കാണ്മിൻ! ആ ‘നല്ല ദേശം’
“ഈ അത്ഭുതകരമായ ഉപകരണമായിരുന്നു എനിക്ക് ആവശ്യമായിരുന്നത്,” സമീപ കാലത്തു പ്രസിദ്ധീകരിക്കപ്പെട്ട, ബൈബിൾ ഭൂപടങ്ങളുടെ ഒരു കലവറയായ കാണ്മിൻ! ആ ‘നല്ല ദേശം’ എന്ന ലഘുപത്രിക പരിശോധിച്ചതിനുശേഷം ഒരു സ്ത്രീ എഴുതിയതാണ് ഇത്. “ഇപ്പോൾ തിരുവെഴുത്തുകളിലെ സ്ഥലങ്ങളും ആളുകളും സാഹചര്യങ്ങളും ഒക്കെ കൺമുമ്പിൽ വന്നുനിൽക്കുന്നതുപോലെ തോന്നുന്നു.”
36 പേജുള്ള, പൂർണമായും ബഹുവർണത്തിൽ അച്ചടിച്ചിട്ടുള്ള ഈ ലഘുപത്രിക ബൈബിൾ വിവരണങ്ങൾ ഭാവനയിൽ കാണാൻ ബൈബിൾ വിദ്യാർഥികളെ സഹായിക്കുന്നു. “ആലയം ഇരിക്കുന്നിടവും ചുറ്റുപാടുമുള്ള പ്രദേശവും തമ്മിലുള്ള ഉയര വ്യത്യാസം കാണുമ്പോഴാണ് യഹോവയുടെ ‘ഉന്നത’ ആരാധനയെ കുറിച്ചു പറയുന്ന തിരുവെഴുത്തുകളുടെ അർഥം ശരിക്കും മനസ്സിലാകുന്നത്,” കത്തു തുടരുന്നു. “സങ്കേത നഗരങ്ങളുടെ വിന്യാസവും എബ്രായ, ഗ്രീക്ക് തിരുവെഴുത്തുകളിൽ പരാമർശിച്ചിരിക്കുന്ന മറ്റു സ്ഥലങ്ങളുടെ സ്ഥാനവും വ്യക്തമായി മനസ്സിലാക്കാൻ കഴിയുന്നത് വളരെ സഹായകമാണ്. ഞാൻ ഈ മനോഹരമായ ലഘുപത്രിക ഉപയോഗിച്ച് ബൈബിൾ പുസ്തകമായ പ്രവൃത്തികൾ പഠിക്കാൻ തുടങ്ങിയിരിക്കുന്നു.”
ആ സ്ത്രീ ഇങ്ങനെ ഉപസംഹരിച്ചു: “ദൈവവചനം വായിക്കുമ്പോഴെല്ലാം ഈ മനോഹരമായ ഉപഹാരം ഞാൻ ഉപയോഗിക്കും.”
കാണ്മിൻ! ആ ‘നല്ല ദേശം’ എന്ന ഈ ലഘുപത്രികയെ കുറിച്ചു കൂടുതൽ വിവരങ്ങൾ ലഭിക്കുന്നതിന് ഇതോടൊപ്പമുള്ള കൂപ്പൺ പൂരിപ്പിച്ച് ഈ മാസികയുടെ 5-ാം പേജിലെ അനുയോജ്യമായ മേൽവിലാസത്തിൽ അയച്ചാൽ മതിയാകും. (g04 5/8)
□ കടപ്പാടുകളൊന്നും കൂടാതെ, കാണ്മിൻ! ആ ‘നല്ല ദേശം’ എന്ന പ്രസിദ്ധീകരണത്തെ കുറിച്ച് കൂടുതൽ വിവരങ്ങൾ അറിയാൻ ഞാൻ ആഗ്രഹിക്കുന്നു.
□ സൗജന്യ ഭവന ബൈബിൾ പഠനപരിപാടിയിൽ പങ്കെടുക്കാൻ താത്പര്യമുണ്ട്. എന്റെ മേൽവിലാസം ഈ കൂപ്പണിൽ കൊടുത്തിരിക്കുന്നു:
[32-ാം പേജിലെ ചിത്രങ്ങൾക്ക് കടപ്പാട്]
Pictorial Archive (Near Eastern History) Est.