മൂന്നു വിദ്വാൻമാർ വസ്‌തു​ത​യോ കെട്ടു​ക​ഥ​യോ?

“C + M + B”

ഈ അക്ഷരങ്ങൾ നിങ്ങൾക്ക്‌ എന്തെങ്കി​ലും അർത്ഥമു​ള്ള​താ​ണോ? നിങ്ങൾ ജർമ്മൻ ഫെഡറൽ റിപ്പബ്ലി​ക്കിൽ ഒരു റോമൻക​ത്തോ​ലി​ക്കാ​പ്ര​ദേ​ശ​ത്തി​നു​ള്ളി​ലാണ്‌ ജീവി​ക്കു​ന്ന​തെ​ങ്കിൽ അവക്ക്‌ അർത്ഥമു​ണ്ടാ​യി​രി​ക്കാം. അവിടെ നിങ്ങൾ മിക്ക​പ്പോ​ഴും വാതിൽപ്പ​ടി​ക​ളിൽ ആണ്ടി​നോ​ടൊ​പ്പം ആ വാക്കുകൾ ചോക്കു​കൊണ്ട്‌ എഴുതി​യി​രി​ക്കു​ന്നതു കാണും. അത്‌ എന്തു​കൊ​ണ്ടാണ്‌?

പ്രചാ​ര​മു​ള്ള ഐതി​ഹ്യ​പ്ര​കാ​രം ഈ മൂന്ന്‌ അക്ഷരങ്ങൾ ഗാസ്‌പാർ (ജർമ്മൻ, കാസ്‌പാർ), മെൽക്കി​യോർ, ബാൾത്തസാർa എന്നീ മൂന്നു വിദ്വാൻമാർ അഥവാ “ജ്ഞാനികൾ” എന്നു വിളി​ക്ക​പ്പെ​ടു​ന്ന​വ​രു​ടെ ജർമ്മൻഭാ​ഷ​യി​ലെ ആദ്യക്ഷ​ര​ങ്ങ​ളാണ്‌. സങ്കൽപ്പി​ക്ക​പ്പെ​ടു​ന്ന​ത​നു​സ​രിച്ച്‌ ഈ വിദ്വാൻമാ​രു​ടെ അസ്ഥികൾ 1164-ൽ കൊ​ളോ​ണി​ലേക്ക്‌ മാററ​പ്പെ​ടു​ക​യും പിന്നീട്‌ നഗരത്തി​ലെ കത്തീ​ഡ്ര​ലിൽ സ്ഥാപി​ക്ക​പ്പെ​ടു​ക​യും ചെയ്‌തു, അപ്രകാ​രം കൊ​ളോ​ണി​നെ അവരുടെ ഭക്തി​കേ​ന്ദ്ര​മാ​ക്കി​ത്തീർത്തു. ഓരോ വർഷവും മൂന്നു വിശുദ്ധ രാജാ​ക്കൻമാ​രു​ടെ പെരു​ന്നാൾ എന്നറി​യ​പ്പെ​ടുന്ന ജനുവരി 6-ാം തീയതി യുവാ​ക്ക​ളു​ടെ കൂട്ടങ്ങൾ പുരാതന രാജാ​ക്കൻമാ​രേ​പ്പോ​ലെ വേഷം ധരിച്ച്‌ വാതിൽപ്പ​ടി​ക​ളിൽ ചോക്കു​കൊണ്ട്‌ ആ അക്ഷരങ്ങൾ രേഖ​പ്പെ​ടു​ത്തി​ക്കൊണ്ട്‌ വീടു​തോ​റും പോകു​ന്നു. ആചാര​മ​നു​സ​രിച്ച്‌, ഇത്‌ വീട്ടു​കാർക്ക്‌ ദൗർഭാ​ഗ്യ​ങ്ങ​ളിൽനിന്ന്‌ സംരക്ഷണം നൽകുന്നു.

മതപര​മാ​യ കലയും പാരമ്പ​ര്യ​വും ഈ മൂന്നു വിദ്വാൻമാർ അഥവാ “രാജാ​ക്കൻമാർ” “നക്തത്ര​ങ്ങളാ”ൽ യേശു ജനിച്ചി​ട​ത്തേക്ക്‌ നയിക്ക​പ്പെട്ടു എന്ന്‌ സൂചി​പ്പി​ക്കു​ന്നു. ഈ “രാജാ​ക്കൻമാർ”ക്കു കൊടു​ക്ക​പ്പെ​ടുന്ന ബഹുമാ​ന​ത്തി​ന്റെ, ഭക്തിയു​ടെ​പോ​ലും, വീക്ഷണ​ത്തിൽ ഈ വിശ്വാ​സ​ത്തിന്‌ തിരു​വെ​ഴു​ത്ത​ടി​സ്ഥാ​ന​മു​ണ്ടോ എന്ന ചോദ്യം ഉദിക്കു​ന്നു.

ഈ സന്ദർശ​കരെ പരാമർശി​ക്കുന്ന ഏക സുവി​ശേഷം മത്തായി​യു​ടേ​താണ്‌. (2:1-12) എന്നാൽ മൂന്നു​പേ​രു​ണ്ടാ​യി​രു​ന്നു​വെ​ന്നും അവർ രാജാ​ക്കൻമാ​രാ​യി​രു​ന്നു​വെ​ന്നും മത്തായി പറയു​ന്നു​വോ, അവൻ അവരുടെ പേരുകൾ രേഖ​പ്പെ​ടു​ത്തു​ന്നു​ണ്ടോ? കത്തോ​ലി​ക്കാ വർത്തമാ​ന​പ്പ​ത്ര​മായ കെർച്ചൻസെ​യറ​റുംഗ ഫർ ഡാസ ബിസ്‌തും ആച്ചെൻ ഇപ്രകാ​രം സമ്മതി​ക്കു​ന്നു: “മൂന്നു വിശു​ദ്ധ​രാ​ജാ​ക്കൻമാർ അങ്ങനെ​തന്നെ ബൈബി​ളിൽ പരാമർശി​ക്ക​പ്പെ​ട്ടി​ട്ടില്ല. ആറാം നൂററാ​ണ്ടി​ന്റെ ആരംഭ​ത്തിൽ തുടങ്ങി ജ്ഞാനികൾ . . . മൂന്നു രാജാ​ക്കൻമാർ ആയിരു​ന്നു എന്ന്‌ മനസ്സി​ലാ​ക്ക​പ്പെട്ടു . . . ജ്യോൽസ്യൻമാ​രു​ടെ എണ്ണം സംബന്ധിച്ച്‌, . . . മത്തായി വിശദീ​ക​രണം ഒന്നും നൽകു​ന്നില്ല. . . . ഒൻപതാം നൂററാ​ണ്ടിൽ അവർ ഗാസ്‌പാർ, മെൽക്കി​യോർ, ബാൽത്ത​സാർ എന്നീ പേരു​ക​ളിൽ ആദ്യമാ​യി പ്രത്യ​ക്ഷ​പ്പെട്ടു.” അതുകൂ​ടാ​തെ, കത്തോ​ലി​ക്കാ റഫറൻസ്‌ പുസ്‌ത​ക​മായ ലെകസി​ക്കൻ ഫർ തിയോ​ളജി അൻഡ കെർച്ചെ ഗ്രീക്ക്‌ വാക്കായ മാഗോ​യിക്ക്‌ രാജാ​ക്കൻമാർ എന്ന്‌ അർത്ഥമില്ല പകരം, “ജ്യോ​തി​ഷ​വി​ദ്യ​യിൽ നിഗൂ​ഢ​ജ്ഞാ​ന​മു​ള്ളവർ” എന്നാണ്‌ അർത്ഥം എന്ന്‌ പറയുന്നു. ജസ്‌റ​റിൻ മാർട്ടർ, ഓറിജൻ, തെർത്തു​ല്യൻ എന്നിവ​രും ആ വാക്കിന്റെ അർത്ഥം “ജ്യോൽസ്യൻ” എന്നാ​ണെന്ന്‌ മനസ്സി​ലാ​ക്കി​യി​രു​ന്നു. ആധുനിക ബൈബിൾ ഭാഷാ​ന്ത​ര​ങ്ങ​ളും മത്തായി 2:1, 7-ൽ “ജ്യോൽസ്യൻമാർ” എന്ന പദം ഉപയോ​ഗി​ക്കു​ന്നു.—ആൻ അമേരി​ക്കൻ ട്രാൻസേ​ഷ്‌ളൻ.

ഒരു ശിശു​വെന്ന നിലയി​ലുള്ള യേശു​വി​ന്റെ ജനനരം​ഗ​ങ്ങ​ളിൽ മാററ​മി​ല്ലാ​തെ “മൂന്നു രാജാ​ക്കൻമാ​രെ” ഉൾപ്പെ​ടു​ത്തു​ന്നു​ണ്ടെ​ങ്കി​ലും അവർ അവന്റെ ജനനസ​മ​യത്ത്‌ സന്നിഹി​ത​രാ​യി​രു​ന്നോ? ആ ശബ്ദകോ​ശം ഇപ്രകാ​രം കൂട്ടി​ച്ചേർക്കു​ന്നു: “മത്തായി 2:16 ആ സന്ദർശനം ഒരുപക്ഷേ യേശു​വി​ന്റെ ജനനത്തി​നു ശേഷം ഒന്നോ അതില​ധി​ക​മോ വർഷം കഴിഞ്ഞാ​യി​രു​ന്നു സംഭവി​ച്ചത്‌ എന്ന്‌ സൂചി​പ്പി​ക്കു​ന്നു.” നിശ്ചയ​മാ​യും 11-ാം വാക്യം അവർ “കുട്ടിയെ കണ്ടത്‌” ഒരു “വീട്ടിലാ”യിരുന്നു എന്നു പറയുന്നു, ഒരു തൊഴു​ത്തി​ല​ല്ലാ​യി​രു​ന്നു.—കിംഗ ജയിംസ വേർഷ്യൻ.b

“വിശുദ്ധ രാജാ​ക്കൻമാർ” എന്ന പദം സംബന്ധി​ച്ചെന്ത്‌? ആ സന്ദർശ​കരെ ഉചിത​മാ​യി വിശുദ്ധർ എന്നു വിളി​ക്കാൻ കഴിയു​മോ? തിരു​വെ​ഴു​ത്തു​കൾ അവരെ ഒരിക്ക​ലും അങ്ങനെ വർണ്ണി​ക്കു​ന്നില്ല. അവർ യഥാർത്ഥ​ത്തിൽ ദിവ്യ​ത​ത്വ​ത്തെ ലംഘി​ക്കു​ന്ന​വ​രാ​യി​രു​ന്നു. യെശയ്യാവ്‌ 47:13, 14-ൽ ദൈവം “ആകാശ​ങ്ങ​ളു​ടെ ആരാധ​കരെ [സെപറ​റു​വ​ജിൻറ അനുസ​രിച്ച്‌ “ജ്യോൽസ്യൻമാ​രെ”], നക്ഷത്രങ്ങൾ നോക്കു​ന്ന​വരെ,” കുററം വിധി​ക്കു​ന്നു. (ആവർത്തനം 18:10 താരത​മ്യ​പ്പെ​ടു​ത്തുക.) ഈ ജ്യോൽസ്യൻമാർ “കിഴക്കൻഭാ​ഗ​ങ്ങ​ളിൽ നിന്ന്‌,” ഏററവും സാധ്യ​ത​യ​നു​സ​രിച്ച്‌ ആത്മവി​ദ്യാ​പ​ര​മായ ആരാധ​ന​യു​ടെ അപ്പോ​ഴത്തെ കേന്ദ്ര​മാ​യി​രുന്ന അശുദ്ധ ബാബി​ലോ​ണിൽനി​ന്നാ​യി​രു​ന്നു വന്നത്‌, അവർ അവിടെ വ്യാജ​ദൈ​വ​ങ്ങ​ളെ​യാണ്‌ ആരാധി​ച്ചത്‌. അതു​കൊണ്ട്‌ അവർ മററാ​രും കണ്ടതായി റിപ്പോർട്ടു​ചെ​യ്യ​പ്പെ​ടാത്ത, നീങ്ങി​ക്കൊ​ണ്ടി​രു​ന്ന​താ​യി അവർ വിചാ​രിച്ച ഒരു “നക്തത്ര”ത്താൽ നയിക്ക​പ്പെട്ടു. കൂടാതെ, “നക്തത്രം” അവരെ ആദ്യം ഹെരോ​ദാവ്‌ രാജാ​വി​ന്റെ അടു​ത്തേക്ക്‌ നയിച്ചു എന്നും മത്തായി ചൂണ്ടി​ക്കാ​ണി​ക്കു​ന്നു, അപ്പോൾ അവൻ യേശു​വി​നെ കൊല്ലി​ക്കാ​നാണ്‌ ശ്രമി​ച്ചത്‌.—മത്തായി 2:1, 2.

ഇല്ല, ദൈവം അവരെ യേശു​വി​ന്റെ അടുക്ക​ലേക്ക്‌ അയക്കു​ന്ന​തിന്‌ ഒരു “നക്തത്രത്തെ” അയച്ചില്ല. ഈ “നക്തത്രം” അയക്ക​പ്പെ​ട്ടത്‌ യേശു തന്റെ ദൈവ​ദ​ത്ത​മായ നിയോ​ഗം നിറ​വേ​റ​റാൻ കഴിയു​ന്ന​തി​നു മുമ്പ്‌ അവനെ നശിപ്പി​ക്കാൻ ശ്രമിച്ച ആരാ​ലെ​ങ്കി​ലും ആയിരി​ക്കാ​നല്ലേ കൂടുതൽ സാധ്യത?—ഉൽപ്പത്തി 3:15 താരത​മ്യം​ചെ​യ്യുക.

ദൈവ​വ​ച​ന​ത്തെ “പാരമ്പര്യ”ത്തോടു കൂട്ടി​ക്ക​ലർത്തി​ക്കൊണ്ട്‌ “വിലയി​ല്ലാ​ത്ത​താ​ക്കി”ത്തീർക്കാൻ കഴിയു​മെന്ന്‌ യേശു മുന്നറി​യി​പ്പു​നൽകി. (മത്തായി 15:6) ഈ ആളുകളെ വലയം ചെയ്‌തി​രി​ക്കുന്ന പാരമ്പ​ര്യ​ങ്ങൾ വ്യക്തമാ​യും തിരു​വെ​ഴു​ത്തു​വി​രു​ദ്ധ​മാണ്‌. അതു​കൊണ്ട്‌ ജ്യോൽസ്യൻമാ​രെ പൂജി​ക്കു​ക​യൊ അവരെ വിശു​ദ്ധൻമാ​രാ​യി കണക്കാ​ക്കു​ക​യൊ ചെയ്യു​ന്നത്‌ തെററാ​ണെ​ന്ന​തി​നോട്‌ നിങ്ങൾ യോജി​ക്കു​ക​യി​ല്ലേ? (w88 12/15)

[അടിക്കു​റി​പ്പു​കൾ]