ഭാഗം 8—ആമുഖം

യഹോവ ശലോ​മോ​നു മഹത്തായ ജ്ഞാനം നൽകി അനു​ഗ്ര​ഹി​ച്ചു. ദേവാ​ലയം പണിയാ​നുള്ള പദവി​യും കൊടു​ത്തു. പക്ഷേ ശലോ​മോൻ പതി​യെ​പ്പ​തി​യെ യഹോ​വയെ വിട്ടു​പോ​യി. നിങ്ങൾ ഒരു അച്ഛനോ അമ്മയോ ആണെങ്കിൽ, വ്യാജാ​രാ​ധകർ എങ്ങനെ​യാ​ണു ശലോ​മോ​നെ ദൈവ​ത്തിൽനിന്ന്‌ തിരി​ച്ചു​ക​ള​ഞ്ഞ​തെന്ന്‌ മക്കൾക്കു പറഞ്ഞു​കൊ​ടു​ക്കുക. രാജ്യം വിഭജി​ക്ക​പ്പെട്ടു; ചീത്ത രാജാ​ക്ക​ന്മാർ ജനതയെ വിശ്വാ​സ​ത്യാ​ഗ​ത്തി​ലേ​ക്കും വിഗ്ര​ഹാ​രാ​ധ​ന​യി​ലേ​ക്കും നയിച്ചു. ഈ സമയത്ത്‌ യഹോ​വ​യു​ടെ അനേകം വിശ്വസ്‌ത​പ്ര​വാ​ച​ക​ന്മാർ ഉപദ്ര​വി​ക്ക​പ്പെ​ടു​ക​യും കൊല്ല​പ്പെ​ടു​ക​യും ചെയ്‌തു. വടക്കേ ദേശം വിശ്വാ​സ​ത്യാ​ഗ​ത്തിൽ മുങ്ങി​ത്താ​ഴാൻ ഇസബേൽ രാജ്ഞി ഇടയാക്കി. ഇസ്രാ​യേ​ലി​ന്റെ ചരി​ത്ര​ത്തി​ലെ ഇരുണ്ട നാളു​ക​ളാ​യി​രു​ന്നു അത്‌. ഇസ്രാ​യേ​ല്യ​രു​ടെ കൂട്ടത്തിൽ യഹോ​വ​യു​ടെ വിശ്വസ്‌ത​രായ അനേകം ദാസന്മാർ അപ്പോ​ഴും ഉണ്ടായി​രു​ന്നു. യഹോ​ശാ​ഫാത്ത്‌ രാജാവ്‌, ഏലിയ പ്രവാ​ചകൻ എന്നിവർ അവരിൽ ചിലരാണ്‌.