യേശു​വി​ന്റെ ജീവി​ത​വും ശുശ്രൂ​ഷ​യും

നാല്‌ ശിഷ്യൻമാ​രെ വിളി​ക്കു​ന്നു

യേശു​വി​ന്റെ ജീവൻ അപകട​പ്പെ​ടു​ത്താ​നുള്ള ശ്രമം നടന്നു​ക​ഴിഞ്ഞ്‌ അവൻ ഗലീല​ക്ക​ട​ലി​ന​ടു​ത്തുള്ള കഫർന്ന​ഹും നഗരത്തി​ലേക്ക്‌ നീങ്ങുന്നു. ഇത്‌ യെശയ്യാ​വി​ന്റെ പ്രവചനം നിവൃ​ത്തി​ക്കു​ന്നു. അവനാണ്‌ കടൽവ​ഴി​യാ​യി കഴിയുന്ന ഗലീല​ക്കാർ ഒരു വലിയ വെളിച്ചം കാണു​മെന്ന്‌ മുൻകൂ​ട്ടി​പ്പ​റ​ഞ്ഞത്‌.

യേശു ഇവിടെ രാജ്യ​പ്ര​സം​ഗ​മാ​കുന്ന വെളി​ച്ച​വാ​ഹക വേല നിർവ്വ​ഹി​ക്കു​മ​ള​വിൽ, അവൻ തന്റെ നാല്‌ ശിഷ്യൻമാ​രെ കണ്ടെത്തു​ന്നു. ഇവർ മുമ്പ്‌ യേശു​വി​നോ​ടു​കൂ​ടെ സഞ്ചരി​ച്ച​വ​രാണ്‌. എന്നാൽ അവർ യഹൂദ്യ​യിൽനിന്ന്‌ യേശു​വി​നോ​ടു​കൂ​ടെ മടങ്ങിയ സന്ദർഭ​ത്തിൽ അവർ തങ്ങളുടെ പഴയ മത്സ്യബ​ന്ധ​ന​ത്തി​ലേക്ക്‌ തിരി​ച്ചു​പോ​യി. സാദ്ധ്യ​ത​യ​നു​സ​രിച്ച്‌ യേശു അവരെ ഇപ്പോൾ അന്വേ​ഷി​ക്കു​ന്നു. കാരണം താൻ പോയ​ശേഷം ശുശ്രൂഷ തുടരു​ന്ന​തിന്‌ പരിശീ​ലനം കൊടു​ക്കാൻ കഴിയുന്ന പരി​ശ്ര​മ​ശീ​ല​രായ സഹായി​ക​ളു​ണ്ടാ​യി​രി​ക്കു​ന്ന​തി​നുള്ള സമയമാ​ണിത്‌.

യേശു കടൽത്തീ​ര​ത്തു​കൂ​ടെ നടന്നു​പോ​കു​മ്പോൾ, ശിമോൻ പത്രോ​സും അവന്റെ കൂട്ടാ​ളി​ക​ളും വല വൃത്തി​യാ​ക്കു​ന്നത്‌ കാണുന്നു. അവൻ അവരു​ടെ​യ​ടു​ത്തേക്ക്‌ നീങ്ങുന്നു. അവൻ പത്രോ​സി​ന്റെ പടകിൽ കയറി പടക്‌ കരയിൽനിന്ന്‌ കടലി​ലേ​ക്കി​റ​ക്കാൻ അവനോട്‌ ആവശ്യ​പ്പെ​ടു​ന്നു. അല്‌പ​ദൂ​രം നീങ്ങി​ക്ക​ഴി​ഞ്ഞ​പ്പോൾ, യേശു പടകിൽ ഇരുന്ന്‌ തീരത്തു​നിൽക്കുന്ന പുരു​ഷാ​ര​ത്തോട്‌ ഉപദേ​ശി​ച്ചു തുടങ്ങു​ന്നു.

അതിനു​ശേ​ഷം യേശു പത്രോ​സി​നോ​ടി​പ്ര​കാ​രം പറയുന്നു: “ആഴത്തി​ലേക്ക്‌ നീക്കി മീൻപി​ടി​ത്ത​ത്തിന്‌ വലയി​റ​ക്കു​വിൻ.”

“ഗുരോ, ഞങ്ങൾ രാത്രി മുഴു​വ​നും അദ്ധ്വാ​നി​ച്ചി​ട്ടും ഒന്നും കിട്ടി​യില്ല, എങ്കിലും നിന്റെ വാക്കിനു ഞാൻ വലയി​റ​ക്കാം” എന്ന്‌ പത്രോസ്‌ ഉത്തരം പറയുന്നു.

വലയി​റ​ക്കി​യ​പ്പോൾ പെരുത്ത മീൻകൂ​ട്ടം വലയി​ല​ക​പ്പെട്ടു, വല കീറാ​റാ​യി അവർ സഹായ​ത്തി​നു​വേണ്ടി പെട്ടെ​ന്നു​തന്നെ അടുത്ത പടകിലെ കൂട്ടാ​ളി​കളെ മാടി​വി​ളി​ച്ചു. ഉടൻതന്നെ അവർ വന്ന്‌ പടക്‌ രണ്ടും മുങ്ങു​മാ​റാ​കു​വോ​ളം മീൻ നിറച്ചു. ഇത്‌ കാണു​ക​യിൽ പത്രോസ്‌ യേശു​വി​ന്റെ കാൽക്കൽ വീണ്‌ ഇപ്രകാ​രം പറയുന്നു: “കർത്താവേ, ഞാൻ പാപി​യായ ഒരു മനുഷ്യ​നാ​യ​തു​കൊണ്ട്‌ എന്നെ വിട്ടു​മാ​റുക.”

“ഭയപ്പെ​ടേണ്ട, നീ ഇന്നുമു​തൽ മനുഷ്യ​രെ ജീവ​നോ​ടെ പിടി​ക്കു​ന്ന​താ​യി​രി​ക്കും” എന്ന്‌ യേശു ഉത്തരം പറയുന്നു.

യേശു പത്രോ​സി​ന്റെ സഹോ​ദ​ര​നായ അന്ത്രെ​യോ​സി​നെ​യും വിളി​ക്കു​ന്നു. “എന്റെ പിന്നാലെ വരുവിൻ, ഞാൻ നിങ്ങളെ മനുഷ്യ​രെ വീശി​പ്പി​ടി​ക്കു​ന്ന​വ​രാ​ക്കും” എന്ന്‌ അവൻ അവരോട്‌ പറയുന്നു. അവരുടെ മീൻപി​ടിത്ത കൂട്ടാ​ളി​ക​ളായ യാക്കോ​ബി​നും യോഹ​ന്നാ​നും [സെബദി പുത്രൻമാർ] ഇതേ ക്ഷണം ലഭിക്കു​ന്നു. അവരും മടി കൂടാതെ ക്ഷണം സ്വീക​രി​ക്കു​ന്നു. അങ്ങനെ ഇവർ നാലു​പേ​രും തങ്ങളുടെ മീൻപി​ടിത്ത ജോലി ഉപേക്ഷി​ച്ച​ശേഷം പരി​ശ്ര​മ​ശീ​ല​രായ യേശു​വി​ന്റെ ആദ്യത്തെ നാല്‌ നിരന്ത​രാ​നു​ഗാ​മി​ക​ളാ​യി​ത്തീ​രു​ന്നു. ലൂക്കോസ്‌ 5:1-11; മത്തായി 4:13-22; മർക്കോസ്‌ 1:16-20; യെശയ്യാവ്‌ 9:1, 2.

◆ യേശു തന്നെയ​നു​ഗ​മി​ക്കാൻ തന്റെ ശിഷ്യൻമാ​രെ വിളി​ക്കു​ന്ന​തെ​ന്തു​കൊണ്ട്‌, ഇവർ ആരാണ്‌?

◆ ഏത്‌ അത്ഭുതം പത്രോ​സി​നെ ഭയപ്പെ​ടു​ത്തു​ന്നു?

◆ യേശു ഏതുതരം വീശി​പ്പി​ടി​ത്തം നിർവ്വ​ഹി​ക്കാ​നാണ്‌ തന്റെ ശിഷ്യൻമാ​രെ ക്ഷണിക്കു​ന്നത്‌? (w86 3/1)