‘നിങ്ങളു​ടെ പ്രവർത്തനം സമൂഹ​ത്തി​നു ഗുണക​ര​മാ​യി​രി​ക്കു​ന്നത്‌ എങ്ങനെ?’

ഇന്ത്യക്കാ​ര​നായ ചന്ദ്രകാന്ത്‌ പട്ടേൽ എന്ന പത്ര​പ്ര​വർത്തകൻ, ന്യൂ​യോർക്കി​ലെ ബ്രൂക്ലി​നി​ലുള്ള യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​നത്തു സേവി​ക്കുന്ന ഒരു വ്യക്തി​യോ​ടു ചോദിച്ച ചോദ്യ​മാണ്‌ ഇത്‌. യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​നം സന്ദർശി​ക്കാൻ എത്തിയ​താ​യി​രു​ന്നു ശ്രീ. പട്ടേൽ. അവിടെ കണ്ടതും കേട്ടതു​മായ കാര്യങ്ങൾ അദ്ദേഹ​ത്തിൽ വളരെ മതിപ്പു​ള​വാ​ക്കി. ഇന്ത്യയിൽ തിരി​ച്ചെ​ത്തി​യ​ശേഷം ഒരു ഗുജറാ​ത്തി പത്രത്തി​നു​വേണ്ടി ഒരു ലേഖനം എഴുതാൻ ഇത്‌ അദ്ദേഹത്തെ പ്രേരി​പ്പി​ച്ചു.

ശ്രീ. പട്ടേൽ തന്റെ ലേഖന​ത്തിൽ യഹോ​വ​യു​ടെ സാക്ഷി​ക​ളു​ടെ ചില വിശ്വാ​സ​ങ്ങളെ ഇന്ത്യയി​ലെ, ക്രിസ്‌തീ​യ​മെന്ന്‌ അവകാ​ശ​പ്പെ​ടുന്ന മറ്റു സഭകളു​ടേ​തു​മാ​യി വിപരീത താരത​മ്യം ചെയ്‌തു. ത്രിത്വ​ത്തെ കുറി​ച്ചുള്ള ക്രൈ​സ്‌തവ സഭകളു​ടെ സർവസാ​ധാ​ര​ണ​മായ പഠിപ്പി​ക്ക​ലിൽനി​ന്നു വ്യത്യ​സ്‌ത​മാ​യി യഹോ​വ​യു​ടെ സാക്ഷികൾ യഹോവ എന്ന സർവശ​ക്ത​നായ ദൈവ​ത്തി​ലാ​ണു വിശ്വ​സി​ക്കു​ന്ന​തെ​ന്നും അവർ തങ്ങളുടെ ആരാധ​ന​യിൽ വിഗ്ര​ഹങ്ങൾ ഉപയോ​ഗി​ക്കു​ന്നി​ല്ലെ​ന്നും അദ്ദേഹം എഴുതി. വ്യഭി​ചാ​രം, ഗർഭച്ഛി​ദ്രം, സഹമനു​ഷ്യ​നെ വെറു​ക്കു​ക​യോ കൊല്ലു​ക​യോ ചെയ്യൽ എന്നിവ​യു​ടെ കാര്യ​ത്തിൽ ബൈബി​ളിൽ പ്രതി​പാ​ദി​ച്ചി​രി​ക്കുന്ന ക്രിസ്‌തീയ മൂല്യ​ങ്ങളെ യഹോ​വ​യു​ടെ സാക്ഷികൾ മുറുകെ പിടി​ക്കു​ന്ന​തു​കൊണ്ട്‌ അവരു​ടേത്‌ ഉന്നത തത്ത്വങ്ങ​ളാണ്‌ എന്ന്‌ അദ്ദേഹം അഭി​പ്രാ​യ​പ്പെട്ടു. സാക്ഷി​കളെ ശാന്തശീ​ല​രും സ്‌നേ​ഹ​സ​മ്പ​ന്ന​രും ദീർഘ​ക്ഷ​മ​യു​ള്ള​വ​രും സേവന​ത​ത്‌പ​ര​രും ആയി അദ്ദേഹം വിശേ​ഷി​പ്പി​ച്ചു. കൂടാതെ, ബൈബിൾ സന്ദേശം പ്രചരി​പ്പി​ക്കു​ന്ന​തിൽ അവർ നിർഭ​യ​രും തീക്ഷ്‌ണ​ത​യു​ള്ള​വ​രും ആണെന്നും അദ്ദേഹം ചൂണ്ടി​ക്കാ​ട്ടി.

‘നിങ്ങളു​ടെ പ്രവർത്തനം സമൂഹ​ത്തി​നു ഗുണകരം ആയിരി​ക്കു​ന്നത്‌ എങ്ങനെ?’ എന്ന ചോദ്യ​ത്തിന്‌ ഇന്ത്യക്കാ​ര​നായ ഈ പത്ര​പ്ര​വർത്ത​കന്‌ എന്ത്‌ ഉത്തരമാ​ണു ലഭിച്ചത്‌? അദ്ദേഹം എഴുതി: ‘ബൈബിൾ പഠനം ജീവി​ത​ത്തി​ന്റെ എല്ലാ മണ്ഡലങ്ങ​ളി​ലും ഗുണം ചെയ്യും എന്നായി​രു​ന്നു ഉത്തരം.’ ആരോഗ്യ സംരക്ഷണം, തൊഴിൽ എന്നിവ​യു​ടെ കാര്യ​ത്തിൽ ബൈബിൾ പഠനം ഗുണകരം ആയിരി​ക്കു​ന്നത്‌ എങ്ങനെ എന്നറി​യാൻ ശ്രീ. പട്ടേലി​നു വിശേ​ഷി​ച്ചും താത്‌പ​ര്യം ഉണ്ടായി​രു​ന്നു. തനിക്കു ലഭിച്ച വിവര​ണ​ത്തി​ന്റെ ഭാഗങ്ങൾ പരാമർശി​ച്ചു​കൊണ്ട്‌ അദ്ദേഹം എഴുതി: ‘ഒരു വ്യക്തി പുകയില, മയക്കു​മ​രു​ന്നു​കൾ എന്നിങ്ങ​നെ​യുള്ള ഹാനി​ക​ര​മായ വസ്‌തു​ക്കൾ വർജി​ക്കാ​നുള്ള തിരു​വെ​ഴു​ത്തു​പ​ദേശം പിൻപ​റ്റു​ക​യും ശുദ്ധമായ ജീവിതം നയിക്കു​ക​യും ചെയ്യു​ന്നെ​ങ്കിൽ അയാൾക്കു വിവിധ രോഗ​ങ്ങ​ളിൽനി​ന്നു സംരക്ഷണം ലഭിക്കും. അധ്വാ​ന​ശീ​ല​രും ശുദ്ധമായ ജീവിതം നയിക്കു​ന്ന​വ​രും സത്യസ​ന്ധ​രും ആയ വ്യക്തി​കൾക്കു കൂടുതൽ തൊഴിൽ സാധ്യ​ത​യുണ്ട്‌. ദയയോ​ടും സ്‌നേ​ഹ​ത്തോ​ടും കൂടെ പ്രശ്‌നങ്ങൾ പറഞ്ഞു​തീർക്കു​ന്നതു മറ്റുള്ള​വ​രു​മാ​യി സമാധാ​ന​പൂർണ​മായ ബന്ധങ്ങൾ സ്ഥാപി​ക്കാൻ വഴി​യൊ​രു​ക്കും. അതു​കൊണ്ട്‌ ബൈബി​ളിൽ പറഞ്ഞി​രി​ക്കുന്ന കാര്യങ്ങൾ ആളുകളെ പഠിപ്പി​ക്കു​ന്നതു സമൂഹ​ത്തി​നു ഗുണം ചെയ്യും.’

യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​നത്ത്‌ ബൈബിൾ ഉപദേ​ശ​ങ്ങ​ളു​ടെ പ്രാവർത്തി​ക​മാ​ക്കൽ ഈ പത്ര​പ്ര​വർത്തകൻ ദർശി​ക്കാ​നി​ട​യാ​യി. ആത്മീയ പ്രവർത്ത​ന​ങ്ങ​ളു​ടെ ഈ കേന്ദ്ര​സ്ഥാ​നത്തു വേല ചെയ്യുന്ന അർപ്പി​ത​രായ സ്വമേ​ധയാ സേവക​രു​ടെ ശുചി​ത്വ​ത്തെ​യും പ്രസന്ന​ത​യെ​യും അദ്ദേഹം തന്റെ ലേഖന​ത്തിൽ പ്രശം​സി​ച്ചു. ബൈബിൾ പഠിപ്പി​ക്ക​ലു​ക​ളിൽനി​ന്നു പ്രയോ​ജനം അനുഭ​വി​ക്കാൻ നിങ്ങൾക്കും കഴിയും. അത്‌ എങ്ങനെ​യെന്നു കാണിച്ചു തരാൻ യഹോ​വ​യു​ടെ സാക്ഷി​കൾക്കു സന്തോ​ഷ​മാ​യി​രി​ക്കും.

[31-ാം പേജിലെ ചിത്ര​ത്തിന്‌ കടപ്പാട്‌]

പത്ര പശ്ചാത്തലം: Courtesy Naya Padkar, Gujarati Daily published from Anand, India