അഭയാർഥി​ക​ളോ​ടുള്ള പെരു​മാ​റ്റ​ത്തിന്‌ ഒരു മാതൃക

ഇസ്രാ​യേൽ ജനതയ്‌ക്കു യഹോ​വ​യാം ദൈവം നൽകിയ നിയമ​ത്തിൽ, അഭയാർഥി​ക​ളെന്ന നിലയ്‌ക്ക്‌ തങ്ങൾക്ക്‌ ഈജി​പ്‌തി​ലു​ണ്ടാ​യി​രുന്ന സാഹച​ര്യ​ത്തെ​ക്കു​റിച്ച്‌ അവർ അനുസ്‌മ​രി​പ്പി​ക്ക​പ്പെട്ടു. (പുറപ്പാ​ടു 22:21; 23:9; ആവർത്ത​ന​പു​സ്‌തകം 10:19) അതു​കൊണ്ട്‌ പരദേ​ശി​ക​ളോ​ടു ദയാപൂർവം തങ്ങളുടെ സഹോ​ദ​ര​ന്മാ​രോ​ടെ​ന്ന​പോ​ലെ പെരു​മാ​റാൻ അവർ പ്രബോ​ധി​പ്പി​ക്ക​പ്പെട്ടു.

ദൈവ​നി​യ​മം ഇപ്രകാ​രം പ്രസ്‌താ​വി​ച്ചു: “[മിക്ക​പ്പോ​ഴും ഒരു അഭയാർഥി​യാ​യി​രുന്ന] പരദേശി നിന്നോ​ടു​കൂ​ടെ നിങ്ങളു​ടെ ദേശത്തു പാർത്താൽ അവനെ ഉപദ്ര​വി​ക്ക​രു​തു. നിങ്ങ​ളോ​ടു​കൂ​ടെ പാർക്കുന്ന പരദേശി നിങ്ങൾക്കു സ്വദേ​ശി​യെ​പ്പോ​ലെ ഇരി​ക്കേണം; അവനെ നിന്നെ​പ്പോ​ലെ തന്നേ സ്‌നേ​ഹി​ക്കേണം; നിങ്ങളും മിസ്ര​യീം​ദേ​ശത്തു പരദേ​ശി​ക​ളാ​യി​രു​ന്നു​വ​ല്ലോ.”—ലേവ്യ​പു​സ്‌തകം 19:33, 34.

പരദേ​ശി​കൾ മിക്ക​പ്പോ​ഴും പീഡന​വി​ധേ​യ​രും അരക്ഷി​ത​രു​മാ​യി​രു​ന്നെന്നു മനസ്സി​ലാ​ക്കി​ക്കൊണ്ട്‌ അവരുടെ ക്ഷേമത്തി​നും സുരക്ഷി​ത​ത്വ​ത്തി​നും​വേണ്ടി യഹോവ പ്രത്യേക നിയമങ്ങൾ നൽകു​ക​യു​ണ്ടാ​യി. അവർക്കു വാഗ്‌ദാ​നം ചെയ്യപ്പെട്ട പിൻവ​രുന്ന അവകാ​ശങ്ങൾ പരിചി​ന്തി​ക്കുക.

ഒരു ന്യായ​മായ വിചാ​ര​ണ​യ്‌ക്കുള്ള അവകാശം: “നിങ്ങൾക്കു പരദേ​ശി​ക്കും സ്വദേ​ശി​ക്കും ഒരു പ്രമാണം തന്നേ ആയിരി​ക്കേണം.” ‘പരദേ​ശി​യു​ടെ ന്യായം മറിച്ചു​ക​ള​യ​രു​തു.’—ലേവ്യ​പു​സ്‌തകം 24:22; ആവർത്ത​ന​പു​സ്‌തകം 24:17.

ദശാം​ശ​ത്തിൽ ഒരു പങ്കുണ്ടാ​യി​രി​ക്കു​ന്ന​തി​നുള്ള അവകാശം: “മുമ്മൂന്നു ആണ്ടു കൂടു​മ്പോൾ മൂന്നാം സംവത്സ​ര​ത്തിൽ നിനക്കുള്ള വിളവി​ന്റെ ദശാംശം ഒക്കെയും; വേർതി​രി​ച്ചു നിന്റെ പട്ടണങ്ങ​ളിൽ സംഗ്ര​ഹി​ക്കേണം. നീ ചെയ്യുന്ന സകല​പ്ര​വൃ​ത്തി​യി​ലും നിന്റെ ദൈവ​മായ യഹോവ നിന്നെ അനു​ഗ്ര​ഹി​ക്കേ​ണ്ട​തി​ന്നു നിന്നോ​ടു​കൂ​ടെ ഓഹരി​യും അവകാ​ശ​വും ഇല്ലാത്ത ലേവ്യ​നും നിന്റെ പട്ടണങ്ങ​ളി​ലുള്ള പരദേ​ശി​യും അനാഥ​നും വിധവ​യും വന്നു തിന്നു തൃപ്‌ത​രാ​കേണം.”—ആവർത്ത​ന​പു​സ്‌തകം 14:28, 29.

ന്യായ​മാ​യ കൂലി​ക്കുള്ള അവകാശം: “നിന്റെ സഹോ​ദ​ര​ന്മാ​രി​ലോ നിന്റെ ദേശത്തു നിന്റെ പട്ടണങ്ങ​ളി​ലുള്ള പരദേ​ശി​ക​ളി​ലോ ദരി​ദ്ര​നും അഗതി​യു​മായ കൂലി​ക്കാ​രനെ നീ പീഡി​പ്പി​ക്ക​രു​തു.”—ആവർത്ത​ന​പു​സ്‌തകം 24:14.

അബദ്ധവ​ശാൽ കൊല​ചെ​യ്‌ത​വന്‌ അഭയം​തേ​ടു​വാ​നുള്ള അവകാശം: “അബദ്ധവ​ശാൽ ഒരുത്തനെ കൊല്ലു​ന്നവൻ ഏവനും അവി​ടേക്കു ഓടി​പ്പോ​കേ​ണ്ട​തി​ന്നു ഈ ആറു പട്ടണം യിസ്രാ​യേൽമ​ക്കൾക്കും പരദേ​ശി​ക്കും വന്നുപാർക്കു​ന്ന​വ​ന്നും സങ്കേതം ആയിരി​ക്കേണം.”—സംഖ്യാ​പു​സ്‌തകം 35:15.

കാലാ പെറു​ക്കു​വാ​നുള്ള അവകാശം: “നിങ്ങളു​ടെ നിലത്തി​ലെ വിള നിങ്ങൾ കൊയ്യു​മ്പോൾ വയലിന്റെ അരികു തീർത്തു കൊയ്യ​രു​തു; നിന്റെ കൊയ്‌ത്തിൽ കാലാ പെറു​ക്ക​യും അരുതു. നിന്റെ മുന്തി​രി​ത്തോ​ട്ട​ത്തിൽ വീണു​കി​ട​ക്കുന്ന പഴം പെറു​ക്ക​യും അരുതു. അവയെ ദരി​ദ്ര​ന്നും പരദേ​ശി​ക്കും വിട്ടേ​ക്കണം; ഞാൻ നിങ്ങളു​ടെ ദൈവ​മായ യഹോവ ആകുന്നു.”—ലേവ്യ​പു​സ്‌തകം 19:9, 10.

തീർച്ച​യാ​യും നമ്മുടെ സ്രഷ്ടാ​വായ യഹോ​വ​യാം ദൈവ​ത്തിന്‌ അഭയാർഥി​ക​ളോട്‌ അനുക​മ്പ​യുണ്ട്‌, നമുക്കും അപ്രകാ​ര​മു​ണ്ടെ​ങ്കിൽ അവൻ സന്തുഷ്ട​നാ​യി​രി​ക്കും. “ദൈവത്തെ അനുക​രി​പ്പിൻ,” “സ്‌നേ​ഹ​ത്തിൽ നടപ്പിൻ” എന്ന്‌ ക്രിസ്‌തീയ അപ്പോ​സ്‌ത​ല​നായ പൗലോസ്‌ എഴുതി.—എഫെസ്യർ 5:1, 2.

[9-ാം പേജിലെ ചിത്ര​ത്തിന്‌ കടപ്പാട്‌]

Boy on left: UN PHOTO 159243/J. Isaac