അയാൾക്കു പണം തിരി​ച്ചു​കി​ട്ടി

പശ്ചിമാ​ഫ്രി​ക്കൻ രാജ്യ​മായ നൈജീ​രി​യ​യി​ലൂ​ടെ ടാക്‌സി​യാ​യിട്ട്‌ ഓടുന്ന ഒരു വാനിൽ സഞ്ചരി​ക്കു​ക​യാ​യി​രുന്ന ഒരു വ്യക്തി കൂടെ​യു​ണ്ടാ​യി​രുന്ന യാത്ര​ക്കാ​ര​നു​മാ​യി ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രി​ക​യി​ലെ “ദൈവം വെറു​ക്കുന്ന നടപടി​കൾ” എന്ന പാഠം ചർച്ച ചെയ്‌തു. വാൻ ഒരു റസ്റ്ററന്റി​ന്റെ അരികിൽ നിർത്തി​യ​പ്പോൾ ലഘുപ​ത്രി​ക​യിൽ അതിയായ താത്‌പ​ര്യം പ്രകടി​പ്പിച്ച ആ മനുഷ്യൻ തന്റെ കയ്യിലു​ണ്ടാ​യി​രുന്ന പൊതി കാട്ടി​ക്കൊണ്ട്‌ പറഞ്ഞു: “ഇതു പണമാണ്‌. . . . വാനിന്റെ പുറകിൽ വെച്ചി​രി​ക്കുന്ന ഒരു ബാഗിൽനി​ന്നാണ്‌ ഞാൻ ഇതു മോഷ്ടി​ച്ചത്‌.”

പണം മോഷ്ടിച്ച ഈ വ്യക്തിക്കു താൻ ചെയ്‌തതു തെറ്റാ​ണെന്നു മനസ്സി​ലാ​യി. അത്‌ ഉടമസ്ഥനെ തിരി​ച്ചേൽപ്പി​ക്കാൻ അയാൾ ആഗ്രഹി​ച്ചു. അതിൽ യാത്ര ചെയ്‌തി​രുന്ന ഒരു യുവ വ്യാപാ​രി പൊതി തന്റേതാ​ണെന്നു തിരി​ച്ച​റി​ഞ്ഞു. അതിൽ 1,50,000 നൈറ (ഏതാണ്ട്‌ 1,700 ഡോളർ) ഉണ്ടായി​രു​ന്നു. 500 കിലോ​മീ​റ്റർ ദൂരം വ്യാപാ​രി​യെ പിന്തു​ടർന്നി​രുന്ന ഈ മോഷ്ടാവ്‌, പത്രി​ക​യി​ലെ വിവരങ്ങൾ താനു​മാ​യി പങ്കുവെച്ച വ്യക്തിക്കു നന്ദി പറയണ​മെന്ന്‌ വ്യാപാ​രി​യോ​ടു പറഞ്ഞു. പത്രി​ക​യി​ലെ വിവരം ആയിരു​ന്നു പണം തിരികെ ഏൽപ്പി​ക്കാൻ തന്നെ പ്രേരി​പ്പി​ച്ചത്‌ എന്ന്‌ അയാൾ വിവരി​ച്ചു.

സംഭവത്തെ കുറിച്ച്‌ ഡ്രൈ​വ​റും മറ്റു യാത്ര​ക്കാ​രും മനസ്സി​ലാ​ക്കി​യ​പ്പോൾ അവർക്കൊ​ക്കെ അത്ഭുത​മാ​യി. അവർക്കും പത്രി​ക​യു​ടെ പ്രതികൾ വേണ​മെ​ന്നാ​യി. വ്യാപാ​രി മുമ്പ്‌ തന്നോടു സംസാ​രി​ക്കാൻ സാക്ഷി​കളെ അനുവ​ദി​ച്ചി​രു​ന്നില്ല. എന്നാൽ ഇപ്പോൾ അദ്ദേഹം ഒരു ബൈബിൾ അധ്യയനം വേണ​മെന്ന്‌ അഭ്യർഥി​ച്ചു.

ഇതോ​ടൊ​പ്പം ഉള്ള കൂപ്പൺ പൂരി​പ്പിച്ച്‌ അതിൽ നൽകി​യി​രി​ക്കുന്ന മേൽവി​ലാ​സ​ത്തി​ലോ ഈ മാസി​ക​യു​ടെ 5-ാം പേജിലെ അനു​യോ​ജ്യ​മായ മേൽവി​ലാ​സ​ത്തി​ലോ അയയ്‌ക്കു​ന്നെ​ങ്കിൽ നിങ്ങൾക്കും 32 പേജു​ക​ളുള്ള ഈ അമൂല്യ പത്രി​ക​യു​ടെ ഒരു പ്രതി ലഭിക്കു​ന്ന​താ​യി​രി​ക്കും.

□ ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രി​ക​യു​ടെ ഒരു പ്രതി അയച്ചു തരിക. ഏതു ഭാഷയിൽ വേണ​മെ​ന്ന​തു

□ സൗജന്യ ഭവന ബൈബിൾ അധ്യയ​ന​ത്തി​നു താത്‌പ​ര്യ​മുണ്ട്‌, എന്റെ വിലാസം: