കുട്ടി​കളെ യോഗ​ങ്ങ​ളിൽനി​ന്നു മാറ്റിനിർത്തു​ക​യോ?

‘ശിശു​ക്ക​ളെ​യും കുട്ടി​ക​ളെ​യും ഒരിക്ക​ലും ദൈവ​ത്തി​ന്റെ ആലയത്തി​ലേക്കു കൊണ്ടു​വ​ര​രുത്‌.’ വിശ്രു​ത​നായ ബൈബിൾഭാ​ഷ്യ​കാ​ര​നാ​യി​രുന്ന ആഡം ക്ലാർക്കി​ന്റെ വൈകാ​രി​ക​വി​ചാ​ര​ങ്ങ​ളാ​യി​രു​ന്നു ഇവ. തീർച്ച​യാ​യും ‘വീട്ടി​ലി​ല്ലാ​ത്ത​പ്പോൾ കുട്ടിയെ സംരക്ഷി​ക്കാൻ ആളില്ലാത്ത ദരി​ദ്ര​യായ മാതാ​വിന്‌ അദ്ദേഹം ഒരു സൗജന്യ​മ​നു​വ​ദി​ച്ചു. “സഭക്കും ചില ശുശ്രൂ​ഷ​കർക്കും ഒരു കുട്ടി കരയു​ന്നതു ശല്യമാ​ണെ​ങ്കി​ലും” തങ്ങളുടെ കുട്ടി​കളെ പള്ളിയിൽ കൊണ്ടു​വ​രാൻ അങ്ങനെ​യുള്ള മാതാ​ക്കളെ അനുവ​ദി​ക്കാം.

ക്ലാർക്ക്‌ തന്റെ കുട്ടി​കൾക്കെ​തി​രായ മുൻവി​ധി നെഹമ്യാവ്‌ 8:2-ലെ ബൈബിൾവാ​ക്യ​ത്തിൽ അടിസ്ഥാ​ന​പ്പെ​ടു​ത്തി. അതിങ്ങനെ വായി​ക്ക​പ്പെ​ടു​ന്നു: “അതനു​സ​രിച്ച്‌ പുരോ​ഹി​ത​നായ എസ്രാ പുരു​ഷൻമാ​രു​ടെ​യും അതു​പോ​ലെ​തന്നെ സ്‌ത്രീ​ക​ളു​ടെ​യും ശ്രദ്ധി​ക്കാൻതക്ക ബുദ്ധി​യുള്ള എല്ലാവ​രു​ടെ​യും സഭയുടെ മുൻപാ​കെ നിയമം കൊണ്ടു​വന്നു.” എന്നിരു​ന്നാ​ലും അങ്ങനെ​യുള്ള ഒരു വ്യാഖ്യാ​നം ആവർത്തനം 31:12-ന്റെ ആത്മാവി​നു വിരു​ദ്ധ​മാണ്‌: “ജനം, പുരു​ഷൻമാ​രും സ്‌ത്രീ​ക​ളും കുഞ്ഞു​ങ്ങ​ളും ശ്രദ്ധി​ക്കേ​ണ്ട​തി​നും പഠി​ക്കേ​ണ്ട​തി​നും. . .അവരെ കൂട്ടി​വ​രു​ത്തുക.”—2 തിമൊ​ഥെ​യോസ്‌ 3:15 കൂടെ കാണുക.

ഇതിന്റെ വീക്ഷണ​ത്തിൽ ഈ മീററിംഗ്‌ ക്രമീ​ക​രി​ച്ച​തിൽ നെഹെ​മ്യാ​വി​നു ആരെ​യെ​ങ്കി​ലും ഒഴിവാ​ക്കാൻ ഉദ്ദേശ്യ​മു​ണ്ടാ​യി​രു​ന്നു​വെന്നു തോന്നു​ന്നില്ല. പകരം ക്ഷണത്തിന്റെ ഉദ്ദേശ്യം “ശ്രദ്ധി​ക്കാൻതക്ക ബുദ്ധി​യുള്ള” എല്ലാവ​രെ​യും ഉൾപ്പെ​ടു​ത്താൻ, പൂർണ്ണ​പ​ങ്കാ​ളി​ത്ത​ത്തി​നു പ്രോൽസാ​ഹി​പ്പി​ക്കാൻ, ആയിരി​ക്കാ​നി​ട​യുണ്ട്‌! സംരക്ഷ​ണ​മി​ല്ലാ​തെ കുട്ടി​കളെ വിടാൻ മാതാ​പി​താ​ക്ക​ളോ​ടാ​വ​ശ്യ​പ്പെ​ടു​ന്നത്‌ എത്ര ന്യായ​ര​ഹി​ത​മാ​യി​രി​ക്കു​മാ​യി​രു​ന്നു!

ഇന്ന്‌ ക്രിസ്‌തീ​യ​യോ​ഗ​ങ്ങ​ളി​ലേക്ക്‌ തങ്ങളുടെ ശിശു​ക്ക​ളെ​യും കുട്ടി​ക​ളെ​യും കൊണ്ടു​വ​രാൻ യഹോ​വ​യു​ടെ സാക്ഷികൾ പ്രോൽസാ​ഹി​പ്പി​ക്ക​പ്പെ​ടു​ന്നു​വെ​ന്നത്‌ കൗതു​ക​ക​ര​മാണ്‌. ഇത്‌ ചില​പ്പോൾ ചെറിയ ശല്യങ്ങ​ളും മാതാ​പി​താ​ക്കൾക്കു കുറേ സമ്മർദ്ദ​വും വരുത്തി​യേ​ക്കാ​മെ​ന്നു​ള്ളതു സത്യം​തന്നെ. എന്നാൽ ശാന്തരാ​യി​രി​ക്കാൻ തങ്ങളുടെ കുട്ടി​കളെ പരിശീ​ലി​പ്പി​ക്കാൻ ക്രിസ്‌തീയ മാതാ​പി​താ​ക്കൾ ശ്രമം​ചെ​ലു​ത്തു​ന്നു. കാലാ​ന്ത​ര​ത്തിൽ തങ്ങളുടെ കുഞ്ഞുങ്ങൾ “ശ്രദ്ധി​ക്കാൻതക്ക ബുദ്ധി​യുള്ള”വരായി​രി​ക്കു​ക​യും ജീവദാ​യ​ക​മായ വിവരങ്ങൾ ഉൾക്കൊ​ള്ളു​ക​യും ചെയ്യും.—എബ്രായർ 10:24, 25. (w87 2/1)