പൗലോസ്‌ സഭകൾക്ക്‌ ലേഖനങ്ങൾ എഴുതുന്നു

യഹോ​വ​യു​ടെ ഉദ്ദേശ്യം നിവർത്തി​ക്ക​പ്പെ​ടു​ന്ന​തിൽ ക്രിസ്‌തീ​യ സഭ ഒരു മുഖ്യ പങ്ക്‌ വഹിക്കു​മാ​യി​രു​ന്നു. പക്ഷേ സഭ സ്ഥാപി​ത​മാ​യി അധികം കഴിയും​മുമ്പ്‌ അതിലെ അംഗങ്ങൾക്ക്‌ എതിരാ​ളി​ക​ളിൽനിന്ന്‌ ഉപദ്ര​വ​ങ്ങൾ ഉണ്ടാകാൻതു​ട​ങ്ങി. ഇതുകൂ​ടാ​തെ ക്രിസ്‌ത്യാ​നി​ക​ളു​ടെ വിശ്വാ​സ​ത്തെ അപകട​പ്പെ​ടു​ത്താൻപോന്ന ചില പ്രശ്‌ന​ങ്ങൾ സഭയ്‌ക്കു​ള്ളിൽത്ത​ന്നെ ഉണ്ടായി​രു​ന്നു. ഈ സാഹച​ര്യ​ങ്ങ​ളിൽ ക്രിസ്‌ത്യാ​നി​കൾ ദൈവ​ത്തോ​ടു​ള്ള വിശ്വ​സ്‌തത കാത്തു​സൂ​ക്ഷി​ക്കു​മാ​യി​രു​ന്നോ? ക്രിസ്‌തീ​യ ഗ്രീക്കു തിരു​വെ​ഴു​ത്തു​ക​ളു​ടെ ഭാഗമായ 21 ലേഖനങ്ങൾ അവർക്ക്‌ ആവശ്യ​മാ​യ ബുദ്ധി​യു​പ​ദേ​ശ​വും പ്രോ​ത്സാ​ഹ​ന​വും നൽകി.

അതിൽ റോമർമു​തൽ എബ്രാ​യർവ​രെ​യു​ള്ള 14 ലേഖനങ്ങൾ എഴുതി​യത്‌ അപ്പൊ​സ്‌ത​ല​നാ​യ പൗലോ​സാണ്‌. ലേഖന​ങ്ങ​ളിൽ ചിലത്‌ വ്യക്തി​കൾക്കും മറ്റുചി​ലത്‌ സഭകൾക്കും എഴുതി​യ​താ​യി​രു​ന്നു. ഈ വ്യക്തി​ക​ളു​ടെ അല്ലെങ്കിൽ സഭകളു​ടെ പേരി​ലാണ്‌ ലേഖനങ്ങൾ അറിയ​പ്പെ​ടു​ന്നത്‌. പൗലോസ്‌ തന്റെ ലേഖന​ങ്ങ​ളിൽ പരാമർശി​ച്ച ചില വിഷയങ്ങൾ നമുക്കു നോക്കാം.

ധാർമി​ക​ത​യും പെരു​മാ​റ്റ​വും. വ്യഭി​ചാ​ര​വും പരസം​ഗ​വും ഗൗരവ​സ്വ​ഭാ​വ​മു​ള്ള മറ്റ്‌ പാപങ്ങ​ളും ചെയ്യു​ന്ന​വർ “ദൈവ​രാ​ജ്യം അവകാ​ശ​മാ​ക്കു​ക​യി​ല്ല.” (ഗലാത്യർ 5:19-21; 1 കൊരി​ന്ത്യർ 6:9-11) ദൈവ​ത്തി​ന്റെ ആരാധകർ ഏതു ദേശക്കാ​രാ​യാ​ലും ഐക്യ​ത്തിൽ വർത്തി​ക്ക​ണം. (റോമർ 2:11; എഫെസ്യർ 4:1-6) അവർ സഹായം ആവശ്യ​മു​ള്ള സഹവി​ശ്വാ​സി​ക​ളെ സന്തോ​ഷ​ത്തോ​ടെ പിന്തു​ണ​യ്‌ക്ക​ണം. (2 കൊരി​ന്ത്യർ 9:7) ‘ഇടവി​ടാ​തെ പ്രാർഥി​ക്കാൻ” പൗലോസ്‌ ക്രിസ്‌ത്യാ​നി​ക​ളോ​ടു പറഞ്ഞു. അതെ, പ്രാർഥ​ന​യിൽ ഹൃദയം യഹോ​വ​യ്‌ക്കു മുമ്പാകെ പകരാൻ അവൻ ക്രിസ്‌ത്യാ​നി​ക​ളെ പ്രോ​ത്സാ​ഹി​പ്പി​ച്ചു. (1 തെസ്സ​ലോ​നി​ക്യർ 5:17; 2 തെസ്സ​ലോ​നി​ക്യർ 3:1; ഫിലി​പ്പി​യർ 4:6, 7) വിശ്വാ​സ​ത്തോ​ടു​കൂ​ടിയ പ്രാർഥ​ന​കൾക്കു മാത്രമേ ദൈവം ചെവി​ചാ​യ്‌ക്കൂ.—എബ്രായർ 11:6.

സന്തുഷ്ട കുടും​ബം കെട്ടി​പ്പ​ടു​ക്കാൻ എങ്ങനെ സാധി​ക്കും? ഭർത്താവ്‌ ഭാര്യയെ സ്വന്തം ശരീര​ത്തെ​യെ​ന്ന​പ്പോ​ലെ സ്‌നേ​ഹി​ക്ക​ണം. ഭാര്യ​യ്‌ക്ക്‌ ഭർത്താ​വി​നോട്‌ ആഴമായ ബഹുമാ​ന​മു​ണ്ടാ​യി​രി​ക്കണം. മക്കൾ മാതാ​പി​താ​ക്ക​ളെ അനുസ​രി​ക്ക​ണം; അത്‌ ദൈവത്തെ പ്രസാ​ദി​പ്പി​ക്കും. മാതാ​പി​താ​ക്കൾ ദൈവിക തത്ത്വങ്ങൾക്ക്‌ അനുസൃ​ത​മാ​യി മക്കൾക്ക്‌ മാർഗ​നിർദേ​ശം നൽകു​ക​യും സ്‌നേ​ഹ​പൂർവം അവരെ പരിശീ​ലി​പ്പി​ക്കു​ക​യും വേണം.—എഫെസ്യർ 5:22–6:4; കൊ​ലോ​സ്സ്യർ 3:18-21.

ദൈവ​ത്തി​ന്റെ ഉദ്ദേശ്യം. മോ​ശെ​യി​ലൂ​ടെ നൽകപ്പെട്ട ന്യായ​പ്ര​മാ​ണം ക്രിസ്‌തു​വി​ന്റെ ആഗമനം​വ​രെ​യും ഇസ്രാ​യേ​ല്യ​രെ സംരക്ഷി​ക്കു​ക​യും വഴിന​ട​ത്തു​ക​യും ചെയ്‌തു. (ഗലാത്യർ 3:24) എന്നിരു​ന്നാ​ലും ദൈവത്തെ ആരാധി​ക്കു​ന്ന​തിന്‌ ക്രിസ്‌ത്യാ​നി​കൾ ന്യായ​പ്ര​മാ​ണം പിൻപ​റ്റേ​ണ്ട​തി​ല്ല. ന്യായ​പ്ര​മാ​ണ​ത്തി​ന്റെ അർഥം, ദൈവ​ത്തി​ന്റെ ഉദ്ദേശ്യം ക്രിസ്‌തു​വിൽ എങ്ങനെ നിവൃ​ത്തി​യേ​റു​ന്നു എന്നിവ​യെ​ക്കു​റി​ച്ചൊ​ക്കെ എബ്രാ​യർക്കു​ള്ള (ക്രിസ്‌ത്യാ​നി​ക​ളാ​യി​ത്തീ​രു​ന്ന​തി​നു​മുമ്പ്‌ യഹൂദ മതം ആചരി​ച്ചി​രു​ന്ന​വർ) ലേഖന​ത്തിൽ പൗലോസ്‌ വിശദീ​ക​രി​ക്കു​ന്നു. ന്യായ​പ്ര​മാ​ണ​ത്തിൽ പറഞ്ഞി​രി​ക്കു​ന്ന പല കാര്യ​ങ്ങൾക്കും പ്രാവ​ച​നി​ക അർഥമു​ണ്ടാ​യി​രു​ന്നു​വെന്ന്‌ പൗലോസ്‌ വ്യക്തമാ​ക്കി. ഉദാഹ​ര​ണ​ത്തിന്‌ മൃഗയാ​ഗ​ങ്ങൾ മുൻനി​ഴ​ലാ​ക്കി​യത്‌ പാപ​മോ​ച​നം സാധ്യ​മാ​ക്കു​ന്ന യേശു​വി​ന്റെ ബലിമ​ര​ണ​ത്തെ​യാണ്‌. (എബ്രായർ 10:1-4) യേശു​വി​ന്റെ മരണ​ത്തോ​ടെ, ന്യായ​പ്ര​മാ​ണ ഉടമ്പടി ദൈവം റദ്ദാക്കി. മേലാൽ അത്‌ ആവശ്യ​മി​ല്ലാ​യി​രു​ന്നു.—കൊ​ലോ​സ്സ്യർ 2:13-17; എബ്രായർ 8:13.

സഭയുടെ സംഘാ​ട​നം. സഭയിൽ ഉത്തരവാ​ദി​ത്വ​ങ്ങൾ കയ്യേൽക്കാൻ സന്നദ്ധരാ​കു​ന്ന പുരു​ഷ​ന്മാർക്ക്‌ ഉയർന്ന ധാർമിക മൂല്യ​ങ്ങ​ളും ബൈബി​ളിൽ പ്രതി​പാ​ദി​ച്ചി​രി​ക്കുന്ന ആത്മീയ യോഗ്യ​ത​ക​ളും ഉണ്ടായി​രി​ക്ക​ണം. (1 തിമൊ​ഥെ​യൊസ്‌ 3:1-10, 12, 13; തീത്തൊസ്‌ 1:5-9) യഹോ​വ​യാം​ദൈ​വ​ത്തി​ന്റെ ആരാധകർ ക്രമമാ​യി ഒരുമി​ച്ചു കൂടി​വ​രു​ക​യും പരസ്‌പ​രം പ്രോ​ത്സാ​ഹി​പ്പി​ക്കു​ക​യും ചെയ്യണം. (എബ്രായർ 10:24, 25) ആരാധ​ന​യ്‌ക്കു​ള്ള അത്തരം യോഗങ്ങൾ ആത്മീയ​മാ​യി പരിപു​ഷ്ടി​പ്പെ​ടു​ത്തു​ന്ന​തും പ്രബോ​ധ​നാ​ത്മ​ക​വും ആയിരി​ക്ക​ണം.—1 കൊരി​ന്ത്യർ 14:26, 31.

തിമൊ​ഥെ​യൊ​സി​നുള്ള രണ്ടാം ലേഖനം എഴുതുന്ന സമയത്ത്‌ പൗലോസ്‌ ന്യായ​വി​ധി കാത്ത്‌ റോമിൽ തടവിൽ കഴിയു​ക​യാ​യി​രു​ന്നു. അവനെ ചെന്നു​കാ​ണാൻ ചുരുക്കം ചിലരേ ധൈര്യ​പ്പെ​ട്ടു​ള്ളൂ. തനിക്ക്‌ ഇനി അധിക​കാ​ല​മി​ല്ലെന്ന്‌ പൗലോ​സിന്‌ അറിയാ​മാ​യി​രു​ന്നു. “ഞാൻ നല്ല പോർ പൊരു​തി; ഓട്ടം തികച്ചി​രി​ക്കു​ന്നു; എന്റെ വിശ്വാ​സം ഞാൻ കാത്തു​സൂ​ക്ഷി​ക്കു​ക​യും ചെയ്‌തി​രി​ക്കു​ന്നു” എന്ന്‌ അവൻ പറഞ്ഞു. (2 തിമൊ​ഥെ​യൊസ്‌ 4:7) സാധ്യ​ത​യ​നു​സ​രിച്ച്‌ അധികം താമസി​യാ​തെ വിശ്വാ​സ​ത്തി​ന്റെ പേരിൽ അവൻ വധിക്ക​പ്പെ​ട്ടു. എങ്കിലും അവൻ എഴുതിയ ലേഖനങ്ങൾ ഇന്നും സത്യാ​രാ​ധ​കർക്ക്‌ ഒരു മാർഗ​ദീ​പ​മാ​യി വർത്തി​ക്കു​ന്നു.

—റോമർ, 1 കൊരി​ന്ത്യർ, 2 കൊരി​ന്ത്യർ, ഗലാത്യർ, എഫേസ്യർ, ഫിലി​പ്പി​യർ, കൊ​ലോ​സ്യർ, 1 തെസ്സ​ലോ​നി​ക്യർ, 2 തെസ്സ​ലോ​നി​ക്യർ, 1 തിമൊ​ഥെ​യൊസ്‌, 2 തിമൊ​ഥെ​യൊസ്‌, തീത്തൊസ്‌, ഫിലെ​മോൻ, എബ്രായർ എന്നിവയെ ആധാര​മാ​ക്കി​യു​ള്ളത്‌.