അത്‌ പ്രത്യാ​ശ​യ്‌ക്കു പുതു​ജീ​വൻ പകരുന്നു

രാജ്യ​വാർത്ത എന്നു വിളി​ക്ക​പ്പെ​ടുന്ന നാലു പേജുള്ള ലഘു​ലേ​ഖ​യു​ടെ പ്രതി സ്വീക​രിച്ച ഒരു മനുഷ്യ​നു തോന്നി​യത്‌ അങ്ങനെ​യാണ്‌. “ജീവിതം ഇത്ര പ്രശ്‌ന​പൂ​രി​ത​മാ​യി​രി​ക്കു​ന്നത്‌ എന്തു​കൊണ്ട്‌?” എന്നായി​രു​ന്നു അതിന്റെ ശീർഷകം. പ്രസ്‌തുത ലഘു​ലേ​ഖ​യെ​ക്കു​റിച്ച്‌ ആ മനുഷ്യൻ എഴുതിയ കത്ത്‌ കൊളം​ബി​യ​യി​ലുള്ള ബോ​ഗൊ​ട്ടോ​യി​ലെ എൽ റ്റ്യെമ്പോ പത്രത്തിൽ പ്രസി​ദ്ധീ​ക​രി​ക്ക​പ്പെട്ടു. അദ്ദേഹം ഇങ്ങനെ എഴുതി:

“എങ്ങും അക്രമ​വും അഴിമ​തി​യും നടമാ​ടുന്ന, ആശയ്‌ക്കു വകയി​ല്ലാ​ത്ത​താ​യി തോന്നുന്ന, ഈ കാലയ​ള​വിൽ വിശ്വാ​സത്തെ ജീവസ്സു​ള്ള​താ​യി നിലനിർത്തു​ന്ന​തി​നാ​വ​ശ്യ​മായ ആത്മീയത അന്വേ​ഷി​ക്കേ​ണ്ട​തി​ന്റെ ആവശ്യം അതു നമുക്കു കാട്ടി​ത്ത​രു​ന്നു. എനിക്കു തന്ന ആ ലഘു​ലേ​ഖ​യി​ലുള്ള വിവര​ങ്ങ​ളു​ടെ സാരാം​ശം ഇതാണ്‌:

“‘യേശു​ക്രി​സ്‌തു​വി​ന്റെ കൈക​ളി​ലെ തന്റെ സ്വർഗീയ ഗവൺമെൻറു മുഖാ​ന്തരം ദൈവം മനുഷ്യ​രു​ടെ കാര്യ​ങ്ങ​ളിൽ ഇടപെ​ടു​മെന്നു ബൈബിൾ വെളി​പ്പെ​ടു​ത്തു​ന്നു. ഈ രാജ്യം ഭൂമി​യി​ലെ ദുഷിച്ച ഗവൺമെൻറു​ക​ളെ​യെ​ല്ലാം തകർത്തു​ന​ശി​പ്പി​ക്കും. ഈ ലോകം അവസാ​നി​ക്കു​മ്പോൾ അതിജീ​വ​ക​രു​ണ്ടാ​യി​രി​ക്കു​മോ? ആ അതിജീ​വകർ എന്നേക്കും ജീവി​ക്കു​ന്നത്‌ എവി​ടെ​യാ​യി​രി​ക്കും? നീതി​മാ​ന്മാർ ഭൂമിയെ കൈവ​ശ​മാ​ക്കും. ദൈവ​ത്തി​ന്റെ പുതിയ ലോക​ത്തിൽ മരണമു​ണ്ടാ​യി​രി​ക്കു​ക​യില്ല. മേലാൽ കുറ്റകൃ​ത്യ​മില്ല, ദാരി​ദ്ര്യ​മില്ല, പട്ടിണി​യില്ല, രോഗ​മില്ല, നിലവി​ളി​യില്ല, മരണമില്ല. മരിച്ചവർ വീണ്ടും ജീവനി​ലേക്കു വരും, ഭൂമി സാക്ഷാ​ലുള്ള ഒരു പറുദീ​സ​യാ​യി രൂപാ​ന്ത​ര​പ്പെ​ടും.’”

ബൈബിൾ പരിജ്ഞാ​ന​ത്തിൽ വളർന്നു​വ​രാൻ ആഗ്രഹി​ക്കു​ന്ന​വരെ സഹായി​ക്കാൻ യഹോ​വ​യു​ടെ സാക്ഷികൾ സന്തോ​ഷ​മു​ള്ള​വ​രാണ്‌. കൂടുതൽ വിവരങ്ങൾ ലഭിക്കാൻ നിങ്ങൾ ആഗ്രഹി​ക്കു​ന്നെ​ങ്കിൽ Watch Tower, H-58 Old Khandala Road, Lonavla 410 401, Mah., India,-യിലേക്കോ 5-ാം പേജിൽ പട്ടിക​പ്പെ​ടു​ത്തി​യി​രി​ക്കുന്ന നിങ്ങളു​ടെ ഏറ്റവും അടുത്തുള്ള മേൽവി​ലാ​സ​ത്തി​ലോ എഴുതുക.