ത്തി​ലാണ്‌ “ചിലർ സംശയി​ച്ചു” എന്നു മത്തായി 28:17 പറയു​ന്നത്‌. അതു​കൊണ്ട്‌ അപ്പോ​ഴും സംശയങ്ങൾ പുലർത്തി​യവർ ആ 500 അനുഗാ​മി​കൾക്കി​ട​യിൽ ഉണ്ടായി​രു​ന്ന​വ​രാ​യി​രി​ക്കാൻ നല്ല സാദ്ധ്യ​ത​യുണ്ട്‌.

വാച്ച്‌ ടവർ സൊ​സൈ​റ​റി​യു​ടെ ഒന്നാമത്തെ പ്രസി​ഡൻറാ​യി​രുന്ന സി. ററി. റസ്സൽ ഇതി​നെ​ക്കു​റി​ച്ചു രസകര​മായ ഒരു അഭി​പ്രാ​യം പറഞ്ഞതു ശ്രദ്ധി​ക്കുക:

“സംശയി​ച്ചവർ പതി​നൊന്ന്‌ അപ്പൊ​സ്‌ത​ല​രിൽ ആരെങ്കി​ലു​മാ​യി​രു​ന്നെന്നു നമുക്കു ന്യായ​മാ​യി നിഗമനം ചെയ്യാൻ കഴിയില്ല, കാരണം അവർ പൂർണ്ണ​മാ​യി തൃപ്‌ത​രാ​യി​രു​ന്നു, തികഞ്ഞ ബോധ്യ​മു​ള്ള​വ​രാ​യി​രു​ന്നു, കൂടാതെ മുമ്പ്‌ അവർ അപ്രകാ​രം പറയു​ക​യും ചെയ്‌തി​രു​ന്നു. സംശയി​ച്ചവർ, മുൻകൂ​ട്ടി നിശ്ചയിച്ച ഈ യോഗ​ത്തിൽ സന്നിഹി​ത​രാ​യി​രുന്ന ‘അഞ്ഞൂറു സഹോ​ദ​രൻമാ​രിൽ’ പെട്ടവർ ആയിരു​ന്നി​രി​ക്ക​ണ​മെന്നു ഞങ്ങൾ വിചാ​രി​ക്കു​ന്നു. യേശു​വി​ന്റെ ഉയിർത്തെ​ഴു​ന്നേ​ല്‌പി​നു​ശേഷം അവർക്ക്‌ അവിടു​ന്നു​മാ​യി മുൻ ഇടപാട്‌ ഉണ്ടായി​രു​ന്നില്ല. കൂടാതെ, അവരിൽ ചിലർ യേശു സംസാ​രി​ച്ചി​രുന്ന അപ്പൊ​സ്‌ത​ലൻമാ​രെ​ക്കാ​ളും പ്രത്യേക സുഹൃ​ത്തു​ക്ക​ളെ​ക്കാ​ളും ദുർബ്ബ​ല​വി​ശ്വാ​സം ഉള്ളവരാ​യി​രു​ന്നെന്നു നമുക്കു ന്യായ​മാ​യി നിഗമനം ചെയ്യാൻ കഴിയും. ‘ചിലർ സംശയി​ച്ചു’ എന്ന പ്രസ്‌താ​വന സുവി​ശേ​ഷ​കന്റെ രേഖയു​ടെ നിഷ്‌ക​പ​ട​ത​യു​ടെ തെളി​വാണ്‌. കർത്താ​വി​ന്റെ അനുഗാ​മി​കൾ കേട്ടമാ​ത്രക്കു വിശ്വ​സി​ക്കു​ന്ന​വ​ര​ല്ലാ​യി​രു​ന്നു, മറിച്ച്‌ അവതരി​പ്പി​ക്ക​പ്പെട്ട തെളി​വു​കൾ സൂക്ഷ്‌മ​മാ​യി പരി​ശോ​ധി​ക്കാ​നും തൂക്കി​നോ​ക്കാ​നും ചായ്‌വു​ള്ള​വ​രാ​യി​രു​ന്നു എന്നും അതു നമുക്കു കാണി​ച്ചു​ത​രു​ന്നു. അതേസ​മയം, വിശ്വ​സി​ച്ചവർ പിന്നീടു കാട്ടിയ തീക്ഷ്‌ണ​ത​യും ഊർജ്ജ​സ്വ​ല​ത​യും സ്വപരി​ത്യാ​ഗ​ത്തി​ന്റെ ആത്മാവു​മെ​ല്ലാം യേശു​വി​ലുള്ള നമ്മുടെ വിശ്വാ​സ​ത്തി​ന്റെ ആണിക്ക​ല്ലാ​യി നമ്മളും അവരും അംഗീ​ക​രി​ക്കുന്ന നമ്മുടെ കർത്താ​വി​ന്റെ പുനരു​ത്ഥാ​നം സംബന്ധിച്ച അവരുടെ ബോധ്യ​ങ്ങ​ളു​ടെ ആത്മാർത്ഥ​തക്കു ധാരാളം തെളി​വു​കൾ നൽകുന്നു. ക്രിസ്‌തു ഉയിർത്തെ​ഴു​ന്നേ​റ​റി​ട്ടി​ല്ലെ​ങ്കിൽ നമ്മുടെ വിശ്വാ​സം വ്യർത്ഥ​മാണ്‌, നാം പിന്നെ​യും പാപത്തി​ലു​മാണ്‌.—1 കൊരി​ന്ത്യർ 15:17.”—സീയോ​ന്റെ വീക്ഷാ​ഗോ​പു​ര​വും ക്രിസ്‌തു​സാ​ന്നി​ദ്ധ്യ ഘോഷ​ക​നും, മേയ്‌ 1, 1901, പേജ്‌ 152.

ഈ ആശയം മത്തായി പ്രതി​പാ​ദി​ക്കുന്ന രീതി ബൈബി​ളി​ന്റെ ആശ്രയ​യോ​ഗ്യ​ത​യു​ടെ​യും സത്യസ​ന്ധ​ത​യു​ടെ​യും തെളിവു നമുക്കു നൽകുന്നു എന്നു നമുക്ക്‌ സന്ദർഭ​വ​ശാൽ കുറി​ക്കൊ​ള്ളാ​വു​ന്ന​താണ്‌. ഒരു വ്യക്തി ഒരു വിവരണം കെട്ടി​ച്ച​മ​യ്‌ക്കു​ക​യാ​യി​രു​ന്നെ​ങ്കിൽ താൻ ഉണ്ടാക്കി​യെ​ടുത്ത കഥ വിശ്വ​സി​ക്കാ​വു​ന്ന​താ​യി തോന്നി​ക്കുന്ന വിശദാം​ശങ്ങൾ നൽകാൻ അയാൾ ചായ്‌വു കാട്ടു​മാ​യി​രു​ന്നു; വിട്ടു​കളഞ്ഞ വിശദാം​ശ​ങ്ങ​ളോ വിടവു​ക​ളെന്നു തോന്നി​പ്പി​ക്കു​ന്ന​വ​യോ തന്റെ കെട്ടു​ക​ഥ​യിൽ സംശയം നിഴലി​പ്പി​ക്കു​മെന്ന്‌ അയാൾക്കു തോന്നി​യേ​ക്കാം. മത്തായി​യെ സംബന്ധി​ച്ചെന്ത്‌?

“ചിലർ സംശയി​ച്ചു” എന്ന തന്റെ പ്രസ്‌താ​വ​നക്കു കൂടു​ത​ലായ വിശദീ​ക​രണം നൽകാൻ താൻ ബാധ്യ​സ്ഥ​നാ​ണെന്ന്‌ അദ്ദേഹ​ത്തി​നു തോന്നി​യില്ല. മർക്കൊ​സി​ന്റെ​യും ലൂക്കൊ​സി​ന്റെ​യും യോഹ​ന്നാ​ന്റെ​യും വിവരണം ഇതേപ്പ​ററി ഒന്നും പറയു​ന്നില്ല, അതു​കൊ​ണ്ടു മത്തായി​യു​ടെ പ്രസ്‌താ​വന മാത്ര​മെ​ടു​ക്കു​മ്പോൾ ഇതു താനും കൂടെ ഉൾപ്പെ​ട്ടി​രുന്ന 11 അപ്പൊ​സ്‌ത​ലൻമാ​രെ സൂചി​പ്പി​ക്കു​ന്ന​താ​യി തോന്നി​ച്ചേ​ക്കാം. എന്നിരു​ന്നാ​ലും, യാതൊ​രു വിശദീ​ക​ര​ണ​വു​മി​ല്ലാ​തെ​യാണ്‌ മത്തായി ഈ ചുരു​ങ്ങിയ വിവരണം നൽകി​യത്‌. ഏകദേശം 14 വർഷങ്ങൾക്കു​ശേഷം അപ്പൊ​സ്‌ത​ല​നായ പൗലോസ്‌ 1 കൊരി​ന്ത്യർ എന്ന പുസ്‌തകം എഴുതി. ഒന്നു കൊരി​ന്ത്യർ 15:6-ൽ അദ്ദേഹം നൽകിയ വിശദാം​ശ​ത്തി​ന്റെ വെളി​ച്ച​ത്തിൽ, സംശയി​ച്ചവർ അപ്പൊ​സ്‌ത​ലൻമാ​രല്ല, മറിച്ച്‌ യേശു അതുവ​രെ​യും പ്രത്യ​ക്ഷ​പ്പെ​ടാഞ്ഞ ഗലീല​യി​ലെ ശിഷ്യ​രാ​ണെന്ന സാദ്ധ്യ​ത​യുള്ള നിഗമ​ന​ത്തിൽ നമുക്കു എത്തി​ച്ചേ​രാൻ കഴിയും. അങ്ങനെ, “ചിലർ സംശയി​ച്ചു” എന്ന മത്തായി​യു​ടെ വിവരണം സത്യമാ​യി ധ്വനി​ക്കു​ന്നു; അതിന്‌ ഉചിത​മാ​യും, അവനാ​നത്തെ വിശദാം​ശ​വും നൽകാൻ ശ്രമി​ക്കാ​തെ സത്യമായ വിവരണം അവതരി​പ്പി​ക്കുന്ന സത്യസ​ന്ധ​നായ ഒരു എഴുത്തു​കാ​രന്റെ ധ്വനി​യുണ്ട്‌.