‘ഇതു താങ്കൾക്ക്‌ അഭിമാ​ന​ത്തി​നു വക നൽകുന്നു’

യഥാർഥ ദൈവ​ദാ​സർ സത്യസ​ന്ധ​രാ​യി​രി​ക്കു​ന്ന​തി​ന്റെ പ്രാധാ​ന്യം തിരി​ച്ച​റി​യു​ന്നു. തങ്ങളുടെ സ്രഷ്ടാ​വി​നോ​ടുള്ള സ്‌നേ​ഹ​മാണ്‌ അങ്ങനെ ആയിരി​ക്കാൻ അവരെ പ്രേരി​പ്പി​ക്കു​ന്നത്‌. ഉദാഹ​ര​ണ​ത്തിന്‌ ലാസാ​റോ​യു​ടെ കാര്യം​തന്നെ എടുക്കുക. കുറച്ചു​നാൾമുമ്പ്‌ മെക്‌സി​ക്കോ​യി​ലെ വാറ്റൂൽക്കോ​യി​ലുള്ള ഒരു ഹോട്ട​ലിൽ ജോലി ചെയ്യവേ, കാത്തി​രി​പ്പു​മു​റി​യിൽനിന്ന്‌ അദ്ദേഹ​ത്തിന്‌ 70 ഡോളർ (ഏകദേശം 3,000 രൂപ) കളഞ്ഞു​കി​ട്ടി. ഉടൻതന്നെ അദ്ദേഹം ആ പണം ഡ്യൂട്ടി​യി​ലു​ണ്ടാ​യി​രുന്ന മാനേ​ജരെ ഏൽപ്പിച്ചു. കുറച്ചു കഴിഞ്ഞ​പ്പോൾ അദ്ദേഹ​ത്തിന്‌ ഒരു കുളി​മു​റി​യിൽനിന്ന്‌ ഒരു പേഴ്‌സ്‌ കിട്ടി. അദ്ദേഹം അത്‌ റിസപ്‌ഷ​നിൽ ഏൽപ്പിച്ചു. ഇത്‌ അതിന്റെ ഉടമസ്ഥയെ വളരെ​യ​ധി​കം വിസ്‌മ​യി​പ്പി​ക്കു​ക​യും ആഹ്ലാദി​പ്പി​ക്കു​ക​യും ചെയ്‌തു.

ഈ പ്രവർത്ത​നങ്ങൾ ജനറൽ മാനേ​ജ​രു​ടെ ശ്രദ്ധയിൽപ്പെട്ടു. പണവും പേഴ്‌സും തിരികെ ഏൽപ്പി​ക്കാൻ പ്രേരി​പ്പി​ച്ച​തെ​ന്താ​ണെന്ന്‌ അദ്ദേഹം ലാസാ​റോ​യോ​ടു ചോദി​ച്ചു. ബൈബി​ളിൽനി​ന്നു താൻ മനസ്സി​ലാ​ക്കിയ ധാർമിക മൂല്യ​ങ്ങ​ളാണ്‌ തന്റേത​ല്ലാത്ത എന്തെങ്കി​ലും എടുക്കു​ന്ന​തിൽനി​ന്നു തന്നെ തടഞ്ഞ​തെന്ന്‌ ലാസാ​റോ മറുപടി പറഞ്ഞു. ജനറൽ മാനേജർ, വിലമ​തി​പ്പു പ്രകട​മാ​ക്കി​ക്കൊണ്ട്‌ ലാസാ​റോ​യ്‌ക്ക്‌ ഒരു കത്തെഴു​തി. അതിൽ ഇങ്ങനെ എഴുതി​യി​രു​ന്നു: “ഉന്നത ധാർമിക മൂല്യങ്ങൾ ഉയർത്തി​പ്പി​ടി​ക്കുന്ന ആളുകളെ കണ്ടെത്താൻ ഇന്നു ബുദ്ധി​മു​ട്ടാണ്‌. താങ്കളു​ടെ മനോ​ഭാ​വത്തെ ഞങ്ങൾ പ്രശം​സി​ക്കു​ന്നു. സഹജോ​ലി​ക്കാർക്ക്‌ ഒരു മാതൃ​ക​യായ, മാന്യ​നായ ഒരു വ്യക്തി​യാ​ണെന്നു താങ്കൾ സ്വയം തെളി​യി​ച്ചി​രി​ക്കു​ന്നു. ഇതു താങ്കൾക്കും കുടും​ബ​ത്തി​നും അഭിമാ​ന​ത്തി​നു വക നൽകുന്നു.” ആ മാസത്തെ ഏറ്റവും മികച്ച ജീവന​ക്കാ​ര​നെന്ന ബഹുമതി ലാസാ​റോ​യ്‌ക്കു ലഭിച്ചു.

ലാസാ​റോ പണവും പേഴ്‌സും തിരികെ ഏൽപ്പി​ക്കേ​ണ്ടി​യി​രു​ന്നില്ല എന്ന അഭി​പ്രാ​യ​ക്കാ​രാ​യി​രു​ന്നു അദ്ദേഹ​ത്തി​ന്റെ സഹജീ​വ​ന​ക്കാ​രിൽ ചിലർ. എന്നാൽ, തൊഴി​ലു​ട​മ​യു​ടെ പ്രതി​ക​രണം കണ്ടപ്പോൾ ധാർമിക തത്ത്വങ്ങൾ ഉയർത്തി​പ്പി​ടി​ച്ച​തിന്‌ അവർ ലാസാ​റോ​യെ അനു​മോ​ദി​ച്ചു.

‘എല്ലാവർക്കും നന്മചെ​യ്യാ​നും’ ‘സകലത്തി​ലും നല്ലവരാ​യി [“സത്യസ​ന്ധ​രാ​യി,” NW] നടപ്പാ​നും’ ബൈബിൾ യേശു​വി​ന്റെ വിശ്വസ്‌ത അനുഗാ​മി​കളെ ഉദ്‌ബോ​ധി​പ്പി​ക്കു​ന്നു. (ഗലാത്യർ 6:10; എബ്രായർ 13:18) ക്രിസ്‌ത്യാ​നി​കൾ സത്യസന്ധത പ്രകട​മാ​ക്കു​ന്നത്‌ ബൈബി​ളി​ലെ, “നീതി​യും നേരു​മുള്ള” ദൈവ​മായ യഹോ​വ​യ്‌ക്കു മഹത്ത്വം കൈവ​രു​ത്തു​ന്നു എന്നതിനു സംശയ​മില്ല.—ആവർത്ത​ന​പു​സ്‌തകം 32:4.