‘ആകാശം . . . പ്രസി​ദ്ധ​മാ​ക്കു​ന്നു‘

നിങ്ങൾ ഇപ്പോൾ ഇരിക്കു​ന്നി​ട​ത്തു​നിന്ന്‌ ഏകദേശം 15 കോടി കിലോ​മീ​ററർ ദൂരത്തിൽ സൂര്യൻ ആകാശ​ത്തിൽ അഗ്നിമ​യ​മായ ശോഭ​യോ​ടെ പ്രകാ​ശി​ക്കു​ന്നു. ആയിര​ക്ക​ണ​ക്കി​നു വർഷങ്ങ​ളാ​യി ഒരു ദൈവ​മാ​യി ആരാധി​ക്ക​പ്പെ​ടുന്ന നമ്മുടെ ആകാശ​ത്തി​ലെ മഹത്വ​മാർന്ന അയൽക്കാ​രൻ, മറിച്ച്‌, അതിന്റെ സ്രഷ്ടാ​വി​ന്റെ, “ആകാശ​ത്തെ​യും ഭൂമി​യെ​യും ഉണ്ടാക്കിയ”വന്റെ, ശക്തിക്ക്‌ ഒരു സാക്ഷ്യ​മാണ്‌. (സങ്കീർത്തനം 115:15) അതിന്റെ ശോഭ​യും ചൂടും ഭൂമി​യി​ലെ ജീവന്‌ അത്യന്താ​പേ​ക്ഷി​ത​മാണ്‌. അതിനെ സംബന്ധി​ച്ചു ശാസ്‌ത്ര​ജ്ഞൻമാർ പഠിച്ചി​ട്ടുള്ള വസ്‌തു​തകൾ നമ്മെ വിസ്‌മ​യ​ഭ​രി​ത​രാ​ക്കു​ന്നു.

സൂര്യൻ വമ്പിച്ച അളവു​ക​ളിൽ ഊർജ്ജം ഉളവാ​ക്കു​ന്ന​താ​യി നമ്മോടു പറയ​പ്പെ​ടു​ന്നു. അത്‌ ഉല്‌പാ​ദി​പ്പി​ക്കുന്ന ചൂടി​ന്റെ​യും വെളി​ച്ച​ത്തി​ന്റെ​യും അമ്പതു​കോ​ടി​യി​ലൊ​ന്നിൽ കുറവു മാത്ര​മാണ്‌ ഭൂമി തടഞ്ഞു​നിർത്തു​ന്ന​തെന്നു നിങ്ങൾ തിരി​ച്ച​റി​ഞ്ഞി​രു​ന്നോ? എന്നിരു​ന്നാ​ലും, ആ അംശം ഓരോ മിനി​റ​റി​ലും അതിഭീ​മ​മായ 2,40,00,000,00,00,000 കുതി​ര​ശ​ക്തി​ക്കു തുല്യ​മാണ്‌!

സൂര്യൻ ഈ ഊർജ്ജ​മെ​ല്ലാം നിർമ്മി​ക്കു​ന്ന​തെ​ങ്ങ​നെ​യാണ്‌? ഓരോ സെക്കണ്ടി​ലും 40 ലക്ഷത്തോ​ട​ടു​ത്തു ടൺ ഹൈ​ഡ്രജൻ ദഹിപ്പി​ച്ചു​കൊണ്ട്‌ ഊർജ്ജ​മു​ള​വാ​ക്കുന്ന ഒരു വമ്പിച്ച ന്യൂക്ലി​യർ ചൂള മുഖാ​ന്തരം. മനുഷ്യ​വർഗ്ഗ​ത്തെ​സം​ബ​ന്ധി​ച്ചു സന്തോ​ഷ​ക​ര​മെന്നു പറയട്ടെ, ഈ പ്രക്രിയ ശതകോ​ടി​ക്ക​ണ​ക്കി​നു വർഷങ്ങ​ളിൽ തുടരാൻ തക്കവണ്ണം വേണ്ടത്ര ഇന്ധനം സൂര്യ​നി​ലുണ്ട്‌.

ശാസ്‌ത്ര​ജ്ഞൻമാർ കണ്ടുപി​ടി​ച്ചി​ട്ടുള്ള ചില കാര്യങ്ങൾ കൂടു​ത​ലായ ചോദ്യ​ങ്ങൾ ഉദിപ്പി​ക്കു​ന്നു. ദൃഷ്ടാ​ന്ത​ത്തിന്‌, സൂര്യൻ ഒരു ചുററി​ക​കൊ​ണ്ടു കൊട്ടുന്ന ഒരു ലോഹ​ത്ത​കി​ടു​പോ​ലെ നിരന്തരം കമ്പനം​ചെ​യ്‌തു​കൊ​ണ്ടി​രി​ക്കു​ക​യാണ്‌. എന്തു​കൊണ്ട്‌? കൂടാതെ, ഇതും പരിചി​ന്തി​ക്കുക: സൂര്യന്റെ ജ്വലി​ച്ചു​കൊ​ണ്ടി​രി​ക്കുന്ന ഉൾഭാ​ഗ​മാണ്‌ ഏററവും ചൂടുള്ള ഭാഗം, ഒരോ അടുക്കും ഉൾഭാ​ഗ​ത്തു​നിന്ന്‌ എത്ര അകലത്തി​ലാ​ണോ അത്രയ​ധി​ക​മാ​യി അതു തണുത്ത​താണ്‌. എന്നാൽ നാം സൂര്യന്റെ അന്തരീ​ക്ഷ​ത്തി​ന്റെ കൊ​റോ​ണാ എന്ന പുറത്തെ സ്‌തര​ത്തി​ലേക്കു വരു​മ്പോൾ അതിനു മാററ​മു​ണ്ടാ​കു​ന്നു. കൊ​റോ​ണാ എരിയുന്ന കാമ്പി​നോ​ടു കൂടു​ത​ല​ടു​ത്തുള്ള സ്‌തര​ങ്ങ​ളേ​ക്കാൾ ചൂടേ​റി​യ​താണ്‌. എന്തു​കൊണ്ട്‌?

കൂടാതെ, ഭൂമി​യെ​പ്പോ​ലെ, സൂര്യൻ കറങ്ങി​ക്കൊ​ണ്ടി​രി​ക്കെ വ്യത്യസ്‌ത ഭാഗങ്ങൾ വ്യത്യസ്‌ത വേഗത്തി​ലാ​ണു കറങ്ങു​ന്നത്‌. ദൃഷ്ടാ​ന്ത​ത്തിന്‌, ഉപരി​ഭാ​ഗം ഉള്ളിലെ സ്‌തര​ങ്ങ​ളേ​ക്കാൾ വേഗത്തിൽ കറങ്ങുന്നു. എന്തു​കൊണ്ട്‌? അത്‌ എങ്ങനെ സാദ്ധ്യ​മാണ്‌? ഇനി സൂര്യ​ക​ള​ങ്ക​ങ്ങ​ളുണ്ട്‌. സൂര്യോ​പ​രി​ത​ല​ത്തി​ലുള്ള ഈ കളങ്കങ്ങൾ 11 വർഷത്തെ ഒരു കാലഘ​ട്ടം​കൊ​ണ്ടു ക്രമമാ​യി ആവർത്തി​ച്ചു വരുക​യും പോകു​ക​യും ചെയ്യുന്നു. അവ അങ്ങനെ​യുള്ള ക്രമമായ വിധത്തിൽ മാറു​ന്ന​തെ​ന്തു​കൊണ്ട്‌?

സൂര്യ​നെ​ക്കു​റിച്ച്‌ ഇനിയും വളരെ​യ​ധി​കം പഠിക്കാ​നു​ണ്ടെ​ങ്കി​ലും, നമുക്കി​പ്പോൾത്തന്നെ അറിയാ​വു​ന്നത്‌ അതിന്റെ സ്രഷ്ടാ​വായ യഹോ​വ​യി​ലേക്കു നാം ഭയാദ​ര​വോ​ടെ നോക്കാ​നി​ട​യാ​ക്കു​ന്നു. നാം സൂര്യനെ കാണുന്ന ഒരോ സമയത്തും “ആകാശം ദൈവ​ത്തി​ന്റെ മഹത്വത്തെ വർണ്ണി​ക്കു​ന്നു; ആകാശ​വി​താ​നം അവന്റെ കൈ​വേ​ലയെ പ്രസി​ദ്ധ​മാ​ക്കു​ന്നു” എന്നു നാം അനുസ്‌മ​രി​പ്പി​ക്ക​പ്പെ​ടു​ന്നു.—സങ്കീർത്തനം 19:1. (w92 10⁄1)