ഇസ്രാ​യേ​ലി​ന്റെ ഒന്നാമത്തെ രാജാവു മുതൽ ബാബി​ലോ​ണി​ലെ തടവുവരെ

ശൗൽ ഇസ്രാ​യേ​ലി​ന്റെ ഒന്നാമത്തെ രാജാ​വാ​യി. എന്നാൽ പിന്നീട്‌ യഹോവ അവനെ തള്ളിക്ക​ള​യു​ക​യും അവനു പകരം ദാവീ​ദി​നെ രാജാ​വാ​യി തിര​ഞ്ഞെ​ടു​ക്കു​ക​യും ചെയ്‌തു. നമ്മൾ ദാവീ​ദി​നെ​ക്കു​റി​ച്ചു ധാരാളം കാര്യങ്ങൾ പഠിക്കും: ചെറു​പ്പ​ത്തിൽത്ത​ന്നെ അവൻ, ഒരു രാക്ഷസ​നോ​ളം വലുപ്പം ഉണ്ടായി​രു​ന്ന മല്ലനായ ഗൊല്യാ​ത്തി​നോ​ടു പൊരു​തി. പിന്നീട്‌ അസൂയ നിറഞ്ഞ ശൗൽരാ​ജാ​വി​ന്റെ കൈയിൽ അകപ്പെ​ടാ​തി​രി​ക്കാൻ അവന്‌ ഓടി​പ്പോ​കേ​ണ്ടി വന്നു. പിന്നെ ഒരിക്കൽ, ഒരു വലിയ മണ്ടത്തരം കാണി​ക്കു​ന്ന​തിൽനിന്ന്‌ അബീഗ​യിൽ എന്ന സുന്ദരി​യാ​യ സ്‌ത്രീ അവനെ രക്ഷിച്ചു.

അടുത്ത​താ​യി, ദാവീ​ദി​നു ശേഷം രാജാ​വാ​യ, അവന്റെ പുത്ര​നാ​യ ശലോ​മോ​നെ​ക്കു​റി​ച്ചു നാം പല കാര്യങ്ങൾ പഠിക്കും. ഇസ്രാ​യേ​ലി​ന്റെ ആദ്യത്തെ മൂന്നു രാജാ​ക്ക​ന്മാർ ഓരോ​രു​ത്ത​രും 40 വർഷം വീതം ഭരിച്ചു. ശലോ​മോ​ന്റെ മരണ​ശേ​ഷം ഇസ്രാ​യേൽ രണ്ടായി പിരിഞ്ഞു. ഒരു ഭാഗം വടക്കേ രാജ്യം എന്നും മറ്റേ ഭാഗം തെക്കേ രാജ്യം എന്നും അറിയ​പ്പെ​ടാൻ തുടങ്ങി.

257 വർഷം കഴിഞ്ഞ​പ്പോൾ വടക്കേ 10 ഗോത്ര രാജ്യം അശ്ശൂരി​നാൽ അഥവാ അസ്സീറി​യ​യാൽ നശിപ്പി​ക്ക​പ്പെ​ട്ടു. പിന്നെ​യു​മൊ​രു 133 വർഷം കഴിഞ്ഞ്‌ തെക്കേ രണ്ടു ഗോത്ര രാജ്യ​വും നശിപ്പി​ക്ക​പ്പെ​ട്ടു. ഈ സമയത്ത്‌ ബാബി​ലോ​ണ്യർ ഇസ്രാ​യേ​ല്യ​രെ തടവു​കാ​രാ​യി ബാബി​ലോ​ണി​ലേ​ക്കു കൊണ്ടു​പോ​യി. ഇത്തരത്തി​ലു​ള്ള ആവേശം​കൊ​ള്ളി​ക്കു​ന്ന അനേകം സംഭവങ്ങൾ നടന്ന 510 വർഷത്തെ ചരി​ത്ര​മാണ്‌ നാലാം ഭാഗത്ത്‌ ഉള്ളത്‌.