ബ്രൂ​വെറി ഗൾച്ചിൽ ആത്മീയ പുഷ്‌പങ്ങൾ വളർന്നു​വ​ന്നു

യുഗങ്ങൾക്കു മുമ്പ്‌ അഗ്നിപർവത പ്രവർത്ത​ന​ത്തി​ന്റെ ഫലമായി ചെമ്പും വെള്ളി​യും സ്വർണ​വും ശിഥി​ലീ​ക​രി​ക്ക​പ്പെ​ടു​ക​യും ഭൂമി​യു​ടെ ആഴത്തി​ല​ടി​യു​ക​യും ചെയ്‌തു. നീരാ​വി​മർദം വമ്പിച്ച അളവു​ക​ളി​ലുള്ള ഈ ധാതു​ക്കളെ വിടവു​ക​ളി​ലൂ​ടെ മുകളി​ലേക്കു തള്ളുക​യും യു.എസ്‌.എ.-യിലെ ദക്ഷിണ അരി​സോ​ണ​യി​ലുള്ള മ്യൂൾ പർവതങ്ങൾ എന്ന്‌ ഇപ്പോൾ അറിയ​പ്പെ​ടു​ന്ന​തിൽ നിക്ഷേ​പി​ക്കു​ക​യും ചെയ്‌തു. 1877-ൽ സമീപ​ത്തുള്ള ഫോർട്ട്‌ വാച്ചൂ​ക്ക​യിൽ നിയമി​ക്ക​പ്പെട്ട ജക്ക്‌ ഡൻ എന്ന സൈനിക സ്‌കൗട്ട്‌ വെള്ളത്തി​നു​വേണ്ടി തിരച്ചിൽന​ട​ത്തി​ക്കൊ​ണ്ടി​രു​ന്ന​പ്പോൾ ഈ വൻ ധാതു​സ​മ്പ​ത്തി​ന്റെ ഒരു സൂചന കണ്ടെത്തി. അദ്ദേഹം ജോർജ്‌ വാറെൻ എന്നു പേരുള്ള ഒരു പര്യ​വേ​ക്ഷ​കന്‌ ആ സ്ഥലം മുതലാ​ക്കാ​നുള്ള സാധന​സാ​മ​ഗ്രി​കൾ നൽകി.

ജോർജ്‌ വാറെൻ അനേകം സ്ഥലങ്ങൾ തന്റെ പേരിൽ രജിസ്റ്റർ ചെയ്യു​ക​യും അയാളു​ടെ പങ്കാളി​യായ ജക്ക്‌ ഡനിനെ കാപട്യ​പൂർവം ഒന്നും അറിയി​ക്കാ​തെ​യി​രി​ക്കു​ക​യും ചെയ്‌തു. ഈ സ്ഥലങ്ങൾ വാറെ​നി​നെ വളരെ ധനിക​നാ​ക്കു​മാ​യി​രു​ന്നു, എന്നാൽ വിസ്‌കി അമിത​മാ​യി അകത്തു​ചെ​ന്ന​പ്പോൾ അദ്ദേഹം, ഓട്ട മത്സരത്തിൽ കുതി​രയെ തോൽപ്പി​ക്കാൻ കഴിയു​മെന്നു പറഞ്ഞു​കൊ​ണ്ടു തന്റെ കണ്ടുപി​ടി​ത്തങ്ങൾ മൗഢ്യ​മാ​യി പന്തയം​വച്ചു. അയാൾക്കു തീർച്ച​യാ​യും എല്ലാം നഷ്ടമായി. ഈ സ്ഥലങ്ങൾ ഒടുവിൽ ക്വീൻ മൈനാ​യി​ത്തീർന്നു. 1975-ൽ ഖനികൾ അടയ്‌ക്കു​ന്ന​തി​നു​മുമ്പ്‌ മ്യൂൾ പർവത​ങ്ങ​ളിൽനി​ന്നു വലിയ ഖനന പ്രവർത്ത​നങ്ങൾ വഴി 40 ലക്ഷം ടണ്ണോളം ചെമ്പും എണ്ണമറ്റ അളവു​ക​ളിൽ സ്വർണ​വും വർഷങ്ങ​ളോ​ളം ഖനനം​ചെ​യ്യ​പ്പെട്ടു.

കടുപ്പ​മു​ള്ള പാറകൾ തുരക്കു​ന്ന​തി​നു കടുപ്പ​മുള്ള പാറ തുരക്കുന്ന ഖനി​ത്തൊ​ഴി​ലാ​ളി​കൾ വേണം. ഇവരെ അയർലൻഡ്‌, ഇറ്റലി, ഇംഗ്ലണ്ട്‌, ജർമനി, സെർബിയ എന്നിവി​ട​ങ്ങ​ളിൽനി​ന്നു കൊണ്ടു​വന്നു. മിക്ക ഖനിക​ളും ഏർപ്പെ​ടു​ത്തിയ പ്രോ​ത്സാ​ഹന പരിപാ​ടി​കൾ നിമിത്തം കടുപ്പ​മുള്ള പാറകൾ തുരക്കുന്ന ഈ ഖനി​ത്തൊ​ഴി​ലാ​ളി​കൾ കഠിനാ​ധ്വാ​നി​ക​ളായ ഖനി​ത്തൊ​ഴി​ലാ​ളി​കൾ കൂടി​യാണ്‌. ഈ ഖനി​ത്തൊ​ഴി​ലാ​ളി​കൾ അവരുടെ കുടും​ബ​ങ്ങ​ളിൽനിന്ന്‌ ആയിര​ക്ക​ണ​ക്കി​നു കിലോ​മീ​റ്റർ അകലെ​യാ​യി​രു​ന്ന​തി​നാൽ അവർ, കടുപ്പ​മുള്ള പാറകൾ തുരക്കുന്ന, അമിത​കു​ടി​യൻമാ​രും കഠിനാ​ധ്വാ​നി​ക​ളു​മായ ഖനി​ത്തൊ​ഴി​ലാ​ളി​ക​ളും ആയിത്തീർന്നു. അതു​കൊ​ണ്ടു പരി​ശ്ര​മ​ശാ​ലി​യായ ഒരു ജർമൻ വാറ്റു​കാ​രൻ ഖനികൾക്കു സമീപം ഒരു വാറ്റു​ശാല നിർമി​ച്ചു. ഉപയോ​ഗി​ക്കു​ന്ന​തി​നു മുമ്പ്‌ ചെറിയ തോതിൽ നിർമാണ പ്രക്രിയ ആവശ്യ​മായ ഒരു ഉത്‌പ​ന്ന​മാ​ണു വാറ്റു​ശാ​ലകൾ ഉത്‌പാ​ദി​പ്പി​ക്കു​ന്നത്‌. കുറച്ചു വിനോ​ദ​മുൾപ്പെട്ട, അനുകൂ​ല​മായ ഒരു അന്തരീ​ക്ഷ​ത്തിൽ അതു തണുപ്പി​ച്ചു കഴിക്കാ​നാ​ണു പലരും ഇഷ്ടപ്പെ​ടു​ന്നത്‌. അതു​കൊ​ണ്ടു വാറ്റു​ശാ​ല​യ്‌ക്കു സമീപ​മുള്ള ഒരു തെരു​വിൽ വളരെ​യ​ധി​കം ബാറു​ക​ളും പണിതു. കടുപ്പ​മുള്ള പാറ തുരക്കുന്ന, കഠിനാ​ധ്വാ​നി​ക​ളും അമിത മദ്യപാ​നി​ക​ളു​മായ ഖനി​ത്തൊ​ഴി​ലാ​ളി​ക​ളെ​ക്കൊണ്ട്‌ ഇവ നിറഞ്ഞി​രു​ന്നു. മദ്യ​ത്തോ​ടൊ​പ്പം വേശ്യാ​വൃ​ത്തി​യും ചൂതാ​ട്ട​വും പോ​ലെ​യുള്ള വിനോ​ദ​ങ്ങ​ളു​ണ്ടാ​യി​രു​ന്നു—ഡൈന​മൈറ്റു പോലുള്ള ഒരു മിശ്രി​തം തന്നെ. ഈ തെരുവ്‌ ബ്രൂ​വെറി ഗൾച്ച്‌ (മദ്യം​വാ​റ്റുന്ന മലയി​ടുക്ക്‌) എന്നറി​യ​പ്പെ​ടു​ക​യും 40 കിലോ​മീ​റ്റർ അകലെ​യുള്ള ടൂം​സ്റ്റോൺ എന്ന കുപ്ര​സിദ്ധ നഗര​ത്തെ​ക്കാ​ളും അപകട​കാ​രി എന്ന പേരു സമ്പാദി​ക്കു​ക​യും ചെയ്‌തു.

ഒടുവിൽ മിക്ക ഖനി​ത്തൊ​ഴി​ലാ​ളി​ക​ളും വിവാഹം കഴിക്കു​ക​യും കുടും​ബ​ങ്ങളെ വളർത്താ​നാ​യി വീടുകൾ പണിയു​ക​യും ചെയ്‌തു. ഇംഗ്ലണ്ടിൽനി​ന്നുള്ള ഖനി​ത്തൊ​ഴി​ലാ​ളി​കൾ 19-ാം നൂറ്റാ​ണ്ടി​ലെ ഇംഗ്ലീഷ്‌ ഖനകരു​ടെ മാതൃ​ക​യി​ലുള്ള വീടു​ക​ളും സെർബി​യ​യിൽനി​ന്നു​ള്ളവർ സെർബി​യൻ ഖനകരു​ടെ മാതൃ​ക​യി​ലുള്ള വീടു​ക​ളും ജർമനി​യിൽനി​ന്നു​ള്ളവർ ജർമൻ വീടു​ക​ളും ഇറ്റലി​യിൽനി​ന്നു​ള്ളവർ ഇറ്റാലി​യൻ വീടു​ക​ളും അയർലൻഡിൽനി​ന്നു​ള്ളവർ ഐറിഷ്‌ വീടു​ക​ളും പണിതു. ആദ്യമു​ണ്ടാ​യി​രുന്ന നഗരമായ പഴയ ബിസ്‌ബി, മലയി​ടു​ക്കി​ന്റെ കുത്ത​നെ​യുള്ള ചെരു​വി​ലാ​ണു പണിക​ഴി​പ്പി​ച്ചത്‌. അങ്ങനെ മലയി​ടു​ക്കി​ന്റെ എല്ലാ വശങ്ങളി​ലും, പാറഭൂ​മി കുഴി​ക്കാ​വു​ന്നി​ട​ത്തൊ​ക്കെ, വീടുകൾ ഉണ്ടായി​രു​ന്നു. വീടു​ക​ളു​ടെ ഈ അതുല്യ സമുച്ചയം അവസാനം 20,000-ത്തിലധി​കം പേർക്കു പാർപ്പി​ട​മാ​യി​ത്തീർന്നു. അതിൽ മിക്കവ​രും ഖനി​ത്തൊ​ഴി​ലാ​ളി​ക​ളും അവരുടെ കുടും​ബ​ങ്ങ​ളു​മാ​യി​രു​ന്നു. ലോക​മെ​മ്പാ​ടു​നി​ന്നു​മുള്ള വിനോ​ദ​യാ​ത്രി​കരെ അതി​പ്പോൾ ആകർഷി​ക്കു​ന്നു. ഖനികൾക്കു​വേണ്ടി ധാരാളം പണംമു​ട​ക്കിയ ബിസ്‌ബി എന്ന മനുഷ്യ​ന്റെ പേരാണ്‌ ഈ പട്ടണത്തി​നു​ള്ളത്‌, എന്നാൽ വാസ്‌ത​വ​ത്തിൽ അദ്ദേഹം ഒരിക്ക​ലും തന്റെ പേരുള്ള പട്ടണത്തി​ലേക്കു വന്നിട്ടില്ല.

പട്ടണം വലുതാ​യ​പ്പോൾ ബ്രൂ​വെറി ഗൾച്ചിലെ ബാറു​ക​ളു​ടെ എണ്ണവും വർധിച്ചു. രണ്ടു-ബ്ലോക്ക്‌ പ്രദേ​ശത്ത്‌ 30-തിലധി​കം ബാറുകൾ പ്രവർത്തി​ച്ചി​രുന്ന ഒരു സമയമുണ്ട്‌, മലയി​ടു​ക്കി​ന്റെ അങ്ങുമു​ക​ളിൽ ഒരു വലിയ വേശ്യാ​ല​യ​പ്ര​ദേ​ശ​വും തഴച്ചു​വ​ളർന്നി​രു​ന്നു.

ഏതാണ്ട്‌ 1950-ൽ ഏതാനും സാക്ഷി​ക്കു​ടും​ബങ്ങൾ ബിസ്‌ബി​യി​ലേക്കു നീങ്ങി. അവരുടെ പ്രസം​ഗ​ത്തി​ന്റെ ഫലമായി യഹോ​വ​യു​ടെ സാക്ഷി​ക​ളു​ടെ ഒരു സഭ രൂപീ​ക​രി​ക്ക​പ്പെട്ടു. 1957 ആയപ്പോ​ഴേ​ക്കും അതിലെ അംഗങ്ങ​ളു​ടെ എണ്ണം 12 ആയി വർധിച്ചു. അവർക്കു കൂടി​വ​രാൻ ഒരു സ്ഥലം ആവശ്യ​മാ​യി​രു​ന്നു, അതു​കൊ​ണ്ടു ചെലവു താങ്ങാൻ കഴിയുന്ന ഒരു കെട്ടിടം അവർ വാടക​യ്‌ക്കെ​ടു​ത്തു. ബ്രൂ​വെറി ഗൾച്ചിലെ വി. എൽമോസ്‌ സലൂൺ തെരു​വിന്‌ എതി​രേ​യുള്ള, മുമ്പിൽ കടയോ​ടു​കൂ​ടിയ ഒരു കെട്ടി​ട​മാ​യി​രു​ന്നു അത്‌. ചുറ്റു​മു​ണ്ടാ​യി​രുന്ന അധാർമിക സ്ഥാപന​ങ്ങ​ളിൽ കൂടെ​ക്കൂ​ടെ വന്നിരുന്ന ആളുക​ളെ​ക്കൊണ്ട്‌ അവർക്കു പ്രശ്‌ന​ങ്ങ​ളൊ​ന്നും തന്നെ ഉണ്ടായി​രു​ന്നില്ല. വല്ലപ്പോ​ഴും, സായാഹ്ന യോഗ​ത്തി​ന്റെ സമയത്ത്‌ ഒരു മദ്യപാ​നി അലഞ്ഞു​തി​രിഞ്ഞ്‌ അകത്തേക്കു കയറി വരുമാ​യി​രു​ന്നു. എന്നാൽ അയാൾ പുറകി​ലി​രു​ന്നു ശ്രദ്ധി​ക്കുക മാത്രം ചെയ്‌തി​രു​ന്നു—ചിലർ പോകു​ന്ന​തി​നു​മു​മ്പു സംഭാ​വ​ന​പോ​ലും നൽകി.

കാല​ക്ര​മ​ത്തിൽ, സഭ ബ്രൂ​വെറി ഗൾച്ചി​നും അതിന്റെ അധാർമിക അന്തരീ​ക്ഷ​ത്തി​നും പതി​നൊ​ന്നു കിലോ​മീ​റ്റർ അകലെ​യാ​യി, രാജ്യ​ഹാ​ളി​നു​വേ​ണ്ടി​യുള്ള സ്ഥലം വാങ്ങി. 1958-ൽ ഹാളിന്റെ പണി പൂർത്തി​യാ​കു​ക​യും അതു സമർപ്പി​ക്ക​പ്പെ​ടു​ക​യും ചെയ്‌തു. മൂന്നു തവണ പുതു​ക്കി​പ്പ​ണി​യു​ക​യും വലിപ്പം കൂട്ടു​ക​യും ചെയ്‌ത ഈ കെട്ടിടം ഇപ്പോ​ഴും സഭയ്‌ക്കു പ്രയോ​ജ​ന​പ്പെ​ടു​ന്നു.

ഖനികൾ 1975-ൽ അടച്ച​പ്പോൾ പട്ടണവും അടച്ചതു​പോ​ലെ​യാ​യി. ഖനികൾ അപ്പോ​ഴും പ്രവർത്തി​ച്ചു​കൊ​ണ്ടി​രുന്ന പട്ടണങ്ങ​ളി​ലേക്കു ഖനി​ത്തൊ​ഴി​ലാ​ളി​ക​ളും അവരുടെ കുടും​ബ​ങ്ങ​ളും താമസം​മാ​റി. അവി​ടെ​ത്തന്നെ കഴിഞ്ഞ നിവാ​സി​ക​ളിൽ മിക്കവ​രും ജോലി​യിൽനി​ന്നു വിരമിച്ച ഖനി​ത്തൊ​ഴി​ലാ​ളി​ക​ളും അവരുടെ കുടും​ബ​ങ്ങ​ളു​മാ​യി​രു​ന്നു.

പ്രസി​ദ്ധ​മാ​യ ബ്രൂ​വെറി ഗൾച്ച്‌ ഇപ്പോൾ വിനോ​ദ​യാ​ത്രി​കരെ ആകർഷി​ക്കുന്ന ഒരു സ്ഥലം മാത്ര​മാണ്‌. അവിടെ ഒരു ബാർ മാത്രമേ പ്രവർത്തി​ക്കു​ന്നു​ള്ളൂ. മദ്യം​വാ​റ്റുന്ന കെട്ടി​ട​ത്തിൽ ഇപ്പോൾ ഒരു കുടുംബ റെസ്റ്ററൻറ്‌ പ്രവർത്തി​ക്കു​ന്നു. വേശ്യാ​ല​യ​പ്ര​ദേശം തകർത്തു​ത​രി​പ്പ​ണ​മാ​ക്കി​യി​രി​ക്കു​ന്നു. എങ്കിലും ആ പ്രദേ​ശത്തെ ചില വീടു​കൾക്കു ചുറ്റു​മുള്ള വേലി​ക​ളിൽ അതിന്റെ അവശി​ഷ്ടങ്ങൾ കാണാ​വു​ന്ന​താണ്‌. കട്ടിലി​ന്റെ തുരു​മ്പിച്ച സ്‌പ്രി​ങ്ങു​ക​ളും ഫ്രെയി​മു​ക​ളും​കൊ​ണ്ടു നിർമി​ച്ച​താണ്‌ അവ. ഒരിക്കൽ ഭയങ്കര​മാം​വി​ധം അധാർമി​ക​മാ​യി​രുന്ന ബ്രൂ​വെറി ഗൾച്ച്‌ ഇപ്പോൾ ജിജ്ഞാ​സു​ക്കളെ ആകർഷി​ക്കുന്ന ഒരു വിചി​ത്ര​സ്ഥലം മാത്ര​മാണ്‌.

ഇപ്പോൾ 48 പ്രസാ​ധ​ക​രുള്ള സഭ വളർന്നു​കൊ​ണ്ടി​രി​ക്കു​ക​യാണ്‌. വീടു​തോ​റു​മുള്ള പ്രസംഗം വളരെ രസകര​മാണ്‌. അയർലൻഡ്‌, ഇറ്റലി, ഇംഗ്ലണ്ട്‌, ജർമനി, സെർബിയ എന്നിവി​ട​ങ്ങ​ളിൽനി​ന്നു​ള്ള​വ​രും ജോലി​യിൽനി​ന്നു വിരമി​ച്ച​വ​രു​മായ ഖനി​ത്തൊ​ഴി​ലാ​ളി​ക​ളെ​യും അനേകം കലാകാ​രൻമാ​രെ​യും സാക്ഷികൾ കണ്ടുമു​ട്ടു​ന്നു, അവരിൽ ചിലർ തങ്ങളുടെ കലാവേല പൂമു​ഖത്തു പ്രദർശി​പ്പി​ച്ചി​ട്ടുണ്ട്‌.

ബ്രൂ​വെ​റി ഗൾച്ചിൽ അവശേ​ഷി​ക്കുന്ന, വി. എൽമോസ്‌ എന്നു പേരുള്ള റൗഡി​ബാ​റിൽ കൂടെ​ക്കൂ​ടെ പോയി​രുന്ന ഒരു സ്‌ത്രീ മേലാൽ അവിടെ പോകു​ന്നില്ല എന്നതാണ്‌ വളർച്ച​യു​ടെ ഭാഗി​ക​മായ ഒരു കാരണം. അവളുടെ പേര്‌ ജൂലി എന്നാണ്‌. ജൂലി അവിടെ പോയി​രു​ന്നു​വെന്നു മാത്രമല്ല, റൗഡി​ത്ത​ര​മേ​റിയ ഇടപാ​ടു​കാ​രിൽ ഒരാളും​കൂ​ടി​യാ​യി​രു​ന്നു. വാഗ്‌ദാ​നം ചെയ്‌തി​രുന്ന എല്ലാ തരത്തി​ലു​മുള്ള അധാർമിക വിനോ​ദ​ങ്ങ​ളി​ലും കൂടെ​ക്കൂ​ടെ​യുള്ള പോരാ​ട്ട​ങ്ങ​ളി​ലും—ചില​പ്പോൾ പുരു​ഷൻമാ​രു​മാ​യി—അവൾ പങ്കെടു​ക്കുക പതിവാ​യി​രു​ന്നു. അവളുടെ വീട്ടു​വാ​തിൽക്കൽവന്ന ആളുക​ളു​ടെ ശ്രദ്ധേ​യ​മായ വ്യത്യാ​സം നിമിത്തം ജൂലി യഹോ​വ​യു​ടെ സാക്ഷി​ക​ളു​ടെ സന്ദേശ​ത്തോട്‌ ആകർഷി​ക്ക​പ്പെട്ടു. ജൂലിക്ക്‌ ഗംഭീ​ര​മായ മാറ്റങ്ങൾ വരു​ത്തേ​ണ്ട​തു​ണ്ടാ​യി​രു​ന്നു, അതിന്‌ അനേകം വർഷങ്ങൾ എടുത്തു. എന്നാൽ ഇപ്പോൾ അവൾ സ്‌നാ​പ​ന​മേറ്റ ഒരു സജീവ സാക്ഷി​യാണ്‌. അവളുടെ ഭർത്താ​വും മൂന്നു കുട്ടി​ക​ളും യോഗ​ങ്ങ​ളിൽ ക്രമമാ​യി പങ്കെടു​ക്കു​ക​യും പുരോ​ഗ​മി​ക്കു​ക​യും ചെയ്യുന്നു.

യുഗങ്ങൾക്കു മുമ്പു നിക്ഷേ​പി​ക്ക​പ്പെട്ട ഭൂഗർഭ നിധി നിമിത്തം ബിസ്‌ബി ഒരു പട്ടണമാ​യി​ത്തീർന്നു. മനുഷ്യർ മേലാൽ ആ നിധി​ക്കു​വേണ്ടി തിരയു​ന്നില്ല, എന്നാൽ സത്യ​ദൈ​വ​മായ യഹോ​വ​യെ​ക്കു​റി​ച്ചും അവന്റെ രാജ്യ​ത്തെ​ക്കു​റി​ച്ചു​മുള്ള അറിവാ​കുന്ന യഥാർഥ നിധി​ക്കു​വേണ്ടി അനേകർ തിരയു​ന്നു. ബ്രൂ​വെറി ഗൾച്ചിലെ പഴയ രാജ്യ​ഹാ​ളി​നു ചുറ്റും ഭയങ്കര​മായ ധാർമിക അധഃപ​ത​ന​ത്തി​ന്റെ ഒരു അന്തരീ​ക്ഷ​മാ​യി​രു​ന്നു ഉണ്ടായി​രു​ന്നത്‌, എന്നാൽ ഹാളി​ന​കത്ത്‌ ആത്മീയ പുഷ്‌പങ്ങൾ നട്ടുവ​ളർത്ത​പ്പെട്ടു. പഴയ ഹാളിൽ ആദ്യം കൂടിവന്ന 12 പ്രസാ​ധ​ക​രിൽ 7 പേർ നിരന്തര പയനി​യർമാ​രാ​യി​രു​ന്നു. അവിടെ ഏഴു കുട്ടി​ക​ളും ഉണ്ടായി​രു​ന്നു. പ്രത്യ​ക്ഷ​ത്തിൽ, ഹാളി​ന​കത്തു തീക്ഷ്‌ണ​ത​യുള്ള ഈ ചെറിയ കൂട്ടം ആസ്വദി​ച്ചി​രുന്ന ക്രിയാ​ത്മ​ക​മായ ആത്മീയ അന്തരീക്ഷം പുറത്തെ അധാർമിക അന്തരീ​ക്ഷത്തെ കീഴ്‌പെ​ടു​ത്തി​യ​താ​യി തോന്നു​ന്നു.

ഈ കുട്ടി​ക​ളിൽ ആറുപേർ യഹോ​വ​യു​ടെ സാക്ഷി​ക​ളു​ടെ ശുശ്രൂ​ഷ​ക​രെന്ന നിലയിൽ മുഴു​സമയ സേവന​ത്തി​ന്റെ ഏതെങ്കി​ലും രൂപം തിര​ഞ്ഞെ​ടു​ത്തു. ജോൺ ഗ്രിഫിൻ വാച്ച്‌ടവർ ഗിലെ​യാദ്‌ ബൈബിൾ സ്‌കൂ​ളി​ലേക്കു പോയി. ഇപ്പോൾ മിഷനറി സേവന​ത്തിൽ അല്ലെങ്കി​ലും കോസ്റ്റ റിക്ക എന്ന നിയമിത രാജ്യത്ത്‌ ഒരു മൂപ്പനെന്ന നിലയിൽ അദ്ദേഹം ഇപ്പോ​ഴും യഹോ​വയെ സേവി​ക്കു​ന്നു. അദ്ദേഹ​ത്തി​ന്റെ സഹോ​ദ​രി​യായ കാരെ​ളിൻ (ഇപ്പോൾ ജസ്സോ) അരി​സോ​ണ​യി​ലെ സീയെറ വിസ്റ്റയിൽ ഒരു നിരന്തര പയനി​യ​റാണ്‌. നാൻസി പ്യൂയും ഗിലയാ​ദിൽ പോകു​ക​യും ചിലി​യിൽ സേവനം അനുഷ്‌ഠി​ക്കു​ക​യും ചെയ്‌തു. ഇപ്പോൾ ഒരു മിഷന​റി​യ​ല്ലെ​ങ്കി​ലും അവർ ഇപ്പോ​ഴും അവി​ടെ​യാണ്‌. അവരുടെ സഹോ​ദ​ര​നായ പീറ്റർ പയനിയർ സേവനം ചെയ്യു​ക​യും ആവശ്യ​മു​ള്ളി​ടത്തു സേവി​ക്കാ​നാ​യി സ്‌പെ​യി​നി​ലേക്കു പോകു​ക​യും ചെയ്‌തു. സൂസൻ സ്‌മി​ത്തും ബെഥനി സ്‌മി​ത്തും മൊത്തം 50 വർഷമാ​യി ബിസ്‌ബി​യിൽ നിരന്തര പയനി​യർമാ​രാ​യി സേവന​മ​നു​ഷ്‌ഠി​ച്ചി​രി​ക്കു​ന്നു, അവർ ഇപ്പോ​ഴും അവിടെ സേവി​ക്കു​ന്നു.

ദൈവ​വ​ച​നം സത്യമാ​യും “ശക്തി ചെലു​ത്തു​ന്നു.” ബ്രൂ​വെറി ഗൾച്ചിൽ ആത്മീയ പുഷ്‌പങ്ങൾ വളരത്തക്ക അളവോ​ളം പോലും. (എബ്രായർ 4:12, NW)—സംഭാവന ചെയ്യ​പ്പെ​ട്ടത്‌.

[23-ാം പേജിലെ ചിത്രം]

മുമ്പ്‌ രാജ്യ​ഹാൾ ഈ കെട്ടി​ട​ത്തി​ന്റെ മുകളി​ലത്തെ നിലയി​ലാ​യി​രു​ന്നു