“ആളുകൾ ഇതൊന്നു മനസ്സി​ലാ​ക്കി​യി​രു​ന്നെ​ങ്കിൽ!”

ഹൈസ്‌കൂൾ വിദ്യാ​ഭ്യാ​സം പൂർത്തി​യാ​ക്കി​യ​ശേഷം, മിക്ക യുവജ​ന​ങ്ങ​ളും ഭൗതിക ലക്ഷ്യങ്ങൾ പിന്തു​ട​രാൻ തീരു​മാ​നി​ക്കു​മ്പോൾ ഡേവി​ഡിന്‌ മറ്റു ചില പദ്ധതി​ക​ളാ​ണു​ണ്ടാ​യി​രു​ന്നത്‌. 2003 സെപ്‌റ്റം​ബ​റിൽ അവനും ഒരു സുഹൃ​ത്തും ഐക്യ​നാ​ടു​ക​ളി​ലെ ഇല്ലി​നോ​യ്‌സിൽനിന്ന്‌ ഡൊമി​നി​ക്കൻ റിപ്പബ്ലി​ക്കി​ലേക്കു താമസം മാറ്റി.a ഡേവി—അങ്ങനെ​യാണ്‌ അവന്റെ കുടും​ബാം​ഗ​ങ്ങ​ളും സുഹൃ​ത്തു​ക്ക​ളും അവനെ സ്‌നേ​ഹ​പൂർവം വിളി​ച്ചി​രു​ന്നത്‌—സ്‌പാ​നീഷ്‌ പഠിക്കാ​നും യഹോ​വ​യു​ടെ സാക്ഷി​ക​ളു​ടെ നാവാസ്‌ സഭയോ​ടൊത്ത്‌ ബൈബിൾ പഠിപ്പി​ക്കൽ പ്രവർത്ത​ന​ത്തിൽ ഏർപ്പെ​ടാ​നും തീരു​മാ​നി​ച്ചു. നാവാസ്‌ സഭ അവനെ ഇരു​കൈ​യും നീട്ടി സ്വീക​രി​ച്ചു. ആ സഭയിലെ ഏക മൂപ്പനായ ജ്വാൻ ഇപ്രകാ​രം പറയുന്നു, “ഡേവി​യോട്‌ എന്ത്‌ ആവശ്യ​പ്പെ​ട്ടാ​ലും അവൻ ചെയ്യു​മാ​യി​രു​ന്നു. അവൻ എപ്പോ​ഴും മറ്റുള്ള​വർക്കു​വേണ്ടി തന്നെത്തന്നെ ഉഴിഞ്ഞു​വെച്ചു. സഹോ​ദ​രങ്ങൾ അവനെ വളരെ​യ​ധി​കം സ്‌നേ​ഹി​ച്ചി​രു​ന്നു.”

ഡേവിക്ക്‌ തന്റെ പുതിയ പ്രദേശം വളരെ ഇഷ്ടമായി. ഐക്യ​നാ​ടു​ക​ളി​ലെ ഒരു സുഹൃ​ത്തിന്‌ ഡേവി ഇങ്ങനെ എഴുതി, “ഇവിടെ ഞാൻ ജീവിതം അങ്ങേയറ്റം ആസ്വദി​ക്കു​ക​യാണ്‌. ശുശ്രൂഷ എത്രയോ നവോ​ന്മേ​ഷ​പ്ര​ദ​മാണ്‌! ഓരോ വീട്ടി​ലും ഞങ്ങൾ 20 മിനി​ട്ടോ​ളം സംസാ​രി​ക്കു​ന്നു, കാരണം ഞങ്ങൾക്കു പറയാ​നു​ള്ള​തെ​ല്ലാം കേൾക്കാ​നുള്ള ആഗ്രഹം അവർക്കുണ്ട്‌. ഞാൻ ഇപ്പോൾത്തന്നെ ആറു ബൈബി​ള​ധ്യ​യ​നങ്ങൾ നടത്തുന്നു, ഞങ്ങൾക്കു കൂടുതൽ സഹായം ആവശ്യ​മാണ്‌. 30 രാജ്യ​ഘോ​ഷകർ മാത്ര​മുള്ള ഞങ്ങളുടെ സഭയിൽ ഒരു യോഗ​ത്തിന്‌ 103 പേർ ഹാജരാ​യി!”

സങ്കടക​ര​മെ​ന്നു പറയട്ടെ, 2004 ഏപ്രിൽ 24-ന്‌ ഒരു അപകടം ഡേവി​യു​ടെ​യും, അതേ സഭയിലെ മറ്റൊരു യുവസ​ഹോ​ദ​ര​ന്റെ​യും ജീവൻ അപഹരി​ച്ചു. ആ നിമി​ഷം​വ​രെ​യും തന്റെ വേലയിൽ ഡേവി ഉത്സാഹ​ഭ​രി​ത​നാ​യി​രു​ന്നു. തന്നെയു​മല്ല തന്നോ​ടൊ​പ്പം ഈ വേലയിൽ പങ്കു​ചേ​രാൻ അവൻ സ്വദേ​ശ​ത്തുള്ള യുവജ​ന​ങ്ങളെ പ്രോ​ത്സാ​ഹി​പ്പി​ക്കു​ക​യും ചെയ്‌തി​രു​ന്നു. ഒരു യുവസാ​ക്ഷി​യോട്‌ അവൻ ഇങ്ങനെ പറഞ്ഞു, “അത്‌ നിങ്ങളു​ടെ വീക്ഷണ​ങ്ങൾക്കു​തന്നെ മാറ്റം വരുത്തും.”

ഡേവി​യു​ടെ​ത​ന്നെ വീക്ഷണ​ത്തിൽവന്ന ഒരു മാറ്റം ഭൗതിക കാര്യ​ങ്ങ​ളോ​ടു ബന്ധപ്പെ​ട്ട​താ​യി​രു​ന്നു. ഡേവി​യു​ടെ പിതാവ്‌ അനുസ്‌മ​രി​ക്കു​ന്നു, “ഒരിക്കൽ അവൻ വീട്ടിൽ വന്നപ്പോൾ ഹിമപ​ര്യ​ട​ന​ത്തി​നു പോകാ​നുള്ള ഒരു ക്ഷണം ലഭിച്ചു. അതിന്‌ എന്തുമാ​ത്രം ചെലവു വരു​മെന്ന്‌ അവൻ ചോദി​ച്ചു. തുക കേട്ടു​ക​ഴി​ഞ്ഞ​പ്പോൾ, ആ പണമു​ണ്ടെ​ങ്കിൽ തനിക്കു മാസങ്ങ​ളോ​ളം ഡൊമി​നി​ക്കൻ റിപ്പബ്ലി​ക്കിൽ കഴിയാ​മെ​ന്നും അതു​കൊണ്ട്‌ ആ പര്യട​ന​ത്തി​നു​വേണ്ടി ഒരിക്ക​ലും താൻ അത്രയും പണം ചെലവാ​ക്കി​ല്ലെ​ന്നും അവൻ പറഞ്ഞു.”

ഡേവി​യു​ടെ തീക്ഷ്‌ണത മറ്റുള്ള​വ​രെ​യും സ്വാധീ​നി​ച്ചു. അവന്റെ സ്വദേ​ശത്തെ ഒരു യുവതി പറയുന്നു, “ഡേവി ചെയ്‌തു​കൊ​ണ്ടി​രുന്ന കാര്യ​ങ്ങ​ളെ​യും അവൻ അനുഭ​വിച്ച സന്തോ​ഷ​ത്തെ​യും കുറിച്ചു കേട്ട​പ്പോൾ എനിക്കും അതു​പോ​ലെ ചെയ്യണ​മെന്നു തോന്നി. ഞാൻ മരിച്ചാൽ ആളുകൾ എന്നെക്കു​റിച്ച്‌ എന്തു പറയു​മെ​ന്നും അവരുടെ ജീവി​ത​ത്തിൽ ഇതു​പോ​ലെ ക്രിയാ​ത്മക സ്വാധീ​നം ചെലു​ത്താൻ എനിക്കു സാധി​ക്കു​മോ​യെ​ന്നും ചിന്തി​ക്കാൻ ഡേവി​യു​ടെ മരണം എന്നെ പ്രേരി​പ്പി​ച്ചു.”

യഹോ​വ​യു​ടെ സാക്ഷി​ക​ളെന്ന നിലയിൽ, ഡേവി​യു​ടെ മാതാ​പി​താ​ക്കൾക്കും കൂടെ​പ്പി​റ​പ്പു​കൾക്കും, വരാനി​രി​ക്കുന്ന നീതി വസിക്കുന്ന പുതിയ ലോക​ത്തിൽ ദൈവം അവനെ പുനരു​ത്ഥാ​ന​ത്തിൽ കൊണ്ടു​വ​രു​മെ​ന്നുള്ള ഉറച്ച വിശ്വാ​സ​മുണ്ട്‌. (യോഹ​ന്നാൻ 5:28, 29; വെളി​പ്പാ​ടു 21:1-5എ) ആ സമയം വന്നെത്തും​വരെ, സ്രഷ്ടാ​വി​നെ സേവി​ച്ചു​കൊണ്ട്‌ ഡേവി തന്റെ ജീവിതം ഏറ്റവും മെച്ചമായ രീതി​യിൽ ഉപയോ​ഗി​ച്ചു എന്ന അറിവ്‌ അവർക്ക്‌ ആശ്വാസം പകരുന്നു. (സഭാ​പ്ര​സം​ഗി 12:1) ആവശ്യം കൂടു​ത​ലുള്ള പ്രദേ​ശത്തു സേവി​ക്കുക എന്ന തന്റെ തീരു​മാ​ന​ത്തെ​ക്കു​റി​ച്ചു സംസാ​രി​ക്കവേ ഒരിക്കൽ ഡേവി ഇങ്ങനെ പറഞ്ഞു: “ഓരോ യുവവ്യ​ക്തി​യും ഇതു​പോ​ലെ എന്തെങ്കി​ലും ചെയ്യണ​മെ​ന്നും ഞാൻ അനുഭ​വി​ക്കുന്ന സംതൃ​പ്‌തി ആസ്വദി​ക്ക​ണ​മെ​ന്നും ഞാൻ ആശിച്ചു​പോ​കു​ന്നു. നമുക്കു​ള്ള​തെ​ല്ലാം​കൊണ്ട്‌ യഹോ​വയെ സേവി​ക്കു​ന്ന​തി​നെ​ക്കാൾ മെച്ചമാ​യി മറ്റൊ​ന്നു​മില്ല. ആളുകൾ ഇതൊന്നു മനസ്സി​ലാ​ക്കി​യി​രു​ന്നെ​ങ്കിൽ!”

[അടിക്കു​റിപ്പ്‌]