രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

ദൈവീക തീഷ്‌ണ​തയെ യഹോവ അനു​ഗ്ര​ഹി​ക്കു​ന്നു

യേശു​വി​നു ദൈവീക തീഷ്‌ണത ഉണ്ടായി​രു​ന്നു. അവന്റെ തീഷ്‌ണത കണ്ടു​കൊണ്ട്‌, തന്റെ ശിഷ്യൻമാർ അവനേ​ക്കു​റി​ച്ചുള്ള പ്രവചനം അനുസ്‌മ​രി​ച്ചു: “നിന്റെ ആലയ​ത്തെ​ക്കു​റി​ച്ചുള്ള എരിവ്‌ എന്നെ തിന്നു​ക​ള​യും.” (യോഹ​ന്നാൻ 2:17) ഈ തീഷ്‌ണത അവന്റെ ശുശ്രൂ​ഷ​യി​ലും നിലനിർത്തി: “പഠിപ്പി​ച്ചു​കൊണ്ട്‌, അവൻ നഗരം​തോ​റും ഗ്രാമം​തോ​റും സഞ്ചരി​ക്ക​യും ‘ഊർജ്ജ​സ്വ​ല​മാ​യി പ്രയത്‌നി​ക്കു​ന്ന​തിന്‌’ തന്റെ ശിഷ്യൻമാ​രോ​ടു പറയു​ക​യും ചെയ്‌തു. (ലൂക്കോസ്‌ 13:22-24). അപ്പോൾ യേശു​വി​ന്റെ ശിഷ്യൻമാ​രു​ടെ ദൈവീക തീഷ്‌ണ​തയെ യഹോവ അനു​ഗ്ര​ഹി​ച്ചു. ഇന്നും അപ്രകാ​രം ചെയ്യു​ന്നു​ണ്ടെന്ന്‌, ഉറു​ഗ്വേ​യിൽ നിന്നുള്ള പിൻവ​രുന്ന അനുഭ​വങ്ങൾ കാണി​ക്കു​ന്നു.

◻ യഹോ​വ​യു​ടെ സാക്ഷി​ക​ളാ​യി​രുന്ന രണ്ടു സ്‌ത്രീ​കൾ അടുത്ത സഭയിൽനിന്ന്‌ 45 മൈൽ (70 കി.മി) അകലെ താമസി​ച്ചി​രു​ന്നു. അവർ അത്രയ​ധി​കം ഒററ​പ്പെ​ട്ടി​രു​ന്ന​തി​നാൽ, അവരുടെ സ്വന്തം ഭവനത്തിൽ വാര​ന്തോ​റു​മുള്ള യോഗങ്ങൾ നടത്തു​വാൻ തീരു​മാ​നി​ച്ചു; അതിനു താൽപ്പ​ര്യ​മുള്ള ആളുക​ളെ​യും അവർ ക്ഷണിക്കും. അവർ ഒററ​പ്പെ​ട്ടി​രു​ന്നെ​ങ്കി​ലും വളരെ തീഷ്‌ണ​ത​യു​ള്ള​വ​രാ​യി​രു​ന്നു. ഒരാൾ ആറു ബൈബി​ള​ദ്ധ്യ​യ​നങ്ങൾ നടത്തി, മറെറ​യാൾ ഏഴും. സർക്കീ​ട്ടു​മേൽവി​ചാ​രകൻ അവരെ സന്ദർശി​ച്ച​പ്പോൾ, അദ്ദേഹ​ത്തി​ന്റെ പ്രസം​ഗ​ത്തിന്‌ 36 മുതിർന്നവർ ഹാജരാ​യി. ആ സഹോ​ദ​രി​മാ​രിൽ ഒരാൾ അഞ്ചു മക്കളെ സത്യത്തിൽ വളർത്തി, ഇന്നു അവരെ​ല്ലാ​വ​രും യഹോ​വ​യു​ടെ സ്ഥാപന​ത്തിൽ തീഷ്‌ണ​ത​യോ​ടെ പ്രവർത്തി​ക്കു​ന്നു. നിശ്ചയ​മാ​യും, ഈ രണ്ടു സഹോ​ദ​രി​മാ​രു​ടെ​യും ദൈവീക തീഷ്‌ണ​തയെ യഹോവ അനു​ഗ്ര​ഹി​ച്ചു.

◻ സഭാ​യോ​ഗ​ങ്ങൾക്കു ഹാജരാ​കു​ന്ന​തിന്‌ വേറൊ​രു സഹോ​ദരി അവളുടെ കുട്ടി​ക​ളു​മാ​യി 7 മൈൽ (11 കി.മി) നിരന്തരം നടക്കു​ന്ന​തി​നാൽ ദൈവീക തീഷ്‌ണത പ്രകടി​പ്പി​ച്ചു. സാധാ​ര​ണ​യാ​യി ഒരു മണിക്കൂർ നേരത്തെ എത്തി​ക്കൊ​ണ്ടു​തന്നെ. പുസ്‌ത​കാ​ദ്ധ്യ​യനം ഒരു മണിക്കൂർ നേര​ത്തേക്കു മാത്ര​മാ​യ​തി​നാൽ, വീട്ടി​ലി​രുന്ന്‌ അവൾക്കു ആ പുസ്‌തകം വെറുതെ വായി​ക്കാൻ സാധി​ക്കു​മ്പോൾ ആ ദീർഘ ദൂരം നടക്കു​ന്നത്‌ മൂല്യ​വ​ത്താ​യി​രി​ക്ക​യില്ല എന്ന്‌ അവൾ ഒരിക്ക​ലും വിചാ​രി​ച്ചില്ല. ഇന്ന്‌ അവൾ തന്റെ അനു​ഗ്ര​ഹ​ങ്ങളെ മനനം ചെയ്യുന്നു. ഒരു ഭാര്യ​യും അമ്മയും എന്ന നിലയിൽ അവളുടെ ആത്മ ത്യാഗ​ത്തി​ന്റെ​യും സഹിഷ്‌ണ​ത​യു​ടെ​യും ദൃഢനി​ശ്ച​യ​ത്തി​ന്റെ​യും വിശിഷ്ട മാതൃ​കക്ക്‌ അവളുടെ മക്കളു​ടെ​മേൽ ശക്തമായ ഒരു ഫലം ഉണ്ടായി​രു​ന്നു. അവർ ആറു​പേ​രും സത്യത്തി​ലാണ്‌. പയനിയർ ആയിരി​ക്കുന്ന ഒരു മകൻ 36 മൈൽ (58 കി.മി) ഒരു ഒററപ്പെട്ട കൂട്ടത്തെ പരിപാ​ലി​ക്കു​ന്ന​തി​നു​വേണ്ടി സൈക്കി​ളിൽ സഞ്ചരി​ച്ചു​കൊണ്ട്‌ അതേ തീഷ്‌ണത പ്രദർശി​പ്പി​ക്കു​ന്നു. വഴിക്ക്‌ അയാൾക്ക്‌ ഒരു നദിയിൽ സൈക്കി​ളു​മാ​യി ഇറങ്ങി നടന്നു കയറണം. അദ്ദേഹ​ത്തി​ന്റെ ദൈവീക തീഷ്‌ണ​ത​യേ​യും യഹോവ അനു​ഗ്ര​ഹി​ക്കു​ന്നു.

◻ ആയിര​ത്തി​ത്തൊ​ള്ളാ​യി​രത്തി എൺപത്തി​ര​ണ്ടിൽ ഒരു കൂട്ടം സഹോ​ദ​രങ്ങൾ ഒരു ഒററപ്പെട്ട പ്രദേശം പ്രവർത്തി​ക്ക​യും അനേകം പുസ്‌ത​കങ്ങൾ സമർപ്പി​ക്ക​യും ചെയ്‌തു. അടുത്ത വർഷം അവർ അതേ പ്രദേശം പ്രവർത്തി​ക്കു​ന്ന​തി​നു തിരി​ച്ചെത്തി. ഒരു വീട്ടിൽ വളരെ അസാധാ​ര​ണ​മായ ഒരു എതിർപ്പി​നെ അവർ അഭിമു​ഖീ​ക​രി​ച്ചു. അവരുടെ ബൈബിൾ അവതരണം കേട്ട​ശേഷം, വീട്ടു​കാ​രന്‌ സത്യം നേരത്തെ തന്നെ ഉണ്ടെന്നു വിചാ​രി​ക്കു​ന്ന​തി​നാൽ തന്റെ മതം മാറു​വാൻ ആഗ്രഹി​ക്കു​ന്നില്ല എന്നു പ്രസ്‌താ​വി​ച്ചു. അദ്ദേഹം പറഞ്ഞു: “ഞാൻ യഹോ​വ​യു​ടെ ഒരു സാക്ഷി​യാണ്‌” തന്റെ സന്ദർശ​ക​രും യഹോ​വ​യു​ടെ സാക്ഷികൾ ആണെന്നു അറിഞ്ഞ​തിൽ അദ്ദേഹം ആനന്ദപു​ള​കി​ത​നാ​യി.

സഹോ​ദ​രങ്ങൾ ആ പ്രദേശം പ്രവർത്തി​ച്ച​പ്പോൾ അദ്ദേഹം വീട്ടിൽനിന്ന്‌ ദൂരെ​യാ​യി​രു​ന്നു, എന്നാൽ തന്റെ കുടും​ബം പ്രസി​ദ്ധീ​ക​ര​ണങ്ങൾ സ്വീക​രി​ച്ചു​വെന്നു അദ്ദേഹം വിശദീ​ക​രി​ച്ചു. അദ്ദേഹം അതു വായിച്ചു, അതു ബൈബി​ളിൽനി​ന്നുള്ള സത്യം പഠിപ്പി​ക്കു​ന്നു​ണ്ടെന്നു തിരി​ച്ച​റി​യു​ക​യും പഠിച്ചതു തന്റെ അയൽക്കാ​രോ​ടു പറയു​വാൻ തുടങ്ങു​ക​യും ചെയ്‌തു. ഈ പുതിയ “ചെമ്മരി​യാട്‌” പക്വത​യി​ലേക്കു പുരോ​ഗ​മി​ക്കു​ക​യും യഹോ​വ​യു​ടെ സാക്ഷി​ക​ളിൽ ഒരാൾ ആയിത്തീ​രു​ക​യും ചെയ്യു​ന്ന​തിന്‌ സഹായി​ക്കു​വാ​നുള്ള ക്രമീ​ക​ര​ണങ്ങൾ സഹോ​ദ​രങ്ങൾ ചെയ്‌തു.

ഉവ്വ്‌, സത്യാ​രാ​ധ​ന​ക്കു​വേ​ണ്ടി​യുള്ള ദൈവീക തീഷ്‌ണ​തയെ യഹോവ അനു​ഗ്ര​ഹി​ക്കു​ന്നു. സഹേദ​ര​ങ്ങ​ളു​ടെ ലോക​വി​സ്‌തൃ​ത​മായ യഹോ​വ​യു​ടെ സ്ഥാപന​ത്തി​ന്റെ ഒരു ഭാഗമാ​യി​രി​ക്കു​ന്ന​തിൽ നാം സന്തുഷ്ട​രാണ്‌; ശുശ്രൂ​ഷ​ക്കു​വേണ്ടി ഈ ദൈവീ​ക​തീ​ഷ്‌ണത പ്രകടി​പ്പി​ക്കു​വാൻ നാം ആഗ്രഹി​ക്കു​ന്നു. സാത്താന്റെ ദുഷ്ട വ്യവസ്ഥി​തി​യിൽ നിന്നു വിടു​വി​ക്ക​പ്പെ​ടു​ക​യും ബൈബിൾ സത്യത്താൽ ശുദ്ധീ​ക​രി​ക്ക​പ്പെ​ടു​ക​യും ചെയ്‌തി​രി​ക്കു​ന്ന​തി​നാൽ “സൽപ്ര​വൃ​ത്തി​കൾക്ക്‌ തീഷ്‌ണത” ഉള്ളവരാ​കാൻ നാം പ്രോ​ത്സാ​ഹി​പ്പി​ക്ക​പ്പെ​ടണം.—തീത്തോസ്‌ 2:14. (w85 7/1)