വാഗ്‌ദ​ത്ത​ദേ​ശ​ത്തു​നി​ന്നുള്ള രംഗങ്ങൾ

ജനതകൾ മെഗി​ദ്ദോ​യിൽ കൂടി​വ​രു​ന്നു

“ഗവേഷകർ ലോക അർമ്മ​ഗെ​ദ്ദോ​ന്റെ കാര്യ​ത്തിൽ ചുവടു​മാ​ററി ചവിട്ടു​ന്നു” എന്ന്‌, ഒരു ന്യൂക്ലി​യർ യുദ്ധം “ഒരു ന്യൂക്ലി​യർ ശൈത്യ”മോ ഒരു പൊള്ളി​ക്കുന്ന “ന്യൂക്ലി​യർ വേനലോ” വരുത്തു​മോ​യെ​ന്ന​തു​സം​ബ​ന്ധിച്ച ഒരു ശാസ്‌ത്രീ​യ​ലേ​ഖനം റിപ്പോർട്ടു​ചെ​യ്‌തു.

ഒരുപക്ഷേ നിങ്ങൾ “അർമ്മ​ഗെ​ദ്ദോ​നെ”യും നമ്മുടെ ദുർഘ​ട​കാ​ല​ങ്ങ​ളെ​യും ബന്ധിപ്പി​ക്കുന്ന അത്തരം അഭി​പ്രാ​യങ്ങൾ കണ്ടിരി​ക്കും. എന്താണ്‌ “അർമ്മ​ഗെ​ദ്ദോൻ”? നിങ്ങളു​ടെ ജീവൻ ഉൾപ്പെ​ട്ടി​രി​ക്കു​ന്ന​തു​കൊണ്ട്‌ നിങ്ങൾ അറി​യേ​ണ്ട​താണ്‌.

മെഗി​ദ്ദോ​യു​ടെ ആകാശ​ത്തു​നി​ന്നുള്ള വീക്ഷണം മുകളിൽ കാണുക. ഇത്‌ പുരാതന ഇസ്രാ​യേ​ലിൽ ഒരു നയത​ന്ത്ര​പ്ര​ധാ​ന​മാ​യി​രുന്ന സ്ഥാനമാ​യി​രു​ന്നു. അപ്പോ​സ്‌ത​ല​നായ യോഹ​ന്നാൻ “എബ്രാ​യ​യിൽ ഹാർ-മെഗ​ദ്ദോൻ [മെഗി​ദ്ദോ പർവതം]” അല്ലെങ്കിൽ അർമ്മ​ഗെ​ദ്ദോൻ “എന്നു വിളി​ക്ക​പ്പെ​ടുന്ന സ്ഥല”ത്തെക്കു​റി​ച്ചെ​ഴു​തി​യ​പ്പോൾ അതിന്റെ പേർ ഉപയോ​ഗി​ക്കു​ക​യു​ണ്ടാ​യി. (വെളി​പ്പാട്‌ 16:16) മെഗി​ദ്ദോ​യു​ടെ പശ്ചാത്ത​ല​ത്തെ​ക്കു​റി​ച്ചുള്ള അറിവ്‌ ആ വാക്കു​ക​ളു​ടെ​മേൽ വെളിച്ചം വീശുന്നു.

ഇതോ​ടു​കൂ​ടെ ചേർത്തി​രി​ക്കുന്ന പടത്തിൽ നിങ്ങൾക്ക്‌ അതിന്റെ സ്ഥാനം കാണാൻ കഴിയും. അത്‌ യഥാർത്ഥ​ത്തിൽ രണ്ടു വഴികൾക്ക​ഭി​മു​ഖ​മാ​യി​ട്ടാ​ണു നിന്നി​രു​ന്നത്‌. കർമ്മേൽ പർവതങ്ങൾ തെക്ക്‌ ഈജി​പ്‌റ​റി​നും വടക്ക്‌ ഡമാസ്‌ക്ക​സി​നും അല്ലെങ്കിൽ യൂപ്ര​ട്ടീ​സി​ന​ടു​ത്തുള്ള മററു നഗരങ്ങൾക്കു​മി​ട​യി​ലെ ഉത്തര—ദക്ഷിണ പാതയ്‌ക്ക്‌ വിഘാതം സൃഷ്ടി​ക്കു​ന്നു. അതു​കൊണ്ട്‌ സൈന്യ​ങ്ങ​ളും കച്ചവട​സം​ഘ​ങ്ങ​ളും മെഗി​ദ്ദോ​യി​ക്ക​ടു​ത്തുള്ള ഒരു താഴ്‌ന്ന പാതയി​ലൂ​ടെ പോകാൻ നിർബ​ന്ധി​ത​രാ​യി, അതാണ്‌ പടത്തിന്റെ വലതു​വ​ശത്തു കാണു​ന്നത്‌. അതി​ലേ​കൂ​ടെ​യുള്ള ഉത്തര—ദക്ഷിണ പാത ഇസ്രെ​യേൽതാ​ഴ്‌വ​ര​യിൽ സോരി​നും യോർദ്ദാൻതാ​ഴ്‌വ​ര​ക്കു​മി​ട​ക്കുള്ള അല്ലെങ്കിൽ ശമര്യ​ക്കും യെരു​ശ​ലേ​മി​നു​മി​ട​ക്കുള്ള സുപ്ര​ധാന പാതയെ മുറി​ക്കു​ന്നു. ഈ പാതകൾക്ക്‌ ഇപ്പുറ​ത്തും അപ്പുറ​ത്തു​മാ​യി​രി​ക്കുന്ന മെഗി​ദ്ദോ​യിക്ക്‌ യഥാർത്ഥ​ത്തിൽ കടന്നു​പോ​കു​ന്ന​വരെ ഭരിക്കാൻ കഴിയു​ന്നു. മെഗി​ദ്ദോ​യി​ക്കു മുമ്പിലെ താഴ്‌വര നിർണ്ണാ​യ​ക​യു​ദ്ധ​ങ്ങ​ളു​ടെ സ്ഥാനമാ​യി​ത്തീർന്നു.

ദൃഷ്ടാ​ന്ത​മാ​യി, സേനാ​ധി​പ​നാ​യി​രുന്ന സിസെ​ര​യു​ടെ കീഴിലെ കനാന്യ​രെ ന്യായാ​ധി​പ​നാ​യി​രുന്ന ബാരാക്ക്‌ തോൽപ്പി​ച്ചത്‌ ഇവി​ടെ​വ​ച്ചാ​യി​രു​ന്നു. സിസെ​രക്ക്‌ ഇരുമ്പു​വാൾ ഘടിപ്പിച്ച 900 രഥങ്ങളു​ണ്ടാ​യി​രു​ന്നു. (ന്യായാ​ധി​പൻമാർ 4:1-3, 12-16; 5:19) പിന്നീട്‌ നെഖോ ഫറവോൻ സൈന്യ​ങ്ങ​ളും രഥങ്ങളു​മ​ട​ങ്ങുന്ന ഒരു ശക്തമായ ഈജി​പ്‌ഷ്യൻസേ​നയെ തീരദേശ പാതയി​ലേക്ക്‌ (വയാ മേരിസ്‌ അഥവാ കടൽവഴി എന്ന്‌ അതിനു പേരു​കി​ട്ടാൻ കാരണ​മ​താണ്‌) അയച്ചു​കൊണ്ട്‌ യൂപ്ര​ട്ടീ​സി​ന​ടു​ത്തു​ണ്ടാ​യി​രുന്ന അസ്സീറി​യ​ക്കാർക്കു ശക്തി പകർന്നു. യഹൂദ​രാ​ജാ​വാ​യി​രുന്ന യോശീ​യാവ്‌ ഏതോ കാരണ​ത്താൽ നെഖോ​യു​മാ​യി ഒരു അന്താരാ​ഷ്‌ട്ര ഏററു​മു​ട്ട​ലിന്‌ തീരു​മാ​നി​ച്ചു. എന്നാൽ എവിടെ? യരൂശ​ലേ​മിന്‌ ഏതാണ്ട്‌ 55 മൈൽ വടക്കാ​യി​രു​ന്നെ​ങ്കി​ലും യോശീ​യാവ്‌ തെര​ഞ്ഞെ​ടു​ത്തത്‌ മെഗി​ദ്ദോ​യി​ക്ക​ടു​ത്തുള്ള സമതല​മാ​യി​രു​ന്നു.—2 ദിനവൃ​ത്താ​ന്തം 35:20-22; യിരെ​മ്യാവ്‌ 46:2.

ഈജി​പ്‌റ​റു​കാർ അവിടം കടന്നു​പോ​കേ​ണ്ട​തു​ണ്ടെന്ന്‌ അയാൾക്ക​റി​യാ​മാ​യി​രു​ന്നു. താൻ ഒരു ഇസ്രയേല്യശക്തികേന്ദ്രത്തോടടുത്തായിരിക്കുന്നതിനാൽ തനിക്ക്‌ നേട്ടമു​ണ്ടാ​യി​രി​ക്കു​മെന്ന്‌ അവൻ വിചാ​രി​ച്ചി​രു​ന്നി​രി​ക്കണം. നിങ്ങൾക്കു കാണാൻ കഴിയു​ന്ന​തു​പോ​ലെ, റെറൽ (കൂന) മെഗി​ദ്ദോ വളരെ വലുതാണ്‌. പുരാതന നഗരം അജയ്യമാ​യി​രു​ന്നു. പ്രസ്‌പ​ഷ്ട​മാ​യി, ബൃഹത്തായ കൽചു​വ​രു​ക​ളും ഒരു വലിയ സംരക്ഷണഗേററുംa നിർമ്മി​ച്ചു​കൊണ്ട്‌ ശലോ​മോൻ മെഗി​ദ്ദോ​യെ ബലപ്പെ​ടു​ത്തി. (1 രാജാ​ക്കൻമാർ 9:15) റെറൽ-ന്റെ ഇടതു​വ​ശത്ത്‌ നിങ്ങൾക്ക്‌ വലിയ ഒരു ദീർഘ​ച​തുര കുഴി കാണാൻ കഴിയും. അത്‌ സങ്കീർണ്ണ​മായ ഒരു ജലവി​ത​ര​ണ​പ​ദ്ധ​തി​യി​ലേ​ക്കുള്ള കവാട​മാ​യി​രു​ന്നു. കുത്ത​നെ​യുള്ള ഒരു ഗോവണി പാറയിൽ കൊത്തിയ നീണ്ട ഒരു തുരങ്ക​ത്തി​ലേക്കു നയിച്ചു. ഇസ്രാ​യേ​ല്യർ ആക്രമ​ണ​ത്തിൽനിന്ന്‌ സംരക്ഷി​ക്ക​പ്പെ​ട്ട​പ്പോൾത്തന്നെ അവർക്ക്‌ ഉറവജലം ലഭ്യമാ​കു​ക​യും ചെയ്‌തു. പുരാ​വ​സ്‌തു​ശാ​സ്‌ത്ര​ജ്ഞൻമാർ ഏതാണ്ട്‌ 450 കുതി​ര​കൾക്കാ​യുള്ള ഒരു ലായവും കണ്ടുപി​ടി​ച്ചി​ട്ടുണ്ട്‌, ഒരുപക്ഷേ ആഹാബി​ന്റെ വാഴ്‌ച​ക്കാ​ല​ത്തേത്‌.— 1 രാജാ​ക്കൻമാർ 9:19 താരത​മ്യ​പ്പെ​ടു​ത്തുക.

മെഗി​ദ്ദോ​യി​ക്കു സമീപം നടന്ന നിർണ്ണാ​യക യുദ്ധത്തിൽ യോശീ​യാ​വിന്‌ മാരക​മാ​യി മുറി​വേ​ററു. യെരൂ​ശ​ലേ​മി​ലേക്കു തിരികെ പോകു​മ്പോൾ അവൻ മരണമ​ടഞ്ഞു. (2 രാജാ​ക്കൻമാർ 23:28-30) സെഖര്യാവ്‌ 12:11-ൽ പറഞ്ഞി​രി​ക്കുന്ന ‘മെഗി​ദ്ദോ താഴ്‌വ​ര​യി​ലെ വിലാപ’ത്തിനു കാരണം ഇതായി​രു​ന്നി​രി​ക്കാം. യോശീ​യാ​വി​ന്റെ പരാജയം കഴിഞ്ഞ്‌ അധികം താമസി​യാ​തെ ബാബി​ലോൻ തന്റെ സൈനിക സ്വാധീ​നം ദുർബ​ല​യാ​യി​ത്തീർന്ന യഹൂദ​യി​ലേക്കു വ്യാപി​പ്പി​ച്ചു.—2 രാജാ​ക്കൻമാർ 24:1, 2, 12-14; 2 ദിനവൃ​ത്താ​ന്തങ്ങൾ 36:1-6.

ഇങ്ങനെ​യു​ള്ള പശ്ചാത്തല വിവര​ങ്ങ​ളു​ടെ സഹായ​ത്താൽ നിങ്ങൾക്ക്‌ അപ്പോ​സ്‌ത​ല​നായ യോഹ​ന്നാ​നു കൊടു​ക്ക​പ്പെട്ട വെളി​പ്പാ​ടിൽ ‘സർവശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധത്തി​നാ​യി’ ‘മുഴു നിവസി​ത​ഭൂ​മി​യി​ലെ​യും രാജാ​ക്കൻമാർ’ കൂടി​വ​രു​ന്ന​തി​നെ​ക്കു​റി​ച്ചു മുൻകൂ​ട്ടി​പ്പ​റ​യു​ന്ന​തിന്‌ മെഗി​ദ്ദോ​യെ പ്രയോ​ജ​ന​പ്പെ​ടു​ത്താൻ കഴിഞ്ഞ​തെ​ന്തു​കൊ​ണ്ടെന്ന്‌ മനസ്സി​ലാ​ക്കാൻ കഴിയും. ഭൂമി​യി​ലെ യാതൊ​രു സ്ഥലത്തി​നും, തീർച്ച​യാ​യും റെറൽ മെഗി​ദ്ദോ​യിക്ക്‌ അഭിമു​ഖ​മാ​യി കിടന്ന താഴ്‌വ​രക്ക്‌, ദൈവ​ത്തോ​ടെ​തിർക്കുന്ന സകല ജനതക​ളെ​യും ഉൾക്കൊ​ള്ളാൻ കഴിയു​മാ​യി​രു​ന്നില്ല. എന്നാൽ ഹാർ-മഗെ​ദ്ദോൻ അഥവാ അർമ്മ​ഗെ​ദ്ദോൻ ഉചിത​മാ​യി ആ നിർണ്ണാ​യ​ക​യു​ദ്ധ​ത്തി​ന്റെ സാഹച​ര്യ​ത്തെ പ്രതി​നി​ധാ​നം​ചെ​യ്യു​ന്നു.—വെളി​പ്പാട്‌ 16:14, 16; 19:11-21.

അതു​കൊണ്ട്‌ രാജ്യ​ത​ന്ത്ര​ജ്ഞൻമാ​രും വാർത്താ​ലേ​ഖ​ക​രും നമ്മുടെ ഗോളത്തെ ശൂന്യ​മാ​ക്കുന്ന ഒരു ന്യൂക്ലി​യർയു​ദ്ധ​മെന്ന നിലയിൽ അർമ്മ​ഗെ​ദ്ദോ​നെ​ക്കു​റിച്ച്‌ തെററാ​യി ചിന്തി​ച്ചു​കൊ​ള്ളട്ടെ. മെഗി​ദ്ദോ​യു​ടെ ചരിത്രം മനസ്സിൽ പിടി​ക്കു​മ്പോൾ നിങ്ങൾക്ക്‌ സംഗതി കൂടുതൽ കൃത്യ​മാ​യി മനസ്സി​ലാ​ക്കാൻ കഴിയും. ദൈവം നീതി​യുള്ള ഒരു പുതിയ ലോക​ത്തി​നു വഴിതു​റ​ന്നു​കൊണ്ട്‌ ഇപ്പോ​ഴത്തെ ദുഷ്ടവ്യ​വ​സ്ഥി​തി​യെ തുടച്ചു​നീ​ക്കുന്ന മഹായു​ദ്ധ​ത്തി​ലേക്ക്‌ ജനതകൾ വരുത്ത​പ്പെ​ടുന്ന സാഹച​ര്യ​മാണ്‌ അർമ്മ​ഗെ​ദ്ദോൻ എന്ന്‌ നിങ്ങൾക്ക്‌ മനസ്സി​ലാ​ക്കാൻ കഴിയും.—2 പത്രോസ്‌ 3:11-13. (w89 1/1)

[അടിക്കു​റി​പ്പു​കൾ]

[17-ാം പേജിലെ ഭൂപടം]

(For fully formatted text, see publication)

മഹാസമുദ്രം

ഡമാസ്‌കസിലേക്ക്‌

സോരിലേക്ക്‌

ഗലീലക്കടൽ

അക്കോ

കർമ്മേൽ പർവതം

മെഗിദ്ദോ

വയാ മേരിസ്‌

യോപ്പാ

ഈജിപ്‌ററിലേക്ക്‌

ബേത്‌-ശീൻ

ദോഥാൻ

ശമര്യ

ശേഖേം

യരൂശലേമിലേക്ക്‌

യോർദ്ദാൻ നദി

മി 0 10

കെ.എം 0 10 20

[കടപ്പാട്‌]

Based on a map copyrighted by Pictorial Archive (Near Eastern History) Est. and Survey of Israel

[16-ാം പേജിലെ ചിത്രം]

യഹോവയുടെ സാക്ഷി​ക​ളു​ടെ 1989-ലെ കലണ്ടറിൽ നിങ്ങൾക്ക്‌ മെഗി​ദ്ദോ​യു​ടെ ഒരു വലിപ്പ​മേ​റിയ വീക്ഷണം ലഭിക്കും. അതിലെ ആറു ചിത്രങ്ങൾ ഈ വർഷം വീക്ഷാ​ഗോ​പുര ലേഖന​ങ്ങ​ളിൽ ചർച്ച​ചെ​യ്യ​പ്പെ​ടും, നിങ്ങൾക്ക്‌ അവ ഭാവി ഉപയോ​ഗ​ത്തി​നു​വേണ്ടി കലണ്ടറി​നോ​ടു​കൂ​ടെ സൂക്ഷി​ക്കാ​വു​ന്ന​താണ്‌.

[കടപ്പാട്‌]

Pictorial Archive (Near Eastern History) Est.

[17-ാം പേജിലെ ചിത്രം]

നെഖൊ ഫറവോൻ മെഗി​ദ്ദോ​യി​ലൂ​ടെ നടത്തിയ മുന്നേ​റ​റത്തെ വിഭാ​വ​ന​ചെ​യ്യാൻ ഈ ഈജി​പ്‌ഷ്യൻകൊ​ത്തു​പ​ണിക്ക്‌ നിങ്ങളെ സഹായി​ക്കാൻക​ഴി​യും, അവി​ടെ​വച്ച്‌ അവൻ യോശീ​യാ​വ്‌രാ​ജാ​വി​നെ തോൽപ്പി​ച്ചു