അത് കാറ്റത്തു പറന്നുവന്നു
ഇന്ത്യയിലെ മുംബൈ നഗരത്തിലൂടെ ഒരാൾ നടന്നു പോകുകയായിരുന്നു. പെട്ടെന്ന് ഒരു ലഘുലേഖ കാറ്റത്തു പറന്നു വന്ന് അദ്ദേഹത്തിന്റെ കാൽച്ചുവട്ടിൽ വീണു. പുതിയ സഹസ്രാബ്ദം—നിങ്ങളുടെ ഭാവി ശോഭനമായിരിക്കുമോ? എന്ന രാജ്യവാർത്ത നമ്പർ 36 ആയിരുന്നു അത്. ആ വിഷയം അദ്ദേഹത്തിന്റെ ശ്രദ്ധയാകർഷിച്ചു. അദ്ദേഹം ഉടനെതന്നെ ആ ലഘുലേഖ മുഴുവനും വായിച്ചു. വായിച്ച കാര്യങ്ങളിൽ താത്പര്യം തോന്നിയ അദ്ദേഹം കൂടുതൽ അറിയാനായി ഒരു ബൈബിളും മറ്റു പ്രസിദ്ധീകരണങ്ങളും ആവശ്യപ്പെട്ടു.
യഹോവയുടെ സാക്ഷികൾ പ്രസിദ്ധീകരിച്ച ആ ലഘുലേഖയിൽ വിശ്വാസത്തെ ശക്തിപ്പെടുത്തുന്ന വിവരങ്ങൾ അടങ്ങിയിരിക്കുന്നു. രോഗം, ദാരിദ്ര്യം, യുദ്ധം എന്നിവ ഉൾപ്പെടെ നാം നേരിടുന്ന പ്രശ്നങ്ങളുടെ അടിസ്ഥാന കാരണങ്ങൾ “അത്യാഗ്രഹവും അവിശ്വാസവും സ്വാർഥതയും ആണെന്നും ശാസ്ത്രീയ ഗവേഷണങ്ങളിലൂടെയോ സാങ്കേതിക വിദ്യകളിലൂടെയോ രാഷ്ട്രീയത്തിലൂടെയോ ആ പ്രവണതകളെ നിർമാർജനം ചെയ്യാനാവില്ലെന്നും” അതു വിശദമാക്കുന്നു. സമീപഭാവിയിൽ ദൈവം ഈ ഭൂമിയെ സകല ദുഷ്ടതയിൽ നിന്നും വിമുക്തമാക്കുമെന്നും ഈ ലഘുലേഖ പറയുന്നു.
ഭാവിയെ സംബന്ധിച്ച ബൈബിൾ വാഗ്ദാനത്തെക്കുറിച്ചു കൂടുതൽ പഠിക്കാൻ നിങ്ങൾക്കു താത്പര്യമുണ്ടോ? ദൈവം നമ്മിൽനിന്ന് എന്ത് ആവശ്യപ്പെടുന്നു? എന്ന ലഘുപത്രികപോലുള്ള ബൈബിൾ അധിഷ്ഠിത പ്രസിദ്ധീകരണങ്ങൾ ഉപയോഗിച്ചുകൊണ്ട് യഹോവയുടെ സാക്ഷികൾ ലക്ഷക്കണക്കിന് ആളുകളുടെ ഭവനങ്ങളിൽ ബൈബിൾ പഠിപ്പിക്കുന്നു. ദൈവം ആരാണ്? ഭൂമിയെ സംബന്ധിച്ച ദൈവത്തിന്റെ ഉദ്ദേശ്യം എന്താണ്? ദൈവരാജ്യം എന്താണ്? നിങ്ങളുടെ കുടുംബജീവിതം മെച്ചപ്പെടുത്താൻ ബൈബിളിന് എങ്ങനെ കഴിയും? എന്നിങ്ങനെയുള്ള ചോദ്യങ്ങൾക്ക് ഈ ലഘുപത്രിക ഉത്തരം നൽകുന്നു.
തൊട്ടടുത്ത ഭാവിയിൽ ദൈവം എന്തു ചെയ്യാൻ പോകുന്നു എന്നതിനെക്കുറിച്ചു മനസ്സിലാക്കാൻ നിങ്ങളെ സഹായിക്കുന്നതിന് യഹോവയുടെ സാക്ഷികൾ നിങ്ങളുടെ ഭവനം സന്ദർശിക്കുന്നതിൽ നിങ്ങൾക്കു താത്പര്യമുണ്ടോ? എങ്കിൽ അങ്ങനെ ചെയ്യാനും ദൈവരാജ്യത്തെക്കുറിച്ചുള്ള കൂടുതൽ വിവരങ്ങൾ നൽകാനും അവർക്കു സന്തോഷമേയുള്ളൂ. താഴെ കൊടുത്തിരിക്കുന്ന കൂപ്പൺ പൂരിപ്പിച്ച് ഈ മാസികയുടെ 5-ാം പേജിലെ അനുയോജ്യമായ ഒരു മേൽവിലാസത്തിൽ യഹോവയുടെ സാക്ഷികൾക്ക് അയയ്ക്കുക. (g03 1/22)
□ ദൈവം നമ്മിൽനിന്ന് എന്ത് ആവശ്യപ്പെടുന്നു? എന്ന ലഘുപത്രികയെ കുറിച്ച് കൂടുതൽ വിവരങ്ങൾ എനിക്ക് അയച്ചുതരിക.
□ സൗജന്യ ഭവന ബൈബിൾ പഠനപരിപാടിയിൽ പങ്കെടുക്കാൻ താത്പര്യമുണ്ട്. എന്റെ മേൽവിലാസം ഈ കൂപ്പണിൽ കൊടുത്തിരിക്കുന്നു: