നിങ്ങൾ ഓർമ്മി​ക്കു​ന്നു​വോ? [ഇംഗ്ലീഷ്‌ മാസി​ക​യിൽനി​ന്നു വ്യത്യാ​സ​മുണ്ട്‌]

ഈ അടുത്ത​കാ​ലത്തെ വീക്ഷാ​ഗോ​പുര ലക്കങ്ങൾ നിങ്ങൾ പ്രാ​യോ​ഗി​ക​മൂ​ല്യ​മു​ള്ള​വ​യാ​യി കണ്ടെത്തി​യോ? എങ്കിൽ താഴെ കൊടു​ക്കു​ന്ന​വ​കൊണ്ട്‌ നിങ്ങളു​ടെ ഓർമ്മ എന്തു​കൊണ്ട്‌ പരി​ശോ​ധി​ച്ചു​കൂ​ടാ?

◻മത്തായി 25:34-ൽ യേശു ചെമ്മരി​യാ​ടു​തു​ല്യ​രാ​യ​വ​രോട്‌, “ലോക​ത്തി​ന്റെ സ്ഥാപിക്കൽ മുതൽ നിങ്ങൾക്കാ​യി ഒരുക്കി​യി​രി​ക്കുന്ന രാജ്യം അവകാ​ശ​മാ​ക്കി​ക്കൊൾവിൻ” എന്നു പറയു​മ്പോൾ അവൻ എന്തർത്ഥ​മാ​ക്കു​ന്നു?

ഈ ചെമ്മരി​യാ​ടു​തു​ല്യർ തന്നോ​ടു​കൂ​ടെ സ്വർഗ്ഗ​ത്തിൽ വാഴു​മെന്ന്‌ യേശു അർത്ഥമാ​ക്കി​യില്ല. പകരം, ചെമ്മരി​യാ​ടു​കൾ വീണ്ടെ​ടു​ക്ക​പ്പെ​ടാ​വുന്ന മനുഷ്യ​വർഗ്ഗ​മാ​കുന്ന “ലോക​ത്തി​ന്റെ സ്ഥാപിക്കൽ മുതൽ” തങ്ങൾക്കു​വേണ്ടി ഒരുക്ക​പ്പെ​ട്ടി​രി​ക്കുന്ന രാജ്യ​ത്തി​ന്റെ ഭൗമി​ക​മ​ണ്ഡ​ലത്തെ അവകാ​ശ​മാ​ക്കും. ഈ വിധത്തിൽ അവർ തങ്ങളുടെ “നിത്യ​പി​താ​വായ” രാജാ​വാം യേശു​ക്രി​സ്‌തു​വി​ന്റെ ഭൗമിക മക്കൾ ആയിത്തീ​രു​ന്നു. (യെശയ്യാവ്‌ 9:6, 7)—5⁄1, പേ. 17.

◻ക്രി. വ. 33-നു മുമ്പ്‌ മരിച്ച വിശ്വ​സ്‌തരെ പുനരു​ത്ഥാ​ന​ത്തിൽ തിരികെ സ്വാഗതം ചെയ്യാൻ അഭിഷി​ക്ത​ശേ​ഷിപ്പ്‌ ഭൂമി​യിൽ ജീവി​ച്ചി​രി​ക്കേ​ണ്ട​യാ​വ​ശ്യ​മു​ണ്ടോ?

ഇല്ല, ഇത്‌ ആവശ്യ​മാ​യി​രി​ക്ക​യില്ല. മഹോ​പ​ദ്ര​വത്തെ അതിജീ​വി​ക്കുന്ന മഹാപു​രു​ഷാ​ര​ത്തിൽ പെട്ട അനേകർ സംഘട​നാ​പ​ര​മായ ഉത്തരവാ​ദി​ത്വം കൈ​യേൽക്കാൻ ഇപ്പോൾ പരിശീ​ലി​പ്പി​ക്ക​പ്പെ​ടു​ന്നുണ്ട്‌. അതു​കൊണ്ട്‌ ആ സാഹച​ര്യ​ത്തെ കൈകാ​ര്യം ചെയ്യാ​നും പുനരു​ത്ഥാ​നം പ്രാപി​ക്കു​ന്ന​വരെ “പുതിയ ആകാശ​ങ്ങ​ളിൻ” കീഴിലെ “പുതിയ ഭൂമിയു”മായി പരിച​യ​പ്പെ​ടു​ത്താ​നും അവർ പ്രാപ്‌ത​രാ​യി​രി​ക്കും. (2 പത്രോസ്‌ 3:13)—5⁄1, പേജുകൾ 17, 18.

◻ലോകവ്യാപകമായ വിദ്വേ​ഷ​ത്താ​ലും എതിർപ്പി​നാ​ലും യഹോ​വ​യു​ടെ സാക്ഷികൾ നിരു​ത്‌സാ​ഹി​ത​രും അധീര​രും ആകാത്ത​തെ​ന്തു​കൊണ്ട്‌?

അങ്ങനെ​യുള്ള എതിർപ്പും വിദ്വേ​ഷ​വും യഥാർത്ഥ ആരാധ​ക​രു​ടെ ഒരു തിരി​ച്ച​റി​യൽ അടയാ​ള​മാ​യി​രി​ക്കു​മെന്ന്‌ യേശു മുൻകൂ​ട്ടി പറഞ്ഞു. (യോഹ​ന്നാൻ 15:20, 21; 2 തിമൊ​ഥേ​യോസ്‌ 3:12) അതു​കൊണ്ട്‌ തങ്ങൾക്ക്‌ ദിവ്യാം​ഗീ​കാ​ര​മു​ണ്ടെന്ന്‌ സുവാർത്താ​ഘോ​ഷ​കർക്ക്‌ വീണ്ടും ഉറപ്പു ലഭിക്കു​ന്നു. അതിനും പുറമെ തങ്ങൾക്ക്‌ അത്യുന്നത ദൈവ​മായ യഹോ​വ​യു​ടെ പിൻബ​ല​മു​ണ്ടെന്ന്‌ യഹോ​വ​യു​ടെ സാക്ഷി​കൾക്ക​റി​യാം.—6⁄1, പേജ്‌ 23.

◻വിവാഹിതപങ്കാളികൾ സമമായി അമിക്ക​പ്പെ​ടു​മ്പോൾ പ്രയോ​ജ​നങ്ങൾ എന്തെല്ലാ​മാണ്‌?

ഭാര്യാ​ഭർത്താ​ക്കൻമാർക്ക്‌ തങ്ങളുടെ ദൈവത്തെ ആരാധി​ക്കു​ന്ന​തു​സം​ബ​ന്ധിച്ച്‌ അന്യോ​ന്യം പ്രോ​ത്‌സാ​ഹി​പ്പി​ക്കാൻ കഴിയു​ന്നു. കൂടാതെ തങ്ങളുടെ ഭിന്നതകൾ പറഞ്ഞു​തീർക്കാൻ മാർഗ്ഗ​നിർദ്ദേ​ശ​ത്തി​നാ​യി അവർക്ക്‌ തിരു​വെ​ഴു​ത്തു​ക​ളി​ലേക്ക്‌ നോക്കാൻ കഴിയും.—6⁄1, പേജ്‌ 14.

◻യഹോവ ലഭ്യമാ​ക്കുന്ന ഉൾക്കാ​ഴ്‌ച​യിൽനിന്ന്‌ നമുക്ക്‌ പ്രയോ​ജനം കിട്ടു​ന്ന​തിന്‌ നമ്മുടെ ഭാഗത്ത്‌ ഏതു മൂന്നു കാര്യങ്ങൾ ആവശ്യ​മാണ്‌?

നാം യഹോ​വ​യു​ടെ സ്ഥാപനത്തെ വിലമ​തി​ക്കേ​ണ്ട​തുണ്ട്‌; നാം ദൈവ​വ​ച​ന​വും അതു മനസ്സി​ലാ​ക്കാൻ നമ്മെ പ്രാപ്‌ത​രാ​ക്കു​ന്ന​തിന്‌ നൽക​പ്പെ​ടുന്ന പഠനസ​ഹാ​യി​ക​ളും ക്രമമാ​യി പഠി​ക്കേ​ണ്ട​തുണ്ട്‌; നാം പഠിച്ചി​രി​ക്കു​ന്നതു സംബന്ധി​ച്ചും നമ്മുടെ അനുദി​ന​ജീ​വി​ത​ത്തിൽ അത്‌ എങ്ങനെ ബാധക​മാ​ക്കാ​മെ​ന്നതു സംബന്ധി​ച്ചും വിചി​ന്തനം ചെയ്യണം.—7⁄1, പേജ്‌ 26.

◻പുരാതന ഇസ്രാ​യേൽജനം വളരെ​യ​ധി​ക​മായ ഉൾക്കാ​ഴ്‌ചാ​രാ​ഹി​ത്യ​ത്തോ​ടെ പ്രവർത്തി​ച്ച​തെ​ന്തു​കൊണ്ട്‌?

അവർ തങ്ങൾക്കു​വേണ്ടി യഹോവ ചെയ്‌തി​രുന്ന സകല കാര്യ​ങ്ങ​ളും സംബന്ധിച്ച്‌ വിലമ​തി​പ്പോ​ടെ വിചി​ന്തനം ചെയ്യു​ന്ന​തിൽ പരാജ​യ​പ്പെട്ടു. (സങ്കീർത്തനം 106:7, 13)—8⁄1, പേജ്‌ 7.

◻“ദൈവി​ക​ഭക്തി” എന്നാ​ലെന്ത്‌? (1 തിമൊ​ഥെ​യോസ 3:16)

ദൈവി​ക​ഭക്തി ദൈവ​ത്തി​ന്റെ അഖിലാ​ണ്ഡ​പ​ര​മാ​ധി​കാ​ര​ത്തോ​ടുള്ള ഭക്തിസ​ഹി​ത​മുള്ള ആദരവും ആരാധ​ന​യും സേവന​വു​മാണ്‌.—8⁄1, പേജ്‌ 15.

◻പൗലോസ്‌ 2 തെസ്സ​ലോ​നി​ക്യർ 2:3-ൽ പറയുന്ന അധർമ്മ മനുഷ്യ​നാ​രാണ്‌?

പൗലോസ്‌ ഒരൊററ വ്യക്തി​യെ​ക്കു​റി​ച്ചു പറയു​കയല്ല, എന്തു​കൊ​ണ്ടെ​ന്നാൽ ഈ “മനുഷ്യൻ” പൗലോ​സി​ന്റെ നാളിൽ പ്രകട​മാ​യി​രു​ന്നു എന്നും ഈ വ്യവസ്ഥി​തി​യു​ടെ അവസാ​ന​ത്തിൽ യഹോവ അവനെ നശിപ്പി​ക്കു​ന്ന​തു​വരെ ആസ്‌തി​ക്യ​ത്തിൽ തുടരു​മെ​ന്നും അവൻ പറയുന്നു. അതു​കൊണ്ട്‌ “അധർമ്മ​മ​നു​ഷ്യൻ” എന്നുള്ളത്‌ ഒരു പ്രതീ​കാ​ത്മക പദപ്ര​യോ​ഗ​മാണ്‌. അവൻ നൂററാ​ണ്ടു​ക​ളിൽ തങ്ങളെ​ത്തന്നെ തങ്ങളുടെ നിയമ​മാ​ക്കി​വെച്ച ക്രൈ​സ്‌ത​വ​ലോ​ക​ത്തി​ലെ അഹങ്കാ​രി​ക​ളും അതി​മോ​ഹി​ക​ളു​മായ വൈദി​ക​വൃ​ന്ദ​മാ​ണെന്ന്‌ തെളിവു പ്രകട​മാ​ക്കു​ന്നു.—9⁄1, പേജ്‌ 13.

◻ബൈബിൾകൈയെഴുത്തുപ്രതികളിലെ ആയിര​ക്ക​ണ​ക്കി​നു വ്യത്യാ​സങ്ങൾ അതു ദൈവ​വ​ച​ന​മാ​ണെ​ന്നുള്ള ബൈബി​ളി​ന്റെ അവകാ​ശ​വാ​ദത്തെ ദുർബ​ല​പ്പെ​ടു​ത്തു​ന്നു​വോ?

ഇല്ല. മിക്കവാ​റും എല്ലാ വ്യത്യാ​സ​ങ്ങ​ളും പാഠം സംബന്ധിച്ച്‌ തീരെ അപ്രധാ​ന​മാ​ണെന്ന്‌ ബൈബിൾ പണ്ഡിതൻമാർ നമ്മോടു പറയുന്നു. അതു തിരു​വെ​ഴു​ത്തു​ക​ളു​ടെ പ്രാമാ​ണി​ക​ത​യു​ടെ തെളി​വി​നെ ബലിഷ്‌ഠ​മാ​ക്കാൻ മാത്ര​മാണ്‌ ഉതകു​ന്നത്‌. (സങ്കീർത്തനം 119:105; 1 പത്രോസ്‌ 1:25)—10⁄1, പേജുകൾ 30, 31.

◻താലന്തുകളെക്കുറിച്ചുള്ള യേശു​വി​ന്റെ ദൃഷ്ടാ​ന്ത​ത്തിൽ താലന്തു​കൾ വിനി​യോ​ഗി​ക്കു​ക​യെ​ന്ന​തി​ന്റെ അർത്ഥ​മെ​ന്താ​യി​രു​ന്നു? (മത്തായി 25:19-23)

താലന്തു​കൾ വിനി​യോ​ഗി​ക്കുക എന്നതിന്റെ അർത്ഥം ദൈവ​ത്തി​ന്റെ പ്രതി​നി​ധി​ക​ളാ​യി വിശ്വ​സ്‌ത​ത​യോ​ടെ പ്രവർത്തി​ക്കു​ക​യെ​ന്നും ശിഷ്യരെ ഉളവാ​ക്കു​ക​യെ​ന്നും ദൈവ​ത്തി​ന്റെ ഭവനക്കാർക്ക്‌ ആത്മീയ സത്യങ്ങൾ വിതരണം ചെയ്യു​ക​യെ​ന്നു​മാണ്‌. (മത്തായി 24:45; 28:19, 20; 2 കൊരി​ന്ത്യർ 5:20)—10⁄1, പേജ്‌ 13.

◻ബുദ്ധിയുപദേശത്തിന്റെ മറെറല്ലാ ഉറവു​ക​ളോ​ടു​മുള്ള താരത​മ്യ​ത്തിൽ ബൈബിൾ ഏതു മൂന്നു വശങ്ങളിൽ അദ്വി​തീ​യ​മാണ്‌?

ഒന്നാമ​താ​യി, അതിലെ ബുദ്ധി​യു​പ​ദേശം എല്ലായ്‌പ്പോ​ഴും പ്രയോ​ജ​ന​ക​ര​മാണ്‌. (സങ്കീർത്തനം 93:5) രണ്ടാമ​താ​യി, ബൈബിൾ കാലത്തി​ന്റെ പരി​ശോ​ധ​നയെ അതിജീ​വി​ച്ചി​രി​ക്കു​ന്നു. (യെശയ്യാവ്‌ 40:8; 1 പത്രോസ്‌ 1:25) മൂന്നാ​മ​താ​യി, ബൈബിൾ ബുദ്ധി​യു​പ​ദേ​ശ​ത്തി​ന്റെ വിപു​ല​മായ വ്യാപ്‌തി അതുല്യ​മാണ്‌. നാം ഏതു പ്രശ്‌ന​ത്തെ​യോ തീരു​മാ​ന​ത്തേ​യോ അഭിമു​ഖീ​ക​രി​ച്ചാ​ലും നമ്മെ സഹായി​ക്കാൻ കഴിയുന്ന ജ്ഞാനം ബൈബി​ളി​ലുണ്ട്‌.—11⁄1, പേജ്‌ 20.