ആർഎസ്‌ഡി—കുഴപ്പി​ക്കുന്ന, വേദനാ​ക​ര​മായ ഒരു ആരോ​ഗ്യ​പ്ര​ശ്‌നം

കാനഡയിലെ ഉണരുക! ലേഖകൻ

റിഫ്‌ള​ക്‌സ്‌ സിംപ​തെ​റ്റിക്‌ ഡിസ്‌​ട്രോ​ഫി (ആർഎസ്‌ഡി) “വൈദ്യ​ശാ​സ്‌ത്ര​ത്തി​ലെ അങ്ങേയറ്റം കുഴപ്പി​ക്കു​ന്ന​തും ഏറ്റവും വേദനാ​ക​ര​വും സാധ്യ​ത​യ​നു​സ​രിച്ച്‌ തളർത്തി​ക്ക​ള​യു​ന്ന​തു​മായ സാകല്യ​ങ്ങ​ളിൽ (syndromes) ഒന്നാണ്‌” എന്ന്‌ ആലിസൺ ബ്രേ വിനി​പെഗ്‌ ഫ്രീ പ്രസ്സ്‌ പത്രത്തിൽ എഴുതി. ആർഎസ്‌ഡി-യെക്കു​റിച്ച്‌ “വേണ്ടത്ര അറിവി​ല്ലാ​ത്ത​തി​നാൽ വൈദ്യ​ശാ​സ്‌ത്ര പരി​ശോ​ധ​ന​യിൽ അതു പലപ്പോ​ഴും തിരി​ച്ച​റി​യ​പ്പെ​ടാ​തെ പോകു​ന്നു”വെന്ന്‌ രോഗി​ണി​യായ ആന്ന അലക്‌സാ​ണ്ടർ ബ്രിട്ടീഷ്‌ മെഡിക്കൽ ജേർണ​ലിൽ പറഞ്ഞു. കുട്ടി​ക​ളിൽ ആർഎസ്‌ഡി പലപ്പോ​ഴും ശരിയായ രീതി​യിൽ കണ്ടുപി​ടി​ക്ക​പ്പെ​ടാ​തെ പോകു​ന്നു​വെന്ന്‌ അതേ ജേർണൽ പറഞ്ഞു. വേദന മനസ്സിന്റെ തോന്ന​ലാ​ണെ​ന്നും മാനസിക കാരണ​ങ്ങ​ളാൽ ഉള്ളതാ​ണെ​ന്നു​പോ​ലും ഡോക്ടർമാർ വർഷങ്ങ​ളോ​ളം വിചാ​രി​ച്ചി​രു​ന്നു.

ഈ നിഗൂ​ഢ​മായ ആരോ​ഗ്യ​പ്ര​ശ്‌ന​മു​ള്ള​വർക്ക്‌ വിട്ടു​മാ​റാത്ത വേദന അനുഭ​വ​പ്പെ​ടു​ന്നു. ചിലർക്കാ​ണെ​ങ്കിൽ, ദുസ്സഹ​വേദന ഉണ്ടാകാൻ തക്കവണ്ണം എന്തെങ്കി​ലും സംഭവി​ച്ച​താ​യി ഓർമ​യും കാണില്ല. സെറ ആർനൊൾഡ്‌ ആക്‌സെൻറ്‌ ഓൺ ലിവി​ങ്ങിൽ ഇങ്ങനെ എഴുതു​ന്നു: “നാഡീ അഗ്രങ്ങൾ ധാരാ​ള​മുള്ള, കൈപ്പ​ത്തി​യോ പാദമോ പോലുള്ള, ഏതെങ്കി​ലു​മൊ​രു ശരീര​ഭാ​ഗ​ത്തിന്‌ മുറി​വോ ക്ഷതമോ സംഭവി​ക്കു​മ്പോ​ഴാണ്‌ ഈ രോഗം ഉണ്ടാകു​ന്നത്‌. മുറിവ്‌ മൊട്ടു​സൂ​ചി​കൊ​ണ്ട​തു​മൂ​ല​മുള്ള നിസ്സാ​ര​മായ മുറി​വോ ശസ്‌ത്ര​ക്രി​യ​നി​മി​ത്ത​മുള്ള വലിയ മുറി​വോ ആകാം. ഒരു മുറി​വു​ണ്ടാ​കു​മ്പോൾ സാധാ​ര​ണ​മാ​യി ഉണ്ടാകുന്ന വേദന​യെ​ക്കാൾ തീവ്ര​മായ, നീണ്ടു​നിൽക്കുന്ന വേദന അനുഭ​വ​പ്പെ​ടു​ന്ന​താണ്‌ ആദ്യ രോഗ​ല​ക്ഷണം. ശരീര​ത്തി​ന്റെ പ്രത്യേക ഭാഗത്ത്‌ നീറ്റ​ലോ​ടു​കൂ​ടിയ വേദന, ചൂടി​നോ​ടും വെളി​ച്ച​ത്തോ​ടും തീവ്ര​മായ സംവേ​ദ​ന​ക്ഷമത, രോമം, നഖം എന്നിവ​യ്‌ക്കു​ണ്ടാ​കുന്ന മാറ്റം, ത്വക്കിൽ വരുന്ന നിറവ്യ​ത്യാ​സം എന്നിങ്ങനെ ഗുരു​ത​ര​മായ രോഗ​ല​ക്ഷ​ണ​ങ്ങ​ളാണ്‌ അതിനു​ള്ളത്‌.”

രോഗ​ത്തിന്‌ പല ഘട്ടങ്ങളുണ്ട്‌. ആദ്യ ഘട്ടത്തിൽ, രോഗ​ബാ​ധി​ത​മായ ശരീര​ഭാ​ഗം നീരു​വെച്ച്‌ ചെമക്കു​ക​യും മുമ്പ്‌ രോമ​ങ്ങ​ളൊ​ന്നും കാണാ​തി​രു​ന്നി​ടത്ത്‌ രോമ​വ​ളർച്ച ഉണ്ടാകു​ക​യും ചെയ്യുന്നു. ഈ രോഗ​ല​ക്ഷ​ണങ്ങൾ ഒന്നുമു​തൽ മൂന്നു​വരെ മാസം നീണ്ടു​നി​ന്നേ​ക്കാം. അടുത്ത​താ​യി, ആ ഭാഗം നീലിച്ച്‌ തണുപ്പു​ള്ള​താ​യി​ത്തീ​രു​ന്നു. അതോ​ടൊ​പ്പം വേദന വർധി​ക്കു​ക​യും സ്‌നാ​യു​ക്ക​ളും സന്ധിക​ളും വഴങ്ങാ​താ​കു​ക​യും ചെയ്യുന്നു. അസ്ഥിക്ഷയം ഉടലെ​ടു​ത്തേ​ക്കാം. ഒടുവിൽ, രോഗ​ബാ​ധി​ത​മായ പേശികൾ ക്ഷയിക്കു​ക​യും കണ്ഡരകൾ (tendons) സങ്കോ​ചി​ക്കു​ക​യും രോഗ​ബാ​ധി​ത​മായ കൈകാ​ലു​കൾ ശോഷി​ക്കു​ക​യും ചെയ്യുന്നു.

വിനി​പെ​ഗി​ലെ ആരോ​ഗ്യ​ശാ​സ്‌ത്ര കേന്ദ്ര​ത്തി​ലെ വേദനാ ചികി​ത്സാ​വി​ഭാ​ഗ​ത്തി​ന്റെ ഡയറക്ട​റായ ഡോ. ഹൗവർഡ്‌ ഇൻ​ട്രേറ്റർ പറയു​ന്ന​ത​നു​സ​രിച്ച്‌, ഭേദമാ​ക്കാ​നാ​കാത്ത ക്ഷതമു​ണ്ടാ​കു​ന്നത്‌ തടയാ​വു​ന്ന​തേ​യു​ള്ളൂ. വേദനാ സംജ്ഞകൾ അയയ്‌ക്കു​ന്ന​തിൽനിന്ന്‌ ചേതനീ​നാ​ഡി​കളെ തടയേ​ണ്ട​തുണ്ട്‌.a “വൈദ്യു​ത ഉത്തേജനം, ബീറ്റാ ബ്ലോ​ക്കേ​ഴ്‌സ്‌, എപ്പിഡ്യൂ​റൽ ഉത്തേജ​കങ്ങൾ (ബാധി​ക്ക​പ്പെട്ട ഭാഗത്തെ ഉത്തേജി​പ്പി​ക്കു​ന്ന​തിന്‌ സുഷു​മ്‌നാ​നാ​ഡി​യിൽ ഒരു ഇലക്‌​ട്രോഡ്‌ സ്ഥാപി​ക്കു​ന്നു), കുത്തി​വെച്ച്‌ ചേതനീ​നാ​ഡി​കളെ തടയൽ എന്നിങ്ങനെ വ്യത്യസ്‌ത ചികി​ത്സാ​വി​ധി​ക​ളുണ്ട്‌” എന്ന്‌ വിനി​പെഗ്‌ പത്രം റിപ്പോർട്ടു ചെയ്യുന്നു. വേദന കുറയ്‌ക്കു​ന്ന​തി​നും ചലന​ശേഷി വർധി​പ്പി​ക്കു​ന്ന​തി​നു​മാ​യി അക്യു​പ​ങ്‌ച​റും ഫിസി​യോ​തെ​റാ​പ്പി​യും ഉപയോ​ഗി​ക്കു​ന്നു. “ഫലപ്ര​ദ​മായ ചികി​ത്സ​യിൽ നാഡി​ക​ളു​ടെ വൈദ്യു​ത ഉത്തേജനം, ചേതനീ​നാ​ഡി​ക​ളു​ടെ രാസപ​ര​മായ തടയൽ, മനഃശാ​സ്‌ത്ര ചികിത്സ, തീവ്ര​മായ ശരീര ചികിത്സ എന്നിവ​യിൽ ചിലത്‌ ഒന്നിച്ചു ചെയ്യു​ന്നത്‌ ഉൾപ്പെ​ടു​ന്നു”വെന്ന്‌ ബ്രിട്ടീഷ്‌ മെഡിക്കൽ ജേർണൽ പറയുന്നു.

നേരത്തേ രോഗം കണ്ടുപി​ടി​ക്കു​ന്നത്‌ പ്രയോ​ജ​ന​ക​ര​മാ​ണെ​ന്നു​ള്ള​തി​നു രണ്ടു പക്ഷമില്ല. എങ്കിലും, രോഗ​ല​ക്ഷ​ണങ്ങൾ ഉള്ളതായി നിർണ​യി​ക്ക​പ്പെ​ട്ടിട്ട്‌ 6 മാസം ആകാത്ത​വ​രോ 6 മുതൽ 12 വരെ മാസങ്ങൾ ആയവരോ 12 മാസം കഴിഞ്ഞ​വ​രോ ആയ രോഗി​ക​ളിൽ തങ്ങളുടെ ചികി​ത്സാ​ഫ​ലങ്ങൾ “ഏതാണ്ട്‌ ഒരു​പോ​ലെ​യാ​യി​രു​ന്നു”വെന്ന്‌ ദി അമേരി​ക്കൻ ജേർണൽ ഓഫ്‌ സ്‌പോർട്‌സ്‌ മെഡി​സി​നിൽ എഴുതുന്ന ഡോക്ടർമാർ അഭി​പ്രാ​യ​പ്പെ​ടു​ന്നു. “ഈ കണ്ടുപി​ടി​ത്തം, രോഗ​ല​ക്ഷ​ണങ്ങൾ പ്രകട​മാ​യി ഒരു വർഷം കഴിഞ്ഞാൽപ്പി​ന്നെ ചികി​ത്സി​ക്കു​ന്ന​തു​കൊ​ണ്ടു ഫലമി​ല്ലെ​ന്നുള്ള ഇപ്പോ​ഴത്തെ അഭി​പ്രാ​യ​ത്തി​നു വിരു​ദ്ധ​മാണ്‌.”

വൈദ്യ​ശാ​സ്‌ത്ര​പ​ര​മായ അറിവു വർധി​ക്കു​ന്ന​തോ​ടെ ആർഎസ്‌ഡി-യെക്കു​റി​ച്ചു കൂടുതൽ കാര്യങ്ങൾ മനസ്സി​ലാ​കു​മെ​ന്നും അതിന്‌ ഏറെ ഫലപ്ര​ദ​മായ ചികിത്സ ലഭ്യമാ​കു​മെ​ന്നു​മാണ്‌ പ്രതീക്ഷ.

[അടിക്കു​റി​പ്പു​കൾ]