ലൈം​ഗിക വർജന​ത്തി​ലും ഏകഭാ​ര്യ​ത്വ​ത്തി​ലു​മുള്ള ജ്ഞാനം

ഇന്നോളം ഏകദേശം മൂന്നു കോടി ആളുകളെ എയ്‌ഡ്‌സ്‌ വൈറസ്‌ ബാധി​ച്ചി​ട്ടുണ്ട്‌. അവരിൽ 60 ലക്ഷത്തി​ല​ധി​കം പേർ ഇതി​നോ​ട​കം​തന്നെ മരിച്ചി​രി​ക്കു​ന്നു. പുതു​താ​യി, ഏകദേശം 8,500 പേർക്ക്‌ ഈ വൈറ​സു​ള്ള​താ​യി ഓരോ ദിവസ​വും പുതു​താ​യി രോഗ​നിർണ​യ​ത്തി​ലൂ​ടെ കണ്ടുപി​ടി​ക്ക​പ്പെ​ടു​ന്നു—അവരിൽ 1,400-ഉം കുട്ടി​ക​ളാണ്‌, അവർ സാധാ​ര​ണ​ഗ​തി​യിൽ ഒരു വയസ്സു പൂർത്തി​യാ​കു​ന്ന​തി​നു​മു​മ്പു​തന്നെ മരിച്ചു​പോ​കു​ന്നു. സുരക്ഷിത-ലൈം​ഗി​കത എന്നു വിളി​ക്ക​പ്പെ​ടു​ന്ന​വ​യെ​ക്കു​റി​ച്ചുള്ള പ്രചര​ണ​പ​രി​പാ​ടി​കൾ പൊതു​ജ​ന​ശ്രദ്ധ പിടി​ച്ചെ​ടു​ത്തി​ട്ടു​ണ്ടെ​ങ്കി​ലും ചിലർക്ക്‌ ഇതു​കൊ​ണ്ടു വലിയ പ്രയോ​ജ​ന​മൊ​ന്നു​മില്ല എന്നു തോന്നു​ന്നു. “എയ്‌ഡ്‌സ്‌ ഒരു കൊല​യാ​ളി രോഗ​മാണ്‌,” ദ ടാമ്പാ ട്രൈ​ബ്യൂ​ണിൽ ഡോ. സ്റ്റീവൻ ജെ. സെയ്‌ൻസ്‌ബറി എഴുതു​ന്നു, “അതു പകരു​ന്നതു തടയാ​നെ​ടു​ക്കുന്ന ഏതു നടപടി​യും കണിശ​മാ​യും 100 ശതമാനം ഫലപ്ര​ദ​മാ​യി​രി​ക്കേ​ണ്ട​തുണ്ട്‌.”

എയ്‌ഡ്‌സി​നെ പ്രതി​രോ​ധി​ക്കു​ന്ന​തി​നാ​യി ഗർഭനി​രോ​ധന ഉറകൾ ഉപയോ​ഗി​ക്കു​ന്ന​തി​നെ​ക്കു​റിച്ച്‌ ഡോ. സെയ്‌ൻസ്‌ബറി ഇങ്ങനെ അഭി​പ്രാ​യ​പ്പെ​ടു​ന്നു: “അതിനെ ഈ വിധത്തിൽ വീക്ഷി​ക്കുക. ഉദാഹ​ര​ണ​ത്തിന്‌, പെട്ടെ​ന്നൊ​രു നാൾമു​തൽ മോ​ട്ടോർ വാഹനങ്ങൾ, ആളുകൾ അവയുടെ ഇഗ്നീഷൻ സ്വിച്ച്‌ പ്രവർത്തി​പ്പി​ക്കുന്ന ഓരോ സമയത്തും അറിയ​പ്പെ​ടാത്ത കാരണ​ങ്ങ​ളാൽ പൊട്ടി​ത്തെ​റി​ക്കു​ന്നു​വെന്നു സങ്കൽപ്പി​ക്കുക. രാജ്യ​ത്തെ​മ്പാ​ടും മോ​ട്ടോർ വാഹന യാത്ര​ക്കാർ സ്‌ഫോ​ട​ന​ത്തിൽ മരിക്കു​ന്നു. ഒടുവിൽ, ഗവണ്മെൻറ്‌ ഒരു പരിഹാ​രം നിർദേ​ശി​ക്കു​ന്നു. ഇന്ധനത്തി​ന്റെ​കൂ​ടെ ഒരു പ്രത്യേക വസ്‌തു കൂട്ടി​ച്ചേർക്കുക മാത്രം ചെയ്‌താൽ സ്‌ഫോ​ട​ന​ത്തി​ന്റെ അപകട​സാ​ധ്യത 90 ശതമാ​ന​മാ​യി കുറയും. പ്രശ്‌നം പരിഹ​രി​ക്ക​പ്പെ​ട്ട​താ​യി നിങ്ങൾ കണക്കാ​ക്കു​മോ? നിങ്ങൾ തുടർന്നും നിങ്ങളു​ടെ കാർ ഓടി​ക്കു​മോ? എനിക്കു സംശയ​മുണ്ട്‌. അങ്ങനെ​യെ​ങ്കിൽ ഗർഭനി​രോ​ധന ഉറകളെ എയ്‌ഡ്‌സി​നു പരിഹാ​ര​മാ​യി നമ്മൾ അംഗീ​ക​രി​ച്ചി​രി​ക്കു​ന്ന​തെ​ന്തു​കൊ​ണ്ടാണ്‌?”

മിക്ക​പ്പോ​ഴും എയ്‌ഡ്‌സ്‌ പകരു​ന്നത്‌ ലൈം​ഗി​ക​ബ​ന്ധ​ത്തി​ലൂ​ടെ​യാണ്‌ എന്നു മനസ്സി​ലാ​ക്കി​ക്കൊണ്ട്‌, ഡോ. സെയ്‌ൻസ്‌ബറി ഒരു പരിഹാ​രം നിർദേ​ശി​ക്കു​ന്നു: “രോഗ​ബാ​ധ​യി​ല്ലാത്ത ഒരു വ്യക്തി​യു​മാ​യി ഏകഭാ​ര്യ​ത്വ ബന്ധത്തി​ലേർപ്പെ​ടാ​നുള്ള ധാർമിക കടപ്പാ​ടി​ലാ​കാൻ ഒരാൾ തയ്യാ​റെ​ടു​ക്കു​ന്ന​തു​വരെ ലൈം​ഗി​ക​ബന്ധം വേണ്ടെന്നു വെക്കുക. ഓർമ​യിൽ പിടി​ക്കേണ്ട മുഖ്യ​പ​ദങ്ങൾ വർജന​വും ഏകഭാ​ര്യ​ത്വ​വും ആണ്‌.”

അവിവാ​ഹി​ത​രാ​യ ആളുകൾ ലൈം​ഗിക വർജന​വും വിവാ​ഹി​തർ ഏകഭാ​ര്യ​ത്വ​വും ആചരി​ക്ക​ണ​മെന്നു ബൈബിൾ കൽപ്പി​ച്ചി​രി​ക്കു​ന്നു. ബൈബി​ളി​ന്റെ മഹത്തായ നിലവാ​രങ്ങൾ പരസം​ഗ​ത്തെ​യും വ്യഭി​ചാ​ര​ത്തെ​യും സ്വവർഗ​ര​തി​യെ​യും വിലക്കു​ന്നു. (മത്തായി 19:4-6; 1 കൊരി​ന്ത്യർ 6:9, 10; 7:8, 9) ഈ നിലവാ​രത്തെ അനേക​രും കാലഹ​ര​ണ​പ്പെ​ട്ട​തെ​ന്നോ പഴഞ്ച​നെ​ന്നോ വിമർശി​ക്കു​ന്നു​ണ്ടെ​ങ്കി​ലും ബൈബി​ളി​ന്റെ ധാർമിക നിലവാ​രങ്ങൾ മെച്ചമായ ആരോ​ഗ്യ​വും മനശ്ശാ​ന്തി​യും ഉളവാ​ക്കി​യി​രി​ക്കു​ന്നു.—യെശയ്യാ​വു 48:17.