മേഘങ്ങളെ ഉപയു​ക്ത​മാ​ക്കൽ

തെക്കേ അമേരി​ക്ക​യി​ലെ ഉണരുക! ലേഖകൻ

മൂടൽമ​ഞ്ഞിൽനി​ന്നു വെള്ളം ശേഖരി​ക്കുന്ന പുരാതന അറബി​ക​ളു​ടെ വിദ്യ സ്വന്തമാ​ക്കു​ന്ന​തിൽ ചിലി​യി​ലെ ഗവേഷകർ വിജയി​ച്ചി​രി​ക്കു​ന്നു. “ഒമാനി​ലെ മണലാ​ര​ണ്യ​ങ്ങ​ളി​ലുള്ള ഒലിവു വൃക്ഷങ്ങളെ നൂറ്റാ​ണ്ടു​ക​ളാ​യി പോഷി​പ്പി​ക്കു​ന്നത്‌ മൂടൽമ​ഞ്ഞിൽനി​ന്നുള്ള വെള്ളമാണ്‌. ഇലകളിൽ ശേഖരി​ക്ക​പ്പെ​ടുന്ന ഈ വെള്ളം മരച്ചു​വ​ട്ടിൽ സ്ഥാപി​ച്ചി​രി​ക്കുന്ന ചെറിയ ടാങ്കു​ക​ളി​ലേക്ക്‌ ഇറ്റിറ്റു​വീ​ഴു​ന്നു”വെന്ന്‌ വാർത്താ​പ​ത്രി​ക​യായ ഹെൽത്ത്‌ ഇന്റർഅ​മേ​രിക്ക വിശദീ​ക​രി​ക്കു​ന്നു. ഒലിവു വൃക്ഷങ്ങൾക്കു​പ​കരം ഗവേഷകർ മണലാ​ര​ണ്യ​ങ്ങ​ളി​ലെ പർവത​പ്ര​ദേ​ശ​ങ്ങ​ളിൽ വലിയ വലകൾ സ്ഥാപിച്ചു. സമു​ദ്ര​ത്തിൽനിന്ന്‌ കാറ്റടി​ച്ചു​വ​രുന്ന മൂടൽമഞ്ഞ്‌ ആ വലകളെ പതിവാ​യി മൂടുന്നു. വലിയ വോളീ​ബോൾ വലകൾപോ​ലുള്ള അവ മൂടൽമ​ഞ്ഞിൽനിന്ന്‌ നീർത്തു​ള്ളി​കൾ ശേഖരി​ക്കു​ന്നു. ഇവ ഒരു ഓവി​ലേക്ക്‌ തുള്ളി​തു​ള്ളി​യാ​യി വീഴു​ക​യും അവി​ടെ​നിന്ന്‌ ഒരു പൈപ്പു​ലൈ​നി​ലേക്കു പോകു​ക​യും ചെയ്യുന്നു. പൈപ്പു​ലൈ​നി​ലൂ​ടെ ജലം ഒരു സംഭര​ണി​യി​ലെ​ത്തു​ന്നു.

ചിലി​യു​ടെ വടക്കൻ തീരദേശ മണലാ​ര​ണ്യ​ത്തി​ലെ ചുങ്കു​ങ്കോ എന്ന കൊച്ചു ഗ്രാമം ഈ സംവി​ധാ​ന​ത്തി​ന്റെ ഫലപ്ര​ദ​ത്വം തെളി​യി​ച്ചി​രി​ക്കു​ന്നു. പതിന്നാ​ലു വർഷം മുമ്പ്‌ ചുങ്കു​ങ്കോ നിവാ​സി​കൾക്ക്‌ ശുദ്ധജല ഉറവു​ക​ളൊ​ന്നും ഉണ്ടായി​രു​ന്നി​ല്ലെന്ന്‌ കാനഡ​യി​ലെ അന്താരാ​ഷ്‌ട്ര വികസന ഗവേഷ​ണ​കേ​ന്ദ്രം പ്രസി​ദ്ധീ​ക​രിച്ച ഐഡി​ആർസി റിപ്പോർട്ട്‌സ്‌ എന്ന മാഗസിൻ പറയുന്നു. ദിവസ​വും 5,000 ലിറ്റർ വെള്ളം ട്രക്കു​ക​ളിൽ അവിടെ എത്തിയി​രു​ന്നു, ഓരോ കുടും​ബ​ത്തി​നും പ്രതി​ദി​നം 3 മുതൽ 14 വരെ ലിറ്റർ വെള്ളം​കൊ​ണ്ടു തൃപ്‌തി​പ്പെ​ടേ​ണ്ടി​വന്നു. എന്നാൽ, അത്ഭുത​ക​ര​മെന്നു പറയട്ടെ, ഗ്രാമ​ത്തിൽ തലയു​യർത്തി നിൽക്കുന്ന പർവത​ങ്ങ​ളിൽ സ്ഥാപി​ച്ചി​രി​ക്കുന്ന 75 മൂടൽമഞ്ഞു ശേഖരണ വലകളു​ടെ സഹായ​ത്താൽ ഇന്ന്‌ 11,000 ലിറ്റർ വെള്ളം ചുങ്കു​ങ്കോ​യി​ലേക്ക്‌ ഒഴുകു​ന്നുണ്ട്‌. ഇത്‌ ഓരോ ഗ്രാമ​വാ​സി​ക്കും ദിവസേന 30 ലിറ്റർ വെള്ളം ലഭ്യമാ​ക്കു​ന്നു. മൂടൽമ​ഞ്ഞിൽനി​ന്നുള്ള ഈ ജലശേ​ഖരണ സംവി​ധാ​നം ഗ്രാമ​വാ​സി​ക​ളു​ടെ ആരോ​ഗ്യം മെച്ച​പ്പെ​ടു​ത്തി​യി​രി​ക്കു​ന്നു​വെന്ന്‌ മേഘ ഭൗതി​ക​ജ്ഞ​നും ഗവേഷ​ക​നു​മായ ഡോ. റോബർട്ട്‌ ഷിമെ​നൗ​വെർ പറയുന്നു. “എല്ലാവ​രും സ്വന്തം പച്ചക്കറി​ത്തോ​ട്ട​ങ്ങ​ളിൽനി​ന്നും ഫലവൃ​ക്ഷ​ത്തോ​പ്പു​ക​ളിൽനി​ന്നു​മുള്ള ഭക്ഷ്യോ​ത്‌പ​ന്നങ്ങൾ കഴിക്കു​ന്നു.”

മൂടൽമ​ഞ്ഞു​വെ​ള്ളം ആരോ​ഗ്യ​ക​ര​മാ​ണെന്നു മാത്രമല്ല, ചെലവു കുറഞ്ഞ​തു​മാണ്‌. അണക്കെട്ടു നിർമി​ക്കാൻ കോടി​ക്ക​ണ​ക്കി​നു ഡോളർ ആവശ്യ​മു​ള്ള​പ്പോൾ മേൽപ്പറഞ്ഞ ഉപകര​ണങ്ങൾ സ്ഥാപി​ക്കു​ന്ന​തി​നുള്ള ശരാശരി ചെലവ്‌ ഏകദേശം 75,000 ഡോളർ (യു.എസ്‌.) മാത്ര​മാ​ണെന്ന്‌ ഡോ. ഷിമെ​നൗ​വെർ പറയുന്നു. ലോക​മെ​മ്പാ​ടു​മുള്ള മറ്റുപല ഊഷര​പ്ര​ദേ​ശ​ങ്ങ​ളി​ലും ഈ സംവി​ധാ​നം പ്രയോ​ജ​ന​ക​ര​മാ​യി​രി​ക്കു​മെ​ങ്കി​ലും അന്താരാ​ഷ്‌ട്ര ഏജൻസി​കൾ ജലവി​ത​ര​ണ​ത്തി​നുള്ള ഈ ബദൽ സംവി​ധാ​നത്തെ അംഗീ​ക​രി​ക്കാൻ മാന്ദ്യം കാട്ടി​യി​രി​ക്കു​ന്നു.

[23-ാം പേജിലെ ചിത്രം]

ഇടത്ത്‌: മൂടൽമ​ഞ്ഞിൽനിന്ന്‌ നീർത്തു​ള്ളി​കൾ ശേഖരി​ക്കുന്ന പർവത​മു​ക​ളി​ലെ വലകൾ

താഴെ: വലയുടെ അടുത്ത വീക്ഷണം

[കടപ്പാട്‌]

ഫോട്ടോകൾ: IDRC